ᐅᐸᓓᑭᔅ ᒫᕐᒃ 8:34 - ᐅᔅᑭ ᑎᔅᑌᒥᓐᑦ

³⁴ ᐃᔅᐱ ᒫᑲ ᑳ ᑮ ᓇᑐᒫᑦ ᐃᓕᓕᐗ, ᐊᓯᒋ ᐅ ᑭᔅᑭᓄᐊᒪᐙᑲᓇ ᓀᔥᑕ, ᑮ ᐃᑌᐤ, ᐊᐌᓇ ᐙ ᓄᔅᐱᓇᔑᑴ, ᐁᑯᔑ ᑲᑕ ᐋᓉᑖᑎᓱ, ᑲᑕ ᐅᑎᓇᒻ ᓀᔥᑕ ᐅᑦ ᐋᔑᑌᐋᑎᓇᒻ, ᓂ ᑳ ᓄᔅᐱᓇᑎᒃ ᒫᑲ᙮

ᐅᐸᓓᑭᔅ ᒫᕐᒃ 8:34 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:38

ᐊᓇ ᓀᔥᑕ ᐁᑳ ᑳ ᐅᑎᓇᒃ ᐅᑦ ᐋᔑᑌᐋᑎᑯᒻ, ᓀᔥᑕ ᓄᔅᐱᓇᔑᑦ, ᓇᒪᐎᓚ ᑌᐸᑫᓕᑖᑯᓯᐤ ᑭᒋ ᐎᒉᐎᑦ᙮

ᐅᐸᓓᑭᔅ ᒫᑎᐤ 16:24

ᐁᑯ ᒋᓴᔅ ᐁᑖᑦ ᐅ ᑭᔅᑭᓄᐊᒪᐙᑲᓇ, ᑮᔥᐱᓐ ᐊᐌᓇ ᐙ ᓄᔅᐱᓇᔑᑴ, ᐁᑯᔑ ᑲᑕ ᐋᓉᑖᑎᓱ, ᑲᑕ ᐅᑎᓇᒻ ᒫᑲ ᐅᑦ ᐋᔑᑌᐋᑎᑯᒻ, ᓂ ᑳ ᓄᔅᐱᓇᑎᒃ ᒫᑲ᙮

ᐅᐸᓓᑭᔅ ᒫᑎᐤ 27:32

ᐁ ᐊᑎ ᐗᓚᐎᒋᒃ ᒫᑲ ᑮ ᒥᔅᑲᐌᐗᒃ ᐯᔭᒃ ᓵᐃᕆᓂᐎᓕᓕᐗ, ᓵᐃᒪᓐ ᐁ ᐃᔑᓂᑳᓱᓕᒋ: ᐁᐗᒀᓂᐃ ᔑᐋᑯᒋᒫᒋᒃ ᑭᒋ ᐱᒥᐎᑖᓕᒋ ᐅᑦ ᐋᔑᑌᐋᑎᑯᒥᓕᐗ᙮

ᐅᐸᓓᑭᔅ ᒫᕐᒃ 10:21

ᐁᑯ ᒋᓴᔅ, ᐁ ᑲᓇᐙᐸᒫᑦ, ᑮ ᓵᑭᐁᐤ, ᓀᔥᑕ ᑮ ᐃᑌᐤ, ᐯᔭᒃ ᑫᒀᓐ ᑮ ᓄᑌᐸᓕᓐ: ᑭᐌ, ᐊᑖᐗᑫ ᐱᑯ ᑫᒀᓐ ᑳ ᐋᔮᔭᓐ, ᒥᓕᒃ ᒫᑲ ᐅᑭᑎᒫᑭᓯᐗᒃ, ᐁᑯ ᒫᑲ ᑫ ᐋᔮᔭᓐ ᐌᓗᑎᓯᐎᓐ ᑭᒋᑭᔑᑯᒃ: ᓀᔥᑕ ᒫᑲ ᐯᒋ ᐃᑐᑌ, ᐅᑎᓇ ᐋᔑᑌᐋᑎᒃ, ᓄᔅᐱᓇᔑᓐ ᒫᑲ᙮

ᐅᐸᓓᑭᔅ ᒫᕐᒃ 7:14

ᐃᔅᐱ ᒫᑲ ᑳ ᑮ ᓇᑐᒫᑦ ᒥᓯᐌ ᐃᓕᓕᐗ, ᑮ ᐃᑌᐤ, ᓇᑐᑕᐎᒃ ᒥᓯᐌ ᐁ ᐃᑕᔑᔦᒃ ᓂᓯᑐᑕᒧᒃ ᒫᑲ:

ᐅᐸᓓᑭᔅ ᓘᒃ 13:24

ᑯᒋ ᐱᑐᑫᒃ ᑳ ᔖᑲᐙᒃ ᐃᔥᒀᑌᒻ; ᐌᓴ ᒥᒉᑦ, ᑭᑦ ᐃᑎᓇᐗᐤ, ᑲᑕ ᐎ ᐱᑐᑫᐗᒃ ᓇᒪᐎᓚ ᒫᑲ ᑲᑕ ᑮ ᑐᑕᒶᒃ᙮

ᐅᐸᓓᑭᔅ ᓘᒃ 14:33

ᐁᑯ ᑖᐱᔅᑯᒡ ᓀᔥᑕ, ᐊᐌᓇ ᐁ ᐃᑕᔑᔦᒃ ᐁᑳ ᑳ ᓇᑲᑕᒃ ᒥᓯᐌ ᑳ ᐋᔮᑦ, ᓇᒪᐎᓚ ᓂ ᑳ ᑮ ᐅᑭᔅᑭᓄᐊᒪᐙᑲᓂᒪᐤ᙮

ᐅᐸᓓᑭᔅ ᓘᒃ 18:22

ᐃᔅᐱ ᒫᑲ ᒋᓴᔅ ᐱᐁᑕᒃ ᐅᐅ ᑫᒀᓇ, ᑮ ᐃᑌᐤ, ᐯᔭᒃ ᑫᒀᓇ ᑭ ᓄᑌᐸᓕᓐ: ᐊᑖᐙᑫ ᒥᓯᐌ ᑳ ᐋᔮᔭᓐ, ᒫᑎᓇᒪᐎᒃ ᒫᑲ ᐅᑭᑎᒫᑭᓯᐊᐧᒃ, ᐁᑯ ᒫᑲ ᑫ ᐋᔮᔭᓐ ᐌᓗᑎᓯᐎᓐ ᑭᒋᑭᔑᑯᒃ: ᐯᒋ ᓄᔅᐱᓇᔑᓐ ᒫᑲ᙮

ᐅᐸᓓᑭᔅ ᓘᒃ 20:45

ᐁᑯ ᒫᑲ ᐁ ᐯᑖᑯᑦ ᒥᓯᐌ ᐃᓕᓕᐗ, ᑮ ᐃᑌᐤ ᐅ ᑭᔅᑭᓄᐊᒪᐗᑲᓇ,

ᐅᐸᓓᑭᔅ ᓘᒃ 9:23

ᑮ ᐃᑌᐤ ᒫᑲ ᒥᓯᐌ, ᑮᔥᐱᓐ ᐊᐌᓇ ᐙ ᓄᔅᐱᓇᔑᑴ, ᐁᑯᔑ ᑲᑕ ᐋᓉᑖᑎᓱ, ᑲᑕ ᐅᑎᓇᒻ ᒫᑲ ᐅᑦ ᐋᔑᑌᐋᑎᑯᒻ ᑕᑡᐤ ᐁ ᑭᔑᑳᓕᒃ, ᓂ ᑳ ᓄᔅᐱᓇᑎᒃ ᒫᑲ᙮

ᐅᐸᓓᑭᔅ ᒑᓐ 10:27

ᓂ ᒫᓂᔥᒑᓂᔑᒪᒃ ᓇᑐᑕᒶᒃ ᓂ ᐯᑖᑯᓯᐎᓂᓕᐤ, ᓀᔥᑕ ᓂ ᑭᔅᑫᓕᒪᐗᒃ ᓂ ᓄᔅᐱᓈᑎᑾᒃ ᓀᔥᑕ᙮

ᐅᐸᓓᑭᔅ ᒑᓐ 19:17

ᐎᓚ ᒫᑲ, ᐁ ᐱᒥᐎᑖᑦ ᐅᑦ ᐋᔑᑌᐋᑎᑯᒻ ᑭ ᐃᑐᑌᐤ ᐅᑕ ᐅᔅᑎᒀᓂᑲᓐ ᐁ ᐃᔑᓂᑳᑌᓕᒃ, ᐦᐃᑉᕉ ᐃᔑᑭᔗᐎᓂᒃ ᑯᓪᑯᑕ ᑳ ᐃᔑᓂᑳᑌᒃ:

ᐊᐸᔅᑕᓚᒃ 14:22

ᐁ ᐊᔨᒋᐃᒫᒋᒃ ᐅᑦ ᐊᒑᑯᐗᐗ ᑭᔅᑭᓄᐊᒪᐙᑲᓇᒃ, ᓀᔥᑕ ᐁ ᔖᔑᑭᒫᒋᒃ ᓲᑲ ᑭᒋ ᒥᒋᒥᓇᒥᓕᒋ ᑖᐺᔦᓕᑕᒧᐎᓂᓕᐤ, ᓀᔥᑕ ᒥᔅᑕᐃ ᐊᓕᒥᓯᐎᓐ ᑭᒋ ᑮ ᐅᒋ ᐱᑐᑫᐗᒃ ᑭᒋᒪᓂᑐ ᐅᑦ ᐅᑭᒫᐎᐎᓂᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 6:6

ᐅᒪ ᐁ ᑭᔅᑫᓕᑕᒪᒃ ᑭ ᑳᔮᔥ ᐃᓕᓕᐎᐎᓂᓇᐤ ᑳ ᒋᔅᑖᔅᑾᐃᑳᑌᒃ ᐊᓯᒋ ᐎᓚ, ᒪᒋᑣᐎᓂ ᒥᔭᐤ ᑭᒋ ᓂᔑᐗᓈᑕᒃ, ᐁᑯᔅᐱ ᐅᒋ ᐁᑳ ᑭᒋ ᐊᑑᔅᑫᔅᑕᒪᒃ ᒪᒋᑣᐎᓐ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:17

ᑮᔥᐱᓐ ᒫᑲ ᐅᑦ ᐊᐙᔑᒥᔕ, ᐁᑯ ᑫ ᐋᓂᔅᑫ ᐋᔭᐗᒃ ᐅᑦ ᐋᔮᓇ, ᑫ ᐋᓂᔅᑫ ᐋᔭᐗᒃ ᑭᒋᒪᓂᑐ ᐅᑦ ᐋᔮᓇ, ᑭᓕᓈᓇᐤ ᐊᓯᒋ ᙭ ᑖᐱᔅᑯ ᐋᓂᔅᑫ ᑫ ᐋᔭᐗᒃ; ᑮᔥᐱᓐ ᐁᑭᓄᑴ ᐁ ᐎᒋᓴᑫᓕᑕᒧᒪᒃ, ᐁᑯ ᓀᔥᑕ ᑭᒋ ᐃᑕᔭᒃ ᐊᓯᒋ ᐎᓚ ᑭᔅᑌᓕᑖᑯᓯᐎᓂᒃ᙮

ᓂᔥᑕᒻ ᑯᕆᓐᑎᐊᓇ 15:31

ᓂ ᐎᑌᓐ ᑭ ᒧᒋᑫᓕᑕᒧᐎᓂᐗᐤ ᐅᒋ, ᑳ ᐗᔮᔮᓐ ᐎᓚ ᐅᒋ ᒋᓴᔅ ᙭ ᑭ ᑎᐯᓕᒋᑫᒥᓇᐤ ᑕᑡᐤ ᑳᔑᑳᑭ ᓂ ᓂᐱᓐ᙮

ᓂᔥᑕᒻ ᑯᕆᓐᑎᐊᓇ 8:13

ᐁᐗᑯ ᐅᒋ, ᑮᔥᐱᓐ ᒥᒋᒻ ᐅᒋ ᑐᑕᐗᑫ ᓂᒋᔖᓐ ᑭᒋ ᐗᓂᑐᑕᒃ, ᓇᒪᐎᓚ ᓂ ᑳ ᒥᒋᐤ ᐎᔮᔅ ᐃᓕᑯᒃ ᑫ ᐊᔅᑭᐗᒃ, ᐁᑳ ᑭᒋ ᑐᑕᐗᒃ ᓂᒋᔖᓐ ᑭᒋ ᐗᓂᑐᑕᒃ᙮

