ᑭᔅᑫᓕᑖᑯᑖᑫᐎᓐ 12:12 - ᐅᔅᑭ ᑎᔅᑌᒥᓐᑦ

¹² ᐁᐗᑯ ᐅᒋ ᒥᓚᐙᑕᒧᒃ ᑭᓚᐗᐤ ᑭᒋᑭᔑᑾ, ᑭᓚᐗᐤ ᓀᔥᑕ ᐁᑯᑕ ᑳ ᑕᔑᑫᔦᒃ᙮ ᑭ ᑲᒀᑕᑭᓯᓇᐗᐤ ᑭᓚᐗᐤ ᑳ ᑕᔑᑫᔦᒃ ᐊᔅᑮᒃ, ᓀᔥᑕ ᑭᒋᑲᒦᒃ, ᐌᓴ ᒪᒋᒪᓂᑐ ᐁ ᓛᔑᑦ ᑭᑦ ᐅᑎᑎᑯᐗᐤ, ᐁ ᐋᔮᑦ ᑭᒋ ᑭᓯᐙᓯᐎᓂᓕᐤ, ᐁ ᑭᔅᑫᓕᑕᒃ ᐎᓕᐱᔉ ᐱᑯ ᐁ ᐋᔮᑦ᙮

ᑭᔅᑫᓕᑖᑯᑖᑫᐎᓐ 12:12 ပူးပေါင်းရင်းမြစ်များ

ᐅᐸᓓᑭᔅ ᓘᒃ 15:10

ᐁᑯ ᑖᐱᔅᑯᒡ, ᑭᑦ ᐃᑎᓇᐗᐤ, ᐃᑕᑾᓐ ᒥᓚᐙᑕᒧᐎᓐ ᐃᑕ ᐁ ᐃᑖᓕᒋ ᑭᒋᒪᓂᑐ ᐁᓐᒐᓕᒪ ᐯᔭᒃ ᐅᒪᒋᑣᐤ ᐅᒋ ᐁ ᑴᔅᑳᑎᓯᑦ᙮

ᐅᐸᓓᑭᔅ ᓘᒃ 2:14

ᑲᑕ ᐎ ᒫᒥᒋᒪᐤ ᑭᒋᒪᓂᑐ ᑭᒋᑭᔑᑯᒃ, ᐊᔅᑮᒃ ᒫᑲ ᑲᑕ ᐎ ᐃᑕᑾᓐ ᑳᔮᒣᓕᑕᒧᐎᓐ, ᑲᑕ ᐎ ᔕᐌᓕᒫᐗᒃ ᐃᓕᓕᐗᒃ᙮

ᐦᐃᑉᕉᐗ 10:37

ᐌᓴ ᐁᔥᑾ ᐊᒋᓚᐤ, ᐁᑯ ᑫ ᑕᑯᔑᒃ ᐊᓇ ᑳ ᐃᑌᓕᑖᑯᓯᑦ ᑭᒋ ᑕᑯᔑᒃ, ᓇᒪ ᒫᑲ ᑲᑕ ᑆᔅᑕᐎᐤ

ᓂᔓ ᐱᑕᕐ 3:8

ᒫᑲ, ᓯᐋᑭᐃᑕᑾᒃ, ᑭᔅᑫᓕᑕᒧᒃ ᐅᒪ ᐯᔭᒃ ᑫᒀᓐ, ᐯᔭᑾᐤ ᐁ ᑭᔑᑳᓕᒃ ᐃᑕᑭᑕᒻ ᐅᑎᐯᓕᒋᑫᐤ ᑖᐱᔅᑯᒡ ᑭᒋᒥᑖᑐᒥᑕᓇᐤ ᐱᐴᓋ, ᓀᔥᑕ ᑭᒋᒥᑖᑐᒥᑕᓇᐤ ᐱᐴᓋ ᑖᐱᔅᑯᒡ ᐯᔭᑯ ᑭᔑᑲᐤ᙮

ᑭᔅᑫᓕᑖᑯᑖᑫᐎᓐ 10:6

ᑮ ᑭᒋᐃᑗᐤ ᒫᑲ ᐊᓂᐃ ᐅᒋ ᑳ ᐱᒫᑎᓯᓕᒋ ᑳᑭᑫ ᓀᔥᑕ ᑳᑭᑫ, ᐊᓂᐃ ᑳ ᑮ ᐅᔑᑖᓕᒋ ᑭᒋᑭᔑᒃ ᓀᔥᑕ ᒥᓯᐌ ᐁᑯᑕ ᐁ ᐃᑕᑾᓂᓕᑭ, ᓀᔥᑕ ᐊᔅᑭ, ᓀᔥᑕ ᐊᓂᐃ ᑫᒀᓇ ᐁᑯᑕ ᐁ ᐃᑕᑾᓂᓕᑭ, ᓀᔥᑕ ᑭᒋᑲᒥ, ᓀᔥᑕ ᐊᓂᐃ ᑫᒀᓇ ᐁᑯᑕ ᐁ ᐃᑕᑾᓂᓕᑭ, ᒥᑐᓂ ᑭᒋ ᐳᓂᐸᓕᑭ ᐁ ᑭᔑᑳᑭ:

