ᑭᔅᑫᓕᑖᑯᑖᑫᐎᓐ 16:5 - ᐅᔅᑭ ᑎᔅᑌᒥᓐᑦ

⁵ ᓂ ᑮ ᐯᑕᐗᐤ ᒫᑲ ᐊᓇ ᐁᓐᒐᓪ ᑳ ᑎᐯᓕᑕᒃ ᓂᐱᔭ ᐁ ᐃᑗᑦ, ᑮ ᒀᔭᔅᑭᑖᑎᓰᓐ, ᐅ ᑌᐯᓕᒋᑫᔭᓐ, ᑳ ᐃᑖᔭᓐ, ᓀᔥᑕ ᑳ ᑭ ᐃᑖᔭᓐ, ᓀᔥᑕ ᑫ ᐃᑖᔭᓐ, ᐅᒪ ᐃᔑ ᐁ ᑮ ᑎᐹᔅᑯᓂᑫᔭᓐ᙮

ᑭᔅᑫᓕᑖᑯᑖᑫᐎᓐ 16:5 ပူးပေါင်းရင်းမြစ်များ

ᐅᐸᓓᑭᔅ ᒑᓐ 17:25

ᐅ ᑳ ᒀᔭᔅᑭᑖᑎᓯᔭᓐ ᐅᑖᐎᒪᐤ, ᐊᔅᑭ ᓇᒪᐎᓚ ᑮ ᐅᒋ ᑭᔅᑫᓕᒥᑯᓐ: ᒫᑲ ᓂᓚ ᑭ ᑮ ᑭᔅᑫᓕᒥᑎᓐ, ᓀᔥᑕ ᐅᑯ ᑭᔅᑫᓕᑕᒶᒃ ᐁ ᑮ ᐱᒋᑎᔕᐅᔭᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 2:5

ᒫᑲ ᐁ ᐃᔑ ᒪᔥᑲᐙᒃ ᓀᔥᑕ ᐁᑳ ᒥᒋᓚᐌᔦᓕᑌᐁᔭᓐ ᑭ ᒪᐗᒋᑣᓱᓐ ᐋᑯᓚᐌᓯᐎᓐ ᐱᓕᔥ ᐋᑯᓚᐌᓯᐎᓂ ᑭᔑᑳᒃ ᓀᔥᑕ ᐃᔅᐱ ᑫ ᓄᑯᑖᓂᐗᓂᓕᒃ ᑭᒋᒪᓂᑐ ᐅ ᒀᔭᔅᑯ ᑎᐹᔅᑯᓂᑫᐎᓐ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 3:5

ᒫᑲ ᑮᔥᐱᓐ ᑭ ᒪᒑᑎᓯᐎᓂᓇᐤ ᐅᒋ ᑭᔅᑕᑭᒋᑳᑌᓕᒃ ᐅ ᒀᔭᔅᑭᑖᑎᓯᐎᓐ ᑭᒋᒪᓂᑐ, ᑫᒀᓐ ᑫ ᐃᑗᔨᒃ? ᒪᒑᑎᓯᐤ ᑭᒋᒪᓂᑐ ᑳ ᐊᔅᑯᒋᐃᐌᑦ? (ᐃᓕᓕᒃ ᓂᑦ ᐃᔑ ᐋᔭᒥᓐ)

ᑭᔅᑫᓕᑖᑯᑖᑫᐎᓐ 1:4

ᒑᓐ ᐁ ᒪᓯᓇᐊᒪᐙᑦ ᐊᓂᐃ ᓂᔂᔅ ᒫᒪᐎᐋᔭᒥᐋᐗ ᐁᔕᐃᒃ ᑳ ᐃᑖᓕᒋ: ᔕᐌᓕᒋᑫᐎᓐ ᑭ ᑳ ᐎ ᐋᔮᓇᐗᐤ, ᓀᔥᑕ ᑳᔮᒣᓕᑕᒧᐎᓐ, ᐊᓇ ᐅᒋ ᑳ ᐃᑖᑦ, ᓀᔥᑕ ᑳ ᑮ ᐃᑖᑦ, ᓀᔥᑕ ᑫ ᑕᑯᔑᒃ; ᓀᔥᑕ ᐊᓂᑭ ᓂᔂᔅ ᐊᒑᑾᒃ ᐅᒋ ᐅᑎᔥᑲᐤ ᐅᑦ ᐅᑭᒪᐗᐱᐎᓂᒃ ᑳ ᐃᑖᒋᒃ;

ᑭᔅᑫᓕᑖᑯᑖᑫᐎᓐ 1:8

ᓂᓚ ᐁᐗᑯ ᐋᓪᐸ ᓀᔥᑕ ᐅᒣᑲ, ᓃᔥᑕᒻ ᓀᔥᑕ ᒫᒋᒡ, ᐃᑗᐤ ᐅᑎᐯᓕᒋᑫᐤ, ᑳ ᐃᑖᑦ, ᓀᔥᑕ ᑳ ᑭ ᐃᑖᑦ, ᓀᔥᑕ ᑫ ᑕᑯᔑᒃ, ᒥᓯᐌ ᓯᔪᑳᑎᓰᑦ᙮

ᑭᔅᑫᓕᑖᑯᑖᑫᐎᓐ 11:17

ᐁ ᐃᑗᒋᒃ, ᑭ ᓇᓈᔅᑯᒥᑎᓈᓐ, ᐅ ᑎᐯᓕᒋᑫᔭᓐ ᑭᒋᒪᓂᑐ ᒥᓯᐌ ᓯᔪᑳᑎᓯᔭᓐ, ᑳ ᐃᑖᔭᓐ, ᑳ ᑮ ᐃᑖᔭᓐ, ᓀᔥᑕ ᑫ ᑕᑯᔑᓇᓐ; ᐌᓴ ᑭ ᑮ ᐅᑎᓇᒫᓱᓐ ᑭ ᑭᒋ ᑲᔥᑭᐅᐎᓐ, ᓀᔥᑕ ᑭ ᑮ ᑎᐯᓕᒋᑳᓐ᙮

ᑭᔅᑫᓕᑖᑯᑖᑫᐎᓐ 16:4

ᐊᓇ ᓂᔅᑐ ᐁᓐᒐᓪ ᒫᑲ ᐅᑦ ᐅᓛᑲᓂᔕ ᒥᓯᐌ ᓯᐱᒃ ᓀᔥᑕ ᒧᔅᑭᒋᐗᓂᐯᑯᒃ ᑮ ᐃᔑ ᓯᑭᓇᒻ; ᐁᑯ ᒫᑲ ᑳ ᒥᑯᐗᑭ᙮

ᑭᔅᑫᓕᑖᑯᑖᑫᐎᓐ 16:7

ᓂ ᑮ ᐯᑕᐗᐤ ᒫᑲ ᑯᑕᒃ ᐸᑭᒋᑲᓈᐱᔅᑯᒃ ᐁ ᐅᒋ ᐃᑗᑦ, ᐁᑯᔑ ᑖᐺ, ᑌᐯᓕᒋᑫᔭᓐ ᑭᒋᒪᓂᑐ ᒥᓯᐌ ᓯᔪᑳᑎᓯᔭᓐ, ᑖᐺᒪᑲᓋ ᓀᔥᑕ ᒀᔭᔅᑭᑖᑎᓯᒪᑲᓋ ᑭ ᑎᐹᔅᑯᓂᑫᐎᓇ᙮

ᑭᔅᑫᓕᑖᑯᑖᑫᐎᓐ 19:2

ᐌᓴ ᑖᐺᒪᑲᓂᓕᐗ ᓀᔥᑕ ᒀᔭᔅᑭᑖᑎᓯᒪᑲᓂᓕᐗ ᐅ ᑎᐹᔅᑯᓂᑫᐎᓇ: ᐌᓴ ᑭ ᑎᐹᔅᑯᓀᐤ ᑭᒋ ᐱᔑᒀᑎᓰᔅᑴᐗ, ᐊᓂᐃ ᑳ ᑮ ᒪᒉᓕᑖᑯᑖᓕᑭ ᐊᔅᑭᓕᐤ ᐅ ᐱᔑᒀᑎᓯᐎᓐ ᐅᒋ, ᓀᔥᑕ ᑭ ᐋᔅᑯᒋᐁᐤ ᐅ ᒥᑯᓕᐤ ᐅᒋ ᐅᑦ ᐊᑑᔅᑫᓛᑲᓂᒪ᙮

ᑭᔅᑫᓕᑖᑯᑖᑫᐎᓐ 4:8

ᐊᓂᑭ ᓀᐤ ᐅᐱᒫᑎᓴᒃ ᒫᑲ ᑕᑐ ᐁ ᐃᑕᓯᒋᒃ ᓂᑯᑣᔅ ᑮ ᑕᑎᓂᓕᐗ ᐅ ᑕᑲᑾᓇ; ᐱᒋ ᒫᑲ ᒥᓯᐌ ᑮ ᐅᔅᑭᔑᑯᐗᒃ: ᓇᒪᐎᓚ ᒫᑲ ᐋᓜᓯᐗᒃ ᐁ ᑭᔑᑳᓕᒃ ᓀᔥᑕ ᐁ ᑎᐱᔅᑳᓕᒃ, ᐁ ᐃᑗᒋᒃ, ᐯᓓᑭᓯᑦ, ᐯᓓᑭᓯᑦ, ᐯᓓᑭᓯᑦ, ᐅᑎᐯᓕᒋᑫᐤ ᑭᒋᒪᓂᑐ ᒥᓯᐌ ᓯᔪᑳᑎᓰᑦ, ᑳ ᑮ ᐃᑖᑦ, ᑳ ᐃᑖᑦ, ᓀᔥᑕ ᑫ ᐃᑖᑦ᙮

ᑭᔅᑫᓕᑖᑯᑖᑫᐎᓐ 6:10

ᑮ ᑌᐺᐗᒃ ᒫᑲ ᐁ ᑭᔗᐌᒋᒃ, ᐁ ᐃᑗᒋᒃ, ᑖᓀᓕᑯᒃ, ᐅ ᑌᐯᓕᒋᑫᔭᓐ, ᑳ ᐸᓓᑭᓯᔭᓐ ᓀᔥᑕ ᑳ ᑖᐺᐎᔭᓐ, ᓇᒪ ᓈ ᑮ ᑎᐹᔅᑯᓇᐗᒃ ᓀᔥᑕ ᑭᑦ ᐋᔅᑯᒋᐋᐗᒃ ᓂ ᒥᑯᒥᓈᓐ ᐅᒋ ᐊᓂᑭ ᑳ ᑕᔑᑫᒋᒃ ᐊᔅᑮᒃ?