20 ᐁᐁ, ᓂᒋᔖᓐ, ᐁᑯᔑ ᑭ ᑳ ᒥᓚᐙᑎᑎᓐ ᐅᑎᐯᓕᒋᑫᒃ: ᑳᑭᒋᑖ ᓂ ᐱᒋᓚᐤ ᐅᑎᐯᓕᒋᑫᒃ᙮
ᐌᓴ ᓂ ᑮ ᒥᓜᓕᑕᒥᐃᑾᒃ ᓂᑦ ᐊᒑᑯᒃ ᓀᔥᑕ ᑭᓚᐗᐤ: ᐁᐗᑯ ᐅᒋ ᐁᐗᒀᓂᑭ ᑐᐎ ᑭᔅᑫᓕᒥᑯᒃ᙮
ᐌᓴ ᑮᔥᐱᓐ ᒥᒋᓚᐌᓯᐃᑕᑾᒃ, ᐊᐌᓇ ᐊᓇ ᑳ ᓯᑭᓓᐃᑦ, ᐊᓇ ᐱᑯ ᑳ ᒥᒋᓚᐌᓯᐊᒃ?
ᐁᐗᑯ ᐅᒋ ᓂ ᑮ ᑲᑭᒋᐃᑲᐎᓈᓐ ᑭᓚᐗᐤ ᐁ ᑮ ᑲᑭᒋᐃᑲᐎᔦᒃ: ᐁᐁ, ᓈᔅᐱᒡ ᐊᐙᓯᑌ ᓀᔥᑕ ᓂ ᑮ ᒧᒋᑫᓕᑌᓐ ᐁ ᑮ ᒧᒋᑫᓕᑕᒃ ᑕᐃᑕᔅ, ᐌᓴ ᒥᓯᐌ ᐁ ᐃᑕᔑᔦᒃ ᑭ ᑮ ᒥᓜᓕᑕᒥᐃᒪᐗᐗ ᐅᑦ ᐊᒑᑾ᙮
ᐌᓴ ᑭᒋᒪᓂᑐ ᑭᔅᑫᓕᑕᒻ ᐁᔅᐱᒋ ᑭᐗᔐᓕᒥᑕᑾᒃ ᒥᓯᐌ ᐁ ᐃᑕᔑᔦᒃ ᐅᑦ ᐊᑖᒥᔭᐎᒃ ᒋᓴᔅ ᙭᙮
ᐁᐗᑯ ᐅᒋ, ᓂᒋᔖᓂᑐᒃ, ᓈᔅᐱᒡ ᓯᐋᑭᐃᑕᑾᒃ ᓀᔥᑕ ᑳᐗᔐᓕᒥᑕᑾᒃ, ᓂ ᒥᓚᐙᑕᒧᐎᓐ ᓀᔥᑕ ᓂᑦ ᐅᑭᒪᐗᔅᑐᑎᓐ, ᐁᑯ ᐃᔑ ᐋᔨᒋᑳᐸᐎᔅᑖᒃ ᐅᑎᐯᓕᒋᑫᐤ, ᓈᔅᐱᒡ ᓯᐋᑭᐃᑕᑾᒃ᙮
ᒥᓇ ᒫᑲ ᓂ ᑮ ᐃᔑᑎᔕᐗᐤ: ᐅᑎᓐ ᒫᑲ ᑖᐱᔅᑯᒡ ᑎᐱᓚᐌ ᓂ ᐱᒋᓚᐤ᙮
ᐌᓴ ᓂᑦ ᐋᔮᓈᓐ ᒥᔅᑕᐃ ᒥᓚᐙᑕᒧᐎᓐ ᓀᔥᑕ ᑳᑭᒋᐃᑯᓯᐎᓐ ᑭ ᓵᑭᐃᐌᐎᓂᒃ, ᐌᓴ ᐅᑌᐃᐙᐗ ᐅᐸᓓᑭᓴᒃ ᒥᓜᓕᑕᒧᒪᑲᓂᓕᐗ ᑭᓚ ᐅᒋ, ᓂᒋᔖᓐ᙮
ᓇᓇᐃᑖᑯᒃ ᐊᓂᑭ ᑳ ᑎᐯᓕᒥᑖᑾᒃ, ᓀᔥᑕ ᑕᐸᑌᓕᒥᑎᓱᔅᑖᑯᒃ: ᐌᓴ ᐊᔕᐙᐸᒣᐗᐤ ᑭᑦ ᐊᒑᑯᐙᐗ, ᑖᐱᔅᑯᒡ ᐊᓂᑭ ᑫ ᐃᑖᒋᒧᒋᒃ, ᒥᓚᐙᑕᒧᐎᓂᒃ ᑭᒋ ᐃᔑ ᑐᑕᑭᒃ, ᓇᒪ ᒫᑲ ᒪᒥᔕᒣᓕᑕᒧᐎᓂᒃ: ᐌᓴ ᐊᓂᒪ ᓇᒪᐎᓚ ᓈᓐᑕᐤ ᑭᑦ ᐃᑖᐸᒋᐃᑯᓇᐗᐤ᙮
ᐊᐌᓇ ᒫᑲ ᐁ ᐋᔮᑦ ᐅᒪ ᐊᔅᑭ ᐌᓗᑎᓯᐎᓇ, ᐁ ᐙᐸᒫᑦ ᒫᑲ ᐎᒋᔖᓇ ᐁ ᒪᓀᓯᓕᒋ, ᐁᑳ ᒫᑲ ᐁ ᑭᔐᐙᑐᑕᐙᑦ, ᑖᓂ ᑫ ᑮ ᐃᔑ ᐱᒋᔅᑳᑯᐙᑦ ᑭᒋᒪᓂᑐᐗ ᐅ ᓵᑭᐃᐌᐎᓂᓕᐤ?
ᓇᒪᐎᓚ ᐊᐙᓯᑌ ᓂ ᒥᓚᐙᑌᓐ ᐃᔥᐱᔥ ᑭᒋ ᐯᑕᒫᓐ ᓂᑦ ᐊᐙᔑᒥᔕᒃ ᐁ ᐱᒧᑌᒋᒃ ᑖᐺᐎᓂᒃ᙮
