ᐅᐸᓓᑭᔅ ᒫᕐᒃ 11:14 - ᐅᔅᑭ ᑎᔅᑌᒥᓐᑦ

¹⁴ ᒋᓴᔅ ᒫᑲ ᑮ ᐋᔭᒥᐤ ᓀᔥᑕ ᑮ ᐃᑌᐤ, ᐁᑳᐎᓚ ᐊᐌᓇ ᑲᑕ ᒥᒋᐤ ᒥᓂᔕ ᑭᓚ ᑫ ᓂᑖᐎᑭᑖᔭᓐ ᐊᓄᒡ ᐅᒋ ᑳᑭᑫ᙮ ᐅ ᑭᔅᑭᓄᐊᒪᐙᑲᓇ ᒫᑲ ᑮ ᐯᑕᒥᓕᐗ᙮

ᐅᐸᓓᑭᔅ ᒫᕐᒃ 11:14 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 21:19

ᐃᔅᐱ ᒫᑲ ᐎᐋᐸᒫᑦ ᐸᑫᓵᓂᒥᓈᑎᑾ ᒣᔅᑲᓈᒃ, ᑮ ᐯᒋ ᓈᑌᐤ, ᓇᒪᐎᓚ ᑫᒀᓕᐤ ᒫᑲ ᑮ ᒥᔅᑲᒻ, ᓂᐱᔕ ᐱᑯ, ᑮ ᐃᑌᐤ ᒫᑲ, ᐁᑳᐎᓚ ᐐᔅᑳᑦ ᑭ ᑳ ᓂᑖᐎᑭᑖᓐ ᒥᓂᔕᑳᑭᑫ᙮ ᐎᐸᒡ ᒫᑲ ᐸᑫᓵᓂᒥᓈᑎᒃ ᑮ ᐊᑎ ᐹᓱ᙮

ᐅᐸᓓᑭᔅ ᒫᑎᐤ 21:33

ᓇᑐᑕᒧᒃ ᑯᑕᒃ ᓇᔅᐱᑐᐌᐎ ᐋᑕᓗᑳᓐ: ᑮ ᐃᑖᐤ ᐊᐌᓇ ᑳ ᑎᐯᓕᑕᒃ ᐙᔅᑳᔨᑲᓂᓕᐤ, ᑳ ᐅᔑᑖᑦ ᔓᒥᓈᑎᑯ ᓂᑖᐎᑭᒋᑲᓂᓕᐤ, ᓀᔥᑕ ᑮ ᑭᐸᐊᒻ ᒥᓯᐌ ᐙᔅᑲ, ᑮ ᒧᓇᐊᒻ ᒫᑲ ᐃᑕ ᔓᒥᓈᐳᓕᐤ ᑭᒋ ᐅᒋᑳᐎᑖᑦ, ᑮ ᒋᒪᑕᐤ ᓀᔥᑕ ᐊᔕᐙᐱᐎᑲᒥᑯᓕᐤ, ᑮ ᐋᐎᐁᐤ ᒫᑲ ᐅᓂᑖᐎᑭᒋᑫᐗ, ᐁᑯ ᒫᑲ ᐊᔅᑮᒃ ᐙᓚᐤ ᐁᑐᑌᑦ᙮

ᐅᐸᓓᑭᔅ ᒫᑎᐤ 21:44

ᐊᐌᓇ ᒫᑲ ᑫ ᐸᑭᔑᓄᑴ ᐅᐅ ᐊᓯᓃᒃ ᑲᑕ ᐱᑯᔑᓐ: ᒫᑲ ᐊᐌᓇ ᑫ ᑕᓱᓱᑴ, ᑲᑕ ᐱᓯᐳᓕᑯ᙮

ᐅᐸᓓᑭᔅ ᒫᑎᐤ 3:10

ᐊᓄᒡ ᒫᑲ ᐊᓯᒋ ᒋᑲᐃᑲᓐ ᐃᑖᓂᑳᑌᐤ ᐁ ᐅᒉᐱᑭᐎᒋᒃ ᒥᔅᑎᑾᒃ; ᐁᐗᑯ ᐅᒋ ᒥᓯᐌ ᑕᑐ ᒥᔅᑎᒃ ᐁᑳ ᑳ ᓂᑖᐎᑭᑖᑦ ᒥᓗᒥᓇ, ᑳᐙᐙᑲᓂᐎᐤ, ᒪᒎᔅᑌᐌᐱᓈᑲᓂᐎᐤ ᒫᑲ᙮

ᐅᐸᓓᑭᔅ ᒫᑎᐤ 7:19

ᒥᓯᐌ ᑕᑐ ᒥᓈᑎᒃ ᐁᑳ ᑳ ᓂᑖᐎᑭᑖᑦ ᒥᓗᒥᓇ ᑲᐗᐙᑲᓂᐎᐤ, ᐃᔥᑯᑌᒃ ᒫᑲ ᐌᐱᓈᑲᓂᐎᐤ᙮

ᐅᐸᓓᑭᔅ ᒫᕐᒃ 11:13

ᐙᓚᐤ ᒫᑲ ᐁ ᐅᒋ ᐙᐸᒫᑦ ᐸᑫᓵᓇᒥᓈᑎᑾ, ᐁ ᓂᐱᔑᐎᓕᒋ, ᑮ ᐯᒋ ᐃᑐᑌᐤ, ᑫᑲ ᒦᔅᑲᐤ ᐁᑯᑕ ᑫ ᒥᔅᑲᒧᑴ ᑫᒀᓕᐤ: ᐃᔅᐱ ᒫᑲ ᐱᐁᒋ ᓇᑖᑦ, ᓇᒪᐎᓚ ᑫᒀᓕᐤ ᑮ ᒥᔅᑲᒻ ᐱᔑᔑᒃ ᓃᐱᔕ: ᐌᓴ ᓇᒪᐎᓚ ᐁᔥᑾ ᐅᑎᒋᐸᓕᓕᐤ ᑭᒋ ᒥᓂᔑᐎᑦ᙮

ᐅᐸᓓᑭᔅ ᒫᕐᒃ 11:15

ᑮ ᐯᒋ ᐃᑐᑌᐗᒃ ᒫᑲ ᒋᕉᓴᓚᒥᒃ: ᒋᓴᔅ ᒫᑲ ᑮ ᐱᑐᑫᐤ ᐋᔭᒥᐁᐎᑲᒥᑯᒃ, ᓀᔥᑕ ᑮ ᒫᒋ ᐗᓚᐎᐌᐱᓀᐤ ᐊᓂᐃ ᑳ ᐊᑖᐙᑫᓕᒋ ᓀᔥᑕ ᐊᓂᐃ ᑳ ᐊᑖᐌᓕᒋ ᐱᒋ ᑭᒋᐋᔭᒥᐁᐎᑲᒥᑯᒃ, ᑮ ᑴᑎᐱᐌᐸᐊᒬᐤ ᒫᑲ ᐅ ᒥᒋᓱᓈᑎᑯᓕᐗ ᐊᓂᐃ ᑳ ᒦᔅᑯᒋᓇᒫᑫᓕᒋ ᔔᓕᐋᓇ, ᓀᔥᑕ ᐅ ᑌᑕᐱᐎᓂᓕᐗ ᐊᓂᐃ ᑳ ᐊᑖᐙᑫᓕᒋ ᐅᒥᒥᐗ;

ᐅᐸᓓᑭᔅ ᒑᓐ 15:6

ᑮᔥᐱᓐ ᐊᐌᓇ ᐁᑳ ᐱᒋᔅᑲᐎᑌ, ᐌᐱᓈᑲᓂᐎᐤ ᑖᐱᔅᑯᒡ ᐗᑎᑾᓐ, ᓂᐱᐤ ᒫᑲ; ᐁᑯ ᐃᓕᓕᐗᒃ ᒥᔭᐗᒋᑖᒋᒃ, ᓀᔥᑕ ᒣᒎᔅᑌᐌᐱᓇᑭᒃ, ᐃᔥᒀᑌᐗ ᒫᑲ᙮

ᓂᔓ ᐱᑕᕐ 2:20

ᐌᓴ ᑮᔥᐱᓐ, ᐃᔅᐱ ᑮ ᐅᔑᑕᑭᒃ ᐎᓕᐱᓯᐎᓇ ᐊᔅᑮᒃ ᑳ ᐃᑕᑾᓂᓕᑭ, ᐁ ᐃᔑ ᑭᔅᑫᓕᒫᒋᒃ ᑭ ᑎᐯᓕᒋᑫᒥᓇᐗ ᓀᔥᑕ ᑭ ᐱᒫᒋᐃᐌᒥᓇᐗ ᒋᓴᔅ ᙭ᑕ, ᒥᓇ ᒫᑲ ᐁᑯᑕ ᐃᔑ ᓇᑾᓱᑡᐌ, ᓀᔥᑕ ᔖᑯᒋᐋᑲᓂᐎᑡᐌ, ᐃᔥᒀᔮᒡ ᒫᑲ ᐅᑦ ᐃᔑ ᐋᔭᐎᓇᐗᐤ ᐊᐙᓯᑌ ᒫᓛᑕᓂᓕᐤ ᐃᔥᐱᔥ ᓂᔥᑕᒻ᙮

ᑭᔅᑫᓕᑖᑯᑖᑫᐎᓐ 22:11

ᐊᓇ ᑳ ᒪᒑᑎᓰᑦ, ᐁᑯᔑ ᑫᔮᐸᒡ ᑲᑕ ᒪᒑᑎᓯᐤ; ᐊᓇ ᓀᔥᑕ ᑳ ᐎᓂᓯᑦ, ᐁᑯᔑ ᑫᔮᐸᒡ ᑲᑕ ᐎᓂᓯᐤ; ᐊᓇ ᓀᔥᑕ ᑳ ᒀᔭᔅᑭᑖᑎᓰᑦ ᐁᑯᔑ ᑫᔮᐸᒡ ᑲᑕ ᒀᔭᔅᑭᑖᑎᓯᐤ; ᐊᓇ ᓀᔥᑕ ᑳ ᐸᓓᑭᓯᑦ ᐁᑯᔑ ᑫᔮᐸᒡ ᑲᑕ ᐸᓓᑭᓯᐤ᙮