ᑭᔅᑫᓕᑖᑯᑖᑫᐎᓐ 16:21 - ᐅᔅᑭ ᑎᔅᑌᒥᓐᑦ

²¹ ᐃᓕᓕᐗᒃ ᒫᑲ ᑮ ᑭᒋ ᓭᓭᑲᓂᔅᑳᑯᐗᒃ ᑭᒋᑭᔑᑯᒃ ᐅᒋ, ᒥᓯᐌ ᑕᑐ ᓭᓭᑲᓇᓯᓂ ᐯᔭᒃ ᑖᓕᓐᑦ ᐁ ᐃᔅᐱᑎᓂᑾᒃ: ᐃᓕᓕᐗᒃ ᒫᑲ ᑮ ᐹᔅᑖᒣᐗᒃ ᑭᒋᒪᓂᑐᐗ ᐊᓂᒪ ᐁ ᐋᑯᐃᑖᔅᐱᓈᓂᐗᒃ ᐁ ᓭᓭᑲᒃ ᐅᒋ; ᐌᓴ ᐊᓂᒪ ᐋᑯᐃᑖᔅᐱᓀᐎᓐ ᓈᔅᐱᒡ ᑮ ᒫᓛᑕᓄᐸᓐ᙮

ᑭᔅᑫᓕᑖᑯᑖᑫᐎᓐ 16:21 ပူးပေါင်းရင်းမြစ်များ

ᑭᔅᑫᓕᑖᑯᑖᑫᐎᓐ 11:19

ᑭᒋᒪᓂᑐ ᐅ ᑭᒋᐋᔭᒥᐁᐎᑲᒥᒃ ᒫᑲ ᑮ ᐹᔅᑭᑌᓂᑳᑌᓕᐤ ᑭᒋᑭᔑᑯᒃ, ᑮ ᓄᑾᓂᓕᐤ ᒫᑲ ᐅ ᑭᒋᐋᔭᒥᐁᐎᑲᒥᑯᒃ ᐅ ᓇᔅᑯᒥᑐᐎᓂ ᐋᕐᒃ: ᑮ ᐙᐙᔅᑌᐸᓕᐤ ᒫᑲ, ᓀᔥᑕ ᑮ ᐯᐯᑖᑯᓯᓈᓂᐗᓐ, ᓀᔥᑕ ᑮ ᑶᑾᓐ, ᓀᔥᑕ ᑮ ᑭᒋ ᓭᓭᑲᓐ᙮

ᑭᔅᑫᓕᑖᑯᑖᑫᐎᓐ 16:11

ᑮ ᐹᔅᑕᒣᐗᒃ ᒫᑲ ᑭᒋᒪᓂᑐᐗ ᑭᒋᑭᔑᑯᒃ ᑳ ᐃᑖᓕᒋ ᐅ ᐎᓴᑲᐱᓀᐎᓂᐙᐗ ᓀᔥᑕ ᐅ ᐎᓴᑭᓯᐎᓂᐙᐗ ᐅᒋ, ᓇᒪᐎᓚ ᒫᑲ ᑮ ᒥᒋᓚᐌᔦᓕᑕᒶᒃ ᐅᑦ ᐃᓯᒋᑫᐎᓂᐙᐗ᙮

ᑭᔅᑫᓕᑖᑯᑖᑫᐎᓐ 16:9

ᐃᓕᓕᐗᒃ ᒫᑲ ᑮ ᐃᔅᒀᓱᐗᒃ ᓈᔅᐱᒡ ᐁ ᑭᔑᑌᓕᒃ, ᓀᔥᑕ ᑮ ᐹᔅᑕᒧᑕᒬᐗᒃ ᑭᒋᒪᓂᑐᐗ ᐅᑦ ᐃᔑᓂᑳᓱᐎᓂᓕᐤ, ᐊᓇ ᑳ ᑎᐯᓕᑕᒃ ᐅᐅ ᐋᑯᐃᑖᔅᐱᓀᐎᓇ: ᓇᒪᐎᓚ ᒫᑲ ᑮ ᒥᒋᓚᐌᔦᓕᑕᒶᒃ ᑭᒋ ᒫᒥᒋᒫᒋᒃ᙮

ᑭᔅᑫᓕᑖᑯᑖᑫᐎᓐ 8:7

ᐊᓇ ᓃᔥᑕᒻ ᐁᓐᒐᓐ ᒫᑲ ᑮ ᑭᑐᑕᐤ, ᐁᑯ ᒫᑲ ᐱᐁᒋᐸᓕᒃ ᓭᓭᑲᓐ ᓀᔥᑕ ᐃᔥᑯᑌᐤ ᑭᓕᑲᐤ ᒥᑯᒃ, ᐊᔅᑮᒃ ᒫᑲ ᑮ ᐃᔑ ᐌᐱᓂᑳᑌᐗ: ᓂᔅᑡᐤ ᐃᓕᑯᒃ ᒫᑲ ᒥᔅᑎᑾᒃ ᑮ ᒑᑳᔅᑭᓱᐗᒃ, ᓀᔥᑕ ᒥᓯᐌ ᐅᓵᐗᔅᑯᔑᔭ ᑮ ᒑᑳᔅᑭᑌᐗ᙮