ᐅᐸᓓᑭᔅ ᒫᕐᒃ 9:24 - ᐅᔅᑭ ᑎᔅᑌᒥᓐᑦ

²⁴ ᑣᔦᒃ ᒫᑲ ᐅᑖᐎᔭ ᐊᓇ ᐊᐙᔑᔥ ᑮ ᑌᐺᓕᐗ, ᓀᔥᑕ ᑮ ᐃᑗᓕᐗ ᐁ ᐅᒋᑲᐙᐱᓕᒋ, ᑌᐯᓕᒋᑫᔭᓐ, ᓂ ᑖᐺᑌᓐ; ᐎᒋᑕ ᓂᑦ ᐋᓉᑕᒧᐎᓐ᙮

ᐅᐸᓓᑭᔅ ᒫᕐᒃ 9:24 ပူးပေါင်းရင်းမြစ်များ

ᐅᐸᓓᑭᔅ ᒫᕐᒃ 9:23

ᒋᓴᔅ ᑮ ᐃᑌᐤ, ᑮᔥᐱᓐ ᑫ ᑮ ᑖᐺᑕᒧᐗᓀ, ᒥᓯᐌ ᑫᒀᓐ ᐌᒋᐸᓕᓕᐤ ᐊᓇ ᑳ ᑖᐺᑕᒃ᙮

ᐅᐸᓓᑭᔅ ᒫᕐᒃ 9:25

ᐃᔅᐱ ᒋᓴᔅ ᐎᐋᐸᑕᒃ ᐃᓕᓕᐗ ᐁ ᐯᒋ ᒫᒪᐎᐸᑖᓕᒋ, ᑮ ᑭᑐᑌᐤ ᐊᓂᐃ ᐎᓕᐱ ᐊᒑᑾ, ᐁ ᐃᑖᑦ, ᑭᓚ ᐁᑳ ᓀᑕᐌᔭᓐ ᓀᔥᑕ ᑫᑫᐱᑌᔭᓐ ᐊᒑᒃ, ᑭᑦ ᐃᑕᔔᐙᑎᑎᓐ ᑭᒋ ᐯᒋ ᐗᓚᐎᔅᑲᐗᑦ, ᐁᑳ ᒥᓇ ᓀᔥᑕ ᑭᒋ ᐱᑐᑫᔅᑲᐗᑦ᙮

ᐅᐸᓓᑭᔅ ᓘᒃ 17:5

ᐊᐸᔅᑕᓚᒃ ᒫᑲ ᑮ ᐃᑌᐗᒃ ᐅᑎᐯᓕᒋᑫᐗ, ᓚᑭᑖ ᓂ ᑖᐺᔦᓕᑦᒧᐎᓂᓈᓐ᙮

ᐅᐸᓓᑭᔅ ᓘᒃ 7:38

ᓀᔥᑕ ᑮ ᓂᐸᐎᐤ ᐅᓯᑎᓕᒃ ᐅᔅᐱᔅᑾᓂᓕᒃ ᐁ ᒫᑐᑦ, ᑮ ᐊᑎ ᑭᒋᔅᑖᐸᐗᓯᑌᓀᐤ ᒫᑲ ᐁ ᐅᒋᑲᐙᐱᑦ, ᓀᔥᑕ ᑮ ᑳᓯᓇᒬᐤ ᐅᔅᑎᒀᓂᐱᐗᔭ ᐅᒋ, ᓀᔥᑕ ᑮ ᐅᒉᑕᒬᐤ ᐅᓯᑎᓕᐗ, ᑮ ᑕᒪᔅᑯᓇᒬᐤ ᒫᑲ ᑕᒪᔅᑯᐎᓂᓕᐤ ᐅᒋ᙮

ᐅᐸᓓᑭᔅ ᓘᒃ 7:44

ᑮ ᑴᔅᑭᔅᑕᐌᐤ ᒫᑲ ᐃᔅᑴᐗ, ᑮ ᐃᑌᐤ ᒫᑲ ᓵᐃᒪᓇ, ᑭ ᐙᐸᒪᐤ ᓈ ᐊᐗ ᐃᔅᑴᐤ? ᓂ ᑮ ᐱᑐᑳᓐ ᑭ ᐙᔅᑳᔨᑲᓂᒥᒃ: ᓇᒪᐎᓚ ᒫᑲ ᑭ ᐅᒋ ᒥᓕᓐ ᓂᐱ ᑭᒋ ᑭᒋᔅᑖᐸᐗᑖᓂᐗᑭ ᓂᓯᑕ; ᒫᑲ ᐎᓚ ᓂ ᑮ ᑭᒋᔅᑕᐹᐗᓯᑌᓂᒃ ᐁ ᐅᒋᑲᐙᐱᑦ, ᓀᔥᑕ ᑮ  ᑳᓯᓇᒻ ᐅᔅᑎᒀᓂᐱᐙᔭ ᐅᒋ᙮