ᑭᔅᑫᓕᑖᑯᑖᑫᐎᓐ 11:10

ᐊᓂᑭ ᒫᑲ ᐊᔅᑮᒃ ᑳ ᑕᔑᑫᒋᒃ ᑲᑕ ᒥᓚᐙᑕᒶᒃ, ᓀᔥᑕ ᑲᑕ ᒧᒋᑫᓕᑕᒶᒃ, ᓀᔥᑕ ᒥᓕᐌᐎᓇ ᑲᑕ ᐃᔑᑎᔕᐊᒫᑐᐗᒃ; ᐌᓴ ᐅᑯ ᓂᔓ ᐅᑭᔅᑭᐙᐃᑫᐗᒃ ᑮ ᑲᑾᑕᑭᐁᐗᒃ ᐊᓂᐃ ᐊᔅᑮᒃ ᑳ ᑕᔑᑫᓕᒋ᙮

ᑭᔅᑫᓕᑖᑯᑖᑫᐎᓐ 11:14

ᐊᓂᒪ ᓂᔓ ᑲᒀᑕᑭᓯᐎᓐ ᒫᔭᐎᐸᓕᐤ; ᒫᑎᑲ ᒪᑲ, ᐊᓂᒪ ᓂᔅᑐ ᑲᒀᑕᑭᓯᐎᓐ ᐯᒋ ᑭᔑᐸᓕᐤ᙮

ᑭᔅᑫᓕᑖᑯᑖᑫᐎᓐ 12:9

ᑭᒋ ᒥᔑᑭᓀᐱᒃ ᒫᑲ ᑮ ᐗᓚᐎᐌᐱᓇᐤ, ᐅᓇ ᑭᔐ ᒥᔑᑭᓀᐱᒃ, ᑳ ᐃᔑᓂᑳᓱᑦ ᒪᒋᒪᓂᑐ, ᓀᔥᑕ ᓭᑖᓐ, ᑳ ᐙᔦᔑᐃᐌᑦ ᒥᓯᐌ ᐊᔅᑮᒃ: ᐊᔅᑮᒃ ᑮ ᐃᔑ ᐗᓚᐎᐌᐱᓇᐤ, ᐅᑦ ᐁᓐᒐᓕᒪ ᐊᓯᒋ ᑮ ᐗᓚᐎᐌᐱᓈᑲᓂᐎᓕᐗ᙮

ᑭᔅᑫᓕᑖᑯᑖᑫᐎᓐ 13:6

ᑮ ᐹᔅᑭᑐᓀᓕᐤ ᒫᑲ ᑭᒋ ᐹᔅᑕᒫᑦ ᑭᒋᒪᓂᑐᐗ, ᓀᔥᑕ ᑭᒋ ᐹᔅᑕᒧᑕᒸᑦ ᐅᑦ ᐃᔑᓂᑳᓱᐎᓂᓕᐤ, ᓀᔥᑕ ᐅᑦ ᐋᔭᒥᐋᐎ ᒥᑭᐙᒥᓕᐤ, ᓀᔥᑕ ᒥᓯᐌ ᑳ ᑕᔑᑫᓕᒋ ᑭᒋᑭᔑᑯᒃ᙮

ᑭᔅᑫᓕᑖᑯᑖᑫᐎᓐ 18:20

ᒥᓚᐙᑎᒃ, ᑭᓚᐗᐤ ᑭᒋᑭᔑᑯᒃ, ᓀᔥᑕ ᐯᓓᑭᓯᔦᒃ ᐊᐸᔅᑕᓕᑐᒃ ᓀᔥᑕ ᐅᑭᔅᑭᐙᐃᑫᑐᒃ; ᐌᓴ ᑭᒋᒪᓂᑐ ᑮ ᐋᔅᑯᒋᐁᐤ ᑳ ᑮ ᑐᑕᒫᑲᐎᔦᒃ᙮

ᑭᔅᑫᓕᑖᑯᑖᑫᐎᓐ 8:13

ᓂ ᑮ ᐙᐸᑌᓐ ᒫᑲ, ᓂ ᑮ ᐯᑕᐗᐤ ᒫᑲ ᐯᔭᒃ ᐁᓐᒐᓪ ᐁ ᔖᐳᓛᑦ ᑭᔑᑯᒃ, ᐁ ᐃᑗᑦ, ᐁ ᑭᔗᐌᑦ, ᑲᒀᑕᑭᓯᐗᒃ, ᑲᒀᑕᑭᓯᐗᒃ, ᑲᒀᑕᑭᓯᐗᒃ ᐊᓂᑭ ᑳ ᑕᔑᑫᒋᒃ ᐊᔅᑮᒃ, ᐊᓂᐃ ᐅᒋ ᑫ ᐃᔑ ᓄᑖᑾᓂᓕᑭ ᐅ ᐳᑖᒋᑲᓂᐙᐗ ᐊᓂᑭ ᓂᔅᑐ ᐁᓐᒐᓚᒃ ᐁᔥᑾ ᑫ ᑭᑐᑖᒋᒃ!

ᑭᔅᑫᓕᑖᑯᑖᑫᐎᓐ 9:12

ᐯᔭᒃ ᑲᒀᑕᑭᓯᐎᓐ ᒫᔭᐎᐸᓕᐤ; ᒫᑎᑲ ᒪᑲ, ᑫᔮᐸᒡ ᓂᔔᑲᒀᑕᑭᓯᐎᓇ ᐹᐸᓕᐗ᙮