ᐅᐸᓓᑭᔅ ᒫᕐᒃ 11:23 - ᐅᔅᑭ ᑎᔅᑌᒥᓐᑦ

²³ ᐌᓴ ᑖᐺ ᑭᑦ ᐃᑎᓇᐗᐤ, ᐊᐌᓇ ᑫ ᐃᑕᒧᑴ ᐅᒣᓕᐤ ᐗᒌᓕᐤ, ᐋᒋᐸᓕᐃᑎᓯ, ᑭᒋᑲᒥᒃ ᒫᑲ ᐃᔑ ᐌᐱᓂᑎᓱ, ᐁᑳ ᒫᑲ ᑫ ᐹᔨᑕᐌᓕᑕᒧᑴ ᐅᑌᐃᒃ, ᑫ ᑖᐺᑕᒧᑴ ᐊᓂᐃ ᑫᒀᓇ ᑳ ᐃᑗᑦ ᑭᒋ ᐃᑭᓂᓕᑭ; ᑲᑕ ᐋᔭᐤ ᑫᒀᓕᐤ ᑫ ᐃᑗᑴ᙮

ᐅᐸᓓᑭᔅ ᒫᕐᒃ 11:23 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 14:13

ᐃᔅᐱ ᒫᑲ ᒋᓴᔅ ᐱᐁᑕᒃ, ᐊᓐᑕ ᑮ ᐅᒋ ᑭᑐᑌᐤ ᓈᐱᒀᓂᒃ ᐸᑾᑕᔅᑲᒥᑳᒃ ᐁ ᐃᑐᑌᑦ ᐹᑳᓐ: ᐃᔅᐱ ᒫᑲ ᐃᓕᓕᐗᒃ ᑳ ᐯᑕᑭᒃ, ᑮ ᓄᔅᐱᓇᑌᐗᒃ ᐃᑖᐎᓂᒃ ᐅᒋ ᐁ ᒧᔅᑐᑌᒋᒃ᙮

ᐅᐸᓓᑭᔅ ᒫᑎᐤ 17:20

ᒋᓴᔅ ᒫᑲ ᑮ ᐃᑌᐤ, ᐁ ᐅᑦ ᐋᓉᑕᒧᐎᓂᔦᒃ: ᐌᓴ ᑖᐺ ᑭᑦ ᐃᑎᓇᐗᐤ, ᑮᔥᐱᓐ ᐁᔮᐌᑴ ᑖᐺᔦᓕᑕᒧᐎᓐ ᑖᐱᔅᑯᒡ ᐯᔭᒃ ᒪᔅᑕᑦ ᓯᒥᓐ, ᑭ ᑳ ᐃᑌᓇᐗᐤ ᐅᒪ ᐗᒋ, ᓀᑌ ᐃᔑ ᐋᒋᐸᓕ; ᑲᑕ ᐋᒋᐸᓕᐤ ᒫᑲ; ᓇᒪᐎᓚ ᑫᒀᓐ ᒫᑲ ᑭ ᑳ ᔖᑯᒋᐃᑯᓈᐗᐤ᙮

ᐅᐸᓓᑭᔅ ᒫᑎᐤ 21:21

ᒋᓴᔅ ᒫᑲ ᐁ ᓇᔥᑴᐗᔑᐋᑦ, ᑮ ᐃᑌᐤ, ᑖᐺ ᑭᑦ ᐃᑎᓇᐗᐤ, ᑮᔥᐱᓐ ᐋᔮᔦᒃ ᑖᐺᔦᓕᑕᒧᐎᓐ, ᓀᔥᑕ ᐁᑳ ᐹᔨᑕᐌᓕᑕᒣᒃ, ᓇᒪᐎᓚ ᐅᒪ ᐱᑯ ᑭ ᑳ ᑐᑌᓇᐗᐤ ᑳ ᑐᑕᐙᑲᓂᐎᑦ ᐸᑫᓵᓂᒥᓈᑎᒃ, ᑮᔥᐱᓐ ᓀᔥᑕ ᐃᑕᒣᒃ ᐅᒪ ᐗᒋ, ᐋᒋᐸᓕᐃᑎᓱ, ᐌᐱᓂᑎᓱ ᒫᑲ ᑭᒋᑲᒦᒃ, ᑲᑕ ᑐᒋᑳᑌᐤ᙮

ᐅᐸᓓᑭᔅ ᓘᒃ 17:6

ᐅᑎᐯᓕᒋᑫᐤ ᒫᑲ ᑮ ᐃᑗᐤ, ᑮᔥᐱᓐ ᐁᔭᐌᑴ ᑖᐺᔦᓕᑕᒧᐎᓐ ᑖᐱᔅᑯᒡ ᐯᔭᒃ ᒪᔅᑕᑦ ᓯᒥᓐ, ᑭ ᑳ ᐃᑖᑕᐗᐤ ᐊᐗ ᓯᑭᒪᐃᓈᑎᒃ, ᑭ ᑳ ᐸᑾᒋᐱᑎᑳᐎᓐ ᑭᑭ ᐅᒉᐱᒃ, ᒋᒪᓕᑌᓱ ᒫᑲ ᑭᒋᑲᒦᒃ, ᑭ ᑳ ᐱᔑᒋᐃᑯᐗᐤ ᒫᑲ᙮

ᐅᐸᓓᑭᔅ ᒑᓐ 14:13

ᓀᔥᑕ ᒫᑲ ᐱᑯ ᑫᒀᓐ ᑫ ᓇᑐᑕᒫᔦᒃ ᓂᑦ ᐃᔑᓂᑳᓱᐎᓂᒃ, ᐁᐗᑯ ᑫ ᑐᑕᒫᓐ, ᐅᑖᐎᒪᐤ ᑭᒋ ᑭᔅᑕᑭᒫᑲᓂᐎᑦ ᐅᑯᓯᓯᒫᐗ ᐅᒋ᙮

ᐅᐸᓓᑭᔅ ᒑᓐ 15:7

ᑮᔥᐱᓐ ᐱᒋᔅᑲᐎᔦᑴ, ᓀᔥᑕ ᓂᑦ ᐋᔭᒥᐎᓐ ᐱᒋᔅᑳᑯᔦᑶ, ᑭ ᑳ ᓇᑐᑕᒫᓇᐗᐤ ᑫᒀᓐ ᐁ ᐃᔑ ᓇᑕᐌᓕᑕᒣᒃ, ᐁᑯ ᑫ ᑐᑕᒫᑲᐎᔦᒃ᙮

ᓂᔥᑕᒻ ᑯᕆᓐᑎᐊᓇ 13:2

ᐋᑕ ᒫᑲ ᐁ ᐋᔮᔮᓐ ᒥᓕᑯᓯᐎᓐ ᑭᒋ ᑭᔅᑭᐙᐃᑫᔮᓐ, ᓀᔥᑕ ᓂᓯᑐᑕᒫᓐ ᒥᓯᐌ ᑳᒋ ᑫᒀᓇ, ᓀᔥᑕ ᒥᓯᐌ ᑭᔅᑫᓕᑕᒧᐎᓐ; ᐋᑕ ᒫᑲ ᐁ ᐋᔮᔮᓐ ᒥᓯᐌ ᑖᐺᔦᓕᑕᒧᐎᓐ, ᐃᔥᐱᔥ ᑭᒋ ᑮ ᐋᑕᔅᑖᔮᓐ ᐗᒋᔭ, ᐁᑳ ᒫᑲ ᐋᔮᔮᓐ ᓵᑭᐃᐌᐎᓐ, ᓇᒪᐎᓚ ᑫᒀᓐ ᓂᑦ ᐃᑌᓕᑖᑯᓯᓐ᙮