ᑭᔅᑫᓕᑖᑯᑖᑫᐎᓐ 22:16 - ᐅᔅᑭ ᑎᔅᑌᒥᓐᑦ

¹⁶ ᓂᓚ ᒋᓴᔅ, ᓂ ᑮ ᐃᔑᑎᔕᐗᐤ ᓂᑦ ᐁᓐᒐᓕᒻ ᑭᒋ ᐋᓕᒧᑕᒫᑖᒃ ᐅᐅ ᑫᒀᓇ ᐃᑕ ᐁ ᐃᑖᒋᒃ ᒫᒪᐎᐋᔭᒥᐋᐗᒃ᙮ ᓂᓚ ᐁᐗᑯ ᐅᒉᐱᑯᒻ ᓀᔥᑕ ᐅᑦ ᐊᐙᔑᒥᔕ ᑌᐱᑦ, ᓀᔥᑕ ᑳ ᐙᓯᓱᑦ ᓀᔥᑕ ᐙᐸᓇᒐᒃ᙮

ᑭᔅᑫᓕᑖᑯᑖᑫᐎᓐ 22:16 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 1:1

ᒪᓯᓇᐃᑲᓐ ᐃᑕ ᐁ ᐎᑖᑲᓂᐗᓂᓕᒃ ᐅᑦ ᐋᔮᓂᔅᑫᓂᑖᐎᑭᐎᓐ ᒋᓴᔅ ᙭, ᑌᐱᑦ ᐅᑯᓯᓴ, ᐁᑉᕃᐋᒻ ᐅᑯᓯᓴ᙮

ᐅᐸᓓᑭᔅ ᒫᑎᐤ 2:2

ᐁ ᐃᑗᒋᒃ, ᑖᓐᑌ ᐁᑖᑦ ᐊᓇ ᑳ ᓂᑖᐎᑭᑦ ᒎᐗᒃ ᐅᑭᒋᐅᑭᒫᒥᐙᐗ? ᐌᓴ ᓂ ᑮ ᐙᐸᒥᒫᓈᓐ ᐅᑦ ᐊᒐᑯᒪ ᐙᐸᓄᑖᒃ, ᓂ ᑮ ᐯᒋ ᐃᑐᑖᓈᓐ ᒫᑲ ᑭᒋ ᓇᐗᑮᔅᑕᐗᑭᑦ᙮

ᐅᐸᓓᑭᔅ ᒫᑎᐤ 22:42

ᐁ ᐃᑗᑦ, ᑖᓐ ᐁᑌᓕᒣᒃ ᙭? ᐊᐌᓇ ᐅᑯᓯᓴ? ᐃᑌᐗᒃ, ᑌᐱᑦ ᐅᑯᓯᓴ᙮

ᐅᐸᓓᑭᔅ ᒫᑎᐤ 22:45

ᑮᔥᐱᓐ ᒫᑲ ᑌᐱᑦ ᐅᑎᐯᓕᒋᑫᐤ ᐁᔑᓂᑳᑖᑴ, ᑖᓐᑌ ᐌᒋ ᐅᑯᓯᓯᑦ?

ᐅᐸᓓᑭᔅ ᓘᒃ 1:78

ᐅ ᓗᔅᐱᓯᐎ ᔕᐌᓕᒋᑫᐎᓂᒃ ᐅᒋ ᑭ ᑭᒋᒪᓂᑐᒥᓇᐤ; ᑳ ᐅᒋ ᒪᐗᑎᑎᑯᔭᒃ ᐊᓂᒪ ᐙᐸᓐ ᑭᒋᑭᔑᑯᒃ ᐅᒋ,

ᐅᐸᓓᑭᔅ ᓘᒃ 20:44

ᐁᐗᑯ ᐅᒋ ᑌᐱᑦ, ᐅᑎᐯᓕᒋᑫᐤ, ᐃᔑᓂᑳᑌᐤ, ᑖᓐᑌ ᒫᑲ ᐌᒋ ᐅᑯᓯᓯᑦ?

