ᑭᔅᑫᓕᑖᑯᑖᑫᐎᓐ 1:2 - ᐅᔅᑭ ᑎᔅᑌᒥᓐᑦ

² ᐊᓇ ᑳ ᑮ ᑎᐹᑐᑕᒸᑦ ᑭᒋᒪᓂᑐᐗ ᐅᑦ ᐋᔭᒥᐎᓂᓕᐤ, ᓀᔥᑕ ᐅ ᑎᐹᒋᒧᐎᓂᓕᐤ ᒋᓴᔅ ᙭ᑕ, ᓀᔥᑕ ᒥᓯᐌ ᑫᒀᓇ ᑳ ᑮ ᐙᐸᑕᒃ᙮

ᑭᔅᑫᓕᑖᑯᑖᑫᐎᓐ 1:2 ပူးပေါင်းရင်းမြစ်များ

ᐅᐸᓓᑭᔅ ᒑᓐ 1:32

ᒑᓐ ᒫᑲ ᑮ ᑎᐹᒋᒧ, ᐁ ᐃᑗᑦ, ᓂ ᑮ ᐙᐸᒪᐤ ᐊᒑᒃ ᑭᒋᑭᔑᑯᒃ ᐁ ᐅ ᓛᔒᑦ ᑖᐱᔅᑯᒡ ᐅᒥᒥᒃ, ᑮ ᑗᐅᑕᐌᐤ ᒫᑲ᙮

ᐅᐸᓓᑭᔅ ᒑᓐ 12:17

ᐊᓂᐃ ᐃᓕᓕᐗ ᒫᑲ ᑳ ᑮ ᐎᒉᐎᑯᑦ ᐃᔅᐱ ᑳ ᓇᑐᒫᑦ ᓛᓴᕋᓴ ᒋᐹᔨᑲᒥᑯᒃ ᐅᒋ, ᓀᔥᑕ ᑳ ᐗᓂᔥᑳᓈᑦ ᐅᓂᐱᐗ ᐅᒋ, ᑮ ᑎᐹᒋᒧᓕᐗ᙮

ᐅᐸᓓᑭᔅ ᒑᓐ 19:35

ᐊᓇ ᒫᑲ ᑳ ᑮ ᐙᐸᑕᒃ ᑎᐹᒋᒣ, ᓀᔥᑕ ᐅ ᑎᐹᒋᒧᐎᓐ ᑖᐺᐎᓂᐗᓂᓕᐤ: ᓀᔥᑕ ᑭᔅᑫᓕᑕᒻ ᐁ ᑖᐺᑦ, ᑭᒋ ᑖᐺᑕᒣᒃ᙮

ᐅᐸᓓᑭᔅ ᒑᓐ 21:24

ᐁᐗᑯ ᐊᐗ ᑭᔅᑭᓄᐊᒪᐙᑲᓐ ᑳ ᑎᐹᑐᑕᒃ ᐅᐅ ᑫᒀᓇ, ᓀᔥᑕ ᑳ ᒪᓱᓇᐊᒃ ᐅᐅ ᑫᒀᓇ: ᓀᔥᑕ ᓂ ᑭᔅᑫᓕᑌᓈᓐ ᐁ ᑖᐺᒪᑲᓂᓕᒃ ᐅ ᑎᐹᒋᒧᐎᓐ᙮

ᐅᐸᓓᑭᔅ ᒑᓐ 3:11

ᑖᐺ, ᑖᐺ, ᑭᑦ ᐃᑎᓐ, ᓂ ᐎᑌᓈᓐ ᐊᓂᒪ ᑳ ᑭᔅᑫᓕᑕᒫᒃ, ᓀᔥᑕ ᓂᑦ ᐋᓕᒧᑌᓈᓐ ᐊᓂᒪ ᑳ ᑮ ᐙᐸᑕᒫᒃ, ᓇᒪᐎᓚ ᒫᑲ ᑭᑦ ᐅᑎᓀᓇᐗᐤ ᓂ ᑎᐹᒋᒧᐎᓂᓈᓐ᙮

ᐊᐸᔅᑕᓚᒃ 22:15

ᐌᓴ ᐁ ᐅᑎᐹᒋᒧᐎᓕᓕᒥᔉ ᑭ ᑳ ᐋᓕᒧᑕᒪᐙᐗᒃ ᒥᓯᐌ ᐃᓕᓕᐗᒃ ᐊᓂᒪ ᑳ ᑮ ᐙᐸᑕᒪᓐ ᓀᔥᑕ ᑳ ᑮ ᐯᑕᒪᓐ᙮

ᐊᐸᔅᑕᓚᒃ 26:16

ᒫᑲ ᐗᓂᔥᑳ, ᓀᔥᑕ ᓂᐸᐎ ᑭᓯᑎᒃ: ᐌᓴ ᐁᐗᑯ ᐌᒋ ᓄᑯᓰᔅᑖᑖᓐ, ᑭᒋ ᐋᔭᒥᐋᐎᐋᑑᔅᑫᓛᑲᓂᐃᑖᓐ ᓀᔥᑕ ᑭᒋ ᑎᐹᑐᑕᒪᓐ ᑖᐱᔅᑯᒡ ᐅᐅ ᑫᒀᓇ ᑳ ᑮ ᐙᐸᑕᒪᓐ, ᓀᔥᑕ ᐊᓂᐃ ᑫᒀᓇ ᑫ ᐅᒋ ᓄᑯᓰᔅᑖᑖᓐ;

ᐊᐸᔅᑕᓚᒃ 4:20

ᐌᓴ ᓇᒪᐎᓚ ᓂ ᑮ ᑐᑌᓈᓐ ᐁᑳ ᑭᒋ ᐋᓕᒨᑕᒫᒃ ᐊᓂᐃ ᑫᒀᓇ ᑳ ᑮ ᐙᐸᑕᒫᒃ ᓀᔥᑕ ᐯᑕᒫᒃ᙮

ᓂᔥᑕᒻ ᑯᕆᓐᑎᐊᓇ 1:6

ᐅ ᑎᐹᒋᒧᐎᓐ ᙭ ᑳ ᑮ ᐃᔑ ᐋᔨᒋᑕᒫᑲᐎᔦᒃ᙮

ᓂᔥᑕᒻ ᑯᕆᓐᑎᐊᓇ 2:1

ᓂᓚ ᒫᑲ, ᓂᒋᔖᓂᑐᒃ, ᐃᔅᐱ ᐱᐁᒋ ᓈᑎᑖᑾᒃ, ᓇᒪᐎᓚ ᓂ ᑮ ᑕᑯᔑᓂᓐ ᐁ ᐋᐸᒋᑖᔮᓐ ᑳ ᑭᔅᑕᑭᑖᑾᒃ ᐋᔭᒥᐎᓐ ᓀᔥᑕ ᑲᑫᑕᐌᓕᑕᒧᐎᓐ, ᐁ ᐎᑕᒫᑕᑾᒃ ᐅ ᑎᐹᒋᒧᐎᓐ ᑭᒋᒪᓂᑐ᙮

ᓂᔥᑕᒻ ᒑᓐ 1:1

ᐊᓂᒪ ᒪᐗᒋ ᓃᔥᑕᒻ ᑳ ᑮ ᐅᒌᒃ, ᑳ ᑮ ᐯᑕᒫᒃ, ᓂᔥᑭᔑᑯᓈᓇ ᑳ ᑮ ᐅᒋ ᐙᐸᑕᒫᒃ, ᑳ ᑮ ᑲᓇᐙᐸᑕᒫᒃ, ᓀᔥᑕ ᑳ ᑮ ᓵᒥᓇᒫᒃ ᐱᒫᑎᓯᐎᓂ ᐋᔭᒥᐎᓐ;

ᓂᔥᑕᒻ ᒑᓐ 4:14

ᓂ ᑮ ᐙᐸᑌᓈᓐ ᒫᑲ, ᓀᔥᑕ ᓂ ᐎᑌᓈᓐ ᐅᑖᐎᒪᐤ ᐁ ᑮ ᐯᒋᑎᔕᐙᑦ ᐅᑯᓯᓯᒪᐗ ᑭᒋ ᐱᒫᒋᑖᓕᒋ ᐊᔅᑭᓕᐤ᙮

ᓂᔅᑐ ᒑᓐ 1:12

ᑎᒥᑦᕆᔭᔅ ᒥᓗ ᑎᐹᒋᒥᑯ ᒥᓯᐌ ᐃᓕᓕᐗ, ᓀᔥᑕ ᑖᐺᐎᓂᓕᐤ ᑫᒋᐙᒃ: ᐁᐁ, ᓂᓚᓈᓐ ᓀᔥᑕ ᓂᑦ ᐃᑖᒋᒫᓈᓐ; ᑭ ᑭᔅᑫᓕᑌᓐ ᒫᑲ ᓂ ᑎᐹᒋᒧᐎᓂᓈᐤ ᐁ ᑖᐺᒪᑲᒃ᙮

