ᐅᐸᓓᑭᔅ ᒫᕐᒃ 8:11 - ᐅᔅᑭ ᑎᔅᑌᒥᓐᑦ

¹¹ ᐸᕋᓯᔭᒃ ᒫᑲ ᑮ ᐯᒋ ᐃᑐᑌᐗᒃ, ᑮ ᒫᒋ ᑲᑴᒋᒣᐗᒃ ᒫᑲ, ᐁ ᓇᑕᐌᓕᑕᒪᐙᒋᒃ ᑭᔅᑭᓄᐙᒋ ᐙᐸᑎᓕᐌᐄᓂᓕᐤ ᑭᒋᑭᔑᑯᒃ ᐅᒋ, ᐁ ᑲᑴᒋᐋᒋᒃ᙮

ᐅᐸᓓᑭᔅ ᒫᕐᒃ 8:11 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 12:38

ᐁᑯ ᐋᑎᑦ ᐅᒪᓯᓇᐃᑫᐗᒃ ᓀᔥᑕ ᐸᕋᓯᔭᒃ, ᐁ ᓇᔥᑴᐗᔑᐃᐌᒋᒃ, ᑮ ᐃᑗᐗᒃ, ᑫᔅᑭᓄᐊᒫᑭᔭᓐ, ᓂ ᐎ ᐙᐸᑌᓈᓐ ᑭᔅᑭᓄᐙᒋ ᐙᐸᑎᓕᐌᐎᓐ ᐁ ᐃᑐᑕᒪᓐ᙮

ᐅᐸᓓᑭᔅ ᒫᑎᐤ 19:3

ᑮ ᐯᒋ ᓈᑎᑯ ᓀᔥᑕ ᐸᕋᓯᔭ, ᐁ ᑲᑴᒋᐃᑯᑦ, ᐁ ᐃᑎᑯᑦ ᒫᑲ, ᐅᓚᔓᐌᓕᑖᑾᓐ ᓈ ᐃᓕᓕᐤ ᑭᒋ ᐌᐱᓈᑦ ᐎᐗ ᒥᓯᐌ ᑫᒀᓕᐤ ᐅᒋ?

ᐅᐸᓓᑭᔅ ᒫᑎᐤ 21:23

ᐃᔅᐱ ᒫᑲ ᑳ ᐱᑐᑫᑦ ᑭᒋᐋᔭᒥᐁᐎᑲᒥᑯᒃ, ᑮ ᐯᒋ ᓈᑎᑯ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᐃᓕᓕᐗ ᐅᓂᑳᓀᓕᑖᑯᓯᒥᓕᐗ ᒣᒀᒡ ᐁ ᑭᔅᑭᓄᐊᒫᑫᑦ, ᑮ ᐃᑎᑯ ᒫᑲ, ᑫᑯ ᑲᔥᑭᐅᐎᓐ ᐌᒋ ᑐᑕᒪᓐ ᐅᐅ ᑫᒀᓇ? ᐊᐌᓇ ᓀᔥᑕ ᑳ ᒥᓕᔉ ᐅᐅ ᑭᒋ ᑐᑕᒪᓐ?

ᐅᐸᓓᑭᔅ ᒫᑎᐤ 22:15

ᐁᑯ ᑫᑐᑌᒋᒃ ᐸᕋᓯᔭᒃ, ᑮ ᐋᔭᔭᒥᐃᑐᐗᒃ ᒫᑲ ᑖᓂ ᑫ ᐃᔑ ᐋᓉᑲᐙᒋᒃ ᐅᑦ ᐋᔭᒥᐎᓂᓕᒃ᙮

ᐅᐸᓓᑭᔅ ᒫᑎᐤ 22:18

ᒫᑲ ᒋᓴᔅ ᑮ ᓂᓯᑕᐌᓕᑕᒬᐤ ᐅ ᒪᒋᑣᐎᓂᓕᐤ, ᑮ ᐃᑗᐤ ᒫᑲ, ᑖᓀᑭ ᐌᒋ ᑲᑴᒋᐃᔦᒃ? ᑭᓚᐗᐤ ᐅᑕᔭᒥᐁᑳᓱᑐᒃ?

