ᐅᐸᓓᑭᔅ ᒫᑎᐤ 6:9 - ᐅᔅᑭ ᑎᔅᑌᒥᓐᑦ

⁹ ᐅᒪ ᐃᔑ ᒫᑲ ᐋᔭᒥᐋᒃ: ᓄᑖᐎᓈᓐ ᑭᒋᑭᔑᑯᒃ ᑳ ᐃᑖᔭᓐ, ᑲᑕ ᐎ ᐸᓓᑫᓕᒋᑳᑌᐤ ᑭᑦ ᐃᔑᓂᑳᓯᐎᓐ᙮

ᐅᐸᓓᑭᔅ ᒫᑎᐤ 6:9 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:29

ᓇᒪ ᓈ ᓂᔓ ᒥᒋᔥᑯᔑᔕᒃ ᐯᔭᒃ ᔔᓕᐋᓈᐱᔅᑯᔑᔥ ᐃᑕᑭᒪᐗᒃ? ᓇᒪᐎᓚ ᐅᒋ ᐯᔭᒃ ᒫᑲ ᑲᑕ ᐸᑭᔑᓐ ᒧᔅᑕᔅᑲᒥᒃ ᐁᑳ ᐁ ᑭᔅᑫᓕᑕᒃ ᑯᑖᐎᐗᐤ᙮

ᐅᐸᓓᑭᔅ ᒫᑎᐤ 23:9

ᐁᑳᐎᓚ ᓀᔥᑕ ᐊᐌᓇ ᓄᑖᐎᓈᓐ ᐃᑎᒃ ᐅᑕ ᐊᔅᑮᒃ: ᐌᓴ ᐯᔭᑯ ᑯᑕᐎᐗᐤ, ᑭᒋᑭᔑᑯᒃ ᑳ ᐃᑖᑦ᙮

ᐅᐸᓓᑭᔅ ᒫᑎᐤ 26:29

ᒫᑲ ᑭᑦ ᐃᑎᓇᐗᐤ, ᐊᓄᒡ ᐅᒋ ᓇᒪᐎᓚ ᓂ ᑳ ᐅᒋ ᒥᓂᒀᑐᑕᒸᓐ ᐅ ᒥᓂᔕ ᔓᒥᓈᑎᒃ ᐹᑎᒫ ᐊᓂᒪ ᐁ ᑭᔑᑳᒃ ᐃᔅᐱ ᐅᔥᑭ ᒥᓂᑴᔮᓀ ᐊᓯᒋ ᑭᓚᐗᐤ ᓄᑖᐎ ᐅᑦ ᐅᑭᒫᐎᐎᓂᒃ᙮

ᐅᐸᓓᑭᔅ ᒫᑎᐤ 26:42

ᒥᓇ ᒫᑲ ᑮ ᐃᑐᑌᐤ ᐁᑯ ᓂᔡᐤ, ᑮ ᐋᔭᒥᐊᐤ ᒫᑲ, ᐁ ᐃᑗᑦ, ᐅ ᓄᑖ, ᑮᔥᐱᓐ ᐅᒪ ᒥᓂᒀᑲᓐ ᐁᑳ ᑫ ᑮ ᒥᔮᔕᑳᑯᐙᓀ ᐹᑎᒫ ᑮ ᒥᓂᑴᔮᓀ, ᐁᑯᔑ ᑭᑦ ᐃᑌᓕᑕᒧᐎᓐ ᑲᑕ ᐃᑭᓐ᙮

ᐅᐸᓓᑭᔅ ᒫᑎᐤ 5:16

ᐁᑯᔑ ᑮ ᐙᔅᑌᐄᓂᐗᐤ ᑲᑕ ᐃᔑ ᒐᑳᔅᑌᔅᑳᑯᐗᒃ ᐃᓕᓕᐗᒃ, ᑭᒋ ᑮ ᐙᐸᑕᑭᒃ ᑭ ᒥᓗ ᐊᑑᔅᑫᐄᓂᐙᐗ, ᑭᒋ ᑭᔅᑖᒋᒫᒋᒃ ᒫᑲ ᑯᑖᐎᐙᐗ ᑭᒋᑭᔑᑯᒃ ᑳ ᐃᑖᓕᒋ᙮