ᑭᔅᑫᓕᑖᑯᑖᑫᐎᓐ 1:11

ᐁ ᐃᑗᒪᑲᒃ, ᓂᓚ ᐁᐗᑯ ᐋᓪᐸ ᓀᔥᑕ ᐅᒣᑲ, ᓃᔥᑕᒻ ᓀᔥᑕ ᒫᒋᒡ: ᓀᔥᑕ, ᑫᒀᓐ ᑳ ᐋᐸᑕᒪᓐ, ᒪᓯᓇᐊ ᒪᓯᓇᐃᑲᓂᒃ, ᐃᔑᑎᔕᐊᒪᐎᒃ ᒫᑲ ᐊᓂᑭ ᓂᔂᔅ ᒫᒪᐎᐋᔭᒥᐋᐗᒃ ᐁᔕᐃᒃ ᑳ ᐃᑖᒋᒃ; ᐊᓐᑕ ᐁᐱᓴᓯᒃ, ᓀᔥᑕ ᐊᓐᑕ ᔅᒪᕐᓇᐃᒃ, ᓀᔥᑕ ᐊᓐᑕ ᐸᕐᑲᒪᓯᒃ, ᓀᔥᑕ ᐊᓐᑕ ᑕᐃᔭᑖᕋᐃᒃ, ᓀᔥᑕ ᐊᓐᑕ ᓵᕐᑎᓯᒃ, ᓀᔥᑕ ᐊᓐᑕ ᐱᓕᑌᓪᐱᔭᐃᒃ, ᓀᔥᑕ ᐊᓐᑕ ᓓᐅᑕᓯᔭᐃᒃ᙮

ᑭᔅᑫᓕᑖᑯᑖᑫᐎᓐ 1:19

ᒪᓯᓇᐊ ᐊᓂᐃ ᑳ ᑮ ᐙᐸᑕᒪᓐ, ᓀᔥᑕ ᐊᓂᐃ ᑳ ᐃᑕᑾᑭ, ᓀᔥᑕ ᐊᓂᐃ ᐁᔥᑾ ᑫ ᐃᑕᑾᑭ;

ᑭᔅᑫᓕᑖᑯᑖᑫᐎᓐ 1:9

ᓂᓚ ᒑᓐ, ᑳ ᐎᒋᔖᓂᐎᔦᒃ ᓀᔥᑕ ᑭ ᐎᒉᐙᑲᓂᐗᐤ ᐊᓕᒥᓯᐎᓂᒃ, ᓀᔥᑕ ᐅᑦ ᐅᑭᒫᐎᐎᓂᒃ ᓀᔥᑕ ᐅ ᔑᐱᓚᐌᓯᐎᓂᒃ ᒋᓴᔅ ᙭, ᓂ ᑮ ᐃᑖᓐ ᒥᓂᔅᑎᑯᒃ ᐹᑦᒪᔅ ᑳ ᐃᔑᓂᑳᑌᒃ, ᑭᒋᒪᓂᑐ ᐅᑦ ᐋᔭᒥᐎᓐ ᐅᒋ, ᓀᔥᑕ ᐅ ᑎᐹᒋᒧᐎᓐ ᒋᓴᔅ ᙭ ᐅᒋ᙮

ᑭᔅᑫᓕᑖᑯᑖᑫᐎᓐ 12:11

ᑮ ᔖᑯᒋᐁᐗᒃ ᒫᑲ ᒫᓂᔥᒑᓂᔑᔕ ᐅ ᒥᑯᓕᐤ ᐅᒋ, ᓀᔥᑕ ᐊᓂᐁᓕᐤ ᐋᔭᒥᐎᓂᓕᐤ ᑳ ᑎᐹᑐᑕᒃ; ᓇᒪᐎᓚ ᒫᑲ ᐅᒋ ᓵᑭᑕᐗᒃ ᐅ ᐱᒫᑎᓯᐎᓂᐙᐗ ᐱᓕᔥ ᓂᐱᐎᓂᒃ᙮

