25 ᒋᓴᔅ ᒫᑲ ᑮ ᑭᑐᑌᐤ, ᐁ ᐃᑗᑦ, ᐁᑳ ᑭᑐ, ᐯᒋ ᐗᓚᐎ ᒫᑲ ᐎᔮᐎᒃ ᐅᒋ᙮
ᐅᔅᑭᔑᑯᐙᐗ ᒫᑲ ᑮ ᐋᐸᐃᑳᑌᓕᐗ; ᒋᓴᔅ ᒫᑲ ᓱᑲ ᑮ ᐃᑕᔓᒣᐤ, ᐁ ᐃᑗᑦ, ᔮᒀᒃ ᐁᑳᐎᓚ ᐊᐌᓇ ᑭᒋ ᑭᔅᑫᓕᑕᒃ᙮
ᐁ ᐃᑗᑦ, ᐁᑳᐎᓚ ᐙᔦᔥ ᑐᑖᐎᓈᓐ; ᑖᓂ ᑫ ᐃᑖᐸᒋᐃᑖᒃ, ᑭᓚ ᒋᓴᔅ ᓈᓴᕆᑎᒃ ᐅᒋ? ᑭ ᐯᒋ ᐃᑐᑖᓐ ᓈ ᑭᒋ ᓂᔑᐗᓈᒋᐃᔮᒃ? ᑭ ᑭᔅᑫᓕᒥᑎᓐ ᐊᐌᓇ ᑭᓚ, ᐅ ᐸᓓᑭᓯᒪ ᑭᒋᒪᓂᑐ᙮
ᐃᔅᐱ ᒫᑲ ᐎᓕᐱ ᐊᒑᒃ ᑳ ᑮ ᑖᑐᐱᑖᑦ, ᓀᔥᑕ ᑌᐺᑦ ᐁ ᑭᔗᐌᑦ, ᑮ ᐯᒋ ᐗᓚᐎᐤ᙮
ᑮ ᒥᓇᐙᒋᐁᐤ ᒫᑲ ᒥᒉᑦ ᑳ ᐋᑯᓯᓕᒋ ᒫᒪᔦᒡ ᑳ ᐃᑖᔅᐱᓀᓕᒋ, ᑮ ᐗᓚᐎᐌᐱᓀᐤ ᒫᑲ ᒥᒉᑦ ᒪᒋ ᐊᒑᑾ; ᓇᒪ ᓀᔥᑕ ᑮ ᐃᓕᓇᐌᐤ ᒪᒋ ᐊᒑᑾ ᑭᒋ ᐋᔭᒥᓕᒋ, ᐌᓴ ᑮ ᑭᔅᑫᓕᒥᑯ᙮
ᐃᔅᐱ ᒋᓴᔅ ᐎᐋᐸᑕᒃ ᐃᓕᓕᐗ ᐁ ᐯᒋ ᒫᒪᐎᐸᑖᓕᒋ, ᑮ ᑭᑐᑌᐤ ᐊᓂᐃ ᐎᓕᐱ ᐊᒑᑾ, ᐁ ᐃᑖᑦ, ᑭᓚ ᐁᑳ ᓀᑕᐌᔭᓐ ᓀᔥᑕ ᑫᑫᐱᑌᔭᓐ ᐊᒑᒃ, ᑭᑦ ᐃᑕᔔᐙᑎᑎᓐ ᑭᒋ ᐯᒋ ᐗᓚᐎᔅᑲᐗᑦ, ᐁᑳ ᒥᓇ ᓀᔥᑕ ᑭᒋ ᐱᑐᑫᔅᑲᐗᑦ᙮
ᒋᓴᔅ ᒫᑲ ᑮ ᑭᑐᑌᐤ, ᐁ ᐃᑗᑦ, ᐁᑳ ᑭᑐ, ᐯᒋ ᐗᓚᐙᔅᑲᐤ ᒫᑲ᙮ ᐃᔅᐱ ᒫᑲ ᒪᒋ ᐊᒑᒃ ᑳ ᑮ ᑲᐎᐌᐱᓈᑦ ᑌᑖᐎᒡ, ᑭ ᐯᒋ ᐗᓚᐎᔅᑲᐌᐤ, ᓇᒪ ᓀᔥᑕ ᑮ ᐋᑯᐁᐤ᙮
ᒪᒋ ᐊᒑᑾᒃ ᒫᑲ ᒥᒉᑦ ᑮ ᐅᒋ ᐗᓚᐙᔅᑲᐌᐗᒃ, ᐁ ᑌᐺᒋᒃ, ᓀᔥᑕ ᐁ ᐃᑗᒋᒃ, ᑭᓚ ᐁᐗᑯ ᙭, ᑭᒋᒪᓂᑐ ᐅᑯᓯᓴ᙮ ᐎᓚ ᒫᑲ, ᐁ ᑭᑐᑖᑦ, ᑮ ᑭᑕᐊᒪᐌᐤ ᐁᑳ ᑭᒋ ᐋᔭᒥᓕᒋ: ᐌᓴ ᑮ ᑭᔅᑫᓕᑕᒥᓕᐗ ᐁ ᐋᐎᑦ ᙭᙮
ᐊᐗ ᒫᑲ ᑮ ᓄᓱᓀᐌᐤ ᐹᓚ ᓀᔥᑕ ᓂᓚᓈᓐ, ᐁ ᑌᐺᑦ ᒫᑲ, ᐁ ᐃᑗᑦ ᐅᑯ ᐃᓕᓕᐗᒃ ᐅᑦ ᐊᑐᔅᑫᓚᑲᓂᒥᑯᐗᒃ ᒫᐗᒡ ᑳ ᑭᔅᑎᓯᓕᒋ ᑭᒋᒪᓂᑐᐗ ᑳ ᐙᐸᑎᓕᑕᑾᒃ ᐱᒫᒋᐃᐌᐎᓂ ᒣᔅᑲᓇᐤ᙮
