ᐅᐸᓓᑭᔅ ᒫᕐᒃ 11:32 - ᐅᔅᑭ ᑎᔅᑌᒥᓐᑦ

³² ᒫᑲ ᑮᔥᐱᓐ ᐃᑗᔭᑴ, ᐃᓕᓕᓈᒃ ᐅᒋ; ᑮ ᑯᔅᑌᐗᒃ ᐃᓕᓕᐗ: ᐌᓴ ᒥᓯᐌ ᐃᓕᓕᐗᒃ, ᑖᐺ ᐅᑭᔅᑭᐙᐃᑫᐎᐤ ᒑᓐ, ᑮ ᐃᑌᓕᑕᒶᒃ᙮

ᐅᐸᓓᑭᔅ ᒫᕐᒃ 11:32 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 11:9

ᒫᑲ ᑫᒀᓐ ᐙ ᐙᐸᑕᒣᒃ ᐊᓐᑕ ᑳ ᐃᑐᑌᔦᒃ? ᐅᑭᔅᑭᐙᐃᑫᐤ ᓈ? ᐁᐁ ᑭᑦ ᐃᑎᓇᐗᐤ, ᐊᐙᓯᑌ ᐃᔥᐱᔥ ᐅᑭᔅᑭᐙᐃᑫᐤ᙮

ᐅᐸᓓᑭᔅ ᒫᑎᐤ 14:5

ᐃᔅᐱ ᒫᑲ ᐙ ᓂᐸᐋᑦ, ᑮ ᑯᔅᑌᐤ ᒥᔮᒪᐎᒥᒉᑎᓕᒋ ᐃᓕᓕᐗ, ᐌᓴ ᐅᑭᔅᑭᐙᐃᑫᐤ ᑮ ᐃᑌᓕᒣᓕᐗ᙮

ᐅᐸᓓᑭᔅ ᒫᑎᐤ 21:46

ᒫᑲ ᐃᔅᐱ ᐙ ᐅᑎᑎᓈᒋᒃ, ᑮ ᑯᔅᑌᐗᒃ ᒥᔮᒪᐎᒥᒉᑎᓕᒋ ᐃᓕᓕᐗ, ᐅᑭᔅᑭᐙᐃᑫᐤ ᐁ ᐃᑌᓕᒫᓕᒋ᙮

ᐅᐸᓓᑭᔅ ᒫᕐᒃ 11:31

ᑮ ᐋᔭᔭᒥᐃᑐᐗᒃ ᒫᑲ, ᐁ ᐃᑗᒋᒃ ᑮᔥᐱᓐ ᐃᑗᔭᑴ, ᑭᒋᑭᔑᑯᒃ ᐅᒋ, ᑲᑕ ᐃᑗᐤ, ᑖᓀᑭ ᐌᒋ ᒫᑲ ᐁᑳ ᑮ ᑖᐺᑕᐌᒃ?

ᐅᐸᓓᑭᔅ ᒫᕐᒃ 11:33

ᐁ ᓇᔥᑴᐗᔑᐋᒋᒃ ᒫᑲ, ᑮ ᐃᑌᐗᒃ ᒋᓴᓴ, ᓇᒪᐎᓚ ᓂ ᑮ ᐎᑌᓋᓐ᙮ ᒋᓴᔅ ᒫᑲ ᐁ ᓇᔥᑴᐗᔑᐋᑦ, ᐃᑌᐤ, ᓂᓚ ᓀᔥᑕ ᓇᒪᐎᓚ ᑭ ᑳ ᐎᑕᒫᑎᓈᐗᐤ ᑖᓐᑌ ᑳ ᐅᒋ ᑲᔥᑭᑖᔮᓐ ᐅᐅ ᑫᒀᓇ ᑭᒋ ᑐᑕᒫᓐ᙮

ᐅᐸᓓᑭᔅ ᒫᕐᒃ 12:12

ᐁᑯ ᓂᐋᓇᑕᐌᓕᑕᑭᒃ ᑭᒋ ᐅᑎᑎᓈᒋᒃ, ᒫᑲ ᑮ ᑯᔅᑌᐗᒃ ᐃᓕᓕᐗ; ᐌᓴ ᑮ ᑭᔅᑫᓕᑕᒶᒃ ᐎᓚᐗᐤ ᐁ ᑮ ᐃᑎᑯᒋᒃ ᐊᓂᐁᓕᐤ ᓇᔅᐱᑐᐌᐎ ᐋᑕᓗᑳᓂᓕᐤ: ᑮ ᓇᑲᑌᐗᒃ ᒫᑲ, ᓀᔥᑕ ᑮ ᑭᑐᑌᐗᒃ᙮