ᐅᐸᓓᑭᔅ ᒫᑎᐤ 5:48

ᐁᐗᑯ ᐅᒋ ᒥᑐᓂ ᒥᓨᑎᓰᒃ, ᑖᐱᔅᑯᒡ ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ ᐁ ᐃᔑ ᒥᑐᓂ ᒥᓨᑎᓰᑦ᙮

ᐅᐸᓓᑭᔅ ᒫᑎᐤ 6:14

ᐌᓴ ᑮᔥᐱᓐ ᐌᐯᓕᑡᒪᐌᑾᐌ ᐃᓕᓕᐗᒃ ᐁ ᐗᓂᑐᑖᑖᑾᒃ, ᑯᑖᐎᐗᐤ ᑭᒋᑭᔑᑯᒃ ᓀᔥᑕ ᑭ ᑳ ᐌᐯᓕᑕᒫᑯᐙᐤ:

ᐅᐸᓓᑭᔅ ᒫᑎᐤ 6:6

ᒫᑲ ᑭᓚ, ᐃᔅᐱ ᐁᔭᒥᐋᔭᓂ, ᐱᑐᑫ ᑭᑭᒃ ᑳ ᐱᔅᑭᒑᒃ, ᐃᔅᐱ ᒫᑲ ᑭ ᑭᐸᐊᒪᓀ ᑭᑦ ᐃᔥᒀᑌᒻ, ᐋᔭᒥᐁᔅᑕᐤ ᑯᑖᐎ ᐁᑳ ᑳ ᐙᐸᒫᑲᓂᐎᑦ; ᑯᑖᐎ ᒫᑲ ᑳᑕᓄᒃ ᑳ ᐙᐸᑫᑦ ᒧᔑᔐ ᑭ ᑲ ᑎᐸᐊᒫᒃ᙮

ᐅᐸᓓᑭᔅ ᒫᑎᐤ 7:11

ᑮᔥᐱᓐ ᒫᑲ ᑭᓚᐗᐤ ᐁ ᐋᑕ ᒪᒋᑣᔦᒃ ᑫᔅᑫᓂᑕᒧᐌᑴ ᑭᒋ ᐃᔑ ᒥᓓᑾᒃ ᒥᓗ ᒥᓕᐌᐎᓇ ᑭᑦ ᐊᐙᔑᒥᔑᐙᐗᒃ, ᑖᓂ ᒫᑲ ᐃᔥᐱᔥ ᐊᐙᓯᑌ ᑯᑖᐎᐗᐤ ᑭᒋᑭᔑᑯᒃ ᑳ ᐃᑖᑦ ᑫ ᐎ ᒥᓛᑦ ᒥᓗ ᑫᒀᓇ ᐊᓂᐃ ᑳ ᓇᑐᑕᒫᑯᑦ?

ᐅᐸᓓᑭᔅ ᓘᒃ 15:18

ᓂ ᑳ ᐸᓯᑯᓐ, ᓀᔥᑕ ᓂ ᑳ ᓇᑕᐙᐸᒪᐤ ᓄᑖᐎ, ᓂ ᑳ ᐃᑕᐤ ᒫᑲ, ᓄᑖ, ᓂ ᑮ ᒪᒋᑐᑕᐗᐤ ᐊᓇ ᑭᒋᑭᔑᑯᒃ ᑳ ᐃᑖᑦ, ᓀᔥᑕ ᑭᓚ ᐁ ᐃᔑ ᐙᐸᒥᔭᓐ,

ᐅᐸᓓᑭᔅ ᓘᒃ 15:21

ᐅᑯᓯᓯᒫᐤ ᒫᑲ ᑮ ᐃᑌᐤ, ᓄᑖ, ᓂ ᑮ ᒪᒋᑐᑕᐗᐤ ᐊᓇ ᑭᒋᑭᔑᑯᒃ ᑳ ᐃᑖᑦ ᓀᔥᑕ ᑭᓚ ᐁ ᐃᔑ ᐙᐸᒥᔭᓐ, ᓇᒪ ᓀᔥᑕ ᑫᔮᐸᒡ ᓂ ᑌᐸᑫᓕᑖᑯᓯᓐ ᑭᑯᓯᔅ ᑭᒋ ᐃᑎᑳᐎᔮᓐ᙮

ᐅᐸᓓᑭᔅ ᓘᒃ 2:14

ᑲᑕ ᐎ ᒫᒥᒋᒪᐤ ᑭᒋᒪᓂᑐ ᑭᒋᑭᔑᑯᒃ, ᐊᔅᑮᒃ ᒫᑲ ᑲᑕ ᐎ ᐃᑕᑾᓐ ᑳᔮᒣᓕᑕᒧᐎᓐ, ᑲᑕ ᐎ ᔕᐌᓕᒫᐗᒃ ᐃᓕᓕᐗᒃ᙮

ᐅᐸᓓᑭᔅ ᒑᓐ 20:17

ᒋᓴᔅ ᐃᑌᐤ ᐁᑳᐎᓚ ᓵᒥᓂᓐ; ᐌᓴ ᓇᒪᐎᓚ ᐁᔥᑾ ᓂ ᑮ ᐅᐱᔅᑳᓐ ᑭᒋ ᓈᑕᒃ ᓄᑖᐎ: ᒫᑲ ᓇᑕᐙᐸᒥᒃ ᓂᒋᔖᓇᒃ, ᓀᔥᑕ ᐃᔑᒃ, ᓂᑦ ᐅᐱᔅᑳᓐ ᑭᒋ ᓈᑕᒃ ᓄᑖᐎ, ᓀᔥᑕ ᑯᑖᐎᐗᐤ; ᓀᔥᑕ ᓂ ᑭᒋᒪᓂᑐᒻ, ᑭ ᑭᒋᒪᓂᑐᒥᐗᐤ ᒫᑲ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:7

ᒥᓯᐌ ᕈᒥᒃ ᑳ ᐃᑖᔦᒃ, ᑳ ᓵᑭᐃᑖᒃ ᑭᒋᒪᓂᑐ, ᑳ ᓇᑐᒥᑳᐎᔦᒃ ᑭᒋ ᐸᓓᑭᓯᔦᒃ: ᔕᐌᓕᒋᑫᐎᓐ ᓀᔥᑕ ᑳᔮᒣᓕᑕᒧᐎᓐ ᑭ ᑳ ᐎ ᐋᔮᓇᐗᐤ ᑭᒋᒪᓂᑐ ᑯᑖᐎᓇᐤ ᐅᒋ, ᓀᔥᑕ ᑌᐯᓕᒋᑫᑦ ᒋᓴᔅ ᙭᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:15

ᐌᓴ ᓇᒪᐎᓚ ᑭ ᑮ ᐅᒋ ᒥᓕᑲᐎᓇᐗᐤ ᐊᐗᑳᓂᐎ ᐊᒑᒃ ᒥᓇ ᑭᒋ ᓭᑭᓯᔦᒃ; ᒫᑲ ᑭ ᑮ ᒥᓕᑲᐎᓇᐗᐤ ᐅᑯᓯᓯᒪᐎ ᐊᒑᒃ ᑳ ᐅᒋ ᑌᐺᔦᒃ, ᐋᐸ, ᓄᑖ᙮

ᑲᓓᔕᐊᓇ 1:1

ᐹᓪ, ᐯᔭᒃ ᐊᐸᔅᑕᓪ, ᓇᒪᐎᓚ ᐃᓕᓕᐗᒃ ᐅᒋ, ᓇᒪ ᓀᔥᑕ ᐃᓕᓕᐤ ᐅᒋ, ᒫᑲ ᒋᓴᔅ ᙭ ᐅᒋ, ᓀᔥᑕ ᑭᒋᒪᓂᑐ ᐌᐅᑖᐎᒪᐎᑦ, ᐊᓇ ᑳ ᑮ ᐗᓂᔥᑳᓈᑦ ᐅᓂᐱᐗ ᐅᒋ;

ᑲᓓᔕᐊᓇ 4:6

ᓀᔥᑕ ᒫᑲ ᐁ ᐅᑯᓯᓯᒪᐎᔦᒃ, ᑭᒋᒪᓂᑐ ᑮ ᐃᔑᑎᔕᐊᒬᐤ ᐅᑯᓯᓴ ᐅᑦ ᐊᒑᑯᓕᐗ ᑭᑌᐃᐙᒃ, ᐁ ᑌᐺᓕᒋ ᐋᐸ, ᓄᑖ᙮

ᓂᔥᑕᒻ ᑎᒧᑎ 6:16

ᐊᓇ ᐱᑯ ᑳ ᐋᔮᑦ ᑳᑭᑫ ᐱᒫᑎᓯᐎᓂᓕᐤ, ᐁ ᑕᔑᑫᑦ ᐙᓭᔮᓯᐎᓂᒃ, ᐃᑕ ᐁᑳ ᐊᐌᓇ ᐃᓕᓕᐤ ᑫ ᑮ ᓈᑕᒃ; ᐊᓇ ᐁᑳ ᑳ ᑮ ᐙᐸᒥᑯᑦ ᐃᓕᓕᐗ, ᐁᑳ ᓀᔥᑕ ᑳ ᑲᔥᑭᑖᓕᒋ ᑭᒋ ᐙᐸᒥᑯᑦ: ᐊᓇ ᑫ ᐋᔮᑦ ᑭᔅᑌᓕᑖᑯᓯᐎᓂᓕᐤ ᓀᔥᑕ ᑲᔥᑭᐅᐎᓂᓕᐤ ᑳᑭᑫ᙮ ᐁᒣᓐ᙮

ᓂᔥᑕᒻ ᐱᑕᕐ 1:17

ᑮᔥᐱᓐ ᒫᑲ ᓈᓇᑕᒣᑴ ᐌᐅᑕᐎᒪᐎᑦ, ᐊᓇ ᐁᑳ ᐹᐱᑐᔥ ᑳ ᐃᑌᓕᒫᑦ ᐃᓕᓕᐗ ᑳ ᑎᐹᔅᑯᓇᒸᑦ ᐁ ᐃᔑᓈᑾᓂᓕᒃ ᒥᓯᐌ ᑕᑐ ᐃᓕᓕᐗ ᐅᑦ ᐊᑑᔅᑫᐎᓂᓕᐤ, ᒣᒀᒡ ᐅᑕ ᐁ ᑕᔑᑫᔦᒃ ᐱᒫᑎᓰᒃ ᓇᓂᒋᐎᓂᒃ:

ᑭᔅᑫᓕᑖᑯᑖᑫᐎᓐ 4:11

ᑮ ᑌᐸᑫᓕᑖᑯᓯᓐ, ᐅ ᑌᐯᓕᒋᑫᔭᓐ, ᑭᒋ ᒥᓕᑲᐎᔭᓐ ᒫᒥᒋᒥᑯᓯᐎᓈ ᓀᔥᑕ ᑭᔅᑖᒋᒥᑯᓯᐎᐤ ᓀᔥᑕ ᑲᔥᑭᐅᐎᓐ: ᐌᓴ ᑭ ᑮ ᐅᔑᑖᓐ ᒥᓯᐌ ᑫᒀᓇ, ᓀᔥᑕ ᐁ ᐃᔑ ᒥᓜᓕᑕᒪᓐ ᐅᒋ ᐃᑕᑾᓋ ᓀᔥᑕ ᑮ ᐅᔑᒋᑳᑌᐗ᙮

ᑭᔅᑫᓕᑖᑯᑖᑫᐎᓐ 5:12

ᐁ ᐃᑗᒋᒃ ᐁ ᑭᔗᐌᒋᒃ, ᑌᐸᑫᓕᑖᑯᓯᐤ ᒫᓂᔥᒑᓂᔑᔥ ᑳ ᑭ ᓂᐸᐋᑲᓂᐎᑦ ᑭᒋ ᒥᓛᑲᓂᐎᑦ ᑲᔥᑭᐅᐎᓂᓕᐤ, ᓀᔥᑕ ᒥᔕᑭᓯᐎᓇ, ᓀᔥᑕ ᑲᑫᑕᐌᓕᑕᒧᐎᓂᓕᐤ, ᓀᔥᑕ ᒪᔥᑲᐎᓯᐎᓂᓕᐤ, ᓀᔥᑕ ᑭᔅᑎᓯᐎᓂᓕᐤ, ᓀᔥᑕ ᑭᔅᑌᓕᑖᑯᓯᐎᓂᓕᐤ, ᓀᔥᑕ ᒥᓦᑭᒥᐌᐎᓂᓕᐤ᙮