ᑭᔅᑫᓕᑖᑯᑖᑫᐎᓐ 14:13 - ᐅᔅᑭ ᑎᔅᑌᒥᓐᑦ

¹³ ᓂ ᑮ ᐯᑌᓐ ᒫᑲ ᐯᑖᑯᓯᐎᓐ ᑭᒋᑭᔑᑯᒃ ᐅᒋ, ᐁ ᐃᑎᑯᔮᓐ, ᒪᓯᓇᐊ, ᔕᐌᓕᑖᑯᓯᐗᒃ ᐅᓂᐱᐗᒃ ᑳ ᓂᐱᒋᒃ ᐅᑎᐯᓕᒋᑫᒃ ᐊᓄᒡ ᐅᒋ: ᐁᐁ, ᐃᑗᐤ ᐊᒑᒃ, ᐅᑦ ᐊᑑᔅᑫᐎᓂᐙᒃ ᑭᒋ ᐅᒋ ᐋᓜᐱᒋᒃ: ᓄᔅᐱᓈᑎᑯᐗᒃ ᒫᑲ ᐅᑦ ᐊᑑᔅᑫᐎᓂᐙᐗ᙮

ᑭᔅᑫᓕᑖᑯᑖᑫᐎᓐ 14:13 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 3:17

ᒫᑎᑲ ᒫᑲ ᐯᑖᑯᓯᐎᓐ ᑭᒋᑭᔑᑯᒃ ᐅᒋ, ᐁ ᐃᑗᒪᑲᒃ, ᐊᐗ ᐁᐗᑯ ᓂᑯᓯᔅ ᑳ ᓵᑭᐊᒃ, ᓈᔅᐱᒡ ᑳ ᓇᐃᓚᐌᐃᑦ᙮

ᐅᐸᓓᑭᔅ ᓘᒃ 16:25

ᒫᑲ ᐁᑉᕃᐋᒻ ᑮ ᐃᑗᐤ, ᓂᑯᓯᔅ, ᑭᔅᑭᓯ, ᑭᓚ ᒣᒀᒡ ᑳ ᐱᒫᑎᓯᔭᓐ ᑭ ᑮ ᒥᓕᑳᐎᓐ ᒥᓗ ᑫᒀᓇ, ᓀᔥᑕ ᓛᓴᕋᔅ ᒪᒋ ᑫᒀᓇ: ᐊᓄᒡ ᒫᑲ ᐎᓚ ᒥᓜᓕᒧᐋᑲᓂᐎᐤ, ᑭᓚ ᒫᑲ ᑭ ᐎᓴᑫᓕᑕᒥᐃᑲᐎᓐ᙮

ᐅᐸᓓᑭᔅ ᓘᒃ 16:9

ᑭᑦ ᐃᑎᓇᐗᐤ ᒫᑲ, ᐅᔑᑕᒪᓱᒃ ᐊᐌᓂᑭ ᑭᒋ ᐅᑐᑌᒥᒥᑖᑾᒃ ᒥᔭᓛᑕᒃ ᒥᔕᑭᓯᐎᓐ ᐅᒋ; ᓄᑌᐸᓕᔦᑴ ᑭᒋ ᐱᑐᑲᐃᑖᑾᒃ ᑳᑭᑫ ᑫ ᐃᔑ ᐎᑭᔦᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:8

ᐌᓴ ᑮᔥᐱᓐ ᐯᒫᑎᓯᐗᑴ, ᑭ ᐱᒫᑎᓰᔅᑕᐙᓈᓇᐧ ᐅᑎᐯᓕᒋᑫᐤ, ᓀᔥᑕ ᑮᔥᐱᓐ ᓀᐱᐗᑴ, ᑭ ᓂᐳᔅᑕᐙᓈᓇᐤ ᐅᑎᐯᓕᒋᑫᐤ: ᐁᐗᑯ ᐅᒋ, ᑮᔥᐱᓐ ᐯᒫᑎᓯᐗᑴ ᓀᔥᑕᐱᑯ ᓀᐱᐗᑴ, ᑭ ᑎᐯᓕᒥᑯᓇᐤ ᐅᑎᐯᓕᒋᑫᐤ᙮

ᓂᔥᑕᒻ ᑯᕆᓐᑎᐊᓇ 15:18

ᐁᑯ ᓀᔥᑕ ᐊᓂᑭ ᑳ ᑮ ᓂᐹᒋᒃ ᙭ᑎᒃ, ᑮ ᓂᔑᐗᓈᑎᓯᐗᒃ᙮

ᓂᔥᑕᒻ ᑯᕆᓐᑎᐊᓇ 15:20

ᒫᑲ ᐁᑯ ᙭ ᐗᓂᔥᑲᐤ ᐅᓂᐱᐗ ᐅᒋ, ᓀᔥᑕ ᑮ ᓂᑳᓄᑕᐌᐤ ᐊᓂᐃ ᑳ ᑮ ᓂᐹᓕᒋ᙮

ᓂᔥᑕᒻ ᑯᕆᓐᑎᐊᓇ 15:58

ᐁᐗᑯ ᐅᒋ, ᓯᐋᑭᐃᑕᑾᒃ ᓂᒋᔖᓂᑐᒃ, ᐋᐃᒋᑳᐸᐎᒃ, ᒥᒋᒥᑳᐸᐎᒃ, ᒧᔕᒃ ᐁ ᑎᐱᑐᑕᒬᒃ ᐅᑎᐯᓕᒋᑫᐤ ᐅᑦ ᐊᑑᔅᑫᐎᓐ, ᐁ ᑭᔅᑫᓕᑕᒣᒃ ᐁᑳ ᐸᑾᓐᑕᐤ ᐁ ᐃᑌᓕᑖᑾᒃ ᑭᑦ ᐊᑑᔅᑫᐎᓇᐗᐤ ᐅᑎᐯᓕᒋᑫᒃ᙮

ᓂᔓ ᑯᕆᓐᑎᐊᓇ 5:8

ᑭ ᑫᒋᓇᐅᓈᓇᐤ, ᓂᑦ ᐃᑣᓐ, ᐊᐙᓯᑌ ᓀᔥᑕ ᑭ ᓇᑕᐌᓕᑌᓋᓇᐤ ᑭᒋ ᓇᑲᑕᒪᒃ ᐅᒪ ᒥᔭᐤ ᓀᔥᑕ ᑭᒋ ᐎᒉᐗᒃ ᐅᑎᐯᓕᒋᑫᐤ᙮

ᐱᓕᐱᔭᓇ 2:17

ᐁᐁ, ᑮᔥᐱᓐ ᒫᑲ ᓯᑭᓂᑲᐎᔮᓀ ᐃᑕ ᐁ ᓵᓵᑭᐎᓕᐙᓂᐗᒃ ᓀᔥᑕ ᐁ ᐋᐸᒋᑖᓂᐗᒃ ᑮ ᑖᐺᔦᓕᑕᒧᐎᓂᐗᐤ, ᓂ ᒧᒋᑫᓕᑌᓐ, ᓀᔥᑕ ᐊᓯᒋ ᒥᓯᐌ ᐁ ᐃᑕᔑᔦᒃ ᓂ ᒧᒋᑫᓕᑌᓐ᙮

ᓂᔥᑕᒻ ᑌᓴᓗᓂᔭᓇ 4:14

ᐌᓴ ᑮᔥᐱᓐ ᑎᐋᐺᑕᒪᑴ ᒋᓴᔅ ᐁ ᑮ ᓂᐱᑦ, ᓀᔥᑕ ᒥᓇ ᐁ ᑮ ᐗᓂᔥᑳᑦ, ᐁᑯ ᑖᐱᔅᑯᒡ ᐎᓚᐗᐤ ᓀᔥᑕ ᑳ ᓂᐹᒋᒃ ᒋᓴᓯᒃ ᑭᒋᒪᓂᑐ ᑲᑕ ᐊᓯᒋ ᐯᔑᐌᐤ᙮

ᓂᔥᑕᒻ ᑌᓴᓗᓂᔭᓇ 4:16

ᐌᓴ ᑌᐯᓕᒋᑫᑦ ᑫᒋᐙᒃ ᑭᒋᑭᔑᑯᒃ ᑲᑕ ᐅᒋ ᐯᒋᓛᔑᐤ, ᐁ ᑭᔗᐙᓂᐗᒃ, ᑭᑭ ᐅ ᐯᑖᑯᓯᐎᓐ ᑭᒋᐁᓐᒐᓪ, ᑭᑭ ᓀᔥᑕ ᐅ ᐳᑖᒋᑲᓐ ᑭᒋᒪᓂᑐ: ᐊᓂᑭ ᒫᑲ ᑳ ᓂᐱᒋᒃ ᙭ᑎᒃ ᐁᐗᒀᓂᑭ ᓃᔥᑕᒻ ᑫ ᐗᓂᔥᑳᒋᒃ:

ᓂᔥᑕᒻ ᑌᓴᓗᓂᔭᓇ 5:10

ᐊᓇ ᑳ ᑮ ᓂᐳᔅᑕᒫᑕᒃ, ᑮᔥᐱᓐ ᑴᔅᑯᓯᐗᑴ ᓀᔥᑕᐱᑯ ᓀᐸᐗᑴ, ᑭᒋ ᐎᒋ ᒫᒪᐎ ᐱᒫᑎᓯᒪᒃ᙮

ᓂᔥᑕᒻ ᑎᒧᑎ 5:24

ᐋᑎᑦ ᐃᓕᓕᐗᒃ ᐅ ᒪᒋᑐᑕᒧᐎᓂᐙᐗ ᓂᑳᓐ ᓄᑾᓂᓕᐗ ᐁ ᓂᑳᓂᐸᓖᔅᑖᑯᒋᒃ ᑭᒋ ᑎᐹᔅᑯᓂᑳᑌᓕᑭ; ᑯᑕᑭᔭᒃ ᐃᓕᓕᐗᒃ ᒫᑲ ᓄᔅᐱᓈᑎᑯᐗᒃ᙮

ᓂᔥᑕᒻ ᑎᒧᑎ 5:25

ᑖᐱᔅᑯᒡ ᓀᔥᑕ ᐅ ᒥᓗ ᐊᑑᔅᑫᐎᓂᐙᐗ ᐋᑎᑦ ᐃᓕᓕᐗᒃ ᓂᑳᓐ ᓄᑾᓂᓕᐗ, ᓀᔥᑕ ᐊᓂᐃ ᐱᑐᔥ ᑳ ᐃᔑᑡᒪᑲᑭ ᓇᒪᐎᓚ ᑲᑕ ᑮ ᑳᒋᑳᑌᐗ᙮

ᑭᔅᑫᓕᑖᑯᑖᑫᐎᓐ 1:11

ᐁ ᐃᑗᒪᑲᒃ, ᓂᓚ ᐁᐗᑯ ᐋᓪᐸ ᓀᔥᑕ ᐅᒣᑲ, ᓃᔥᑕᒻ ᓀᔥᑕ ᒫᒋᒡ: ᓀᔥᑕ, ᑫᒀᓐ ᑳ ᐋᐸᑕᒪᓐ, ᒪᓯᓇᐊ ᒪᓯᓇᐃᑲᓂᒃ, ᐃᔑᑎᔕᐊᒪᐎᒃ ᒫᑲ ᐊᓂᑭ ᓂᔂᔅ ᒫᒪᐎᐋᔭᒥᐋᐗᒃ ᐁᔕᐃᒃ ᑳ ᐃᑖᒋᒃ; ᐊᓐᑕ ᐁᐱᓴᓯᒃ, ᓀᔥᑕ ᐊᓐᑕ ᔅᒪᕐᓇᐃᒃ, ᓀᔥᑕ ᐊᓐᑕ ᐸᕐᑲᒪᓯᒃ, ᓀᔥᑕ ᐊᓐᑕ ᑕᐃᔭᑖᕋᐃᒃ, ᓀᔥᑕ ᐊᓐᑕ ᓵᕐᑎᓯᒃ, ᓀᔥᑕ ᐊᓐᑕ ᐱᓕᑌᓪᐱᔭᐃᒃ, ᓀᔥᑕ ᐊᓐᑕ ᓓᐅᑕᓯᔭᐃᒃ᙮

ᑭᔅᑫᓕᑖᑯᑖᑫᐎᓐ 10:4

ᐃᔅᐱ ᒫᑲ ᐊᓂᑭ ᓂᔂᔅ ᐅᓂᒥᔅᑭᐗᒃ ᑳ ᑭ ᑭᑐᒋᑳ, ᓂ ᐎ ᒪᓯᓇᐃᑳᑖᔾ: ᓂ ᑮ ᐯᑌᓐ ᒫᑲ ᐯᑖᑯᓯᐎᓐ ᑭᒋᑭᔑᑯᒃ ᐅᒋ, ᐁ ᐃᑎᑯᔮᓐ, ᐊᑯᔅᑭᐗᓴ ᐊᓂᐃ ᑫᒀᓇ ᑳ ᑮ ᐃᑗᒋᒃ ᐊᓂᑭ ᓂᔂᔅ ᐅᓂᒥᔅᑭᐗᒃ, ᐁᑳᐎᓚ ᒪᓯᓇᐊ᙮

ᑭᔅᑫᓕᑖᑯᑖᑫᐎᓐ 11:15

ᐊᓇ ᓂᔂᔅ ᐁᓐᒐᓪ ᒫᑲ ᑮ ᑭᑐᑕᐤ: ᑮ ᐃᑕᑾᓋ ᒫᑲ ᑭᒋ ᐯᑖᑯᓯᐎᓇ ᑭᒋᑭᔑᑯᒃ, ᐁ ᐃᑗᒪᑲᑭ, ᐊᓂᐃ ᐅᑭᒪᐎᐎᓇ ᐅᑕ ᐊᔅᑮᒃ ᑳ ᐃᑕᑾᑭ ᐋᔕᔾ ᑎᐯᓕᑕᒻ ᑭ ᑎᐯᓕᒋᑫᒥᓇᐤ, ᓀᔥᑕ ᐅ ᙭ᑎᒪ; ᑲᑕ ᑎᐯᓕᒋᑫᐤ ᒫᑲ ᑳᑭᑫ ᓀᔥᑕ ᑳᑭᑫ᙮

ᑭᔅᑫᓕᑖᑯᑖᑫᐎᓐ 11:19

ᑭᒋᒪᓂᑐ ᐅ ᑭᒋᐋᔭᒥᐁᐎᑲᒥᒃ ᒫᑲ ᑮ ᐹᔅᑭᑌᓂᑳᑌᓕᐤ ᑭᒋᑭᔑᑯᒃ, ᑮ ᓄᑾᓂᓕᐤ ᒫᑲ ᐅ ᑭᒋᐋᔭᒥᐁᐎᑲᒥᑯᒃ ᐅ ᓇᔅᑯᒥᑐᐎᓂ ᐋᕐᒃ: ᑮ ᐙᐙᔅᑌᐸᓕᐤ ᒫᑲ, ᓀᔥᑕ ᑮ ᐯᐯᑖᑯᓯᓈᓂᐗᓐ, ᓀᔥᑕ ᑮ ᑶᑾᓐ, ᓀᔥᑕ ᑮ ᑭᒋ ᓭᓭᑲᓐ᙮

ᑭᔅᑫᓕᑖᑯᑖᑫᐎᓐ 16:17

ᐊᓇ ᓂᔂᔅ ᐁᓐᒐᓪ ᒫᑲ ᐅᑦ ᐅᓛᑲᓂᔕ ᒧᔐᑭᔑᑯᒃ ᑮ ᐃᔑ ᓯᑭᓇᒻ: ᑮ ᐯᒋ ᓄᑕᑾᓐ ᒫᑲ ᑭᒋ ᐯᑖᑯᓯᐎᓐ ᑭᒋᐋᔭᒥᐁᐎᑲᒥᑯᒃ ᐅᒋ ᑭᒋᑭᔑᑯᒃ, ᐅᑭᒫᐗᐱᐎᓂᒃ ᐅᒋ ᐁ ᐃᑗᒪᑲᒃ, ᑮ ᑐᒋᑳᑌᐤ,

ᑭᔅᑫᓕᑖᑯᑖᑫᐎᓐ 19:9

ᓂ ᑮ ᐃᑎᒃ ᒫᑲ, ᒪᓯᓇᐊ, ᔕᐌᓕᑖᑯᓯᐗᒃ ᐊᓂᑭ ᑳ ᐃᔑ ᓇᑐᒫᑲᓂᐎᒋᑳ ᐅ ᐎᑭᑑᐎ ᓂᐯᑴᐎᓂᒃ ᒫᓂᔥᒑᓂᔑᔥ᙮ ᓂ ᑮ ᐃᑎᒃ ᒫᑲ, ᐅᐅ ᐁᐗᒀᓂᐃ ᐅ ᑖᐺ ᐃᑗᐎᓇ ᑭᒋᒪᓂᑐ᙮

ᑭᔅᑫᓕᑖᑯᑖᑫᐎᓐ 2:1

ᐊᓇ ᐁᓐᒐᓪ ᑳ ᑎᐯᓕᒫᑦ ᒫᒪᐎᐋᔭᒥᐋᐗ ᐁᐱᓴᓯᒃ ᒪᓯᓇᐊᒪᐤ: ᐅᐅ ᑫᒀᓇ ᐃᑗᐤ ᐊᓇ ᑳ ᒥᒋᒥᓈᑦ ᐊᓂᐃ ᓂᔂᔅ ᐊᒐᑾ ᐅ ᑭᒋᓂᔅᑮᒃ, ᑳ ᐱᒧᑌᑦ ᒣᑴᔭᔥ ᐊᓂᐃ ᓂᔂᔅ ᐅᓵᐎᔔᓕᐋᓈᐱᔉ ᐙᔅᑌᓇᒫᑲᓈᑎᑾ;

