ᐅᐸᓓᑭᔅ ᒫᕐᒃ 14:36 - ᐅᔅᑭ ᑎᔅᑌᒥᓐᑦ

³⁶ ᑮ ᐃᑗᐤ ᒫᑲ, ᐋᐸ, ᓄᑖ, ᒥᓯᐌ ᑫᒀᓇ ᑭ ᑲᔥᑭᑖᓐ; ᐃᑲᑌᓇᒪᐎᓐ ᐅᒪ ᒥᓂᒀᑲᓐ: ᐁᓕᐌᒃ ᒫᑲ, ᓇᒪᐎᓚ ᓂᓚ ᐁ ᐃᑌᓕᑕᒫᓐ, ᒫᑲ ᐁ ᐃᑌᓕᑕᒪᓐ ᑭᓚ᙮

ᐅᐸᓓᑭᔅ ᒫᕐᒃ 14:36 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 26:39

ᐊᐙᓯᑌᔑᔥ ᒫᑲ ᑮ ᐃᑐᑌᐤ, ᑮ ᐅᑎᑕᐱᐸᓕᐅ ᒫᑲ, ᑮ ᐋᔭᒥᐊᐤ ᒫᑲ, ᐁ ᐃᑗᑦ, ᐅ ᓄᑖ ᑮᔥᐱᓐ ᑮ ᑐᒋᑳᑌᒃ, ᐁᑯᔑ ᓂ ᑳ ᒥᔮᔥᑳᑯᓐ ᐅᒪ ᒥᓂᒀᑲᓐ: ᐁᓕᐌᒃ ᒫᑲ ᓇᒪᐎᓚ ᓂᓚ ᐁ ᐃᑌᓕᑕᒫᓐ, ᒫᑲ ᐁ ᐃᑌᓕᑕᒪᓐ ᑭᓚ᙮

ᐅᐸᓓᑭᔅ ᒫᑎᐤ 26:42

ᒥᓇ ᒫᑲ ᑮ ᐃᑐᑌᐤ ᐁᑯ ᓂᔡᐤ, ᑮ ᐋᔭᒥᐊᐤ ᒫᑲ, ᐁ ᐃᑗᑦ, ᐅ ᓄᑖ, ᑮᔥᐱᓐ ᐅᒪ ᒥᓂᒀᑲᓐ ᐁᑳ ᑫ ᑮ ᒥᔮᔕᑳᑯᐙᓀ ᐹᑎᒫ ᑮ ᒥᓂᑴᔮᓀ, ᐁᑯᔑ ᑭᑦ ᐃᑌᓕᑕᒧᐎᓐ ᑲᑕ ᐃᑭᓐ᙮

ᐅᐸᓓᑭᔅ ᒫᑎᐤ 6:9

ᐅᒪ ᐃᔑ ᒫᑲ ᐋᔭᒥᐋᒃ: ᓄᑖᐎᓈᓐ ᑭᒋᑭᔑᑯᒃ ᑳ ᐃᑖᔭᓐ, ᑲᑕ ᐎ ᐸᓓᑫᓕᒋᑳᑌᐤ ᑭᑦ ᐃᔑᓂᑳᓯᐎᓐ᙮

ᐅᐸᓓᑭᔅ ᒫᕐᒃ 10:27

ᒋᓴᔅ ᒫᑲ, ᐁ ᑲᓇᐙᐸᒫᑦ, ᐃᑗᐤ, ᐅᒣᓕᐤ ᐋᑕᐎᑖᐗᒃ ᐃᓕᓕᐗᒃ: ᐌᓴ ᒥᓯᐌ ᑫᒀᓇ ᐌᑕᓂᓕᐤ ᑭᒋᒪᓂᑐ᙮

ᐅᐸᓓᑭᔅ ᒫᕐᒃ 10:39

ᑮ ᐃᑌᐗᒃ ᒫᑲ, ᓂ ᑲᔥᑭᑖᓈᓐ᙮ ᒋᓴᔅ ᒫᑲ ᑮ ᐃᑌᐤ, ᑖᐺ ᑭ ᑳ ᐅᒋ ᒥᓂᒀᓂᐗᐤ ᒥᓂᒀᑲᓂᒃ ᑳ ᐅᒋ ᒥᓂᑴᔮᓐ; ᓀᔥᑕ ᐊᓂᒪ ᓯᑲᐋᑖᑫᐎᓐ ᑳ ᐅᒋ ᓯᑲᐋᑖᑲᐎᔮᓐ ᑭ ᑳ ᐅᒋ ᓯᑲᐋᑖᑲᐎᓇᐗᐤ:

ᐅᐸᓓᑭᔅ ᒫᕐᒃ 14:37

ᐯᒋ ᐃᑐᑌᐤ ᒫᑲ, ᒥᔅᑲᐌᐤ ᒫᑲ ᐁ ᓂᐹᓕᒋ, ᐃᑌᐤ ᒫᑲ ᐱᑕᕋ, ᓵᐃᒪᓐ, ᑭ ᓂᐹᓐ ᓈ? ᓇᒪ ᓈ ᑭ ᑲᔥᑭᑖᓐ ᐃᔥᐱᔥ ᐯᔭᒃ ᑎᐹᔨᑲᓐ ᐱᓯᒧᑳᓂᒃ ᑭᒋ ᐊᔕᐙᐱᔭᓐ?