ᓂᔥᑕᒻ ᑯᕆᓐᑎᐊᓇ 9:19

ᐌᓴ ᐋᑕ ᐁᑳ ᐊᐌᓇ ᐁ ᑎᐯᓕᒥᑦ, ᐁᓕᐌᒃ ᒫᑲ ᓂ ᑮ ᐃᔑᐃᑎᓱᓐ ᑭᒋ ᐊᑑᔅᑲᐗᑭᒃ ᒥᓯᐌ, ᑭᒋ ᐃᔑ ᑲᔥᑭᐊᑭᒃ ᓇᐗᒡ ᒥᒉᑦ᙮

ᑲᓓᔕᐊᓇ 2:20

ᓂ ᐎᒋᒋᔅᑖᔅᒀᓱᒪᐤ ᙭: ᐁᓕᐌᒃ ᒫᑲ ᓂ ᐱᒫᑎᓰᓐ; ᓇᒪᐎᓚ ᒫᑲ ᓂᓚ, ᒫᑲ ᙭ ᑳ ᐱᒫᑎᓰᔅᑲᐎᑦ: ᓀᔥᑕ ᐊᓂᒪ ᐱᒫᑎᓰᐎᓐ ᐊᓄᒡ ᑳ ᐱᒫᑎᓯᔮᓐ ᐎᔮᓯᐎᓂᒃ, ᓂ ᐱᒫᑎᓰᓐ ᐁ ᑖᐺᔦᓕᒥᒪᒃ ᑭᒋᒪᓂᑐ ᐅᑯᓯᓴ, ᑳ ᑮ ᓵᑭᐃᑦ, ᓀᔥᑕ ᑳ ᑮ ᐸᑭᑎᓂᑎᓯᔅᑕᒪᐎᑦ᙮

ᑲᓓᔕᐊᓇ 5:24

ᐊᓂᑭ ᒫᑲ ᑳ ᑎᐯᓕᒥᑯᒋᒃ ᙭ᑕ, ᑮ ᒋᔅᑖᔅᒀᑕᒶᒃ ᐎᔭᓯᐎᐎᓕᓕᐤ, ᐊᓯᒋ ᓀᔥᑕ ᐁ ᐃᔑ ᒪᒋ ᐃᑌᓕᑕᒧᒪᑲᓂᓕᒃ ᓀᔥᑕ ᐁ ᐃᔑ ᓇᑕᐌᓕᑕᒧᒪᑲᓂᓕᒃ᙮

ᑲᓓᔕᐊᓇ 6:14

ᒫᑲ ᑭᒋᒪᓂᑐ ᑲᑕ ᐎ ᑭᐱᒋᑕᐤ ᓂᓚ ᑭᒋ ᒫᒪᑖᑯᒧᔮᓐ, ᐱᑯ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐅᑦ ᐋᔑᑌᐋᑎᑯᒻ ᐅᒋ, ᑳ ᐅᒋ ᒋᔅᑖᔅᑾᐊᒫᑲᐎᔮᓐ ᐊᔅᑭ, ᓂᓚ ᓀᔥᑕ ᐊᔅᑮᒃ ᐃᔑ᙮

ᐱᓕᐱᔭᓇ 3:10

ᑭᒋ ᑭᔅᑫᓕᒪᒃ, ᓀᔥᑕ ᐁᔅᐱᒋ ᑲᔥᑭᐅᒪᑲᓂᓕᒃ ᐅ ᐗᓂᔥᑲᐎᓐ, ᓀᔥᑕ ᐊᓂᒪ ᐎᒉᐎᐌᐎᓐ ᐅ ᐙᐎᓴᑫᓕᑕᒧᐎᓂᒃ ᑳ ᐅᒋᐸᓕᒃ, ᐁ ᐃᔑᓈᑯᐃᑲᐎᐗᒃ ᐅ ᓂᐱᐎᓐ;

