ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:18 - ᐅᔅᑭ ᑎᔅᑌᒥᓐᑦ

¹⁸ ᑮᔥᐱᓐ ᑮ ᐃᔅᐸᓕᒃ, ᐃᔥᐱᔥ ᐁ ᑲᔥᑭᑖᔦᒃ, ᑳᔮᒣᓕᑕᒧᐎᓂᒃ ᐎᒋᐱᒫᑎᓯᒥᑯᒃ ᒥᓯᐌ ᐃᓕᓕᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 12:18 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 5:24

ᐁᑯᑕ ᐅᑎᔥᑲᐤ ᐸᑭᒋᑲᓈᐱᔅᑯᒃ ᓇᑲᑕ ᑭ ᒥᓕᐌᐎᓐ, ᑭᑐᑌ ᒫᑲ; ᓃᔥᑕᒻ ᒥᓄᐅᑐᑌᒥᒻ ᑭᒋᔖᓐ, ᐁᑯ ᒫᑲ ᐯᒋ ᐸᑭᑎᓂᑫ ᑭ ᒥᓕᐌᐎᓐ᙮

ᐅᐸᓓᑭᔅ ᒫᑎᐤ 5:5

ᔕᐌᓕᑖᑯᓯᐗᒃ ᑳ ᓗᔅᐹᑎᓯᒋᒃ; ᐌᓴ ᑲᑕ ᐋᔮᐗᒃ ᐊᔅᑭᓕᐤ᙮

ᐅᐸᓓᑭᔅ ᒫᑎᐤ 5:9

ᔕᐌᓕᑖᑯᓯᐗᒃ ᑳ ᐅᑐᑌᒥᐃᐌᒋᒃ; ᐌᓴ ᑭᒋᒪᓂᑐ ᐅᑦ ᐊᐙᔑᒥᔕ ᑲᑕ ᐃᔑᓂᑳᓱᐗᒃ᙮

ᐅᐸᓓᑭᔅ ᒫᕐᒃ 9:50

ᔑᐎᑖᑲᓐ ᒥᓨᔑᓐ: ᒫᑲ ᑮᔥᐱᓐ ᔑᐎᑖᑲᓐ ᐱᐃᓵᑭ, ᑫᒀᓐ ᑫ ᐅᒋ ᔑᐎᑖᑲᓇᐊᒣᒃ? ᐋᔮᒃ ᔑᐎᑖᑲᓐ ᑭᒋ ᐱᒋᔅᑳᑯᔦᒃ, ᓀᔥᑕ ᒥᓗ ᐅᑐᑌᒥᒥᑐᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:15

ᐃᓕᑯᒃ ᒫᑲ ᐁ ᐃᔑ ᑲᔥᑭᑖᔮᓐ, ᓂᑦ ᐋᔦᔅᑳᐎᓰᓐ ᒥᓗᐋᒋᒧᐎᓐ ᑭᒋ ᑲᑫᔅᑭᒪᑕᑾᒃ ᐙᐙᒡ ᑭᓚᐗᐤ ᕈᒥᒃ ᑳ ᐃᑖᔦᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:17

ᐌᓴ ᑭᒋᒪᓂᑐ ᐅᑦ ᐅᑭᒫᐎᐎᓐ ᓇᒪᐎᓚ ᒥᒋᒥᐗᓐ ᓀᔥᑕ ᒥᓂᑴᐎᓂᐗᓐ; ᒫᑲ ᑳᔭᔅᑭᑖᑎᓯᐎᓐ, ᓀᔥᑕ ᑳᔮᒣᓕᑕᒧᐎᓐ, ᓀᔥᑕ ᒥᓚᐙᑕᒧᐎᓐ ᐸᓓᑭ ᐊᒑᑯᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:19

ᐁᑯᔑ ᒫᑲ ᓄᔅᐱᓇᑖᑕᐤ ᐊᓂᐃ ᑫ ᐅᒋ ᐅᑕᑾᒃ ᑳᔮᒣᓕᑕᒧᐎᓐ, ᓀᔥᑕ ᐊᓂᐃ ᐊᐌᓇ ᑫ ᑮ ᐅᒋ ᑭᔅᑭᓄᐊᒪᐙᑦ ᑯᑕᑭᔭ᙮

ᓂᔥᑕᒻ ᑯᕆᓐᑎᐊᓇ 7:15

ᒫᑲ ᑮᔥᐱᓐ ᐊᓇ ᐁᑳ ᑳ ᑖᐺᔦᓕᑕᒃ ᑭᑐᑌᑌ, ᐁᑯᔑ ᑲᑕ ᑭᑐᑌᐤ᙮ ᐎᒋᔖᓂᒪᐤ ᓀᔥᑕᐱᑯ ᐎᒋᔖᓂᔅᑴᒥᒪᐤ ᓇᒪᐎᓚ ᒥᒋᒥᓂᑯᐎᓯᐤ ᐅᒪ ᐁ ᐃᑭᒃ; ᒫᑲ ᑭᒋᒪᓂᑐ ᑭ ᑮ ᓇᑐᒥᑯᓇᐤ ᑳᔮᒣᓕᑕᒧᐎᓂᒃ ᐃᔑ᙮

