37 ᐃᔅᐱ ᒫᑲ ᑳ ᒥᔅᑲᐙᒋᒃ, ᑮ ᐃᑌᐗᒃ, ᒥᓯᐌ ᐃᓕᓕᐗᒃ ᑮ ᓈᓇᑕᐌᓕᒥᑾᒃ᙮
ᓵᐃᒪᓐ ᒫᑲ, ᓀᔥᑕ ᐊᓂᐃ ᑳ ᐎᒉᐎᑯᑦ, ᑮ ᓄᔅᐱᓇᑌᐗᒃ᙮
ᑮ ᐃᑌᐤ ᒫᑲ, ᐁᑯᔑ ᓈᑖᑕᐤ ᑯᑕᑭᔭ ᐃᑖᐎᓇ, ᐁᑯᑕ ᓀᔥᑕ ᑭᒋ ᑲᑫᔅᑭᒥᐌᔮᓐ: ᐌᓴ ᐁᐗᑯ ᐌᒋ ᐯᒋ ᐃᑐᑌᔮᓐ᙮
ᑮ ᐯᒋ ᓈᑎᑯ ᒫᑲ ᒥᓯᐌ ᒎᑎᐊ ᐊᔅᑮᒃ ᑳ ᐃᑖᓕᒋ, ᐊᓂᐃ ᓀᔥᑕ ᒋᕉᓴᓚᒥᒃ ᐅᒋ, ᒥᓯᐌ ᒫᑲ ᑮ ᓯᑲᐋᑕᐌᐤ ᒐᕐᑕᓐ ᓯᐱᒃ ᐁ ᐙᐎᑕᒥᓕᒋ ᐅ ᒪᒋᑐᑕᒧᐎᓂᓕᐗ᙮
ᑮᔥᐱᓐ ᐅᒪ ᐃᔑ ᐁᑳ ᐱᒣᓕᒪᑴ, ᒥᓯᐌ ᐃᓕᓕᐗ ᑲᑕ ᑖᐺᔦᓕᒥᑯ᙮ ᐁᑯ ᕈᒥᐎᓕᓕᐗᒃ ᑫ ᐯᒋ ᒪᔅᑲᒥᑖᑯᒃ ᐃᑕ ᐁ ᐃᑖᔭᒃ ᓀᔥᑕ ᑭᑦ ᐃᓕᓕᒥᓇᐗ᙮
ᐁᐗᑯ ᐌᒋ ᐃᑎᑐᒋᒃ ᐹᕋᓯᔭᒃ, ᑭ ᐙᐸᑌᓇᐗᐤ ᓈ ᐁᑳ ᑫᒀᓇ ᐁ ᑲᔥᑭᑖᔦᒃ? ᒫᑎᑲ, ᒥᓯᐌ ᐊᔅᑭᓕᐤ ᓄᔅᐱᓈᑎᑯ᙮
ᓀᔥᑕ ᒫᑲ ᐁ ᐯᒋ ᓈᑖᒋᒃ ᒐᓇ, ᑮ ᐃᑌᐗᒃ, ᕌᐸᐃ, ᐊᓇ ᑳ ᑮ ᐎᒉᐎᔉ ᐊᑳᒥᒃ ᒐᕐᑕᓂᒃ, ᐊᓇ ᑳ ᑮ ᑎᐹᒋᒪᑦ, ᒫᑎᑳ, ᐊᐗ ᓯᑲᐋᑖᑫᐤ, ᓀᔥᑕ ᐯᒋ ᓈᑎᑯ ᒥᓯᐌ ᐃᓕᓕᐗ᙮