ᐅᐸᓓᑭᔅ ᒑᓐ 12:27

ᐊᓄᒡ ᓂᑦ ᐊᒑᒃ ᒥᑯᔥᑳᑌᓕᑕᒻ; ᑖᓂ ᒫᑲ ᑫ ᐃᑗᔮᓐ? ᓄᑖ, ᒥᑖᑴᓇᒪᐎᓐ ᐅᒪ ᑎᐹᔨᑲᓐ ᐱᓯᒧᑳᓂᒃ: ᒫᑲ ᐁᐗᑯ ᐅᒪ ᑳ ᐅᒋ ᐅᑎᑕᒫᓐ ᐅᒪ ᑎᐹᔨᑲᓐ ᐱᓯᒧᑳᓂᒃ᙮

ᐅᐸᓓᑭᔅ ᒑᓐ 18:11

ᐁᑯ ᒋᓴᔅ ᐁᑖᑦ ᐱᑕᕋ, ᐱᑕᐊ ᑭ ᔑᒫᑲᓐ ᐱᒋᑯᒫᓈᓂᒃ: ᐊᓂᐁᓕᐤ ᒥᓂᒀᑲᓂᓕᐤ ᓄᑖᐎ ᑳ ᑮ ᒥᓕᑦ, ᓇᒪ ᓈ ᓂ ᑳ ᒥᓂᑴᐙᓐ?

ᐅᐸᓓᑭᔅ ᒑᓐ 4:34

ᒋᓴᔅ ᐃᑌᐤ, ᐁᐗᑯ ᓂ ᒥᒋᒥᒻ ᑭᒋ ᑐᑕᒶᒃ ᐅᑦ ᐃᑌᓕᑕᒧᐎᓐ ᐊᓇ ᑳ ᑮ ᐯᒋᑎᔕᐅᑦ, ᓀᔥᑕ ᑭᒋ ᑭᔑᑖᐗᒃ ᐅᑦ ᐊᑑᔅᑫᐎᓐ᙮

ᐅᐸᓓᑭᔅ ᒑᓐ 5:30

ᓂᓚ ᑫᒋᐙᒃ ᓇᒪᐎᓚ ᑫᒀᓐ ᓂ ᑮ ᑐᑌᓐ: ᐁ ᐃᔑ ᐯᑕᒫᓐ ᓂᑦ ᐃᔑ ᑎᐹᔅᑯᓂᑳᓐ: ᓂ ᑎᐹᔅᑯᓂᑫᐎᓐ ᒫᑲ ᑳᔨᔅᑾᓐ: ᐁᑳ ᐁ ᐎ ᑐᑕᒫᓐ ᓂᓚ ᑎᐱᓚᐌ ᓃᑦ ᐃᑌᓕᑕᒧᐎᓐ, ᒫᑲ ᐅᑦ ᐃᑌᓕᑕᒧᐎᓐ ᐅᑖᐎᒪᐤ ᑳ ᑮ ᐯᒋᑎᔕᐅᑦ᙮

ᑲᓓᔕᐊᓇ 4:6

ᓀᔥᑕ ᒫᑲ ᐁ ᐅᑯᓯᓯᒪᐎᔦᒃ, ᑭᒋᒪᓂᑐ ᑮ ᐃᔑᑎᔕᐊᒬᐤ ᐅᑯᓯᓴ ᐅᑦ ᐊᒑᑯᓕᐗ ᑭᑌᐃᐙᒃ, ᐁ ᑌᐺᓕᒋ ᐋᐸ, ᓄᑖ᙮

ᐱᓕᐱᔭᓇ 2:8

ᓀᔥᑕ ᒫᑲ, ᑖᐱᔅᑯᒡ ᐃᓕᓕᐤ ᐁ ᑮ ᐃᔑ ᒥᔅᑲᐙᑲᓂᐎᑦ, ᑮ ᑕᐸᑌᓕᑖᑯᐃᑎᓱ, ᓀᔥᑕ ᑭ ᓇᓇᐃᑕᒻ ᐱᓕᔥ ᓂᐱᐎᓂᓕᐤ, ᐙᐙᒡ ᓂᐱᐎᓂᓕᐤ ᐋᔑᑌᐋᑎᑯᒃ᙮

ᓂᔓ ᑎᒧᑎ 2:13

ᑮᔥᐱᓐ ᐁᑳ ᑖᐺᑕᒪᒃ, ᑫᔮᐸᒡ ᑕᑭ ᒀᔭᔅᑭᑎᐤ; ᓇᒪᐎᓚ ᑲᔥᑭᑕᐤ ᑭᒋ ᐋᓉᑖᓱᑦ᙮

ᑕᐃᑕᔅ 1:2

ᐁ ᐊᔅᐯᓕᒧᑐᒋᑳᑌᒃ ᑳᑭᑫ ᐱᒫᑎᓯᐎᓐ, ᐊᓂᒪ ᑭᒋᒪᓂᑐ, ᐁᑳ ᑳ ᑮ ᑭᓛᔅᑭᑦ, ᑳ ᑮ ᐊᔓᑕᒫᑫᑦ ᐸᒧᔑ ᑮ ᒫᒋ ᐊᔅᑭᐗᒃ:

ᐦᐃᑉᕉᐗ 6:18

ᑳ ᓂᔑᑭ ᑫᒀᓇ ᐁᑳ ᑫ ᑴᔅᑭᐸᓕᑭ ᐅᒋ, ᐃᑕ ᐁᑳ ᑫ ᑮ ᐃᑭᒃ ᑭᒋᒪᓂᑐ ᑭᒋ ᑭᓛᔅᑭᑦ, ᑭᒋ ᐋᔮᔭᒃ ᒪᔥᑲᐎ ᑳᑭᒋᐃᑯᓯᐎᓐ, ᑳ ᑮ ᓈᑕᒧᔅᑕᒪᒃ ᓈᑕᒫᑫᐎᓐ ᑭᒋ ᒥᒋᒥᓇᒪᒃ ᐊᓂᒪ ᐊᔅᐯᓕᒧᐎᓐ ᑳ ᓂᑳᓇᔅᑕᒫᑲᐎᔭᒃ: