20 ᑮ ᐃᑗᐤ ᒫᑲ, ᐊᓂᒪ ᑳ ᐗᓚᐎᔅᑳᑯᑦ ᐃᓕᓕᐤ ᐁᐗᑺᓕᐤ ᑳ ᐎᓕᐱᐃᑯᑦ ᐃᓕᓕᐤ᙮
ᒫᑲ ᐊᓂᐃ ᑫᒀᓇ ᒥᑐᓂᒃ ᑳ ᐅᒋ ᐗᓚᐎᐸᓕᑭ, ᒥᑌᐃᒃ ᐅᒋᐸᓕᐗ; ᐅᐅ ᒫᑲ ᐎᓕᐱᐃᑯ ᐃᓕᓕᐤ᙮
ᒫᑲ ᐁ ᓇᔥᑴᐗᔑᐃᐌᑦ ᑮ ᐃᑗᐤ, ᐃᑕᓯᓇᐃᑳᑌᐤ, ᐃᓕᓕᐤ ᓇᒪᐎᓚ ᑲᑕ ᐱᒫᑎᓯᐤ ᐱᔑᔑᒃ ᐊᓚᑯᓇᐗ ᐅᒋ, ᒫᑲ ᑕᑐ ᐋᔭᒥᐎᓂᓕᐤ ᐅᒋ ᑭᒋᒪᓂᑐ ᐅᑐᓂᒃ ᑳ ᐅᒋᐸᓕᓕᒃ᙮
ᓇᒪᐎᓚ ᐃᑕᑾᓐ ᑫᒀᓐ ᐗᔅᑮᒡ ᐃᓕᓕᐤ, ᐁ ᐱᑐᑫᒪᑲᓂᓕᒃ ᐎᔭᐎᒃ ᑫ ᑮ ᐎᓕᐱᐃᑯᑦ: ᒫᑲ ᐊᓂᐃ ᑫᒀᓇ ᑳ ᐯᒋ ᐗᓚᐎᔅᑳᑯᑦ ᐁᐗᑾᓂᐃ ᑳ ᐎᓕᐱᐃᑯᑦ ᐃᓕᓕᐤ᙮
ᐌᓴ ᐱᒋ ᐅᒋ, ᐃᓕᓕᐗᒃ ᐅᑌᐃᐙᒃ, ᐅᒋᐸᓕᐗ ᒪᒋ ᒥᑐᓀᓕᒋᑫᐎᓇ, ᒫᒪᐎᐃᑐᐎᓇ, ᐯᔑᑾᑎᓯᐎᓇ, ᓂᐹᔭᐌᐎᓇ,
ᒥᓯᐌ ᐅᐅ ᒪᒋ ᑫᒀᓇ ᐱᒋ ᐅᒋᐸᓕᐗ, ᓀᔥᑕ ᐎᓕᐱᐃᑯ ᐃᓕᓕᐤ᙮
ᒫᑲ ᐎᓚ, ᐅᑦ ᐋᓂᔅᑫ ᓂᑖᐎᑭᐎᓐ ᐁᑳ ᑳ ᐊᔑᑕᑭᒋᑳᑌᓕᒃ ᐊᓯᒋ ᐎᓚᐗᐤ, ᒥᓕᐌᐎᓇ ᑮ ᒥᓕᑯ ᐁᑉᕃᐊᒪ, ᑮ ᒥᓦᑭᒣᐤ ᒫᑲ ᐊᓂᐃ ᑳ ᑮ ᐋᔮᓕᒋ ᐊᓂᐃ ᐊᔓᑕᒫᑫᐎᓇ᙮
ᒥᑌᓚᓕ ᒫᑲ ᐃᔥᑯᑌᐗᓐ, ᐁ ᒥᓯᐌᔅᑲᒥᑯᐗᒃ ᒪᒑᑎᓯᐎᓐ; ᐁᑯᔑ ᐃᑕᑾᓐ ᒥᑌᓚᓕ ᒣᑴᔮᔥ ᐸᔅᑫᓯᐎᓈᒃ, ᐁ ᐎᓂᐃᐌᒪᑲᒃ ᒥᓯᐌ ᐁᔅᐱᔖᒃ ᒥᔭᐤ, ᓀᔥᑕ ᐁ ᓴᔅᑲᐃᒧᒪᑲᒃ ᒥᓯᐌ ᑳ ᑮ ᐅᔑᑖᓂᐗᒃ; ᓀᔥᑕ ᐁ ᓴᔅᑲᐃᑳᑌᒃ ᒪᒋᐃᔥᑯᑌᐤ ᐅᒋ᙮
ᑖᓐᑌ ᐌᒋᐸᓕᑭ ᓇᑐᐸᓕᐎᓇ ᓀᔥᑕ ᓄᑎᓂᑐᐎᓇ ᐃᑕ ᐁ ᐃᑖᔦᒃ; ᓇᒪ ᓈ ᐅᑕ ᐅᒋᐸᓕᐗ, ᑭ ᒪᒋ ᓇᑕᐌᓕᑕᒧᐎᓇ ᑳ ᓇᑐᐸᓕᑭ ᑮ ᐸᔅᑫᓯᐎᓂᐙᒃ?