ᐱᓕᐱᔭᓇ 3:7

ᒫᑲ ᐊᓂᐃ ᑳ ᑮ ᐅᑎᓯᔮᓐ, ᐁᐗᒀᓂᐃ ᓂ ᐗᓂᑖᓐ ᓂ ᑮ ᐊᑭᑌᓐ ᙭ ᐅᒋ᙮

ᑯᓚᔑᔭᓇ 1:24

ᐊᓄᒡ ᒫᑲ ᓂ ᒥᓚᐙᑌᓐ ᓂ ᐎᓴᑫᓕᑕᒧᐎᓂᒃ ᑭᓚᐗᐤ ᐅᒋ, ᓀᔥᑕ ᓂ ᓵᑲᔅᑭᓇᑖᓐ ᐊᓂᐁᓕᐤ ᑳ ᓄᑌᐸᓕᓕᒃ ᐅ ᑲᒀᑕᑭᓯᐎᓇ ᙭, ᓂ ᐎᔮᓯᒃ, ᐎᔭᐤ ᐅᒋ, ᐁᐗᑯ ᒫᒪᐎᐋᔭᒥᐊᐗᒃ;

ᑯᓚᔑᔭᓇ 3:5

ᐁᐗᑯ ᐌᒋ ᓂᔑᐗᓈᒋᑖᒃ ᑭᑦ ᐊᔅᑭᐎ ᓇᑕᐌᓕᑕᒧᐎᓂᐗᐗ; ᐱᔑᒀᑎᓯᐎᓐ, ᐎᓂᓯᐎᓐ, ᐱᔑᒀᑎᓯᐎ ᐃᑌᓕᑕᒧᐎᓐ, ᒪᒋ ᓇᑕᐌᓕᑕᒧᐎᓐ, ᓀᔥᑕ ᒧᔅᑌᓇᒫᑫᐎᓐ, ᐁᐗᑯ ᐁ ᓇᐗᑭᔅᑕᐙᑲᓂᐎᑦ ᒪᓂᑐᑳᓐ:

ᓂᔓ ᑌᓴᓗᓂᔭᓇ 3:11

ᐌᓴ ᓂ ᐯᑌᓈᓐ ᐋᑎᑦ ᐁ ᐃᑕᔑᔦᒃ ᐁᑳ ᒀᔭᔉ ᑳ ᐱᒧᑌᒋᒃ, ᐁᑳ ᒥᑐᓂ ᐁ ᐊᑑᑫᒋᒃ, ᒫᑲ ᐱᑯ ᐁ ᑭᐅᑫᔅᑭᒋᒃ᙮

ᑕᐃᑕᔅ 2:12

ᐁ ᑭᔅᑭᓄᐊᒫᑯᔭᒃ, ᐁ ᐋᓉᑕᒪᒃ ᒪᒑᑎᓯᐎᓐ ᓀᔥᑕ ᐊᔅᑭᐎ ᓇᑕᐌᓕᒋᑫᐎᓇ, ᑭᒋ ᐯᑳᒡ ᐱᒫᑎᓯᔭᒃ, ᑭᒋ ᒀᔭᔅᑭᑖᑎᓯᔭᒃ, ᓀᔥᑕ ᒪᓂᑐᐙᑎᓯᔭᒃ, ᐅᒪ ᐊᔅᑮᒃ ᐊᓄᒡ ᑳ ᐃᑕᑾᒃ;

