ᐅᐸᓓᑭᔅ ᒫᕐᒃ 10:21 - ᐅᔅᑭ ᑎᔅᑌᒥᓐᑦ

²¹ ᐁᑯ ᒋᓴᔅ, ᐁ ᑲᓇᐙᐸᒫᑦ, ᑮ ᓵᑭᐁᐤ, ᓀᔥᑕ ᑮ ᐃᑌᐤ, ᐯᔭᒃ ᑫᒀᓐ ᑮ ᓄᑌᐸᓕᓐ: ᑭᐌ, ᐊᑖᐗᑫ ᐱᑯ ᑫᒀᓐ ᑳ ᐋᔮᔭᓐ, ᒥᓕᒃ ᒫᑲ ᐅᑭᑎᒫᑭᓯᐗᒃ, ᐁᑯ ᒫᑲ ᑫ ᐋᔮᔭᓐ ᐌᓗᑎᓯᐎᓐ ᑭᒋᑭᔑᑯᒃ: ᓀᔥᑕ ᒫᑲ ᐯᒋ ᐃᑐᑌ, ᐅᑎᓇ ᐋᔑᑌᐋᑎᒃ, ᓄᔅᐱᓇᔑᓐ ᒫᑲ᙮

ᐅᐸᓓᑭᔅ ᒫᕐᒃ 10:21 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 16:24

ᐁᑯ ᒋᓴᔅ ᐁᑖᑦ ᐅ ᑭᔅᑭᓄᐊᒪᐙᑲᓇ, ᑮᔥᐱᓐ ᐊᐌᓇ ᐙ ᓄᔅᐱᓇᔑᑴ, ᐁᑯᔑ ᑲᑕ ᐋᓉᑖᑎᓱ, ᑲᑕ ᐅᑎᓇᒻ ᒫᑲ ᐅᑦ ᐋᔑᑌᐋᑎᑯᒻ, ᓂ ᑳ ᓄᔅᐱᓇᑎᒃ ᒫᑲ᙮

ᐅᐸᓓᑭᔅ ᒫᑎᐤ 19:21

ᒋᓴᔅ ᑮ ᐃᑌᐤ, ᑮᔥᐱᓐ ᐙ ᒥᑐᓂᐎᓯᐗᓀ, ᓇᑕᐎ ᐊᑖᐗᑫ ᐊᓂᒪ ᑳ ᐋᔮᔭᓐ, ᒥᓕᒃ ᒫᑲ ᐅᑭᑎᒫᑭᓯᐗᒃ, ᐁᑯ ᑫ ᐋᔮᔭᓐ ᐌᓗᑎᓯᐎᓐ ᑭᒋᑭᔑᑯᒃ; ᐯᒋ ᐃᑐᑌ ᒫᑲ ᑭᒋ ᓄᔅᐱᓇᔑᔭᓐ᙮

ᐅᐸᓓᑭᔅ ᒫᕐᒃ 10:22

ᑮ ᐗᔑᔥᑕᐌᓕᑕᒻ ᒫᑲ ᐊᓂᐁᓕᐤ ᐃᑗᐎᓂᓕᐤ ᐅᒋ, ᑮ ᑭᑐᑌᐤ ᒫᑲ ᐁ ᒥᒋᓚᐌᓯᑦ: ᐌᓴ ᓈᔅᐱᒡ ᑮ ᐌᓗᑎᓯᐤ᙮

ᐅᐸᓓᑭᔅ ᒫᕐᒃ 8:34

ᐃᔅᐱ ᒫᑲ ᑳ ᑮ ᓇᑐᒫᑦ ᐃᓕᓕᐗ, ᐊᓯᒋ ᐅ ᑭᔅᑭᓄᐊᒪᐙᑲᓇ ᓀᔥᑕ, ᑮ ᐃᑌᐤ, ᐊᐌᓇ ᐙ ᓄᔅᐱᓇᔑᑴ, ᐁᑯᔑ ᑲᑕ ᐋᓉᑖᑎᓱ, ᑲᑕ ᐅᑎᓇᒻ ᓀᔥᑕ ᐅᑦ ᐋᔑᑌᐋᑎᓇᒻ, ᓂ ᑳ ᓄᔅᐱᓇᑎᒃ ᒫᑲ᙮

