ᐅᐸᓓᑭᔅ ᒫᑎᐤ 6:33 - ᐅᔅᑭ ᑎᔅᑌᒥᓐᑦ

³³ ᓃᔥᑕᒻ ᒫᑲ ᓈᓇᑕᐌᓕᑕᒸᒃ ᑭᒋᒪᓂᑐ ᐅᑦ ᐅᑭᒫᐎᐎᓐ, ᓀᔥᑕ ᐅ ᒀᔭᔅᑭᑖᑎᓯᐎᓐ; ᒥᓯᐌ ᐅᐅ ᑫᒀᓇ ᒫᑲ ᑭ ᑳ ᐊᓯᒋ ᒥᓕᑲᐎᓇᐗᐤ᙮

ᐅᐸᓓᑭᔅ ᒫᑎᐤ 6:33 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 19:28

ᒋᓴᔅ ᒫᑲ ᑮ ᐃᑌᐤ, ᑖᐺ ᑭᑦ ᐃᑎᓈᐗᐤ, ᑭᓚᐗᐤ ᑳ ᑮ ᓄᔅᐱᓇᔑᔦᒃ, ᐅᔥᑭ ᓂᑖᐎᑭᐎᓂᒃ ᐃᔅᐱ ᐃᓕᓕᐎᑯᓯᓵᓐ ᐊᐱᑌ ᐅ ᑭᔅᑌᓕᑖᑯᓯᐎᓂ ᐅᑭᒪᐗᐱᐄᓂᒃ, ᑭᓚᐗᐤ ᓀᔥᑕ ᑭ ᑳ ᑌᑕᐱᓇᐗᐤ ᓂᔓᔖᑉ ᐅᑭᒪᐗᐱᐄᓇ ᐁ ᑎᐹᔅᑯᓀᑾᒃ ᐊᓂᐃ ᓂᔓᔖᑉ ᐅ ᑕᑐᑌᐎᓯᒪ ᐃᔅᕃᐃᓪ᙮

ᐅᐸᓓᑭᔅ ᒫᑎᐤ 19:29

ᒥᓯᐌ ᑕᑐ ᐊᐌᓇ ᒫᑲ ᑳ ᑮ ᓇᑲᑕᒃ ᐙᔅᑳᔨᑲᓇ, ᓀᔥᑕᐱᑯ ᐎᒋᔖᓇ, ᓀᔥᑕᐱᑯ ᐎᒋᔖᓂᔅᑴᒪ, ᓀᔥᑕᐱᑯ ᐅᑖᐎᔭ, ᓀᔥᑕᐱᑯ ᐅᑳᐎᔭ, ᓀᔥᑕᐱᑯ ᐅᑦ ᐊᐙᔑᒥᔕ, ᓀᔥᑕᐱᑯ ᐅᑦ ᐊᔅᑭ, ᓂᑦ ᐃᔑᓂᑲᓱᐎᓂᓕᐤ ᐅᒋ, ᑲᑕ ᒥᓚᐤ ᒥᑖᑐᒥᑕᓇᐗᐤ ᐃᔥᐱᔥ, ᑲᑕ ᐋᔭᐤ ᓀᔥᑕ ᑳᑭᑫ ᐱᒫᑎᓯᐎᓂᓕᐤ᙮

ᐅᐸᓓᑭᔅ ᒫᑎᐤ 3:2

ᐁ ᐃᑗᑦ ᒫᑲ, ᑴᔅᑳᑎᓰᒃ: ᐌᓴ ᑭᒋᑭᔑᑳᐎ ᐅᑭᒫᐎᐎᓐ ᐯᔓᓈᑾᓐ᙮

ᐅᐸᓓᑭᔅ ᒫᑎᐤ 4:17

ᐁᑯᔅᐱ ᐅᒋ ᒋᓴᔅ ᑮ ᒫᒋ ᑲᑫᔅᑭᒥᐌᐤ, ᐁ ᐃᑗᑦ, ᑴᔅᑳᑎᓰᒃ: ᐌᓴ ᑭᒋᑭᔑᑳᐎ ᐅᑭᒫᐎᐎᓐ ᐯᔓᓈᑾᓐ᙮

ᐅᐸᓓᑭᔅ ᒫᑎᐤ 5:6

ᔕᐌᓕᑖᑯᓯᐗᒃ ