ᐅᐸᓓᑭᔅ ᒫᑎᐤ 9:35 - ᐅᔅᑭ ᑎᔅᑌᒥᓐᑦ

³⁵ ᒋᓴᔅ ᒫᑲ ᒥᓯᐌ ᐃᑖᐎᓂᒃ ᓀᔥᑕ ᐃᑖᐎᓂᔑᒃ ᑮ ᐋᐃᑐᑌᐤ, ᐁ ᑭᔅᑭᓄᐊᒫᑫᑦ ᐅᑦ ᐋᔭᒥᐁᐎᑲᒥᑯᓕᒃ, ᓀᔥᑕ ᐁ ᐙᐎᑕᒪᑫᑦ ᐅᑭᒫᐎᐎᓂ ᒥᓗᐋᒋᒧᐎᓂᓕᐤ, ᓀᔥᑕ ᐁ ᒥᓇᐙᒋᑖᑦ ᒥᓯᐌ ᐃᔑ ᐋᑯᓯᐎᓇ, ᓀᔥᑕ ᓇᓈᑲᐤ ᐁ ᐃᑖᔅᐱᓀᓕᒋ ᐃᓕᓕᐗ᙮

ᐅᐸᓓᑭᔅ ᒫᑎᐤ 9:35 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:1

ᐃᔅᐱ ᒫᑲ ᑳ ᑮ ᓇᑐᒫᑦ ᐅ ᑭᔅᑭᓄᐊᒪᐙᑲᓇ ᑳ ᓂᔓᔖᐱᓕᒋ, ᑮ ᒥᓓᐤ ᑲᔥᑭᐅᐎᓂᓕᐤ ᑭᒋ ᔖᑯᒋᐋᓕᒋ ᒪᒋ ᐊᒑᑾ, ᑭᒋ ᐗᓚᐎᐌᐱᓈᓕᒋ, ᓀᔥᑕ ᑭᒋ ᒥᓇᐙᒋᑖᓕᒋ ᒥᓯᐌ ᓇᓈᑲᐤ ᐋᑯᓯᐎᓇ, ᓀᔥᑕ ᒥᓯᐌ ᓇᓈᑲᐤ ᐃᑖᔅᐱᓀᐎᓇ᙮

ᐅᐸᓓᑭᔅ ᒫᑎᐤ 11:1

ᑮ ᐃᑭᓐ ᒫᑲ, ᐃᔅᐱ ᒋᓴᔅ ᑳ ᑮ ᐳᓂ ᐃᑕᔓᒫᑦ ᐅ ᑭᔅᑭᓄᐊᒪᐙᑲᓇ ᑳ ᓂᔓᔖᐱᓕᒋ, ᐊᓐᑕ ᑮ ᐅᒋ ᑭᑐᑌᐤ ᑭᒋ ᑭᔅᑭᓄᐊᒫᑫᑦ ᓀᔥᑕ ᑲᑫᔅᑭᒥᐌᑦ ᐅᑦ ᐃᑖᐎᓂᓕᒃ᙮

ᐅᐸᓓᑭᔅ ᒫᑎᐤ 11:5

ᐁᑳ ᑳ ᐙᐱᒋᒃ ᐙᐱᐋᐗᒃ, ᐅᓓᑉᕈᓯᐃᑖᔅᐱᓀᐗᒃ ᐹᔦᑭᐋᐗᒃ, ᐅᑭᐱᑌᐗᒃ ᓇᐃᑕᒶᒃ, ᐅᓂᐱᐗᒃ ᐗᓂᔥᑳᓈᐗᒃ, ᓀᔥᑕ ᐅᑭᑎᒫᑭᓯᐗᒃ ᐙᐎᑕᒪᐙᐗᒃ ᒥᓗᐋᒋᒧᐎᓂᓕᐤ᙮

ᐅᐸᓓᑭᔅ ᒫᕐᒃ 1:14

ᐃᔅᐱ ᒫᑲ ᒑᓐ ᑳ ᐃᔑ ᐌᐱᓈᑲᓂᐎᑦ ᑭᐸᐅᑐᐎᑲᒥᑯᒃ, ᒋᓴᔅ ᑮ ᐯᒋ ᐃᑐᑌᐤ ᑳᓕᓕᒃ, ᐁ ᐙᐎᑕᒃ ᒥᓗᐋᒋᒧᐎᓂᓕᐤ ᑭᒋᒪᓂᑐ ᐅᑦ ᐅᑭᒫᐎᐎᓂᒃ ᑳ ᐅᒋᐸᓕᓕᒃ,