ᐅᐸᓓᑭᔅ ᓘᒃ 10:42

ᒫᑲ ᐯᔭᒃ ᑫᒀᓐ ᓇᑕᐌᓕᑖᑾᓐ: ᒣᕆ ᒫᑲ ᑮ ᐙᐌᓛᐸᑕᒫᓱ ᐊᓂᐁᓕᐤ ᑳ ᒥᓨᔑᓂᓕᒃ ᐁᑳ ᑫ ᒪᔅᑲᒫᑲᓂᐎᑦ᙮

ᐅᐸᓓᑭᔅ ᓘᒃ 12:33

ᐊᑖᐙᑫᒃ ᐊᓂᒪ ᑳ ᐋᔮᔦᒃ, ᒥᓕᐌᒃ ᒫᑲ; ᐅᑎᓇᒫᓱᒃ ᒫᑲ ᒥᐗᑕ ᐁᑳ ᑳ ᐊᑎ ᑳᔮᔑᐗᑭ, ᒥᔕᑭᓯᐎᓐ ᑭᒋᑭᔑᑯᒃ ᐁᑳ ᑫ ᑮ ᒣᔅᑎᓂᑳᑌᒃ, ᐃᑕ ᑭᒧᑎᔉ ᐁᑳ ᐁ ᐯᔣᐸᑕᒃ, ᐁᑳ ᓀᔥᑕ ᒪᓂᒍᔥ ᐁ ᓂᔑᐗᓈᒋᑖᑦ᙮

ᐅᐸᓓᑭᔅ ᓘᒃ 16:9

ᑭᑦ ᐃᑎᓇᐗᐤ ᒫᑲ, ᐅᔑᑕᒪᓱᒃ ᐊᐌᓂᑭ ᑭᒋ ᐅᑐᑌᒥᒥᑖᑾᒃ ᒥᔭᓛᑕᒃ ᒥᔕᑭᓯᐎᓐ ᐅᒋ; ᓄᑌᐸᓕᔦᑴ ᑭᒋ ᐱᑐᑲᐃᑖᑾᒃ ᑳᑭᑫ ᑫ ᐃᔑ ᐎᑭᔦᒃ᙮

ᐅᐸᓓᑭᔅ ᓘᒃ 18:22

ᐃᔅᐱ ᒫᑲ ᒋᓴᔅ ᐱᐁᑕᒃ ᐅᐅ ᑫᒀᓇ, ᑮ ᐃᑌᐤ, ᐯᔭᒃ ᑫᒀᓇ ᑭ ᓄᑌᐸᓕᓐ: ᐊᑖᐙᑫ ᒥᓯᐌ ᑳ ᐋᔮᔭᓐ, ᒫᑎᓇᒪᐎᒃ ᒫᑲ ᐅᑭᑎᒫᑭᓯᐊᐧᒃ, ᐁᑯ ᒫᑲ ᑫ ᐋᔮᔭᓐ ᐌᓗᑎᓯᐎᓐ ᑭᒋᑭᔑᑯᒃ: ᐯᒋ ᓄᔅᐱᓇᔑᓐ ᒫᑲ᙮

ᐅᐸᓓᑭᔅ ᓘᒃ 19:41

ᐃᔅᐱ ᒫᑲ ᑭᔑᐙᒃ ᑌᑯᔑᒃ, ᑮ ᑲᓇᐙᐸᑕᒻ ᐃᑖᐎᓂᓕᐤ, ᓀᔥᑕ ᑮ ᒫᑐᑐᑕᒻ,

ᐅᐸᓓᑭᔅ ᓘᒃ 9:23

ᑮ ᐃᑌᐤ ᒫᑲ ᒥᓯᐌ, ᑮᔥᐱᓐ ᐊᐌᓇ ᐙ ᓄᔅᐱᓇᔑᑴ, ᐁᑯᔑ ᑲᑕ ᐋᓉᑖᑎᓱ, ᑲᑕ ᐅᑎᓇᒻ ᒫᑲ ᐅᑦ ᐋᔑᑌᐋᑎᑯᒻ ᑕᑡᐤ ᐁ ᑭᔑᑳᓕᒃ, ᓂ ᑳ ᓄᔅᐱᓇᑎᒃ ᒫᑲ᙮

ᐅᐸᓓᑭᔅ ᒑᓐ 12:26

ᑮᔥᐱᓐ ᐊᐌᓇ ᐁᑑᔅᑲᐎᑴ ᐁᑯᔑ ᓂ ᑳ ᓄᔅᐱᓇᑎᒃ; ᓀᔥᑕ ᐃᑕ ᐁ ᐃᑖᔮᓐ, ᐁᑯᑕ ᐊᓯᒋ ᓂᑦ ᐊᑑᔅᑫᓛᑲᓐ ᑫ ᐃᑖᑦ: ᑮᔥᐱᓐ ᐊᐌᓇ ᐁᑑᔅᑲᐎᑴ, ᐁᐗᒀᓇ ᑫ ᑭᔅᑌᓕᒥᑯᑦ ᓄᑖᐎᔭ᙮

ᐅᐸᓓᑭᔅ ᒑᓐ 16:33

ᐅᐅ ᑫᒀᓇ ᑭ ᑮ ᐎᑕᒫᑎᓇᐗᐤ ᓂᓚ ᑭᒋ ᐅᒋ ᐋᔮᔦᒃ ᑳᔮᒣᓕᑕᒧᐎᓐ᙮ ᒥᑯᔥᑳᑌᓕᑕᒧᐎᓐ ᑭ ᑳ ᐋᔮᓇᐗᐤ ᐊᔅᑮᒃ: ᒫᑲ ᒥᓜᓕᑕᒧᒃ; ᓂ ᑮ ᔔᑯᒋᑖᓐ ᐊᔅᑮ᙮

ᐊᐸᔅᑕᓚᒃ 2:45

ᑮ ᐊᑖᐌᐗᒃ ᒫᑲ ᐅ ᑎᐱᓚᐌᐎᓯᐎᓂᐙᐗ, ᓀᔥᑕ ᐅᑦ ᐊᔮᓂᐙᐗ, ᑮ ᒫᑎᓇᒪᐌᐗᒃ ᒫᑲ ᒥᓯᐌ ᐃᓕᓕᐗ, ᐱᑯ ᐁ ᐃᔑ ᒪᓀᓯᓕᒋ ᑕᑐ ᐃᓕᓕᐗ᙮

ᓂᔓ ᑯᕆᓐᑎᐊᓇ 12:15

ᓀᔥᑕ ᒫᑲ ᓈᔅᐱᒡ ᓂ ᑳ ᒥᓜᓕᑌᓐ ᑭᒋ ᒑᑭᓇᒫᓐ ᓀᔥᑕ ᑭᒋ ᒑᑭᐸᓕᔮᓐ ᑭᓚᐗᐤ ᐅᒋ; ᐋᑕ ᐊᐙᓯᑌ ᐁ ᐃᔑ ᓵᑭᐃᑕᑾᒃ, ᐋᐱᔑᔥ ᐱᑯ ᐁ ᓵᑭᐃᑳᐎᔮᓐ᙮

ᓂᔓ ᑎᒧᑎ 3:12

ᐁᐁ, ᒥᓯᐌ ᐊᓂᑭ ᑫ ᐎ ᒪᓂᑐᐙᑎᓯᒋᒃ ᙭ ᒋᓴᓯᒃ ᑲᑕ ᑲᒀᑕᑭᐋᑲᓂᐎᐗᒃ᙮

ᐦᐃᑉᕉᐗ 10:34

ᐌᓴ ᑭ ᑮ ᑭᑎᒫᑫᓕᒥᓇᐗᐤ ᐁ ᑮ ᒫᒫᒋᒀᐱᓱᔮᓐ, ᓀᔥᑕ ᑭ ᑮ ᒥᓜᓕᑌᓇᐗᐤ ᐁ ᑮ ᒪᔅᑲᒥᑲᐎᔦᒃ ᑭᑦ ᐋᔮᓂᐗᐗ, ᐁ ᑭᔅᑫᓕᑕᒣᒃ ᐁ ᐋᔮᔦᒃ ᑭᔑᑭᔑᑯᒃ ᐊᐙᓯᑌ ᐁ ᒥᓨᔑᒃ ᓀᔥᑕ ᑳᑭᑫ ᐌᓗᑎᓯᐎᓐ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 2:10

ᐌᓴ ᐊᐌᓇ ᑫ ᑲᓇᐌᓕᑕᒧᑴ ᒥᓯᐌ ᐅᓚᔓᐌᐎᓂᓕᐤ, ᐯᔭᒃ ᒫᑲ ᐱᑯ ᑫ ᐗᓂᑐᑕᒧᑴ, ᐃᑌᓕᑖᑯᓯᐤ ᒥᓯᐌ ᐁ ᑮ ᐗᓂᑐᑕᒃ᙮

ᑭᔅᑫᓕᑖᑯᑖᑫᐎᓐ 2:14

ᒫᑲ ᐋᑎᑦ ᑫᒀᓇ ᓂᑦ ᐋᔮᓐ ᑭᒋ ᒫᒥᔑᒥᑖᓐ, ᐊᓐᑕ ᐁ ᐋᔭᐗᒋᒃ ᐊᓂᑭ ᑳ ᑲᓇᐌᓕᑕᒸᒋᒃ ᐅ ᑭᔅᑭᓄᐊᒫᑫᐎᓂᓕᐤ ᐯᓚᒪ, ᐊᓇ ᑳ ᑮ ᑭᔅᑭᓄᐊᒪᐙᑦ ᐊᓂᐃ ᐯᓛᒃ ᑭᒋ ᐃᔑ ᐌᐱᓇᒥᓕᒋ ᑫ ᐅᒋ ᐱᓱᔑᓂᓕᒋ ᐅᑦ ᐊᐙᔑᒥᔕ ᐃᔅᕃᐃᓪ, ᑭᒋ ᒥᒋᓕᒋ ᐊᓂᐃ ᑫᒀᓇ ᑳ ᐸᑭᑎᓇᒫᒥᑦ ᒪᓂᑐᑳᓇ, ᓀᔥᑕ ᑭᒋ ᐱᔑᒀᒋ ᐃᓯᒋᑫᓕᒋ᙮

ᑭᔅᑫᓕᑖᑯᑖᑫᐎᓐ 2:20

ᐁᓕᐌᒃ ᒫᑲ, ᓂᑦ ᐋᔮᓐ ᐋᑎᑦ ᑫᒀᓇ ᑭᒋ ᒫᒥᔑᒥᑖᓐ, ᐁ ᐃᓕᓇᐗᑦ ᐊᓇ ᐎᔅᑴᐤ ᒉᓯᐸᓐ, ᐅᑭᔅᑭᐙᐃᑫᔅᑴᐤ ᑳ ᐃᔑᓂᑲᑎᑎᓱᑦ, ᑭᒋ ᑭᔅᑭᓄᐊᒪᐙᑦ, ᓀᔥᑕ ᑭᒋ ᐙᔦᔑᒫᑦ ᓂᑦ ᐊᑑᔅᑫᓛᑲᓂᒪ ᑭᒋ ᐱᔑᑾᒋ ᐃᓯᒋᑫᓕᒋ, ᓀᔥᑕ ᑭᒋ ᒥᒋᓕᒋ ᑫᒀᓇ ᑳ ᐸᑭᑎᓇᒫᒥᑦ ᒪᓂᑐᑲᓇ᙮

ᑭᔅᑫᓕᑖᑯᑖᑫᐎᓐ 2:4

ᐁᓕᐌᒃ ᒫᑲ ᓂᑦ ᐋᔮᓐ ᑫᒀᓐ ᑭᒋ ᒫᒥᔑᒥᑖᑦ, ᐁ ᑮ ᓇᑲᑕᒪᓐ ᑭ ᓃᔥᑕᒻ ᓵᑭᐃᐌᐎᓐ᙮