ᐅᐸᓓᑭᔅ ᒫᕐᒃ 2:20 - ᐅᔅᑭ ᑎᔅᑌᒥᓐᑦ

²⁰ ᒫᑲ ᑭᔑᑳᐗ ᑲᑕ ᐅᑎᒋᐸᓕᐗ ᐃᔅᐱ ᐅᔥᑭᓈᐯᐗᓇ ᑫ ᒪᔅᑲᒫᑲᓂᐎᒋᒃ, ᒣᒀᒡ ᐊᓂᐃ ᑭᔑᑳᐗ ᒫᑲ ᑲᑕ ᓂᑲᓱᐗᒃ᙮

ᐅᐸᓓᑭᔅ ᒫᕐᒃ 2:20 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 26:31

ᐁᑯ ᒋᓴᔅ ᐁᑖᑦ, ᒥᓯᐌ ᐁ ᐃᑕᔑᔦᒃ ᑭ ᑳ ᓈᔦᑕᐌᓕᑌᓇᐗᐤ ᓂᓚ ᐅᒋ ᐊᓄᒡ ᑫ ᑎᐱᔅᑳᒃ: ᐌᓴ ᐃᑕᓯᓇᐃᑳᑌᐤ, ᓂ ᑳ ᐸᑲᒪᐗᐤ ᒫᓂᔥᒑᓂᔑᐎᓕᓕᐤ, ᒫᓂᔥᒑᓂᔕᒃ ᒫᑲ ᑲᑕ ᐊᓴᓶᑎᔕᐙᐗᒃ᙮

ᐅᐸᓓᑭᔅ ᒫᑎᐤ 9:15

ᒋᓴᔅ ᒫᑲ ᑮ ᐃᑌᐤ, ᑲᑕ ᑮ ᓇᓀᑳᑌᓕᒧᓕᐗ ᓈ ᐅᔥᑭᓈᐯᐙᓐ ᐅᑐᑌᒪ, ᒣᒀᒡ ᐅᔥᑭᓈᐯᐙᓐ ᐁ ᐎᒉᐙᑦ? ᒫᑲ ᑲᑕ ᐅᑎᒋᐸᓕᐗ ᐁ ᑭᔑᑳᑭ, ᐃᔅᐱ ᑫ ᒪᔅᑲᒫᑲᓂᐎᓕᒋ ᐅᔥᑭᓈᐺᐙᓇ, ᐁᑯ ᒫᑲ ᑫ ᓂᑲᓱᓕᒋ᙮

ᐅᐸᓓᑭᔅ ᒫᕐᒃ 2:19

ᒋᓴᔅ ᒫᑲ ᑮ ᐃᑌᐤ, ᑲᑕ ᑮ ᓂᑲᓱᓕᐗ ᓈ ᐅᔥᑭᓈᐯᐙᓐ ᐅᑐᑌᒪ ᒣᒀᒡ ᐅᔥᑭᓈᐯᐙᓐ ᐁ ᐎᒉᐙᑦ? ᐃᓕᑯᒃ ᐅᔥᑭᓈᐯᐙᓐ ᐁ ᐎᒉᐙᑦ ᓇᒪᐎᓚ ᑲᑕ ᑮ ᓂᑲᓱᓕᐗ᙮

ᐅᐸᓓᑭᔅ ᒫᕐᒃ 2:21

ᓇᒪᐎᓚ ᐊᐌᓇ ᓀᔥᑕ ᐊᑯᔅᑕᐊᒻ ᐅᔥᑭ ᒪᓂᑐᐌᑭᓂᓕᐤ ᑳᔮᔑ ᐎᓛᒋᑲᓂᒃ; ᑭᔅᑎᓈᒡ ᐊᓂᒪ ᐅᔥᑭ ᒪᓂᑐᐌᑭᓐ ᑳ ᒥᔕᐃᑳᑳᓂᐗᒃ ᑖᑐᐱᑕᒧᒪᑲᓐ ᑳᔮᔑ ᐎᓛᒋᑲᓐ, ᐁᑯ ᒫᑲ ᐊᓐᑕ ᐁ ᑖᑐᐸᓕᒃ ᐊᐙᓯᑌ ᒣᔖᒃ᙮

ᐅᐸᓓᑭᔅ ᓘᒃ 17:22

ᑮ ᐃᑌᐤ ᒫᑲ ᑭᔅᑭᓄᐊᒪᐙᑲᓇ, ᑭᔑᑳᐗ ᑲᑕ ᐅᑎᒋᐸᓕᐗ, ᐃᔅᐱ ᑫ ᐎ ᐙᐸᑕᒣᐤ ᐯᔭᒃ ᐅ ᑭᔑᑳᒪ ᐃᓕᓕᐎᑯᓯᓵᓐ, ᓇᒪᐎᓚ ᒫᑲ ᑭ ᑳ ᐙᐸᑕᒸᓇᐗᐤ᙮

ᐅᐸᓓᑭᔅ ᓘᒃ 5:35

ᒫᑲ ᑭᔑᑳᐗ ᑲᑕ ᐅᑎᒋᐸᓕᐗ ᐃᔅᐱ ᑫ ᒪᔅᑲᒫᑲᓂᐎᓕᒋ ᐅᔥᑭᓈᐯᐙᓇ, ᐁᑯ ᒫᑲ ᑫ ᓂᑲᓱᓕᒋ ᒣᒀᒡ ᐊᓂᐃ ᐁ ᑭᔑᑳᓕᑭ᙮

ᐅᐸᓓᑭᔅ ᒑᓐ 12:8

ᐌᓴ ᒧᔕᒃ ᑭ ᐎᒉᐎᑯᐙᐗᒃ ᐊᓂᑭ ᑳ ᑭᑎᒫᑭᓯᒋᒃ; ᒫᑲ ᓂᓚ ᓇᒪᐎᓚ ᒧᔕᒃ ᑭ ᐎᒉᐎᑎᓇᐗᐤ᙮

ᐅᐸᓓᑭᔅ ᒑᓐ 13:33

ᐊᐱᔅᑕᐙᔑᔑᑐᒃ, ᑫᔮᐸᒡ ᐎᓕᐱᔉ ᑭ ᐎᒉᐎᑎᓇᐗᐤ᙮ ᑭ ᑳ ᓈᓇᑕᐌᓕᒥᓇᐗᐤ: ᓀᔥᑕ ᐁ ᑮ ᐃᑕᑭᒃ ᒎᐗᒃ, ᐃᑕ ᐁ ᐃᑐᑌᔮᓐ, ᓇᒪᐎᓚ ᑭ ᑳ ᑮ ᐯᒋ ᐃᑐᑖᓇᐗᐤ; ᐁᑯ ᓀᔥᑕ ᐁᑎᑕᑾᒃ᙮

ᐅᐸᓓᑭᔅ ᒑᓐ 16:28

ᐅᑖᐎᒫᒃ ᓂ ᑮ ᐅᒌᓐ, ᓀᔥᑕ ᓂ ᑮ ᐯᒋ ᐃᑐᑖᓐ ᐊᔅᑮᒃ: ᒥᓇ, ᓂ ᓇᑲᑌᓐ ᐊᔅᑭ, ᓂ ᓈᑕᐤ ᒫᑲ ᐅᑖᐎᒪᐤ᙮

ᐅᐸᓓᑭᔅ ᒑᓐ 16:7

ᐁᓕᐌᒃ ᒫᑲ ᑭ ᐎᑕᒫᑎᓇᐗᐤ ᑖᐺᐎᓐ: ᑭᓚᐗᐤ ᐅᒋ ᓇᐃᐸᓕᐤ ᑭᒋ ᑭᑐᑌᔮᓐ: ᐌᓴ ᑮᔥᐱᓐ ᐁᑳ ᑭᑐᑌᔮᓀ, ᐅᒥᓜᓕᒫᐃᐌᐤ ᓇᒪᐎᓚ ᑭ ᑳ ᐯᒋ ᓈᑎᑯᐗᐤ; ᒫᑲ ᑮᔥᐱᓐ ᑭᑐᑌᔮᓀ, ᑭ ᑳ ᐯᒋᑎᔕᐊᒫᑎᓇᐗᐤ᙮

ᐅᐸᓓᑭᔅ ᒑᓐ 17:11

ᐊᓄᒡ ᒫᑲ ᓇᒪᐎᓚ ᑫᔮᐸᒡ ᐊᔅᑮᒃ ᓃᑦ ᐃᑖᓐ, ᒫᑲ ᐅᑯ ᐊᔅᑮᒃ ᐃᑖᐗᒃ, ᓂᓚ ᒫᑲ ᑭ ᐯᒋ ᓈᑎᑎᓐ᙮ ᐯᓓᑭᓯᔭᓐ ᐅᑖᐎᒪᐤ, ᑲᓇᐌᓕᒥᒃ ᑭᓚ ᑭᑦ ᐃᔑᓂᑳᓱᐎᓐ ᐅᒋ ᐊᓂᑭ ᑳ ᑮ ᒥᓕᔭᓐ, ᑭᒋ ᐯᔭᑯᒋᒃ, ᑖᐱᔅᑯᒡ ᑭᓚᓈᓇᐤ᙮

ᐅᐸᓓᑭᔅ ᒑᓐ 17:13

ᐊᓄᒡ ᒫᑲ ᑭ ᐯᒋ ᓈᑎᑎᓐ; ᓀᔥᑕ ᐅᐅ ᑫᒀᓇ ᓂᑦ ᐋᔭᒥᓐ ᐊᔅᑮᒃ, ᑭᒋ ᓵᑲᔅᑭᓀᔅᑳᑯᒋᒃ ᓂ ᒥᓚᐙᑕᒧᐎᓂᓕᐤ᙮

ᐅᐸᓓᑭᔅ ᒑᓐ 3:29

ᐊᓇ ᑳ ᐋᔭᐙᑦ ᐅᔥᑭᔅᑴᐙᓇ, ᐁᐗᑯ ᐅᔥᑭᔅᑴᐌᐤ: ᒫᑲ ᐅᔥᑭᔅᑴᐌᐤ ᐅᑐᑌᒪ ᑳ ᓂᐸᐎᓕᒋ ᓀᔥᑕ ᑳ ᐯᑖᑯᑦ, ᓈᔅᐱᒡ ᒥᓜᓕᑕᒥᓕᐗ ᐁ ᐯᑕᐙᓕᒋ ᐅᔥᑭᔅᑴᐌᐗ: ᐁᐗᑯ ᐅᒪ ᒫᑲ ᓂ ᒥᓚᐙᑕᒧᐎᓐ ᑎᐱᐸᓕᐤ᙮

ᐊᐸᔅᑕᓚᒃ 1:9

ᐃᔅᐱ ᒫᑲ ᐅᐅ ᑫᒀᓇ ᑳ ᑮ ᐃᑗᑦ, ᒣᒀᒡ ᐁ ᑲᓇᐙᐱᓕᒋ, ᑮ ᐅᐱᓈᑲᓂᐎᐤ, ᓀᔥᑕ ᐗᔅᑯᒃ ᑮ ᐅᑎᓈᑲᓂᐎᐤ, ᑮ ᐹᔑᑯᓈᑯᓰᔅᑖᑯᐗᒃ ᒫᑲ᙮

ᐊᐸᔅᑕᓚᒃ 14:23

ᐃᔅᐱ ᒫᑲ ᑳ ᑮ ᐸᑲᓂᐋᒋᒃ ᐅᓂᑳᓀᓕᑖᑯᓯᐗ ᒥᓯᐌ ᑕᑐ ᐋᔭᒥᐁᐎᑲᒥᑯᒃ ᓀᔥᑕ ᐁ ᑮ ᐋᔭᒥᐋᒋᒃ ᐁ ᓂᑲᓱᒋᒃ, ᑮ ᐸᑭᑎᓇᒪᐌᐗᒃ ᐅᑎᐯᓕᒋᑫᐗ, ᐊᓂᐃ ᑳ ᑖᐺᔦᓕᒫᓕᒋ᙮

ᐊᐸᔅᑕᓚᒃ 3:21

ᐊᓇ ᑭᒋᑭᔑᑰᒃ ᒫᑲ ᑫ ᐃᑖᑦ ᐱᓕᔥ ᐅᑎᒋᐸᓕᑫ ᑭᒋ ᐅᔥᑭᑖᓂᐗᑭ ᒥᓯᐌ ᑫᒀᓇ, ᑳ ᐃᔑ ᐋᔭᒥᑦ ᑭᒋᒪᓂᑕ ᐅᑐᓂᐙᒃ ᐅᒋ ᒥᓯᐌ ᐅ ᐸᓓᑭ ᑭᔅᑭᓄᐊᒪᑫᐎᓕᓕᒪ ᐃᔅᑯᓈᒃ ᑳ ᒫᒋ ᐊᔅᑭᐗᒃ᙮

ᓂᔥᑕᒻ ᑯᕆᓐᑎᐊᓇ 7:5

ᐁᑳᐎᓚ ᑲᑳᔦᔑᐃᑐᒃ, ᑮᔥᐱᓐ ᐱᑯ ᑖᐱᔅᑯᒡ ᐃᑌᓕᑕᒣᑴ ᐊᒋᓚᐤ, ᑭᒋ ᐸᑭᑎᓂᑎᓱᔦᒃ ᑭᒋ ᓂᑲᓱᔦᒃ ᓀᔥᑕ ᑭᒋ ᐋᔭᒥᐋᔦᒃ; ᐁᑯ ᒥᓇ ᑭᒋ ᓈᑎᑐᔦᒃ, ᓭᑖᓐ ᐁᑳ ᑭᒋ ᑲᑴᒋᐃᑖᒃ ᑮ ᐱᔑᒀᑎᓯᐎ ᐃᑌᓕᑕᒧᐎᓂᐗᐗ ᐅᒋ᙮

ᓂᔓ ᑯᕆᓐᑎᐊᓇ 11:2

ᐌᓴ ᑭ ᑲᑴᓕᑕᒫᑎᓇᐗᐤ ᒪᓂᑐᐎ ᑲᑴᓕᑕᒧᐎᓂᒃ; ᐌᓴ ᑭ ᑮ ᐸᑭᑎᓂᑎᓇᐗᐤ ᑭᒋ ᐎᑭᒣᒃ ᐯᔭᒃ ᑳ ᐅᑦ ᐃᔅᑴᐎᑦ, ᑭᒋ ᐸᑭᑎᓂᑕᑾᒃ ᑖᐱᔅᑯᒡ ᐯᓓᑭᓯᑦ ᐅᔥᑭᓂᑭᔅᑴᐤ ᙭ ᐅᒋᒋᒃ᙮

ᓂᔓ ᑯᕆᓐᑎᐊᓇ 11:27

ᐊᔦᔅᑯᓯᐎᓂᒃ ᓀᔥᑕ ᐎᓴᑫᓕᑕᒧᐎᓂᒃ, ᒥᒉᑡᐤ ᐊᔕᐙᐱᐎᓂᒃ, ᓄᑌᑲᑌᐎᓂᒃ ᓀᔥᑕ ᓄᑌᐋᐸᑴᐎᓂᒃ, ᒥᒉᑡᐤ ᓂᑲᓱᐎᓂᒃ, ᓯᑲᒋᐎᓂᒃ ᓀᔥᑕ ᒧᔕᔥᑲᑌᐎᓂᒃ:

ᓂᔓ ᑯᕆᓐᑎᐊᓇ 6:5

ᐁ ᐸᓴᔅᑌᐅᑳᐎᔮᒃ, ᐁ ᑭᐸᐅᑳᐎᔮᒃ, ᐁ ᓂᔑᐗᓈᑕᑲᒥᑭᓯᓈᓂᐗᒃ, ᐁ ᐊᑑᔅᑫᔮᒃ, ᐁ ᐊᔕᐙᐱᔮᒃ, ᐁ ᓂᑲᓱᔮᒃ;

ᑭᔅᑫᓕᑖᑯᑖᑫᐎᓐ 19:7

ᐁᑯᔑ ᓯᑭᓓᓯᑕᐤ ᓀᔥᑕ ᒧᒋᑫᓕᑖᑕᐤ, ᓀᔥᑕ ᑭᔅᑌᓕᒫᑕᐤ: ᐌᓴ ᐅ ᐎᑭᑐᐎᓐ ᒫᓂᔥᒑᓂᔑᔥ ᐅᑎᒋᐸᓕᓕᐤ, ᐎᐗ ᓀᔥᑕ ᐊᔕᔾ ᑭ ᐙᐌᔑᐅᓕᐗ᙮

ᑭᔅᑫᓕᑖᑯᑖᑫᐎᓐ 21:9

ᓂ ᑮ ᐯᒋ ᓈᑎᒃ ᒫᑲ ᐯᔭᒃ ᐁ ᐃᑕᓯᒋᒃ ᐊᓂᑭ ᓂᔂᔅ ᐁᓐᒐᓚᒃ, ᑳ ᑮ ᐋᔮᒋᒃ ᐊᓂᐃ ᓂᔂᔅ ᐅᓛᑲᓂᔕ ᐁ ᓵᑲᔅᑭᓀᓕᑭ ᐊᓂᐃ ᓂᔂᔅ ᒫᒋᒡ ᐋᑯᐃᑖᔅᐱᓀᐎᓇ, ᐁ ᐃᑗᑦ, ᐅᑕ ᐯᒋ ᐃᑐᑌ, ᑭ ᑳ ᐙᐸᑎᓕᑎᓐ ᒫᑲ ᐅᔥᑭᔅᑴᐙᓐ, ᒫᓂᔥᒑᓂᔑᔥ ᐎᐗ᙮