ᑭᔅᑫᓕᑖᑯᑖᑫᐎᓐ 8:12 - ᐅᔅᑭ ᑎᔅᑌᒥᓐᑦ

¹² ᐊᓇ ᓀᐤ ᐁᓐᒐᓚ ᒫᑲ ᑮ ᑭᑐᑕᐤ, ᓂᔅᑡᐤ ᐃᓕᑯᒃ ᐱᓯᒻ ᒫᑲ ᑮ ᐸᑲᒪᐗᐤ, ᓀᔥᑕ ᓂᔅᑡᐤ ᐃᓕᑯᒃ ᑎᐱᔅᑭᐱᓯᒻ, ᓀᔥᑕ ᓂᔅᑡᐤ ᐃᓕᑯᒃ ᐁ ᐃᑕᓯᒋᒃ ᐊᒐᑯᔑᒃ; ᓂᔅᑡᐤ ᐃᓕᑯᒃ ᒫᑳ ᑮ ᐗᓂᑎᐱᔅᑭᓯᐗᒃ; ᐁ ᑭᔑᑳᒃ ᒫᑲ ᓂᔅᑡᐤ ᐃᓕᑯᒃ ᓇᒪᐎᓚ ᑮ ᐙᔅᑌᐤ, ᐁᑯ ᑖᐱᔅᑯᒡ ᓀᔥᑕ ᑳ ᐃᔑᓈᑾᒃ ᐁ ᑎᐱᔅᑳᒃ᙮

ᑭᔅᑫᓕᑖᑯᑖᑫᐎᓐ 8:12 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 24:29

ᑣᔦᒃ ᒫᑲ ᑭᐃᔥᑾ ᐊᓂᒪ ᐋᓕᒣᓕᑕᒧᐎᓐ ᑫ ᐃᑭᒃ ᒣᒀᒡ ᐊᓂᐃ ᑭᔑᑳᐗ, ᐱᓯᒻ ᑲᑕ ᐗᓂᑎᐱᔅᑭᓯᐤ, ᑎᐱᔅᑭᐱᓯᒻ ᓀᔥᑕ ᓇᒪᐎᓚ ᑲᑕ ᒐᑳᓯᑫᐤ, ᐊᒐᑯᔕᒃ ᓀᔥᑕ ᑲᑕ ᐸᑭᔑᓋᒃ ᑭᔑᑯᒃ ᐅᒋ, ᑲᔥᑭᐅᐎᓇ ᓀᔥᑕ ᑭᔑᑯᒃ ᑲᑕ ᓇᓂᑭᐸᓕᐗ:

ᐅᐸᓓᑭᔅ ᒫᑎᐤ 27:45

ᐁᑯ ᓂᑯᑣᔅ ᑎᐹᔨᑲᓐ ᐱᓯᒧᑳᓂᒃ ᐅᒋ ᑮ ᑲᔥᑭᑎᐱᔅᑲᐤ ᒥᓯᐌ ᐊᓂᒪ ᐊᔅᑮᒃ ᐱᓕᔥ ᔖᑭᑖᑦ ᑎᐹᔨᑲᓐ ᐱᓯᒧᑳᓂᒃ᙮

ᐅᐸᓓᑭᔅ ᒫᕐᒃ 13:24

ᒫᑲ ᒣᒀᒡ ᐊᓂᐃ ᑫ ᑭᔑᑳᑭ, ᑭᐃᔥᑾ ᐊᓂᒪ ᐋᓕᒣᓕᑕᒧᐎᓐ, ᐱᓯᒻ ᑲᑕ ᐗᓂᑎᐱᔅᑭᓯᐤ, ᑎᐱᔅᑭᐱᓯᒻ ᓀᔥᑕ ᓇᒪᐎᓚ ᑲᑕ ᒐᑳᓯᑫᐤ;

ᐅᐸᓓᑭᔅ ᒫᕐᒃ 15:33

ᐃᔅᐱ ᒫᑲ ᐌᑎᒋᐸᓕᒃ ᓂᑯᑣᔅ ᑎᐹᔨᑲᓐ ᐱᓯᒧᑳᓂᒃ, ᑮ ᑲᔥᑭᑎᐱᔅᑲᐤ ᒥᓯᐌ ᐊᓂᒪ ᐊᔅᑮᒃ ᐱᓕᔥ ᔖᑭᑖᑦ ᑎᐹᔨᑲᓐ ᐱᓯᒧᑳᓂᒃ᙮

ᐅᐸᓓᑭᔅ ᓘᒃ 21:25

ᑲᑕ ᐃᑕᑾᓋ ᒫᑲ ᑭᔅᑭᓄᐗᒋ ᐙᐸᑎᓕᐌᐎᓇ ᐱᓯᒧᒃ, ᓀᔥᑕ ᑎᐱᔅᑭᐱᓯᒧᒃ, ᓀᔥᑕ ᐊᒐᑯᔑᒃ; ᓀᔥᑕ ᐅᑕ ᐊᔅᑮᒃ ᐁ ᐹᐱᑐᔥᐃᔅᑳᓀᓯᒋᒃ ᐃᓕᓕᐗᒃ ᑲᑕ ᒥᑯᔥᑳᑌᓕᑕᒶᒃ, ᐁ ᐙᐙᓀᓕᑕᑭᒃ; ᑭᒋᑲᒥ ᐁ ᑭᔗᐌᒪᑲᒃ, ᓀᔥᑕ ᑲᔅᑲᓇᒃ ᐁ ᑭᔗᐌᔮᑲᒪᐊᑭᒃ;

ᐊᐸᔅᑕᓚᒃ 2:20

ᐱᓯᒻ ᒫᑲ ᑲᑕ ᑴᔅᑭᓈᑲᓂᐎᐤ ᑭᒋ ᐗᓂᑎᐱᔅᑭᓯᑦ, ᑎᐱᔅᑭᐱᓯᒻ ᒫᑲ ᑲᑕ ᐃᔑᓈᑯᓯᐤ ᑖᐱᔅᑯᒡ ᒥᑯ ᐸᒧᔑ ᐅᑎᒋᐸᓕᓕᒃ ᐅ ᑭᒋ ᓀᔥᑕ ᑭᔅᑌᓕᑕᑯᓯᐎ ᑭᔑᑳᒻ ᐅᑎᐯᓕᒋᑫᐤ:

ᓂᔓ ᑯᕆᓐᑎᐊᓇ 4:4

ᐊᓂᐃ ᐅᒋ ᐊᓇ ᑳ ᒪᓂᑐᐎᑦ ᐅᑕ ᐊᔅᑮᒃ ᑮ ᑭᑆᐱᓇᒬᐤ ᐅ ᒥᑐᓀᓕᒋᑲᓂᓕᐗ ᐊᓂᐃ ᐁᑳ ᑳ ᑖᐺᑕᒥᓕᒋ, ᐊᓂᒪ ᐙᔅᑌᐎᓐ ᑳ ᐅᒋᐸᓕᒃ ᐅ ᑭᔅᑌᓕᑖᑯᓯᐎ ᒥᓗᐋᒋᒧᐎᓂᒃ ᙭, ᑳ ᓇᔅᐱᑕᐙᑦ ᑭᒋᒪᓂᑐᐗ, ᐁᑳ ᑭᒋ ᓵᑳᔅᑌᔅᑳᑯᒋᒃ᙮

ᑭᔅᑫᓕᑖᑯᑖᑫᐎᓐ 12:4

ᐅᓱ ᒫᑲ ᑮ ᐅᒋ ᓂᒋᐸᓕᐁᐤ ᓂᔅᑡᐤ ᐃᓕᑯᒃ ᐊᒐᑾ ᑭᔑᑯᒃ, ᐊᔅᑮᒃ ᒫᑲ ᑮ ᐃᔑ ᐌᐱᓀᐤ: ᐊᓇ ᒥᔑᑭᓀᐱᒃ ᒫᑲ ᑮ ᐅᑎᔥᑲᐎᑳᐸᐎᔅᑕᐌᐤ ᐊᓂᐃ ᐃᔅᑴᐗ ᑳ ᐎ ᐋᐱᒪᐗᓱᓕᒋ, ᑭᒋ ᒧᐃᒫᑦ ᐅᑦ ᐊᐙᔑᒥᔕ ᑭᔖᒡ ᓂᑕᐎᑭᓕᒋ᙮

ᑭᔅᑫᓕᑖᑯᑖᑫᐎᓐ 16:10

ᐊᓇ ᓂᔮᓕᓪ ᐁᓐᒐᓪ ᒫᑲ ᐅᑦ ᐅᓛᑲᓂᔕ ᐅ ᑌᑕᐱᐎᓂᓕᒃ ᐊᓂᐃ ᐊᐌᓯᓴ ᑮ ᐃᔑ ᓯᑭᓇᒻ; ᐅᑦ ᐅᑭᒫᐎᐎᓐ ᒫᑲ ᑮ ᓵᑲᔅᑭᓀᓕᐤ ᐁ ᐗᓂᑎᐱᔅᑳᓕᒃ; ᐅᑌᓚᓕᐙᐗ ᒫᑲ ᑮ ᒫᒫᑯᑕᒶᒃ ᑳ ᐃᔅᐱᒋ ᐎᓴᑫᓕᑕᑭᒃ,

ᑭᔅᑫᓕᑖᑯᑖᑫᐎᓐ 6:12

ᓂ ᑮ ᐙᐸᑌᓐ ᒫᑲ ᐃᔅᐱ ᑳ ᑭ ᐋᐸᐊᒃ ᓂᑯᑣᔅ ᐊᔅᑯᔅᑭᐗᓯᑲᓂᓕᐤ, ᒫᑎᑲ, ᒫᑲ ᑮ ᑭᒋ ᑶᑾᓐ; ᐱᓯᒻ ᒫᑲ ᑖᐱᔅᑯᒡ ᒫᑲᑌᐎᐱᐌ ᓱᑫᑭᓐ ᑮ ᐊᑎ ᐃᔑᓈᑯᓯᐤ, ᓀᔥᑕ ᑖᐱᔅᑯᒡ ᒥᑯ ᑮ ᐊᑎ ᐃᔑᓈᑯᓯᐤ ᑎᐱᔅᑭᐱᓯᒻ;

ᑭᔅᑫᓕᑖᑯᑖᑫᐎᓐ 9:15

ᑮ ᐋᐸᐙᐗᒃ ᒫᑲ ᐊᓂᑭ ᐁᓐᒐᓚᒃ, ᑳ ᑮ ᐋᔦᔅᑲᐎᐋᑲᓂᐎᒋᒃ ᐃᔥᐱᔥ ᐯᔭᒃ ᑎᐹᔨᑲᓐ ᐱᓯᒧᑳᓂᐤ, ᓀᔥᑕ ᐯᔭᑾᐤ ᐁ ᑭᔑᑳᒃ, ᓀᔥᑕ ᐯᔭᒃ ᐱᓯᒻ, ᓀᔥᑕ ᐯᔭᑾᐤ ᐁ ᐱᐴᒃ, ᓂᔅᑡᐤ ᐃᓕᑯᒃ ᑭᒋ ᓂᐸᐋᒋᒃ ᐃᓕᓕᐗ᙮

ᑭᔅᑫᓕᑖᑯᑖᑫᐎᓐ 9:18

ᐅᑯ ᓂᔅᑐ ᒫᑲ ᓂᔅᑡᐤ ᐃᓕᓕᐗᒃ ᑮ ᐅᒋ ᓂᐸᐋᐗᒃ, ᐃᔥᑯᑌᐤ ᐅᒋ, ᓀᔥᑕ ᐁ ᑲᔥᑳᐸᑌᒃ ᐅᒋ, ᓀᔥᑕ ᐅᓵᐙᐱᔅᑯᓯᓂ ᐅᒋ, ᑳ ᐅᒋᐸᓕᓕᒃ ᐅᑐᓂᐙᒃ᙮