ᑭᔅᑫᓕᑖᑯᑖᑫᐎᓐ 21:27 - ᐅᔅᑭ ᑎᔅᑌᒥᓐᑦ

²⁷ ᓇᒪᐎᓚ ᒥᑐᓂ ᒫᑲ ᐊᓐᑕ ᑲᑕ ᐱᑐᑫᒪᑲᓐ ᑫᒀᓇ ᑳ ᐎᓂᐃᐌᒪᑲᒃ, ᓇᒪ ᓀᔥᑕ ᑫᒀᓐ ᑳ ᓂᐹᓯᓈᑯᐃᐌᒪᑲᒃ, ᓀᔥᑕ ᐱᑯ ᑳ ᑭᓛᔅᑭᒪᑲᒃ; ᐊᓂᑭ ᐱᑯ ᑳ ᒪᓯᓇᐃᑳᓱᒋᒃ ᒫᓂᔥᒑᓂᔑᔥ ᐅ ᐱᒫᑎᓯᐎᓂ ᒫᓯᓇᐃᑲᓂᒃ᙮

ᑭᔅᑫᓕᑖᑯᑖᑫᐎᓐ 21:27 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 13:41

ᐃᓕᓕᐎᑯᓯᓵᓐ ᑲᑕ ᑭᒋᑎᔕᐌᐤ ᐅᑦ ᐁᓐᒐᓕᒪ, ᐎᓚᐗᐤ ᒫᑲ ᑲᑕ ᒫᐗᒋᑖᐗᒃ ᒥᓯᐌ ᑫᒀᓕᐤ ᑳ ᓈᔦᑕᐌᓕᑖᑾᓂᓕᒃ, ᐊᓂᐃ ᓀᔥᑕ ᑳ ᒪᒋᑐᑕᒥᓕᒋ;

ᐅᐸᓓᑭᔅ ᒫᕐᒃ 7:2

ᐃᔅᐱ ᒫᑲ ᐎᐋᐸᒥᒫᒋᒃ ᐋᑎᑦ ᐅ ᑭᔅᑭᓄᐊᒪᐙᑲᓇ ᐁ ᒧᐙᓕᒋ ᐊᓚᑰᓈᐗ ᐁᑳ ᐁ ᐹᔦᑭᒋᒉᓕᒋ ᐁᐗᑯ ᐁᑳ ᐁ ᑳᓯᒋᒉᓕᒋ, ᑮ ᐗᔭᔥ ᐃᑗᐗᒃ᙮

ᐅᐸᓓᑭᔅ ᓘᒃ 10:20

ᐁᓕᐌᒃ ᒫᑲ, ᐁᑳᐎᓚ ᒧᒋᑫᓕᑕᒧᒃ ᐅᒪ ᐅᒋ, ᐁ ᐱᔑᒋᐃᑖᑾᒃ ᐊᒑᑾᒃ; ᒫᑲ ᐊᐙᓯᑌ ᒧᒋᑫᓕᑕᒧᒃ ᐁ ᒪᓯᓇᐃᑳᑌᑭ ᑭᑦ ᐃᔑᓂᑳᓱᐎᓂᐙᐗ ᑭᒋᑭᔑᑯᒃ᙮

ᐃᐱᓯᔭᓇ 5:5

ᐌᓴ ᐅᒪ ᑭ ᑭᔅᑫᓕᑌᓇᐗᐤ, ᓇᒪᐎᓚ ᐊᐌᓇ ᑳ ᐱᔑᒀᑎᓯᑦ, ᓀᔥᑕ ᐊᐌᓇ ᑳ ᐎᓂᓯᑦ, ᓀᔥᑕ ᐊᐌᓇ ᑳ ᒧᔅᑌᓇᒫᑫᑦ, ᐁ ᓇᐗᑭᔅᑕᐙᑦ ᒪᓂᑐᑳᓇ, ᐋᔭᐤ ᑎᐱᓚᐌᐎᓯᐎᓐ ᑭᒋᒪᓂᑐ ᓀᔥᑕ ᙭ ᐅᑦ ᐅᑭᒪᐎᐎᓂᒃ᙮

