ᐅᐸᓓᑭᔅ ᒫᕐᒃ 9:25 - ᐅᔅᑭ ᑎᔅᑌᒥᓐᑦ

²⁵ ᐃᔅᐱ ᒋᓴᔅ ᐎᐋᐸᑕᒃ ᐃᓕᓕᐗ ᐁ ᐯᒋ ᒫᒪᐎᐸᑖᓕᒋ, ᑮ ᑭᑐᑌᐤ ᐊᓂᐃ ᐎᓕᐱ ᐊᒑᑾ, ᐁ ᐃᑖᑦ, ᑭᓚ ᐁᑳ ᓀᑕᐌᔭᓐ ᓀᔥᑕ ᑫᑫᐱᑌᔭᓐ ᐊᒑᒃ, ᑭᑦ ᐃᑕᔔᐙᑎᑎᓐ ᑭᒋ ᐯᒋ ᐗᓚᐎᔅᑲᐗᑦ, ᐁᑳ ᒥᓇ ᓀᔥᑕ ᑭᒋ ᐱᑐᑫᔅᑲᐗᑦ᙮

ᐅᐸᓓᑭᔅ ᒫᕐᒃ 9:25 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 12:22

ᐁᑯ ᐱᐁᑐᐙᑲᓂᐎᑦ ᐊᐌᓂᐗ ᑳ ᐱᒋᔅᑳᑯᓕᒋ ᒪᒋ ᐊᒑᑾ, ᐁᑳ ᐁ ᐗᐱᓕᒋ, ᐁᑳ ᓀᔥᑕ ᐁ ᓂᑕᐌᓕᒋ: ᑮ ᒥᓇᐙᒋᐁᐤ ᒫᑲ, ᐁᑯ ᒫᑳ ᐁᑳ ᑳ ᐙᐱᑦ ᓀᔥᑕ ᐁᑳ ᑳ ᓂᑕᐌᑦ ᑮ ᐋᔭᒥᐤ ᓀᔥᑕ ᑮ ᐙᐱᐤ᙮

ᐅᐸᓓᑭᔅ ᒫᑎᐤ 17:18

ᒋᓴᔅ ᒫᑲ ᑮ ᑭᑐᑌᐤ ᒪᒋ ᐊᒑᑾ, ᐁᑯ ᒫᑲ ᐌᓚᐎᓕᒋ ᐎᔭᐎᒃ ᐅᒋ: ᐁᐗᑯ ᑎᐹᔨᑲᓂᒃ ᐱᓯᒧᑳᓂᒃ ᒫᑲ ᑮ ᒥᓇᐙᒋᐊᐤ ᐊᓇ ᐊᐙᔑᔥ᙮

ᐅᐸᓓᑭᔅ ᒫᕐᒃ 9:15

ᑣᔦᒃ ᒫᑲ ᒥᓯᐌ ᐃᓕᓕᐗᒃ, ᐃᔅᐱ ᐎᐋᐸᒫᒋᒃ, ᓈᔅᐱᒡ ᑮ ᒫᒪᔅᑳᑕᒶᒃ, ᓀᔥᑕ ᐁ ᒋᒋᓈᒋᒃ ᑮ ᐊᑖᒥᔅᑲᐌᐗᒃ᙮

ᐅᐸᓓᑭᔅ ᒫᕐᒃ 9:24

ᑣᔦᒃ ᒫᑲ ᐅᑖᐎᔭ ᐊᓇ ᐊᐙᔑᔥ ᑮ ᑌᐺᓕᐗ, ᓀᔥᑕ ᑮ ᐃᑗᓕᐗ ᐁ ᐅᒋᑲᐙᐱᓕᒋ, ᑌᐯᓕᒋᑫᔭᓐ, ᓂ ᑖᐺᑌᓐ; ᐎᒋᑕ ᓂᑦ ᐋᓉᑕᒧᐎᓐ᙮

ᐅᐸᓓᑭᔅ ᒫᕐᒃ 9:26

ᐊᒑᒃ ᒫᑲ ᑮ ᑌᐺᐤ, ᓀᔥᑕ ᑮ ᐎᓴᑭ ᑖᑐᐱᑌᐤ, ᐁᑯ ᐌᓚᐎᔅᑲᐙᑦ: ᑮ ᐃᔑᓈᑯᓯᓕᐗ ᒫᑲ ᑖᐱᔅᑯᒡ ᐊᐌᓇ ᐁ ᓂᐱᑦ; ᑳ ᐅᒋ ᐃᑗᒋᒃ ᒥᒉᑦ, ᓂᐱᐤ᙮

ᐅᐸᓓᑭᔅ ᓘᒃ 11:14

ᑮ ᐗᓚᐎᐌᐱᓀᐸᓐ ᒫᑲ ᒥᒋ ᐊᒑᑾ, ᓇᒪ ᒫᑲ ᑮ ᓂᑕᐌᓕᐗ᙮ ᑮ ᐃᑭᓐ ᒫᑲ, ᐃᔅᐱ ᑳ ᐗᓚᐐᑦ ᒪᒋ ᐊᒑᒃ, ᐁᑳ ᑳ ᓂᑕᐌᑦ ᑮ ᐋᔭᒥᐤ; ᐃᓕᓕᐗᒃ ᒫᑲ ᑮ ᒫᒪᔅᑳᑕᒶᒃ᙮

