50 ᐁᑯ ᒥᓯᐌ ᓂᑲᑖᒋᒃ, ᑮ ᐅᔑᒧᐗᒃ ᒫᑲ᙮
ᒋᓴᔅ ᒫᑲ ᐃᑌᐤ, ᒥᓯᐌ ᐁ ᐃᑕᔑᔦᒃ ᑭ ᑳ ᓈᔦᑕᐌᓕᑌᓂᐗᐤ ᓂᓚ ᐅᒋ ᐊᓄᒡ ᑫ ᑎᐱᔅᑳᒃ: ᐌᓴ ᐃᑕᓯᓇᐃᑳᑌᐤ, ᓂ ᑳ ᐸᑲᒪᐗᐤ ᒫᓂᔥᒑᓂᔑᐎᓕᓕᐤ, ᒫᓂᔥᒑᓂᔕᒃ ᒫᑲ ᑲᑕ ᐗᓴᓶᑎᔕᐙᐗᒃ᙮
ᑕᑡᐤ ᑳᔑᑳᑭ ᑭ ᑮ ᐎᒉᐎᑎᓇᐗᐤ ᑭᒋᐋᔭᒥᐁᐎᑲᒥᑯᒃ ᐁ ᑭᔅᑭᓄᐊᒫᑫᔮᓐ, ᓇᒪᐎᓚ ᒫᑲ ᑭ ᐅᒋ ᐅᑎᓂᓇᐗᐤ: ᒫᑲ ᑭᒋ ᒪᓯᓇᐃᑫᐎᓇ ᑲᑕ ᑎᐱᐸᓕᐗ᙮
ᑮ ᓄᔅᐱᓈᑎᑯ ᒫᑲ ᐯᔭᒃ ᐅᔥᑭᓂᑭᐗ, ᐁ ᐊᑾᓂᓕᒋ ᐸᐸᑭᐙᔮᓀᑭᓂᓕᐤ ᒧᔐ ᐎᔮᐎᒃ; ᑮ ᒫᑯᓂᑯ ᒫᑲ ᐅᔥᑭᓂᑭᐗ᙮
ᒫᑎᑲ, ᑎᐹᔨᑲᓐ ᐱᓯᒧᑳᓂᒃ ᐹᐸᓕᐤ, ᐁᐁ, ᐋᔕᔾ ᐅᑎᒋᐸᓕᐤ, ᐃᔅᐱ ᑫ ᓇᓈᓂᔑᑎᔕᐅᑲᐎᔦᒃ, ᒥᓯᐌ ᑕᑐ ᐊᐌᓇ ᐎᑭᒃ, ᓀᔥᑕ ᑫ ᓇᑲᔑᔦᒃ ᐁ ᐯᔭᑯᔮᓐ: ᐁᓕᐌᒃ ᒫᑲ ᓇᒪᐎᓚ ᓂ ᐯᔭᑯᓐ, ᐌᓴ ᐅᑖᐎᒪᐤ ᓂ ᐎᒉᐎᒃ᙮
ᒋᓴᔅ ᑮ ᓇᔥᑴᐗᔑᐃᐌᐤ, ᑭ ᑮ ᐎᑕᒫᑎᓇᐗᐤ ᓂᓚ ᐁᐗᑯ: ᑮᔥᐱᓐ ᒫᑲ ᓀᓇᑕᐌᓕᒥᔦᑴ, ᐸᑭᑎᓂᑯᒃ ᐅᑯ ᑭᒋ ᑭᑐᑌᒋᒃ:
ᓂᔥᑕᒻ ᐁ ᑮ ᓇᔥᑴᐗᔑᐃᐌᔮᓐ ᓇᒪᐎᓚ ᐊᐌᓇ ᓂ ᑮ ᐎᒋᑳᐸᐎᔅᑖᒃ, ᒫᑲ ᒥᓯᐌ ᐃᓕᓕᐗᒃ ᓂ ᑮ ᓇᑲᑎᑾᒃ: ᓇᑕᒫ ᐁᑳ ᑭᒋ ᐅᒋ ᒫᒥᔑᒫᑲᓂᐎᒋᒃ᙮