ᐱᓕᐱᔭᓇ 4:3

ᑭᓚ ᓀᔥᑕ ᑭ ᐸᑯᓭᓕᒥᑎᓐ, ᑖᐺ ᓂᒋᐊᑑᔅᑫᐎᓕᓕᒻ, ᐎᒋᐃᒃ ᐊᓂᑭ ᐃᔅᑴᐗᒃ ᑳ ᑮ ᐎᒋᐊᑑᔅᑫᒥᒋᒃ ᒥᓗᐋᒋᒧᐎᓂᒃ, ᐊᓯᒋ ᒃᓓᒧᓐᑦ ᓀᔥᑕ, ᐊᓯᒋ ᑯᑕᑭᔭᒃ ᓂᒋᐊᑑᔅᑫᐎᓕᓕᒪᒃ, ᐅᑦ ᐃᔑᓂᑳᓱᐎᓂᐗᐗ ᑳ ᐃᑕᑾᓂᓕᑭ ᐱᒫᑎᓯᐎᓂ ᒪᓯᓇᐃᑲᓂᒃ᙮

ᓂᔥᑕᒻ ᑎᒧᑎ 1:10

ᑳ ᐱᔑᒀᑎᓯᒋᒃ, ᓀᔥᑕ ᐊᓂᑭ ᐎᒋᐃᓕᓕᐗ ᑳ ᐅᒋ ᐎᓂᐃᑎᓱᒋᒃ, ᐊᓂᑭ ᑳ ᑭᒧᑎᒋᒃ ᐃᓕᓕᐗ, ᐅᑭᓛᔅᑭᔅᑲᒃ, ᐊᓂᑭ ᑳ ᑭᓛᔅᑭᐋᒋᒧᒋᒃ, ᓀᔥᑕ ᑮᔥᐱᓐ ᐁᑕᑾᓄᑴ ᑯᑕᒃ ᑫᒀᓐ ᑳ ᓇᔅᐹᓯᓈᑾᒃ ᑖᐺᐎ ᑭᔅᑭᓄᐊᒫᑫᐎᓂᒃ:

ᐦᐃᑉᕉᐗ 12:14

ᑳᔮᒣᐎᓰᔅᑖᑯᒃ ᒥᓯᐌ ᐃᓕᓕᐗᒃ, ᓀᔥᑕ ᓄᔅᐱᓈᑕᒧᒃ ᐸᓓᑭᓯᐎᓐ, ᐊᓂᐁᓕᐤ ᐁᑳ ᐁ ᐋᔮᑦ, ᓇᒪᐎᓚ ᐊᐌᓇ ᐃᓕᓕᐤ ᑲᑕ ᐙᐸᒣᐤ ᐅᑎᐯᓕᒋᑫᐗ:

ᓂᔓ ᐱᑕᕐ 3:13

ᐁᓕᐌᒃ ᒫᑲ ᑭᓚᓈᓇᐤ, ᑳ ᐃᑕᔅᑌᓕᒃ ᐅᑦ ᐊᔓᑕᒫᑫᐎᓐ, ᑭᑦ ᐊᔕᐙᐸᑌᓈᓇᐤ ᐅᔥᑭ ᑭᔑᑾ ᓀᔥᑕ ᐅᔥᑭ ᐊᔅᑭ, ᐁᑯᑕ ᑫ ᐃᔑ ᐎᑭᒪᑲᒃ ᒀᔭᔅᑭᑖᑎᓯᐎᓐ᙮

ᑭᔅᑫᓕᑖᑯᑖᑫᐎᓐ 13:8

ᒥᓯᐌ ᐊᓂᑭ ᑳ ᑕᔑᑫᒋᒃ ᐅᑕ ᐊᔅᑮᒃ ᑲᑕ ᓇᐗᑮᔅᑕᐌᐗᒃ, ᐊᓂᑭ ᐅᑦ ᐃᔑᓂᑳᓱᐎᓂᐙᐗ ᐁᑳ ᑳ ᒪᓯᓇᐃᑳᑌᓕᑭ ᐅ ᐱᒫᑎᓯᐎᓂ ᒪᓯᓇᐃᑲᓂᒃ ᒫᓂᔥᒑᓂᔑᔥ ᑳ ᑮ ᓂᐸᐋᑲᓂᐎᑦ ᐊᔅᐱᓐ ᑳ ᒫᒋ ᐊᔅᑭᐗᒃ᙮