ᐦᐃᑉᕉᐗ 13:13

ᐁᐗᑯ ᐅᒋ ᐁᑯᔑ ᐗᓚᐎᑎᒥᒃ ᑲᐯᔑᐎᓂᒃ ᓇᑕᐎ ᓈᑖᑕᐤ, ᐁ ᓇᔭᑕᒶᒃ ᐅ ᓇᓀᐯᐎᐃᑯᓯᐎᓐ᙮

ᓂᔥᑕᒻ ᐱᑕᕐ 4:1

ᐁ ᑭᔅᑫᓕᑖᑾᒃ ᒫᑲ ᙭ ᐁ ᑮ ᐎᓴᑫᓕᑕᒫᑕᒃ ᐎᔮᓯᒃ, ᐁᑯᔑ ᐳᔅᑎᔥᑲᒧᒃ ᑭᓚᐗᐤ ᓀᔥᑕ ᐁᐗᑯ ᒥᑐᓀᓕᒋᑲᓐ: ᐌᓴ ᐊᓇ ᑳ ᑮ ᐎᓴᑫᓕᑕᒃ ᐎᔮᓯᒃ ᑮ ᐳᓂᑕᐤ ᒪᒋᑐᑕᒧᐎᓂᓕᐤ;

ᓂᔥᑕᒻ ᐱᑕᕐ 4:13

ᒫᑲ ᒥᓚᐙᑕᒧᒃ, ᐁ ᑮ ᐎᒋᐃᐌᔦᐤ ᙭ ᐅ ᐙᐎᓴᑫᓕᑕᒧᐎᓇ; ᐃᔅᐱ ᓄᑾᓂᓕᑫ ᐅ ᑭᔅᑌᓕᑖᑯᓯᐎᓐ, ᑭᓚᐗᐤ ᓀᔥᑕ ᑭᒋ ᓯᑭᓓᓯᔦᑳ ᑭᒋ ᒥᓚᐙᑕᒧᐎᓂᒃ᙮

ᓂᔓ ᐱᑕᕐ 1:14

ᐁ ᑭᔅᑫᓕᑕᒫᓐ ᐎᐸᒡ ᑭᒋ ᑫᒋᑾᓇᒫᓐ ᐅᒪ ᓂ ᒥᑭᐙᒻ, ᑖᐱᔅᑯᒡ ᑭ ᑎᐯᓕᒋᑫᒥᓇᐤ ᒋᓴᔅ ᙭ ᐁ ᑮ ᐙᐸᑎᓕᑦ᙮

ᓂᔥᑕᒻ ᒑᓐ 3:16

ᐁᑯᑕ ᑳ ᐅᒋ ᐙᐸᑕᒶᒃ ᑭᒋᒪᓂᑐ ᐅ ᓵᑭᐃᐌᐎᓐ, ᐁ ᑮ ᐱᒥᑎᑖᑦ ᐅ ᐱᒫᑎᓯᐎᓐ ᑭᓚᓈᓇᐤ ᐅᒋ: ᑭᓚᓈᓇᐤ ᓀᔥᑕ ᑭ ᑳ ᐱᒥᑎᑖᑖᓇᐤ ᑭ ᐱᒫᑎᓯᐎᓂᓇᐗ ᑳ ᐋᔭᒥᐋᐎ ᐎᒋᔖᓂᑐᒋᒃ ᐅᒋ᙮

ᑭᔅᑫᓕᑖᑯᑖᑫᐎᓐ 2:10

ᐁᑳᐎᓚ ᑯᔅᑕ ᐊᓂᐃ ᑫᒀᓇ ᑫ ᐃᔑ ᑲᒀᑕᑭᑖᔭᓐ: ᒫᑎᑲ, ᒪᒋᒪᓂᑐ ᐋᑎᑦ ᑭᐸᐅᑐᐎᑲᒥᑯᒃ ᑭ ᑳ ᐃᔑ ᐌᐱᓂᑯᐗᐤ, ᑭᒋ ᑲᑴᒋᐃᑲᐎᔦᒃ; ᓀᔥᑕ ᑭ ᑳ ᐋᔮᓇᐗᐤ ᐊᓕᒥᓯᐎᓐ ᒥᑖᑐ ᑭᔑᑳᐗ: ᒀᔭᔅᑭᑎ ᓂᐱᐎᓂᒃ ᐃᔅᑯ, ᑭ ᑳ ᒥᓕᑎᓐ ᒫᑲ ᐱᒫᑎᓯᐎᓂ ᐅᑭᒪᐗᔅᑐᑎᓐ᙮