ᐅᐸᓓᑭᔅ ᒫᑎᐤ 22:23

ᐁᐗᑯ ᑫᔮᐸᒡ ᐁ ᑭᔑᑳᓕᒃ ᑮ ᐯᒋ ᓈᑎᑯ ᓵᑦᔫᓯᔭ, ᓇᒪ ᐃᑕᑾᓐ ᐗᓂᔥᑳᐎᓐ ᑳ ᐃᑗᒋᒃ, ᑮ ᑲᑴᒋᒥᑯ ᒫᑲ᙮

ᐅᐸᓓᑭᔅ ᒫᕐᒃ 12:15

ᓂ ᑳ ᒥᓕᐙᓈᓐ ᓈ, ᓀᔥᑕᐱᑯ ᐁᑯᔑ ᓈ ᓇᒪᐎᓚ ᓂ ᑳ ᒥᓕᐙᓈᓐ? ᒫᑲ ᐎᓚ, ᐁ ᑭᔅᑫᓕᑕᒸᑦ ᐅ ᑲᑳᔦᓕᓯᐎᓂᓕᐤ, ᑮ ᐃᑌᐤ, ᑖᓀᑭ ᐌᒋ ᑲᑴᒋᐃᔦᒃ? ᐯᑐᐎᓐ ᐯᔭᒃ ᔔᓕᐋᓈᐱᔅᑯᔑᔥ, ᑭᒋ ᐙᐸᒪᒃ᙮

ᐅᐸᓓᑭᔅ ᒫᕐᒃ 2:16

ᐃᔅᐱ ᒫᑲ ᐅᒪᓯᓇᐃᑫᐗᒃ ᓀᔥᑕ ᐹᕋᓯᔭᒃ ᐎᐋᐸᑕᑭᒃ ᐁ ᐎᒋᒥᒋᓱᒫᓕᒋ ᐸᑉᓕᑳᓇ ᓀᔥᑕ ᐅᒪᒋᑣᐗ, ᑮ ᐃᑎᒣᐎᒃ ᐅ ᑭᔅᑭᓄᐊᒪᐙᑲᓇ, ᑖᓀᑭ ᐌᒋ ᐎᒋᒥᒋᓱᒫᑦ ᓀᔥᑕ ᐎᒋᒥᓂᑴᒫᑦ ᐸᑉᓕᑳᓇ ᓀᔥᑕ ᐅᒪᒋᑡᐗ?

ᐅᐸᓓᑭᔅ ᒫᕐᒃ 9:16

ᑮ ᑲᑴᒋᒣᐤ ᒫᑲ ᐅᒪᓯᓇᐃᑫᐗ, ᑫᒀᓐ ᑫᑴᒋᒥᑐᔦᒃ?

ᐅᐸᓓᑭᔅ ᓘᒃ 10:25

ᒫᑎᑲ, ᒫᑲ, ᐯᔭᒃ ᐅᓚᔓᐌᐎᓕᓕᐤ ᑮ ᓂᐸᐎᐤ, ᓀᔥᑕ ᑮ ᑲᑴᒋᐁᐤ, ᐁ ᐃᑗᑦ, ᑫᔅᑭᓄᐊᒫᑫᔭᓐ, ᑫᒀᓐ ᑫ ᑐᑕᒫᓐ ᑭᒋ ᐋᔮᔮᓐ ᑳᑭᑫ ᐱᒫᑎᓯᐎᓐ?

ᐅᐸᓓᑭᔅ ᓘᒃ 11:16

ᑯᑕᑭᔭᒃ ᒫᑲ, ᐁ ᑲᑴᒋᐋᒋᒃ, ᑮ ᓇᑕᐌᓕᑕᒪᐌᐗᒃ ᑭᔅᑭᓄᐙᒋ ᐙᐸᑎᓕᐌᐎᓂᓕᐤ ᑭᒋᑭᔑᑯᒃ ᐅᒋ᙮

ᐅᐸᓓᑭᔅ ᒑᓐ 4:48

ᐁᑯ ᒋᓴᔅ ᐁᑖᑦ, ᑮᔥᐱᓐ ᐁᑳ ᐙᐸᑕᒣᑴ ᑭᔅᑭᓄᐙᒋ ᐙᐸᑎᓕᐌᐎᓇ ᓀᔥᑕ ᒫᒪᑖᐎ ᑫᒀᓇ, ᓇᒪᐎᓚ ᑭ ᑳ ᑖᐺᑌᓇᐗᐤ᙮

ᐅᐸᓓᑭᔅ ᒑᓐ 6:30

ᐁᐗᑯ ᐌᒋ ᐃᑖᒋᒃ, ᑫᑯ ᑭᔅᑭᓄᐙᒋ ᐙᐸᑎᓕᐌᐎᓐ ᒫᑲ ᐎᐋᐸᑎᓕᐌᔭᓐ, ᑭᒋ ᑮ ᐋᐸᑕᒫᒃ, ᓀᔥᑕ ᑖᐺᑖᑖᒃ? ᑫᒀᓐ ᐁ ᑐᑕᒪᓐ?

ᐅᐸᓓᑭᔅ ᒑᓐ 7:48

ᑮ ᑖᐺᔦᓕᒥᑯ ᓈ ᐊᐌᓕᐗ ᐁ ᐅᑭᒫᐎᓕᒋ ᓀᔥᑕᐱᑯ ᐁ ᐹᕋᓯᐎᓕᒋ?

ᐅᐸᓓᑭᔅ ᒑᓐ 8:6

ᐅᒣᓕᐤ ᑮ ᐃᑗᐗᒃ, ᐁ ᑲᑴᒋᐋᒋᒃ, ᑭᒋ ᐋᔮᒋᒃ ᑫ ᐅᒋ ᒫᒥᔑᒫᒋᒃ᙮ ᒫᑲ ᒋᓴᔅ ᑮ ᓇᐌᑳᐸᐎᐤ, ᓀᔥᑕ ᐅᓕᓕᑭᒋᒑᓐ ᑮ ᒪᓯᓇᐃᑳᑫᐤ ᒧᔅᑕᔅᑲᒥᒃ, ᑖᐱᔅᑯᒡ ᐁᑳ ᐁ ᐯᑕᐙᑦ᙮

ᐊᐸᔅᑕᓚᒃ 5:9

ᐁᑯ ᐱᑕᕐ ᑳ ᐃᑖᑦ, ᑖᓀᑭ ᐌᒋ ᑖᐱᔅᑯᒡ ᑮ ᓇᔅᑯᒥᑐᔦᒃ ᑭᒋ ᑲᑴᒋᐃᒣᒃ ᐅᑦ ᐊᒑᑾ ᐅᑎᐯᓕᒋᑫᐤ? ᒫᑎᑲ ᐅᓯᑎᐙᐗ ᑳ ᑮ ᓇᐃᑲᐙᒋᒃ ᑭ ᓈᐯᒪ ᐃᔥᒀᑌᒥᒃ ᐃᑕᑾᓂᓕᐗ, ᓀᔥᑕ ᑭᓚ ᑭ ᑳ ᐗᓚᐎᑕᐃᑾᒃ᙮

ᓂᔥᑕᒻ ᑯᕆᓐᑎᐊᓇ 10:9

ᐁᑳᐎᓚ ᓀᔥᑕ ᑲᑴᒋᐋᑕᐤ ᙭, ᑖᐱᔅᑯᒡ ᐋᑎᑦ ᐎᓚᐗᐤ ᑳ ᑮ ᑲᑴᒋᐋᒋᒃ, ᑳ ᑮ ᓂᔑᐗᓈᒋᐃᑯᒋᒃ ᒫᑲ ᒥᔑᑭᓀᐱᑾ᙮