ᑭᔅᑫᓕᑖᑯᑖᑫᐎᓐ 20:12

ᓂ ᑮ ᐙᐸᒫᐗᒃ ᒫᑲ ᑳ ᓂᐱᒋᒃ, ᐁ ᐋᐱᔑᔑᔑᒋᒃ ᓀᔥᑕ ᐁ ᒥᔑᑭᑎᒋᒃ, ᐁ ᐅᑎᔥᑲᐎᑳᐸᐐᔅᑕᐙᒋᒃ ᑭᒋᒪᓂᑐᐗ: ᒪᓯᓇᐃᑲᓇ ᒫᑲ ᑮ ᐋᐸᐃᑳᑌᐗ; ᑯᑕᒃ ᒪᓯᓇᐃᑲᓐ ᓀᔥᑕ ᑮ ᐋᐸᐃᑳᑌᐤ, ᐁᐗᑯ ᐱᒫᑎᓯᐎᓂ ᒪᓯᓇᐃᑲᓐ; ᑳ ᓂᐱᒋᒃ ᒫᑲ ᑮ ᐅᒋ ᑎᐹᔅᑯᓇᐗᒃ ᐊᓂᐃ ᒪᓯᓇᐃᑲᓂᒃ ᑳ ᒪᓯᓇᐃᑳᑌᓕᑭ, ᒬᒋ ᑳ ᑮ ᐃᔑ ᐊᑑᔅᑫᒋᒃ᙮

ᑭᔅᑫᓕᑖᑯᑖᑫᐎᓐ 20:15

ᒥᓯᐌ ᑕᑐ ᐊᐌᓇ ᒫᑲ ᐁᑳ ᑳ ᒥᔅᑲᐙᑲᓂᐎᑦ ᐁ ᒪᓯᓇᐃᑳᓱᑦ ᐱᒫᑎᓯᐎᓂ ᒪᓯᓇᐃᑲᓂᒃ ᐃᔥᑯᑌᐎ ᓵᑲᐃᑲᓂᒃ ᑮ ᐃᔑ ᐌᐱᓇᐤ᙮

ᑭᔅᑫᓕᑖᑯᑖᑫᐎᓐ 21:8

ᒫᑲ ᑳ ᓭᑭᓯᒋᒃ, ᓀᔥᑕ ᐁᑳ ᑳ ᑖᐺᑕᑭᒃ, ᓀᔥᑕ ᑳ ᓂᐹᓯᓈᑯᓯᒋᒃ, ᓀᔥᑕ ᑳ ᐱᔑᒀᑎᓯᒋᒃ, ᓀᔥᑕ ᒥᑌᐗᒃ, ᓀᔥᑕ ᑳ ᓇᐗᑮᔅᑕᐙᒋᒃ ᒪᓂᑐᑳᓇ, ᓀᔥᑕ ᒥᓯᐌ ᐅᑭᓛᔅᑭᔅᑲᒃ, ᑲᑕ ᐋᔮᐗᒃ ᐅ ᑎᐸᐊᒫᑯᓯᐎᓂᐗᐤ ᐊᓂᒪ ᓵᑲᐃᑲᓂᒃ ᐃᑕ ᐁ ᐗᓚᑌᒃ ᐃᔥᑯᑌᐤ ᓀᔥᑕ ᐅᓵᐙᐱᔅᑯᓯᓂ; ᐁᐗᒀᓂᒪ ᓂᔓ ᓂᐱᐎᓐ᙮

ᑭᔅᑫᓕᑖᑯᑖᑫᐎᓐ 3:5

ᐊᓇ ᑳ ᔖᑯᒋᐃᐌᑦ, ᐁᐗᒀᓇ ᑫ ᐙᐱᐅᑦ: ᓇᒪᐎᓚ ᒫᑲ ᓂ ᑳ ᑳᓯᐊᒸᓐ ᐅᑦ ᐃᔑᓂᑳᓱᐎᓐ ᐱᒫᑎᓯᐎᓂ ᒪᓯᓇᐃᑲᓂᒃ ᐅᒋ, ᒫᑲ ᓂ ᑳ ᐎᑕᒸᓐ ᐅᑦ ᐃᔑᓂᑳᓱᐎᓐ ᐅᑎᔥᑲᐤ ᓄᑖᐎ, ᓀᔥᑕ ᐅᑎᔥᑲᐤ ᐅᑦ ᐁᓐᒐᓕᒪ᙮