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 15:12

ᒥᓇ ᒫᑲ ᐋᐃᓭᔭ ᐃᑗᐤ, ᐅᒉᐱᒃ ᒉᓯᒃ ᑲᑕ ᐅᒋᐸᓕᐤ, ᐊᓇ ᒫᑲ ᑫ ᑕᑯᔑᒃ ᑭᒋ ᑎᐯᓕᒫᑦ ᐊᓂᐃ ᒉᓐᑖᐃᓚ, ᐁᐗᒀᓇ ᑫ ᐊᔅᐯᓕᒧᑕᒫᑯᑦ ᒉᓐᑖᐃᓚ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 9:5

ᐌᔅᑲᒡ ᐅᑖᐎᒫᒃ ᐁ ᑮ ᐯᒋ ᐅᒋᒋᒃ, ᐊᓂᑭ ᓀᔥᑕ ᐎᔮᓯᐎᓂᒃ ᐃᔑ ᑳ ᐅᒋ ᑖᑯᔑᒃ ᙭, ᐊᓇ ᒥᓯᐌ ᑳ ᑎᐯᓕᒫᑦ, ᑭᒋᒪᓂᑐ ᑳᑭᑫᑳ ᒥᓦᑭᑖᑯᓯᑦ᙮ ᐁᒣᓐ᙮

ᓂᔓ ᐱᑕᕐ 1:19

ᑭᑦ ᐋᔮᓈᓇᐤ ᓀᔥᑕ ᐊᐙᓯᑌ ᑭᐁᒋᓇᔦᓕᑖᑾᒃ ᑭᔅᑭᐙᐃᑫᐎ ᐋᔭᒥᐎᓐ; ᐁᐗᑯ ᐁ ᔭᒀᒥᓇᒣᒃ ᑭ ᒥᓗᑐᑌᓇᐗᐤ, ᑖᐱᔅᑯᒡ ᐙᓭᔮᓯᐎᓐ ᑳ ᓵᑳᔅᑌᒃ ᐃᑕ ᐁ ᐗᓂᑎᐱᔅᑳᒃ, ᐃᓕᑯᒃ ᑭᒋ ᐯᑖᐸᒃ, ᓀᔥᑕ ᑭᔑᑲᐎ ᐊᒐᑯᔥ ᑭᑕ ᓵᑳᔅᑌᑦ ᑭᑌᐃᐙᒃ:

ᑭᔅᑫᓕᑖᑯᑖᑫᐎᓐ 1:1

ᐅ ᑭᔅᑫᓕᑖᑯᑖᑫᐎᓐ ᒋᓴᔅ ᙭, ᑳ ᑮ ᒥᓕᑯᑦ ᑭᒋᒪᓂᑐᐗ, ᑭᒋ ᐙᐸᑎᓛᑦ ᐅᑦ ᐊᑑᔅᑫᓛᑲᓂᒪ ᑫᒀᓇ ᐎᐸᒡ ᑫ ᐯᒋ ᐅᑎᒋᐸᓕᑭ; ᑮ ᐃᔑᑎᔕᐊᒪᐌᐤ ᒫᑲ, ᓀᔥᑕ ᑮ ᐋᓕᒧᑕᒪᐌᐤ ᐅᑦ ᐊᑑᔅᑫᓚᑲᓂᒪ ᒑᓇ, ᐅᑦ ᐁᓐᒐᓕᒪ ᐅᒋ;

ᑭᔅᑫᓕᑖᑯᑖᑫᐎᓐ 1:11

ᐁ ᐃᑗᒪᑲᒃ, ᓂᓚ ᐁᐗᑯ ᐋᓪᐸ ᓀᔥᑕ ᐅᒣᑲ, ᓃᔥᑕᒻ ᓀᔥᑕ ᒫᒋᒡ: ᓀᔥᑕ, ᑫᒀᓐ ᑳ ᐋᐸᑕᒪᓐ, ᒪᓯᓇᐊ ᒪᓯᓇᐃᑲᓂᒃ, ᐃᔑᑎᔕᐊᒪᐎᒃ ᒫᑲ ᐊᓂᑭ ᓂᔂᔅ ᒫᒪᐎᐋᔭᒥᐋᐗᒃ ᐁᔕᐃᒃ ᑳ ᐃᑖᒋᒃ; ᐊᓐᑕ ᐁᐱᓴᓯᒃ, ᓀᔥᑕ ᐊᓐᑕ ᔅᒪᕐᓇᐃᒃ, ᓀᔥᑕ ᐊᓐᑕ ᐸᕐᑲᒪᓯᒃ, ᓀᔥᑕ ᐊᓐᑕ ᑕᐃᔭᑖᕋᐃᒃ, ᓀᔥᑕ ᐊᓐᑕ ᓵᕐᑎᓯᒃ, ᓀᔥᑕ ᐊᓐᑕ ᐱᓕᑌᓪᐱᔭᐃᒃ, ᓀᔥᑕ ᐊᓐᑕ ᓓᐅᑕᓯᔭᐃᒃ᙮

ᑭᔅᑫᓕᑖᑯᑖᑫᐎᓐ 1:4

ᒑᓐ ᐁ ᒪᓯᓇᐊᒪᐙᑦ ᐊᓂᐃ ᓂᔂᔅ ᒫᒪᐎᐋᔭᒥᐋᐗ ᐁᔕᐃᒃ ᑳ ᐃᑖᓕᒋ: ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒧᐎᓐ, ᐊᓇ ᐅᒋ ᑳ ᐃᑖᑦ, ᓀᔥᑕ ᑳ ᑮ ᐃᑖᑦ, ᓀᔥᑕ ᑫ ᑕᑯᔑᒃ; ᓀᔥᑕ ᐊᓂᑭ ᓂᔂᔅ ᐊᒑᑾᒃ ᐅᒋ ᐅᑎᔥᑲᐤ ᐅᑦ ᐅᑭᒪᐗᐱᐎᓂᒃ ᑳ ᐃᑖᒋᒃ;

ᑭᔅᑫᓕᑖᑯᑖᑫᐎᓐ 2:11

ᐊᓇ ᑳ ᐅᑖᐗᑳᑦ, ᐁᑯᔑ ᑲᑕ ᐯᑕᒻ ᐊᒑᒃ ᑳ ᐃᑖᑦ ᒫᒪᐎᐋᔭᒥᐊᐗ; ᐊᓇ ᑳ ᔖᑯᒋᐃᐌᑦ ᓇᒪᐎᓚ ᑲᑕ ᐊᑯᐃᑯ ᐊᓂᐁᓕᐤ ᓂᔓ ᓂᐱᐎᓂᓕᐤ᙮

ᑭᔅᑫᓕᑖᑯᑖᑫᐎᓐ 2:17

ᐊᓇ ᑳ ᐅᑖᐗᑳᑦ ᐁᑯᔑ ᑲᑕ ᐯᑕᒻ ᐊᒑᒃ ᑳ ᐃᑖᑦ ᒫᒪᐎᐋᔭᒥᐊᐗ! ᐊᓇ ᑳ ᔖᑯᒋᐃᐌᑦ ᓂ ᑳ ᒥᓚᐤ ᑭᒋ ᒥᒋᑦ ᑳ ᑳᒋᑳᑌᓕᒃ ᒫᓇ, ᓂ ᑳ ᒥᓚᐤ ᓀᔥᑕ ᐙᐸᓯᓂᔭ, ᓀᔥᑕ ᐊᓯᓂᒃ ᐅᔥᑭ ᐃᔑᓂᑳᓱᐎᓐ ᐁ ᒪᓯᓇᐃᑳᑌᒃ, ᐁᑳ ᐊᐌᓇ ᐃᓕᓕᐤ ᑳ ᑭᔅᑫᓕᑕᒃ, ᐊᓇ ᐱᑯ ᑳ ᐅᑎᓇᒃ᙮

ᑭᔅᑫᓕᑖᑯᑖᑫᐎᓐ 2:7

ᐊᓇ ᑳ ᐅᑖᐗᑳᑦ, ᐁᑯᔑ ᑲᑕ ᐯᑕᒻ ᐋᒑᒃ ᑳ ᐃᑖᑦ ᒫᒪᐎᐋᔭᒥᐋᐗ; ᐊᓇ ᑳ ᔖᑯᒋᐃᐌᑦ, ᓂ ᑳ ᒥᓚᐤ ᐱᒫᑎᓯᐎᓂ ᒥᔅᑎᑯᒃ ᑭᒋ ᐅᒋ ᒥᒋᓱᑦ, ᑳ ᐃᑖᓕᒋ ᑌᑖᐎᒡ ᐅ ᐹᕋᑕᐃᓯᒥᒃ ᑭᒋᒪᓂᑐ᙮

ᑭᔅᑫᓕᑖᑯᑖᑫᐎᓐ 22:1

ᓂ ᑮ ᐙᐸᑎᓕᒃ ᒫᑲ ᐁ ᐸᓓᑲᒃ ᓯᐱ ᐁ ᐱᒫᑎᓯᐎᓂ ᓂᐱᐗᒃ, ᐁ ᐙᓭᑲᒥᒃ ᑖᐱᔅᑯᒡ ᒪᔅᑾᒥ, ᐁ ᐅᒋᐸᓕᒃ ᑭᒋᒪᓂᑐ ᐅᑦ ᐅᑭᒪᐗᐱᐎᓂᒃ ᓀᔥᑕ ᒫᓂᔥᒑᓂᔑᔥ᙮