ᐅᐸᓓᑭᔅ ᓘᒃ 4:35

ᒋᓴᔅ ᒫᑲ ᑮ ᑭᑐᑌᐤ, ᐁ ᐃᑗᑦ, ᐁᑳ ᑭᑐ, ᐯᒋ ᐗᓚᐙᔅᑲᐤ ᒫᑲ᙮ ᐃᔅᐱ ᒫᑲ ᒪᒋ ᐊᒑᒃ ᑳ ᑮ ᑲᐎᐌᐱᓈᑦ ᑌᑖᐎᒡ, ᑭ ᐯᒋ ᐗᓚᐎᔅᑲᐌᐤ, ᓇᒪ ᓀᔥᑕ ᑮ ᐋᑯᐁᐤ᙮

ᐅᐸᓓᑭᔅ ᓘᒃ 4:41

ᒪᒋ ᐊᒑᑾᒃ ᒫᑲ ᒥᒉᑦ ᑮ ᐅᒋ ᐗᓚᐙᔅᑲᐌᐗᒃ, ᐁ ᑌᐺᒋᒃ, ᓀᔥᑕ ᐁ ᐃᑗᒋᒃ, ᑭᓚ ᐁᐗᑯ ᙭, ᑭᒋᒪᓂᑐ ᐅᑯᓯᓴ᙮ ᐎᓚ ᒫᑲ, ᐁ ᑭᑐᑖᑦ, ᑮ ᑭᑕᐊᒪᐌᐤ ᐁᑳ ᑭᒋ ᐋᔭᒥᓕᒋ: ᐌᓴ ᑮ ᑭᔅᑫᓕᑕᒥᓕᐗ ᐁ ᐋᐎᑦ ᙭᙮

ᐅᐸᓓᑭᔅ ᓘᒃ 8:29

(ᐌᓴ ᑮ ᐃᑕᔓᐙᑌᐤ ᐎᓕᐱ ᐊᒑᑾ ᐊᓂᐃ ᐃᓕᓕᐗ ᑭᒋ ᐅᒋ ᐗᓚᐎᓕᒋ᙮ ᐌᓴ ᒥᒉᑡᐤ ᑮ ᒫᑯᓂᑯ: ᑮ ᒫᒫᒋᑯᐱᑕᐤ ᒫᑲ ᐱᐙᐱᔅᑴᐋᐱᔭ, ᓀᔥᑕ ᒫᒫᒋᒀᐱᔅᑲᐃᑲᓇ ᐅᒋ; ᑮ ᐱᑯᐱᑕᒻ ᒫᑲ ᒫᑯᐱᒋᑲᓇ ᓀᔥᑕ ᑮ ᐃᔑᑎᔕᐅᑯ ᒪᒋ ᐊᒑᑾ ᐸᑾᑕᔅᑲᒥᑳᒃ᙮)

ᐅᐸᓓᑭᔅ ᓘᒃ 9:42

ᒣᒀᒡ ᒫᑲ ᑫᔮᐸᒡ ᐁ ᐯᒋ ᐃᑐᑌᑦ, ᑮ ᑲᐎᐌᐱᓂᑯ ᒪᒋ ᐊᒑᑾ, ᓀᔥᑕ ᑮ ᑕᑐᐱᑎᑯ᙮ ᒋᓴᔅ ᒫᑲ ᑮ ᑭᑐᑌᐤ ᐎᓕᐱ ᐊᒑᑾ, ᓀᔥᑕ ᑮ ᒥᓇᐙᒋᐁᐤ ᐊᓂᐃ ᐊᐙᔑᔕ, ᐁᑯ ᐯᑭᑎᓇᒪᐙᑦ ᐅᑖᐎᓕᐗ᙮

ᐊᐸᔅᑕᓚᒃ 16:18

ᐅᒣᓕᐤ ᒫᑲ ᑮ ᑐᑕᒻ ᒥᒉᑦ ᑭᔑᑳᐗ᙮ ᐹᓪ ᒫᑲ, ᐁ ᒪᒥᔕᒣᓕᑕᒃ, ᑮ ᑴᔅᑭᑳᐸᐎᐤ, ᓀᔥᑕ ᑮ ᐃᑌᐤ ᐊᓂᐃ ᐊᒑᑾ, ᑭᑦ ᐃᑕᔓᐙᑎᑎᓐ ᐅᑦ ᐃᔑᓂᑳᓱᐎᓂᒃ ᐊᓇ ᒋᓴᔅ ᙭, ᑭᒋ ᐯᒋ ᐗᓚᐎᔭᓐ ᐎᔭᐎᒃ ᐅᒋ᙮ ᑮ ᐯᒋ ᐗᓚᐎᐤ ᒫᑲ ᐊᓂᒪ ᑎᐸᐃᑲᓐ ᐱᓯᒧᑳᓂᒃ᙮

ᒎᑦ 1:9

ᐁᓕᐌᒃ ᒫᑳ ᒫᐃᑫᓪ ᐊᓇ ᑭᒋᐁᓐᒐᓪ, ᐃᔅᐱ ᐃᐋᔑᑌᒫᑦ ᒪᒋᒪᓂᑐᐗ, ᑮ ᐙᔦᔥ ᐃᑗᐤ, ᒧᓯᓴ ᐎᔭᐎᓕᐤ ᐅᒋ, ᓇᒪᐎᓚ ᑮ ᐃᑌᓕᑕᒻ ᑭᒋ ᑭᑳᒫᑦ, ᒫᑲ ᑮ ᐃᑗᐤ, ᐅᑎᐯᓕᒋᑫᐤ ᑭ ᑳ ᐎ ᑭᑕᐊᒫᒃ᙮