ᐅᐸᓓᑭᔅ ᒫᕐᒃ 11:18 - ᐅᔅᑭ ᑎᔅᑌᒥᓐᑦ

¹⁸ ᐅᒪᓯᓇᐃᑫᐗᒃ ᓀᔥᑕ ᑭᒋ ᓵᓴᑭᐎᓕᐌᐎᓕᓕᐗᒃ ᑮ ᐯᑕᒶᒃ, ᓀᔥᑕ ᑮ ᓈᓇᑕᐌᓕᑕᒶᒃ ᑮ ᐃᔑ ᓂᔑᐗᓈᒋᐋᒋᒃ: ᐌᓴ ᑮ ᑯᔅᑌᐗᒃ, ᒥᓯᐌ ᐃᓕᓕᐗ ᐁ ᒫᒪᔅᑳᑕᒥᓕᒋ ᐅ ᑭᔅᑭᓄᐊᒫᑫᐎᓂᓕᐤ᙮

ᐅᐸᓓᑭᔅ ᒫᕐᒃ 11:18 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 21:15

ᐃᔅᐱ ᒫᑲ ᑭᒋ ᓵᓵᑭᐎᓕᐌᐎᓕᓕᐗᒃ ᓀᔥᑕ ᐅᒪᓯᓇᐃᑫᐗᒃ ᐎᐋᐸᑕᑭᒃ ᐊᓂᐃ ᒫᒪᔅᑳᒋ ᑫᒀᓇ ᑳ ᑐᑕᒥᓕᒋ, ᓀᔥᑕ ᐊᐙᔑᔕ ᐁ ᑌᐺᓕᒋ ᑭᒋᐋᔭᒥᐁᐎᑲᒥᑯᒃ, ᐁ ᐃᑗᓕᒋ ᒫᑲ, ᐦᐅᓵᓇ ᑌᐱᑦ ᐅᑯᓯᓴ; ᓈᔅᐱᒡ ᓇᒪ ᑮ ᓇᐁᓕᑕᒶᒃ,

ᐅᐸᓓᑭᔅ ᒫᑎᐤ 7:28

ᑮ ᐃᑭᓐ ᒫᑲ, ᐃᔅᐱ ᒋᓴᔅ ᑳ ᑮ ᑭᔑᐃᑗᑦ ᐅᐅ ᐃᑗᐎᓇ, ᐃᓕᓕᐗᒃ ᑮ ᒫᒪᔅᑳᑕᒬᐗᒃ ᐅ ᑭᔅᑭᓄᐊᒫᑫᐎᓂᓕᐤ;

ᐅᐸᓓᑭᔅ ᒫᕐᒃ 1:22

ᑮ ᒫᒪᔅᑳᑕᒬᐗᒃ ᒫᑲ ᐅ ᑭᔅᑭᓄᐊᒫᑫᐎᓂᓕᐤ; ᐌᓴ ᑮ ᑭᔅᑭᓄᐊᒪᐌᐤ ᑖᐱᔅᑯᒡ ᐊᐌᓇ ᐁ ᑎᐯᓕᒋᑫᑦ, ᓇᒪᐎᓚ ᒫᑲ ᑖᐱᔅᑯᒡ ᐅᒪᓯᓇᐃᑫᐗᒃ᙮

ᐅᐸᓓᑭᔅ ᒫᕐᒃ 11:32

ᒫᑲ ᑮᔥᐱᓐ ᐃᑗᔭᑴ, ᐃᓕᓕᓈᒃ ᐅᒋ; ᑮ ᑯᔅᑌᐗᒃ ᐃᓕᓕᐗ: ᐌᓴ ᒥᓯᐌ ᐃᓕᓕᐗᒃ, ᑖᐺ ᐅᑭᔅᑭᐙᐃᑫᐎᐤ ᒑᓐ, ᑮ ᐃᑌᓕᑕᒶᒃ᙮

ᐅᐸᓓᑭᔅ ᒫᕐᒃ 12:12

ᐁᑯ ᓂᐋᓇᑕᐌᓕᑕᑭᒃ ᑭᒋ ᐅᑎᑎᓈᒋᒃ, ᒫᑲ ᑮ ᑯᔅᑌᐗᒃ ᐃᓕᓕᐗ; ᐌᓴ ᑮ ᑭᔅᑫᓕᑕᒶᒃ ᐎᓚᐗᐤ ᐁ ᑮ ᐃᑎᑯᒋᒃ ᐊᓂᐁᓕᐤ ᓇᔅᐱᑐᐌᐎ ᐋᑕᓗᑳᓂᓕᐤ: ᑮ ᓇᑲᑌᐗᒃ ᒫᑲ, ᓀᔥᑕ ᑮ ᑭᑐᑌᐗᒃ᙮

ᐅᐸᓓᑭᔅ ᒫᕐᒃ 3:6

ᐹᕋᓯᔭᒃ ᒫᑲ ᑮ ᑭᑐᑌᐗᒃ, ᑣᔦᒃ ᒫᑲ ᑮ ᐋᔭᔭᒥᐃᑐᐗᒃ ᐊᓯᒋ ᐦᐃᕈᑎᔭᓇᒃ, ᑖᓂ ᑫ ᐃᔑ ᓂᔑᐗᓈᒋᐋᒋᒃ᙮

ᐅᐸᓓᑭᔅ ᒫᕐᒃ 6:20

ᐌᓴ ᐦᐁᕋᑦ ᑮ ᑯᔅᑌᐤ ᒑᓇ, ᐁ ᑭᔅᑫᓕᒫᑦ ᐁ ᒀᔭᔅᑭᑎᓕᒋ, ᓀᔥᑕ ᐁ ᐸᓓᑭᓯᓕᒋ ᐃᓕᓕᐗ, ᓀᔥᑕ ᑮ ᓈᑲᑕᐌᓕᒣᐤ; ᐃᔅᐱ ᒫᑲ ᑳ ᐯᑕᐙᑦ, ᒥᒉᑦ ᑫᒀᓇ ᑮ ᑐᑕᒻ, ᓀᔥᑕ ᓯᑭᓓᓯᐤ ᐁ ᐯᑕᐙᑦ᙮

ᐅᐸᓓᑭᔅ ᓘᒃ 19:47

ᒣᔕᒃ ᒫᑲ ᑮ ᑭᔅᑭᓄᐊᒫᑫᐤ ᑭᒋᐋᔭᒥᐁᐎᑲᒥᑯᒃ᙮ ᒫᑲ ᑭᒋ ᓵᓵᑭᐎᓕᐌᐎᓕᓕᐗᒃ ᓀᔥᑕ ᐅᒪᓯᓇᐃᑫᐗᒃ, ᓀᔥᑕ ᑳ ᓂᑳᓀᓕᑖᑯᓯᒋᒃ ᐃᓕᓕᐗᒃ ᑮ ᓈᓇᑕᐌᓕᑕᒶᒃ ᑭᒋ ᓂᔑᐗᓈᒋᐋᒋᒃ;

ᐅᐸᓓᑭᔅ ᓘᒃ 2:47

ᒥᓯᐌ ᒫᑲ ᐊᓂᑭ ᑳ ᐯᑕᐙᒋᒃ ᑮ ᒫᒪᔅᑳᑕᒬᐗᒃ ᐅ ᑲᑫᑕᐌᓕᑕᒧᐎᓂᓕᐤ ᓀᔥᑕ ᐅ ᓇᔥᑴᐗᔑᐃᐌᐎᓂᓕᐗ᙮

ᐅᐸᓓᑭᔅ ᓘᒃ 20:19

ᑭᒋ ᓵᓵᑭᐎᓕᐌᐎᓕᓕᐗᒃ ᒫᑲ ᓀᔥᑕ ᐅᒪᓯᓇᐃᑫᐗᒃ ᐊᓂᒪ ᑫᔮᐸᒡ ᑎᐹᔨᑲᓐ ᐱᓯᒧᑳᓂᒃ, ᑮ ᐎ ᒫᑯᓀᐗᒃ; ᑮ ᑯᔅᑌᐗᒃ ᒫᑲ ᐃᓕᓕᐗ: ᐌᓴ ᑮ ᑭᔅᑫᓕᑕᒶᒃ ᐁ ᑮ ᐃᑗᓕᒋ ᐅᒣᓕᐤ ᓇᔅᐱᑐᐌᐎ ᐋᑕᓗᑳᓂᓕᐤ ᐁ ᐎ ᐋᓉᓕᒥᑯᒋᒃ᙮