ᓂᔓ ᑯᕆᓐᑎᐊᓇ 13:11

ᒫᒋᒡ, ᓂᒋᔖᓂᑐᒃ, ᓇᑕᒫ ᒥᓗᐋᔮᔦᒃ, ᒥᑐᓂ ᒥᓨᑎᓰᒃ, ᒥᓜᓕᒧᒃ, ᐯᔭᑴᓕᑕᒧᒃ, ᐎᒋᐱᒫᑎᓯᒥᑐᒃ ᑳᔮᒣᓕᑕᒧᐎᓂᒃ; ᓀᔥᑕ ᑭᒋᒪᓂᑐ ᑳ ᑎᐯᓕᑕᒃ ᓵᑭᐃᐌᐎᓂᓕᐤ ᓀᔥᑕ ᑳᔮᒣᓕᑕᒧᐎᓂᓕᐤ ᑭ ᑳ ᐎᒉᐎᑯᐗᐤ᙮

ᑲᓓᔕᐊᓇ 5:22

ᒫᑲ ᐎᓚ ᐁ ᐃᔑ ᒥᓂᔑᐎᑦ ᐊᒑᒃ ᐁᐗᑯ ᐅᐅ, ᓵᑭᐃᐌᐎᓐ, ᒥᓚᐙᑕᒧᐎᓐ, ᑳᔮᒣᓕᑕᒧᐎᓐ ᔑᐱᓚᐌᓯᐎᓐ, ᐯᑳᑖᑎᓯᐎᓐ, ᒥᓨᑎᓯᐎᓐ, ᑖᐌᔦᓕᑕᒧᐎᓐ,

ᐃᐱᓯᔭᓇ 4:3

ᐁ ᓇᒋᑖᔦᒃ ᑭᒋ ᑲᓇᐌᓕᑕᒬᒃ ᐊᒑᒃ ᐅ ᐯᔭᑯᐎᓐ, ᐁ ᒫᒪᐗᐱᑎᑯᔦᒃ ᑳᔮᒣᓕᑕᒧᐎᓐ᙮

ᓂᔥᑕᒻ ᑌᓴᓗᓂᔭᓇ 5:13

ᓈᔅᐱᒡ ᒫᑲ ᑭᒋ ᑭᔅᑌᓕᒣᑾᒃ ᓵᑭᐃᐌᐎᓂᒃ ᐅᑦ ᐊᑑᔅᑫᐎᓂᐗᐤ ᐅᒋ᙮ ᓀᔥᑕ ᒫᑲ ᑳᔮᒣᐎᓰᔅᑖᑐᒃ᙮

ᓂᔓ ᑎᒧᑎ 2:22

ᐅᔑᒧᔅᑕ ᓀᔥᑕ ᐅᔥᑭᓂᑭᐎ ᒪᒋᓇᑕᐌᓕᑕᒧᐎᓇ; ᒫᑲ ᓄᔅᐱᓇᑕ ᒀᔭᔅᑭᑖᑎᓯᐎᓐ, ᑖᐺᔦᓕᑕᒧᐎᓐ, ᓵᑭᐃᐌᐎᓐ, ᑲᔮᒣᓕᑕᒧᐎᓐ ᐊᓯᒋ ᐊᓂᑭ ᑳ ᓇᓈᑐᒫᒋᒃ ᐅᑎᐯᓕᒋᑫᐗ ᐸᓓᑭ ᒥᑌᐃᒃ᙮

ᐦᐃᑉᕉᐗ 12:14

ᑳᔮᒣᐎᓰᔅᑖᑯᒃ ᒥᓯᐌ ᐃᓕᓕᐗᒃ, ᓀᔥᑕ ᓄᔅᐱᓈᑕᒧᒃ ᐸᓓᑭᓯᐎᓐ, ᐊᓂᐁᓕᐤ ᐁᑳ ᐁ ᐋᔮᑦ, ᓇᒪᐎᓚ ᐊᐌᓇ ᐃᓕᓕᐤ ᑲᑕ ᐙᐸᒣᐤ ᐅᑎᐯᓕᒋᑫᐗ:

ᓂᔥᑕᒻ ᐱᑕᕐ 3:11

ᐁᑯᔑ ᑲᑕ ᐌᐱᓇᒻ ᑳ ᒫᓛᑕᓂᓕᒃ, ᑲᑕ ᑐᑕᒻ ᒫᑲ ᑳ ᒥᓨᔑᓂᓕᒃ; ᐁᑯᔑ ᑲᑕ ᓈᓇᑕᐌᓕᑕᒻ ᑳᔮᒣᓕᑕᒧᐎᓂᓕᐤ, ᑲᑕ ᓄᔅᐱᓇᑕᒻ ᒫᑲ᙮