ᑭᔅᑫᓕᑖᑯᑖᑫᐎᓐ 2:7

ᐊᓇ ᑳ ᐅᑖᐗᑳᑦ, ᐁᑯᔑ ᑲᑕ ᐯᑕᒻ ᐋᒑᒃ ᑳ ᐃᑖᑦ ᒫᒪᐎᐋᔭᒥᐋᐗ; ᐊᓇ ᑳ ᔖᑯᒋᐃᐌᑦ, ᓂ ᑳ ᒥᓚᐤ ᐱᒫᑎᓯᐎᓂ ᒥᔅᑎᑯᒃ ᑭᒋ ᐅᒋ ᒥᒋᓱᑦ, ᑳ ᐃᑖᓕᒋ ᑌᑖᐎᒡ ᐅ ᐹᕋᑕᐃᓯᒥᒃ ᑭᒋᒪᓂᑐ᙮

ᑭᔅᑫᓕᑖᑯᑖᑫᐎᓐ 20:6

ᔕᐌᓕᑖᑯᓯᐤ ᓀᔥᑕ ᐸᓓᑭᓯᐤ ᐊᓇ ᑳ ᐎᒋᐃᐌᑦ ᓂᔥᑕᒻ ᐗᓂᔥᑲᐎᓂᒃ: ᐅᑯ ᑐᐎ ᓂᔓ ᓂᐱᐎᓂᓕᐤ ᓇᒪᐎᓚ ᑎᐯᓕᒥᑯᐗᒃ, ᒫᑲ ᑲᑕ ᐋᐎᐗᒃ ᑭᒋᒪᓂᑐ ᐅ ᓵᓵᑭᐎᓕᐌᐎᓕᓕᒪ, ᓀᔥᑕ ᙭, ᓀᔥᑕ ᑲᑕ ᐎᒋᑎᐯᓕᒋᑫᒣᐗᒃ ᐃᔥᐱᔥ ᑭᒋᒥᑖᑐᒥᑕᓇᐤ ᐱᐴᓋ᙮

ᑭᔅᑫᓕᑖᑯᑖᑫᐎᓐ 21:5

ᐊᓇ ᒫᑲ ᑳ ᐊᐱᑦ ᐅᑭᒪᐗᐱᐎᓂᒃ ᑮ ᐃᑗᐤ, ᒫᑎᑲ, ᒥᓯᐌ ᑫᒀᓇ ᓂᑦ ᐅᔥᑭᑖᓐ᙮ ᓂ ᑮ ᐃᑎᒃ ᒫᑲ, ᒪᓯᓇᐊ; ᐌᓴ ᐅᐅ ᐋᔭᒥᐎᓇ ᑖᐺᒪᑲᓋ ᓀᔥᑕ ᑾᔹᔅᑭᑎᒪᑲᓋ᙮

ᑭᔅᑫᓕᑖᑯᑖᑫᐎᓐ 22:17

ᐊᒑᒃ ᒫᑲ ᓀᔥᑕ ᐅᔥᑭᑴᐙᓐ ᐃᑗᐗᒃ, ᐋᔅᑕᒻ᙮ ᐊᓇ ᒫᑲ ᑳ ᐯᑕᒃ ᐁᑯᔑ ᑲᑕ ᐃᑗᐤ, ᐋᔅᑕᒻ᙮ ᐊᓇ ᓀᔥᑕ ᑳ ᓄᑌᔮᐸᑴᑦ ᐁᑯᔑ ᑲᑕ ᐯᒋ ᐃᑐᑌᐤ: ᐊᐌᓇ ᒫᑲ ᐁᑌᓕᑕᒧᑴ, ᐁᑯᔑ ᒧᔐ ᑲᑕ ᐅᑎᓇᒻ ᐱᒫᑎᓯᐎᓂ ᓂᐱᓕᐤ᙮

ᑭᔅᑫᓕᑖᑯᑖᑫᐎᓐ 6:11

ᐙᐱᔅᑭ ᐊᑯᐅᓇ ᒫᑲ ᑮ ᒥᓛᐗᒃ ᒥᓯᐌ ᐁ ᐃᑕᓯᒋᒃ; ᑮ ᐃᑖᑲᓂᐎᐗᒃ ᒫᑲ ᐱᑕᒪ ᑭᒋ ᐋᓜᓯᒋᒃ, ᐃᓕᑯᒃ ᐊᓂᐃ ᐎᒋᐊᑑᔅᑫᓛᑲᓂᐗᐗ ᐊᓯᒋ, ᓀᔥᑕ ᐎᒋᔖᓂᐗᐗ ᑭᒋ ᓂᐹᐃᒥᒋ ᑖᐱᔅᑯᒡ ᐎᓚᐗᐤ ᑫᒋᐙᒃ, ᑭᒋ ᑎᐱᐸᓕᓕᒃ᙮