ᐅᐸᓓᑭᔅ ᓘᒃ 4:22

ᒥᓯᐌ ᒫᑲ ᑮ ᑎᐹᒋᒣᐗᒃ, ᓀᔥᑕ ᑮ ᒫᒪᔅᑳᑕᒬᐗᒃ ᐊᓂᐃ ᔕᐌᓕᒋᑫᐎ ᐋᔭᒥᐎᓇ ᑳ ᐅᒋᐸᓕᓕᑭ ᐅᑐᓂᓕᒃ᙮ ᑮ ᐃᑗᐗᒃ ᒫᑲ, ᓇᒪ ᓈ ᐊᐗ ᒍᓯᑉ ᐅᑯᓯᓴ?

ᐅᐸᓓᑭᔅ ᒑᓐ 7:1

ᑳ ᐳᓂᐸᓕᑭ ᐅᐅ ᒋᓴᔅ ᑮ ᐸᐸᒧᑌᐤ ᑳᓕᓕᒃ: ᐌᓴ ᓇᒪᐎᓚ ᑮ ᐎ ᐸᐹᒧᑌᐤ ᒎᕆᐃᒃ, ᐁ ᐎ ᓂᐹᔨᑯᑦ ᒎᐗ᙮

ᐅᐸᓓᑭᔅ ᒑᓐ 7:19

ᓇᒪ ᓈ ᒧᓯᔅ ᑭ ᑮ ᒥᓕᑯᐗᐤ ᐅᓚᔓᐌᐎᓂᓕᐤ, ᐁᓕᐌᒃ ᒫᑲ ᓇᒪᐎᓚ ᐊᐌᓇ ᐁ ᐃᑕᔑᔦᒃ ᑲᓇᐎᑕᐤ ᐅᓚᔓᐌᐎᓂᓕᐤ? ᑫᒀᓐ ᐌᒋ ᓇᑕᐌᓕᑕᒣᒃ ᑭᒋ ᓂᐹᔨᔦᒃ?

ᐅᐸᓓᑭᔅ ᒑᓐ 7:46

ᐅᓚᔓᐌᐎ ᐊᑑᔅᑫᓛᑲᓇᒃ ᑮ ᓇᔥᑴᐗᔑᐃᐌᐗᒃ, ᓇᒪᐎᔅᑳᑦ ᐊᐌᓇ ᐃᔑ ᐋᔭᒥᐤ ᑖᐱᔅᑯᒡ ᐊᐗ ᐃᓕᓕᐤ᙮

ᐊᐸᔅᑕᓚᒃ 24:25

ᒣᒀᒡ ᒫᑲ ᐁ ᐋᓕᒧᑕᒥᓕᒋ ᒀᔭᔅᑭᑖᑎᓯᐎᓂᓕᐤ, ᓇᐃᓕᑯᒀᑎᓯᐎᓂᓕᐤ, ᓀᔥᑕ ᑎᐹᔅᑯᓂᑫᐎᓂᓕᐤ ᑫ ᐅᑎᒋᐸᓕᓕᒃ, ᐱᓕᒃᔅ ᑮ ᓇᓇᒥᐸᓕᐤ, ᓀᔥᑕ ᑮ ᓇᔥᑴᐗᔑᐃᐌᐤ, ᑭᑐᑌ ᐊᓄᒡ, ᐃᔅᐱ ᓇᐗᒡ ᓇᐃᐸᓕᐃᑯᔮᓀ, ᑭ ᑳ ᓇᑐᒥᑎᓐ᙮