ᐅᐸᓓᑭᔅ ᒫᕐᒃ 6:20

ᐌᓴ ᐦᐁᕋᑦ ᑮ ᑯᔅᑌᐤ ᒑᓇ, ᐁ ᑭᔅᑫᓕᒫᑦ ᐁ ᒀᔭᔅᑭᑎᓕᒋ, ᓀᔥᑕ ᐁ ᐸᓓᑭᓯᓕᒋ ᐃᓕᓕᐗ, ᓀᔥᑕ ᑮ ᓈᑲᑕᐌᓕᒣᐤ; ᐃᔅᐱ ᒫᑲ ᑳ ᐯᑕᐙᑦ, ᒥᒉᑦ ᑫᒀᓇ ᑮ ᑐᑕᒻ, ᓀᔥᑕ ᓯᑭᓓᓯᐤ ᐁ ᐯᑕᐙᑦ᙮

ᐅᐸᓓᑭᔅ ᓘᒃ 20:19

ᑭᒋ ᓵᓵᑭᐎᓕᐌᐎᓕᓕᐗᒃ ᒫᑲ ᓀᔥᑕ ᐅᒪᓯᓇᐃᑫᐗᒃ ᐊᓂᒪ ᑫᔮᐸᒡ ᑎᐹᔨᑲᓐ ᐱᓯᒧᑳᓂᒃ, ᑮ ᐎ ᒫᑯᓀᐗᒃ; ᑮ ᑯᔅᑌᐗᒃ ᒫᑲ ᐃᓕᓕᐗ: ᐌᓴ ᑮ ᑭᔅᑫᓕᑕᒶᒃ ᐁ ᑮ ᐃᑗᓕᒋ ᐅᒣᓕᐤ ᓇᔅᐱᑐᐌᐎ ᐋᑕᓗᑳᓂᓕᐤ ᐁ ᐎ ᐋᓉᓕᒥᑯᒋᒃ᙮

ᐅᐸᓓᑭᔅ ᓘᒃ 22:2

ᑭᒋ ᓵᓵᑭᐎᓕᐌᐎᓕᓕᐗᒃ ᒫᑲ ᓀᔥᑕ ᐅᒪᓯᓇᐃᑫᐗᒃ ᑮ ᓈᓇᑕᐌᓕᑕᒶᒃ ᑫ ᐃᔑ ᓂᐸᐋᒋᒃ; ᐌᓴ ᑮ ᑯᔅᑌᐗᒃ ᐃᓕᓕᐗ᙮

ᐅᐸᓓᑭᔅ ᒑᓐ 10:41

ᑮ ᐯᒋ ᓈᑎᑯ ᒫᑲ ᒥᒉᑦ, ᓀᔥᑕ ᑮ ᐃᑗᓕᐗ, ᒑᓐ ᓇᒪᐎᓚ ᐅᒋ ᑐᑕᒻ ᒫᒪᔅᑳᒋ ᐃᓯᒋᑫᐎᓂᓕᐤ: ᒫᑲ ᒥᓯᐌ ᑫᒀᓇ ᑳ ᑮ ᐃᑖᒋᒫᑦ ᒑᓐ ᐅᐅ ᐃᓕᓕᐗ ᑖᐺᒪᑲᓂᓕᐗ᙮

ᐊᐸᔅᑕᓚᒃ 5:26

ᐁᑯ ᐃᑐᑌᑦ ᓇᑐᐸᓕᐎᑭᒫᐤ ᐅᑭᒫᐗᒃ ᐊᓯᒋ, ᑮ ᐯᔑᐌᐗᒃ ᒫᑲ ᐁᑳ ᐗᔦᔥ ᐁ ᑐᑕᐙᒋᒃ: ᐌᓴ ᑮ ᑯᔅᑌᐗᒃ ᐃᓕᓕᐗ, ᐁᑳ ᑭᒋ ᐱᒧᓯᓈᑕᐅᑯᒋᒃ᙮