ᐊᐸᔅᑕᓚᒃ 10:19

ᒣᒀᒡ ᒫᑲ ᐱᑕᕐ ᒥᐋᒥᑐᓀᓕᑕᒃ ᐅᒪ ᐸᐙᒧᐎᓐ, ᐊᒑᑾ ᑮ ᐃᑎᑯ, ᒫᑎᑲ, ᓂᔅᑐ ᐃᓕᓕᐗᒃ ᑮ ᓇᑐᓈᑾᒃ᙮

ᐊᐸᔅᑕᓚᒃ 10:31

ᑮ ᐃᑗᐤ ᒫᑲ, ᑳᕐᓂᓕᔭᔅ, ᑭᑦ ᐋᔭᒥᐋᐎᓐ ᐯᒋᑳᑌᐤ, ᓀᔥᑕ ᑭ ᒥᓕᐌᐎᓇ ᑭᔅᑭᓯᑐᒋᑳᑌᐗ ᐁ ᐙᐸᑕᒃ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 2:4

ᐌᓴ ᑭᒋ ᑲᒀᑕᑫᓕᒧᐎᓂᒃ ᓀᔥᑕ ᓇᓀᑳᑌᓕᒧᐎᑌᐁᐎᓂᒃ, ᑭ ᑮ ᒪᓯᓇᐊᒫᑎᓇᐗᐤ ᒥᔅᑕᐃ ᐁ ᒫᑐᔮᓐ; ᐁᑳᐎᓚ ᑭᒋ ᒪᒥᔕᒣᓕᑕᒣᒃ, ᒫᑲ ᑭᒋ ᑭᔅᑫᓕᑕᒣᒃ ᐁᔅᐱᒋ ᓈᔅᐱᒡ ᓵᑭᐃᑕᑾᒃ᙮

ᐃᐱᓯᔭᓇ 2:8

ᐌᓴ ᔕᐌᓕᒋᑫᐎᓐ ᑭᑦ ᐅᒋ ᐱᒫᒋᐃᑲᐎᓇᐗᐤ ᑖᐺᔦᓕᑕᒧᐎᓐ ᐅᒋ; ᓇᒪᐎᓚ ᒫᑲ ᑭᓚᐗᐤ ᑎᐱᓚᐌ ᐅᒋ; ᐁᐗᑯ ᑭᒋᒪᓂᑐ ᐅ ᒥᓕᐌᐎᓐ:

ᐱᓕᐱᔭᓇ 1:29

ᐌᓴ ᑭᓚᐗᐤ ᑭ ᒥᓕᑲᐎᓇᐗᐤ ᐅᑦ ᐃᑌᓕᑖᑯᓯᐎᓂᒃ ᙭, ᓇᒪᐎᓚ ᐱᑯ ᑭᒋ ᑖᐺᔦᓕᒣᒃ, ᒫᑲ ᐊᓯᒋ ᐎᓚ ᐅᒋ ᑭᒋ ᐎᓴᑫᓕᑕᒣᒃ;

ᓂᔓ ᑌᓴᓗᓂᔭᓇ 1:11

ᐁᐗᑯ ᐅᒋ ᒧᔕᒃ ᑭᑦ ᐋᔭᒥᐁᔅᑕᒫᑎᓈᓐ, ᑭ ᑭᒋᒪᓂᑐᒥᓇᐤ ᑭᒋ ᑌᐸᑫᓕᒥᑖᒃ ᐅᒪ ᓇᑐᑫᐎᓂᒃ, ᓀᔥᑕ ᑭᒋ ᑎᐱᑐᑕᒫᑖᒃ ᒥᓯᐌ ᐁ ᐃᔑ ᒥᓨᔑᑭ, ᓀᔥᑕ ᑖᐺᔦᓕᑕᒧᐎᓂ ᐊᑑᔅᑫᐎᓐ ᑲᔅᑭᐅᐎᓂᒃ;