ᑭᔅᑫᓕᑖᑯᑖᑫᐎᓐ 22:11

ᐊᓇ ᑳ ᒪᒑᑎᓰᑦ, ᐁᑯᔑ ᑫᔮᐸᒡ ᑲᑕ ᒪᒑᑎᓯᐤ; ᐊᓇ ᓀᔥᑕ ᑳ ᐎᓂᓯᑦ, ᐁᑯᔑ ᑫᔮᐸᒡ ᑲᑕ ᐎᓂᓯᐤ; ᐊᓇ ᓀᔥᑕ ᑳ ᒀᔭᔅᑭᑖᑎᓰᑦ ᐁᑯᔑ ᑫᔮᐸᒡ ᑲᑕ ᒀᔭᔅᑭᑖᑎᓯᐤ; ᐊᓇ ᓀᔥᑕ ᑳ ᐸᓓᑭᓯᑦ ᐁᑯᔑ ᑫᔮᐸᒡ ᑲᑕ ᐸᓓᑭᓯᐤ᙮

ᑭᔅᑫᓕᑖᑯᑖᑫᐎᓐ 22:20

ᐊᓇ ᑳ ᑎᐹᑐᑕᒃ ᐅᐅ ᑫᒀᓇ ᐃᑗᐤ, ᑫᒋᓈᔥ ᐎᐸᒡ ᓂ ᑕᑯᔑᓂᓐ᙮ ᐁᒣᓐ: ᐁᑯᔑ ᐃᔑ ᑕᑯᔑᓐ, ᑌᐯᓕᒋᑫᔭᓐ ᒋᓴᔅ᙮

ᑭᔅᑫᓕᑖᑯᑖᑫᐎᓐ 22:6

ᓂ ᑮ ᐃᑎᒃ ᒫᑲ, ᐅᐅ ᐃᑗᐎᓇ ᒀᔭᔅᑭᑎᒪᑲᓋ ᓀᔥᑕ ᑖᐺᒪᑲᓋ: ᐅᑎᐯᓕᒋᑫᐤ ᒫᑲ ᐅ ᑭᒋᒪᓂᑐᒥᐙᐗ ᐸᓓᑭ ᐅᑭᔅᑭᐙᐃᑫᐗᒃ ᑮ ᐯᒋᑎᔕᐌᐤ ᐅᑦ ᐁᓐᒐᓕᒪ ᑭᒋ ᐙᐸᑎᓛᓕᒋ ᐅᑦ ᐊᑑᔅᑫᓛᑲᓇ ᐊᓂᐃ ᐎᐸᒡ ᑫ ᐃᑭᓂᓕᑭ᙮

ᑭᔅᑫᓕᑖᑯᑖᑫᐎᓐ 3:13

ᐊᓇ ᑳ ᐅᑖᐗᑳᑦ ᐁᑯᔑ ᑲᑕ ᐯᑕᒻ ᐊᒑᒃ ᑳ ᐃᑖᑦ ᒫᒪᐎᐋᔭᒥᐊᐗ᙮

ᑭᔅᑫᓕᑖᑯᑖᑫᐎᓐ 3:22

ᐊᓇ ᑳ ᐅᑖᐗᑳᑦ, ᐁᑯᔑ ᑲᑕ ᐯᑕᒻ ᐊᒑᒃ ᑳ ᐃᑖᑦ ᒫᒪᐎᐋᔭᒥᐊᐗ᙮

ᑭᔅᑫᓕᑖᑯᑖᑫᐎᓐ 3:6

ᐊᓇ ᑳ ᐅᑖᐗᑳᑦ, ᐁᑯᔑ ᑲᑕ ᐯᑕᒻ ᐊᒑᒃ ᑳ ᐃᑖᑦ ᒫᒪᐎᐋᔭᒥᐋᐗ᙮

ᑭᔅᑫᓕᑖᑯᑖᑫᐎᓐ 5:5

ᐯᔭᒃ ᒫᑲ ᐁ ᐃᑕᓯᒋᒃ ᑳ ᓂᑳᓀᓕᑖᑯᓯᒋᒃ ᓂ ᑮ ᐃᑎᒃ, ᐁᑳᐎᓚ ᒫᑐ: ᒫᑎᑲ, ᐊᓇ ᒥᔑᐱᔑᐤ ᐅ ᐯᔭᑯᑌᒥᒃ ᒎᑕ ᑳ ᐅᒌᑦ, ᐁ ᐅᒉᐱᑭᐎ ᑌᐱᑦ, ᑮ ᐸᔅᑭᓛᑫᐤ ᑭᒋ ᐋᐸᐊᒃ ᒪᓯᓇᐃᑲᓂᓕᐤ, ᓀᔥᑕ ᑭᒋ ᐋᐸᐙᑦ ᐊᓂᐃ ᓂᔂᔅ ᐊᑯᔅᑭᐗᓯᑲᓇ᙮