ᑭᔅᑫᓕᑖᑯᑖᑫᐎᓐ 12:17

ᒥᔑᑭᓀᐱᒃ ᒫᑲ ᑮ ᑭᓯᐙᓰᔅᑕᐌᐤ ᐃᔅᑴᐗ, ᓀᔥᑕ ᑮ ᓇᑕᐎ ᓇᑐᐸᓕᔅᑕᐅᒫᑦ ᑳ ᐃᔥᑯᐸᓕᓕᒋ ᐅᑦ ᐊᐙᔑᒥᔕ, ᐊᓂᑭ ᑳ ᑲᓇᐌᓕᑕᒸᒋᒃ ᑭᒋᒪᓂᑐᐗ ᐅ ᑲᑫᔅᑴᐎᓂᓕᐗ, ᓀᔥᑕ ᑳ ᐋᔭᐙᒋᒃ ᐅ ᑎᐹᒋᒧᐎᓂᓕᐤ ᒋᓴᔅ ᙭ᑕ᙮

ᑭᔅᑫᓕᑖᑯᑖᑫᐎᓐ 20:4

ᓂ ᑮ ᐙᐸᑌᓐ ᒫᑲ ᐅᑭᒪᐗᐱᐎᓇ, ᐊᓂᑭ ᓀᔥᑕ ᑳ ᑌᑕᐱᒋᒃ, ᑮ ᒥᓛᐗᒃ ᒫᑲ ᑭᒋ ᑎᐹᔅᑯᓂᑫᒋᒃ: ᓂ ᑮ ᐙᐸᒥᒫᐗ ᒫᑲ ᐅᑦ ᐊᒑᑯᐙᐗ ᐊᓂᑭ ᑳ ᑮ ᑮᔥᑭᑴᐙᑲᓂᐎᒋᒃ ᐅ ᑎᐹᒋᒧᐎᓐ ᒋᓴᔅ ᐅᒋ, ᓀᔥᑕ ᐅᑦ ᐋᔭᒥᐎᓐ ᑭᒋᒪᓂᑐ, ᐁᑳ ᓀᔥᑕ ᑳ ᑮ ᓇᐗᑮᔅᑕᐙᒋᒃ ᐊᓂᐃ ᐊᐌᓯᓴ, ᐁᑳ ᓀᔥᑕ ᐅ ᒪᓯᓕᓕᒥᓕᐗ, ᐁᑳ ᓀᔥᑕ ᑳ ᑮ ᐅᑎᓇᒸᒋᒃ ᐅ ᑭᔅᑭᓄᐙᒋᒋᑲᓂᓕᐤ ᐅᔅᑲᑎᑯᐙᒃ, ᓀᔥᑕᐱᑯ ᐅᒋᒋᐙᒃ; ᑮ ᐎᒋᐱᒫᑎᓯᒣᐗᒃ ᓀᔥᑕ ᑮ ᐎᒋᑎᐯᓕᒋᑫᒣᐗᒃ ᙭ᑕ ᐃᔥᐱᔥ ᑭᒋᒥᑖᑐᒥᑕᓇᐤ ᐱᐴᓋ᙮

ᑭᔅᑫᓕᑖᑯᑖᑫᐎᓐ 22:21

ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᑭ ᑳ ᐎ ᐎᒉᐎᑯᐙᓇᐗᐤ ᒥᓯᐌ ᐁ ᐃᑕᔑᔦᒃ᙮ ᐁᒣᓐ᙮

ᑭᔅᑫᓕᑖᑯᑖᑫᐎᓐ 6:9

ᐃᔅᐱ ᒫᑲ ᑳ ᑭ ᐋᐸᐊᒃ ᓂᔮᓕᓐ ᐊᔅᑯᔅᑭᐗᓯᑲᓂᓕᐤ, ᓂ ᑮ ᐙᐸᒥᒪᐗ ᔑᐹ ᐸᑭᒋᑲᓈᐱᔅᑯᒃ ᐅᑦ ᐊᒑᑯᐙᐗ ᐊᓂᑭ ᑭᒋᒪᓂᑐ ᐅᑦ ᐋᔭᒥᐎᓐ ᑳ ᑭ ᐅᒋ ᓂᐸᐋᑲᓂᐎᒋᒃ, ᓀᔥᑕ ᐊᓂᒪ ᑎᐹᒋᒧᐎᓐ ᐅᒋ ᑳ ᑮ ᒥᒋᒥᓇᑭᒃ: