ᐅᐸᓓᑭᔅ ᒫᕐᒃ 14:6 - ᐅᔅᑭ ᑎᔅᑌᒥᓐᑦ

⁶ ᒋᓴᔅ ᒫᑲ ᑮ ᐃᑗᐤ, ᐁᑳ ᑐᑖᒃ; ᑖᓀᑭ ᐌᒋ ᒥᑯᔥᑳᒋᐁᒃ? ᒥᓗ ᑫᒀᓕᐤ ᓂ ᑮ ᑐᑖᒃ᙮

ᐅᐸᓓᑭᔅ ᒫᕐᒃ 14:6 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 26:10

ᐃᔅᐱ ᒋᓴᔅ ᓀᓯᑐᑕᒃ, ᑮ ᐃᑌᐤ, ᑖᓀᑭ ᐌᒋ ᒥᑯᔅᑳᒋᐁᒃ ᐊᐗ ᐃᔅᑴᐤ? ᐌᓴ ᒥᓗ ᑫᒀᓕᐤ ᓂ ᑮ ᑐᑖᒃ᙮

ᐅᐸᓓᑭᔅ ᒫᕐᒃ 14:5

ᐌᓴ ᑲᑕ ᑮ ᐊᑖᐙᑲᓂᐗᓄᐸᓐ ᐊᐙᓯᑌ ᐃᔥᐱᔥ ᓂᔅᑡᐤ ᒥᑖᑐᒥᑕᓇᐤ ᔓᓕᐊᓈᐱᔅᑯᔕ, ᐁᑯ ᒫᑲ ᑭᒋ ᒥᓕᑣᐸᓐ ᐅᑭᑎᒫᑭᓯᐗᒃ᙮ ᑮ ᓈᔦᑕᐌᓕᒣᐗᒃ ᒫᑲ᙮

ᐅᐸᓓᑭᔅ ᒫᕐᒃ 14:7

ᐌᓴ ᒧᔕᒃ ᑭᑦ ᐗᔭᐙᐙᐗᒃ ᐁ ᐎᒋᑕᔑᑫᒥᑖᑾᒃ ᐅᑭᑎᒫᑭᓯᐗᒃ, ᓀᔥᑕ ᑕᑡᐤ ᐱᑯ ᓀᑕᐺᓕᑕᒣᑯ ᑭ ᑳ ᑮ ᒥᓗᑐᑕᐗᐗᐗᒃ; ᒫᑲ ᓂᓚ ᓇᒪᐎᓚ ᒧᔕᒃ ᑭᑦ ᐋᔭᐎᓇᐗᐤ᙮

ᐊᐸᔅᑕᓚᒃ 9:36

ᐁᑯ ᑳ ᐃᑖᑦ ᐊᓐᑕ ᒐᐸᐃᒃ ᐯᔭᒃ ᑭᔅᑭᓄᐊᒪᐙᑲᓐ ᑖᐱᑕ ᐁ ᐃᔑᓂᑳᓱᑦ, ᐊᓂᒪ ᐁ ᐃᑗᔅᒋᑳᑕᒃ ᑐᕐᑲᔅ ᑳ ᐃᑣᓂᐗᒃ: ᐊᐗ ᐃᔅᑴᐤ ᑮ ᓵᑲᔅᑭᓀᐤ ᒥᓗ ᐊᑐᔅᑭᐎᓇ ᓀᔥᑕ ᐅᒌᔅᑕᒫᑫᐎᓇ ᑳ ᑮ ᑐᑕᒃ᙮

ᓂᔓ ᑯᕆᓐᑎᐊᓇ 10:18

ᐌᓴ ᓇᒪᐎᓚ ᓇᐁᓕᑖᑯᓯᐤ ᐊᓇ ᑳ ᒥᓗᐋᓕᒧᒥᑎᓱᑦ, ᒫᑲ ᐊᓇ ᑳ ᒥᓗᐋᓕᒧᒥᑯ ᐅᑎᐯᓕᒋᑫᐗ᙮

ᓂᔓ ᑯᕆᓐᑎᐊᓇ 9:8

ᑭᒋᒪᓂᑐ ᓀᔥᑕ ᑲᔥᑭᑕᐤ ᑭᒋ ᐃᔑ ᐌᓗᒋᐸᓕᐃᑯᔦᒃ ᒥᓯᐌ ᔕᐌᓕᒋᑫᐎᓐ; ᑭᓚᐗᐤ ᐁ ᐃᔅᐸᓕᐃᑯᔦᒃ ᒥᓯᐌ ᑫᒀᓇ, ᑭᒋ ᐌᓗᒋᑐᑕᒣᒃ ᒥᓯᐌ ᒥᓗ ᐊᑑᔅᑫᐎᓐ:

ᐃᐱᓯᔭᓇ 2:10

ᐌᓴ ᑭᓚᓈᓇᐤ ᐎᓚ ᐅᑦ ᐅᔑᐋᑲᓇ, ᐁ ᑮ ᐅᔑᐃᑲᐎᔭᒃ ᙭ ᒋᓴᓯᒃ ᒥᓗ ᐊᑑᔅᑫᐎᓂᒃ ᐃᔑ, ᐊᓂᐃ ᑭᒋᒪᓂᑐ ᑳ ᑮ ᐅᓚᑭᑕᒃ ᑭᒋ ᐱᒧᑖᑕᒪᒃ᙮

ᑯᓚᔑᔭᓇ 1:10

ᑭᒋ ᐱᒧᑌᔦᒃ ᐁ ᑌᐸᑫᓕᑖᑯᓰᔅᑕᐌᒃ ᐅᑎᐯᓕᒋᑫᐤ, ᒥᓯᐌ ᐁ ᓇᐃᓚᐌᐁᒃ, ᐁ ᒥᓂᔑᐎᔦᒃ ᒥᓯᐌ ᒥᓗ ᐊᑑᔅᑫᐎᓂᒃ, ᓀᔥᑕ ᐁ ᓚᑭ ᑭᔅᑫᓕᒣᒃ ᑭᒋᒪᓂᑐ;

ᓂᔓ ᑌᓴᓗᓂᔭᓇ 2:17

ᑭ ᑳ ᐎ ᑳᑭᒋᐃᑯᐗᐤ ᑭᑌᐃᐙᒃ, ᓀᔥᑕ ᑭ ᑳ ᐎ ᐋᔨᒋᐃᑯᐗᐤ ᒥᓯᐌ ᑕᑐ ᒥᓗ ᐋᔭᒥᐎᓂᒃ ᓀᔥᑕ ᐊᑖᔅᑫᐎᓂᒃ᙮

ᓂᔥᑕᒻ ᑎᒧᑎ 5:10

ᐁ ᒥᓗᐃᑖᒋᒫᑲᓂᐎᑦ ᒥᓗ ᐊᑑᔅᑫᐎᓇ ᐅᒋ; ᑮᔥᐱᓐ ᑳ ᐅᐱᑭᐋᑴ ᐊᐙᔑᔕ, ᑮᔥᐱᓐ ᑳ ᐱᑐᑲᐋᑴ ᒫᓐᑌᐗ, ᑮᔥᐱᓐ ᑳ ᑭᓯᐯᑭᓇᒧᑴ ᐅᐸᓓᑭᓴ ᐅᓯᑎᓕᐗ, ᑮᔥᐱᓐ ᑳ ᓂᔕᑲᒪᐙᑴ ᑳ ᑲᒀᑕᑭᓯᓕᒋ, ᑮᔥᐱᓐ ᑳ ᑭᓯᓴᐎᓯᐎ ᐱᒥᑎᔕᐊᒧᑴ ᒥᓯᐌ ᑕᑐ ᒥᓗ ᐊᑖᔅᑫᐎᓂᓕᐤ᙮

ᓂᔥᑕᒻ ᑎᒧᑎ 6:18

ᑭᒋ ᒥᓗ ᑐᑖᑫᒋᒃ, ᑭᒋ ᐌᓗᑎᓯᒋᒃ ᒥᓗ ᐊᑑᔅᑫᐎᓂᒃ, ᑭᒋ ᒥᓜᓕᑕᑭᒃ ᐁ ᒫᑎᓇᒫᑫᒋᒃ, ᑭᒋ ᓯᑭᓓᓯᒋᒃ ᐁ ᒥᓕᐌᒋᒃ;

ᓂᔓ ᑎᒧᑎ 2:21

ᑮᔥᐱᓐ ᒫᑲ ᐊᐌᓇ ᐃᓕᓕᐤ ᐯᓓᑭᐃᑎᓱᑴ ᐅᐅ ᐅᒋ, ᑲᑕ ᐊᓱᐗᒋᑲᓂᐎᐤ ᑭᔅᑌᓕᑖᑯᓯᐎᓂᒃ, ᐁ ᐸᓓᑭᐋᑲᓂᐎᑦ ᓀᔥᑕ ᐁ ᑌᐱᐋᐱᔅᑌᓕᑖᑯᓯᑦ ᑭᒋ ᐋᐸᒋᐃᑯᑦ ᐅᑭᒫᐗ, ᐁ ᐙᐌᔑᐋᑲᓂᐎᑦ ᒥᓯᐌ ᑕᑐ ᒥᓗ ᐊᑐᔅᑫᐎᓂᒃ ᐃᔑ᙮

ᓂᔓ ᑎᒧᑎ 3:17

ᐊᓇ ᑭᒋᒪᓂᑐ ᐅᑦ ᐃᓕᓕᒪ ᑭᒋ ᑮ ᐅᒋ ᑐᓂᐎᓯᑦ, ᒥᑐᓂ ᐁ ᐋᔦᔅᑲᐎᐋᑲᓂᐎᑦ ᒥᓯᐌ ᒥᓗ ᐊᑑᔅᑫᐎᓇ ᐃᔑ᙮

ᑕᐃᑕᔅ 2:14

ᐊᓇ ᑳ ᑮ ᐸᑭᑎᓂᑎᓱᔅᑕᒫᑕᒃ, ᒥᓯᐌ ᒪᒑᑎᓯᐎᓂᒃ ᑭᒋ ᐅᒋ ᐱᒫᒋᐃᑕᒃ, ᓀᔥᑕ ᑭᒋ ᐸᓓᑭᔅᑕᒫᓱᑦ ᐙᐌᓛᐸᒫᑲᓂᐎ ᐃᓕᓕᐗ, ᐁ ᓱᑫᓕᑕᒥᓕᒋ ᑭᒋ ᒥᓗ ᐊᑑᔅᑫᓕᒋ᙮

ᑕᐃᑕᔅ 2:7

ᒥᓯᐌ ᑫᒀᓐ ᐃᔑ ᐁ ᐙᐸᑎᓕᐌᔭᓐ ᑭᒋ ᑭᔅᑭᓄᐙᐸᒥᑲᐎᔭᓐ ᒥᓗ ᐊᑑᔅᑫᐎᓂᒃ: ᑭᔅᑭᓄᐊᒫᑫᐎᓂᒃ ᐁ ᐙᐸᑎᓕᐌᔭᓐ ᐸᓓᑭᓯᐎᓐ, ᓕᑆᑳᐎᓐ, ᒀᔭᔉ ᐃᑌᓕᑕᒧᐎᓐ;

ᑕᐃᑕᔅ 3:14

ᐁᑯᔑ ᒫᑲ ᐊᓂᑭ ᑳ ᑎᐱᓚᐌᐎᓯᔭᒃ ᑲᑕ ᐎ ᑲᑴ ᑭᔅᑫᓕᑕᒶᒃ ᑭᒋ ᓄᑯᑖᒋᒃ ᒥᓗ ᐊᑑᔅᑫᐎᓇ ᐁ ᐃᔑ ᓇᐃᐸᓕᑭ, ᐁᑳ ᑭᒋ ᐁᑳ ᒥᓂᔑᐎᒋᒃ᙮

ᑕᐃᑕᔅ 3:8

ᐁᐗᑯ ᐅᒪ ᑎᐋᐺᒪᑲᒃ ᐃᑗᐎᓐ; ᐅᐅ ᑫᑾᓇ ᓀᔥᑕ ᑭ ᓇᑕᐌᓕᒥᑎᓐ ᒧᔕᒃ ᑭᒋ ᐙᐎᑕᒪᓐ, ᐊᓂᑭ ᑳ ᑖᐺᔦᓕᒫᒋᒃ ᑭᒋᒪᓂᑐᐗ ᑭᒋ ᔮᒀᒥᓯᒋᒃ ᑭᒋ ᒥᓗ ᐊᑑᔅᑫᒋᒃ: ᐅᐅ ᑫᒀᓇ ᒥᓦᔑᓂᓕᐤ ᓀᔥᑕ ᐋᐸᑕᓂᓕᐤ ᐃᓕᓕᐗᒃ᙮

ᐦᐃᑉᕉᐗ 10:24

ᐁᑯᔑ ᒫᑲ ᒪᒥᑐᓀᓕᒥᑐᑕᐤ ᑭᒋ ᔑᑭᐃᑐᔭᒃ ᑭᒋ ᐙᐸᑎᓕᐌᔭᒃ ᓵᑭᐃᐌᐎᓐ, ᓀᔥᑕ ᒥᓗ ᐊᑑᔅᑫᐎᓇ;

ᐦᐃᑉᕉᐗ 13:21

ᑭ ᑳ ᐎ ᒥᑐᓂᐎᐃᑯᐗᐤ ᒥᓯᐌ ᑕᑐ ᒥᓗ ᐊᑑᔅᑫᐎᓂᒃ ᑭᒋ ᑐᑕᒬᒃ ᐅᑦ ᐃᑌᓕᑕᒧᐎᓐ, ᐁ ᐃᔑᒋᑫᑦ ᐱᒋ ᑭᔭᐎᐙᒃ ᐊᓂᐁᓕᐤ ᑳ ᒥᓗ ᑲᓇᐙᐸᑕᒃ, ᐎᓚ ᐅᒋ ᒋᓴᔅ ᙭: ᐊᓇ ᑫ ᑭᔅᑌᓕᑖᑯᐋᑲᓂᐎᑦ ᑳᑭᑫ ᓀᔥᑕ ᑳᑭᑫ᙮ ᐁᒣᓐ᙮

ᓂᔥᑕᒻ ᐱᑕᕐ 2:12

ᒀᔭᔉ ᐁ ᐃᑎᔦᒃ ᑭᑦ ᐃᔑᐱᒫᑎᓯᐎᓂᐙᒃ ᐃᑕ ᐁ ᐃᑖᒋᒃ ᒉᓐᑖᐃᓚᒃ: ᐋᑕ ᐁ ᐸᑾᓄᒥᑖᑾᒃ ᑖᐱᔅᑯᒡ ᐅᒪᒋᐋᔨᑎᐗ, ᐁᓕᐌᒃ ᒫᑲ ᑭ ᒥᓗ ᐊᑑᔅᑫᐎᓂᐙᐗ, ᑫ ᐙᐸᑕᑭᒃ, ᑭᒋ ᐅᒋ ᒫᒥᒋᒫᒋᒃ ᑭᒋᒪᓂᑐᐗ ᓇᑕᐙᐸᒥᐌᐎ ᑭᔑᑳᑫ᙮