ᓂᔓ ᑌᓴᓗᓂᔭᓇ 1:3

ᓂᑦ ᐃᑌᓕᑖᑯᓯᓈᓐ ᒧᔕᒃ ᑭᒋ ᓇᓈᔅᑯᒪᑭᑦ ᑭᒋᒪᓂᑐ ᑭᓚᐗᐤ ᐅᒋ ᓂᒋᔖᓂᑐᒃ, ᐁ ᐃᔑ ᒥᓗᐃᑌᓕᑖᑾᒃ, ᑭ ᑖᐺᔦᓕᑕᒧᐎᓂᐗᐤ ᐁ ᐌᓗᒋ ᓂᑕᐎᑭᒃ, ᓀᔥᑕ ᑭ ᓵᑭᐃᑐᐎᓂᐗᐤ ᐁ ᐃᔑ ᓵᑭᐃᑐᔦᒃ ᐁ ᐌᓗᒋᐸᓕᒃ;

ᓂᔓ ᑎᒧᑎ 1:4

ᓈᔅᐱᒡ ᐁ ᓇᑕᐌᓕᑕᒫᓐ ᑭᒋ ᐙᐸᒥᑖᓐ, ᐁ ᒫᒥᑐᓀᓕᑕᒫᓐ ᐁ ᐃᔑ ᐅᒋᑲᐙᐱᔭᓐ, ᑭᒋ ᓵᑭᓀᔅᑳᑯᔮᓐ ᒥᓚᐙᑕᒧᐎᓐ;

ᐦᐃᑉᕉᐗ 12:17

ᐌᓴ ᑭ ᑭᔅᑫᓕᑌᓇᐗᐤ ᐹᑎᒫ ᐃᔅᐱ ᐙ ᐅᑎᓇᒃ ᐊᓂᐁᓕᐤ ᒥᓦᑭᒥᑯᓯᐎᓂᓕᐤ, ᐁ ᑮ ᐋᑕᐌᓕᒫᑲᓂᐎᑦ: ᐌᓴ ᓇᒪᐎᓚ ᑮ ᒥᔅᑲᒻ ᐃᑕ ᑭᒋ ᐃᔑ ᒥᒋᓚᐌᔦᓕᑕᒃ, ᐋᑕ ᐁ ᐅᒋᑲᐙᐱᑦ ᐯᐯᔭᑕᒃ ᐁ ᑮ ᓈᓇᑕᐌᓕᑕᒃ᙮

ᐦᐃᑉᕉᐗ 12:2

ᐁ ᑲᓇᐙᐸᒪᒃ ᒋᓴᔅ, ᐊᓇ ᑳ ᑭᒋᑖᑦ ᓀᔥᑕ ᑳ ᑭᔑᑖᑦ ᑭ ᑖᐺᔦᓕᑕᒧᐎᓂᐗᐤ; ᐊᓇ ᒥᓚᐙᑕᒧᐎᓐ ᐅᒋ ᑳ ᑮ ᓂᑳᓇᔅᑕᒫᑦ ᑳ ᑮ ᓇᔭᑕᒃ ᐋᔑᑌᐋᑎᑯᓕᐤ, ᐁ ᐋᑕᐌᓕᑕᒃ ᓇᓀᐯᐎᓯᐃᓂᓕᐤ, ᓇᐊᐱᐤ ᒫᑲ ᑭᒋᓂᔅᑮᒃ ᐃᑌᑫ ᐅᑦ ᐅᑭᒪᐗᐱᐎᓂᓕᒃ ᑭᒋᒪᓂᑐᐗ᙮

ᐦᐃᑉᕉᐗ 5:7

ᐊᓇ ᒣᒀᒡ ᑳ ᐎᔭᓯᐎᑦ, ᐃᔅᐱ ᑳ ᑮ ᐋᔭᒥᐁᔅᑕᐙᑦ ᓀᔥᑕ ᓇᑐᑕᒫᑫᔅᑕᐙᑦ, ᐊᓯᒋ ᓀᔥᑕ ᒪᐎᒧᔅᑕᐙᑦ ᓀᔥᑕ ᐅᒋᑲᐙᐱᔅᑕᐙᑦ ᐊᓂᐃ ᑳ ᑲᔥᑭᑖᓕᑭ ᑭᒋ ᐱᒫᒋᐃᑯᑦ ᓂᐱᐎᓂᒃ ᐅᒋ, ᓀᔥᑕ ᐁ ᑮ ᐯᑕᐙᑲᓂᐎᑦ ᐁ ᑮ ᓇᓂᒌᑦ;