ᐅᐸᓓᑭᔅ ᒫᕐᒃ 6:56

ᐱᑯ ᐃᑕ ᒫᑲ ᐁ ᐹᐱᑐᑫᑦ, ᐃᑖᐎᓂᔑᒃ, ᓀᔥᑕᐱᑯ ᐃᑖᐎᓂᒃ, ᓀᔥᑕᐱᑯ ᐊᔅᑮᒃ, ᑮ ᐸᐱᒥᔑᒣᐗᒃ ᐊᓂᐃ ᑳ ᐋᑯᓯᓕᒋ ᐱᒧᑌᔅᑲᓈᒃ, ᑮ ᓇᑐᑕᒪᐌᐗᒃ ᒫᑲ ᑭᒋ ᓵᒥᓇᒸᒋᒃ ᐱᑯ ᐅᑦ ᐊᑯᐅᓂᓕᐤ ᑎᑎᐱᔅᑕᐃᑲᓂᒃ; ᒥᓯᐌ ᒫᑲ ᑳ ᓵᒥᓂᑭᒃ ᑮ ᒥᓇᐙᒋᐋᐗᒃ᙮

ᐅᐸᓓᑭᔅ ᒫᕐᒃ 6:6

ᑮ ᒫᒪᔅᑲᑕᒬᐤ ᒫᑲ ᐅᑦ ᐋᓉᔦᓕᑕᒧᐎᓂᓕᐤ, ᐊᓂᐃ ᐃᑖᐎᓂᔑᒃ ᒫᑲ ᐙᔅᑲ ᑮ ᐹᐸᐃᑐᑌᐤ ᐁ ᑭᔅᑭᓄᐊᒫᑫᑦ᙮

ᐅᐸᓓᑭᔅ ᓘᒃ 13:22

ᑮ ᔖᐳᑕᐌᔥᑲᒻ ᒫᑲ ᐃᑖᐎᓇ ᓀᔥᑕ ᐃᑖᐎᓂᔕ ᐁ ᑭᔅᑭᓄᐊᒫᑫᑦ, ᓀᔥᑕ ᐁ ᐱᒧᑌᑦ ᒋᕉᓴᓚᒥᒃ ᐁ ᐃᑐᑌᑦ᙮

ᐊᐸᔅᑕᓚᒃ 10:38

ᑭᒋᒪᓂᑐ ᑳ ᐃᔑ ᑕᒫᔅᑯᓈᑦ ᒋᓴᓴ ᓈᓴᕋᑎᒃ ᑳ ᐅᒌᓕᒋ ᑳ ᐸᓓᑭᓯᓕᒋ ᐊᒑᑾ ᓀᔥᑕ ᓱᑳᑎᓯᐎᓂᓕᐤ ᐅᒋ; ᐊᓇ ᑳ ᐸᐹᐃᑐᑌᑦ ᐁ ᒥᓗᑐᑖᑫᑦ, ᓀᔥᑕ ᐁ ᒥᓇᐙᒋᐋᑦ ᒥᓯᐌ ᐊᓂᐃ ᑳ ᓇᓀᑳᒋᐃᑯᓕᒋ ᒪᒋᒪᓂᑐᐗ: ᐌᓴ ᑭᒋᒪᓂᑐᐗ ᑮ ᐎᒉᐎᑯ᙮

ᐊᐸᔅᑕᓚᒃ 2:22

ᑭᓚᐗᐤ ᐃᔅᕃᐃᓪ ᐃᓕᓕᑐᒃ, ᐯᑕᒧᒃ ᐅᐅ ᐋᔭᒥᐎᓇ; ᒋᓴᔅ ᓈᓴᕆᑎᒃ ᑳ ᐅᒌᑦ, ᐊᓇ ᐃᓕᓕᐤ ᑳ ᑭᔅᑌᓕᑖᑯᐃᑯᑦ ᑭᒋᒪᓂᑐᐗ ᐃᑕ ᐁ ᐃᑖᔦᒃ ᒫᒪᔅᑳᒋ ᐃᓯᒋᑫᐎᓇ ᐅᒋ, ᓀᔥᑕ ᒫᒪᑖᐎ ᐙᐸᑎᓕᐌᐎᓇ, ᓀᔥᑕ ᑭᔅᑭᓄᐙᒋᒋᑲᓇ, ᐎᓚ ᐅᒋ ᑳ ᑮ ᑐᑕᒃ ᑭᒋᒪᓂᑐ ᐃᑕ ᐁ ᐃᑖᔦᒃ ᑖᐱᔅᑯᒡ ᑭᓚᐗᐤ ᓀᔥᑕ ᐁ ᐃᔑ ᑭᔅᑫᓕᑕᒣᒃ: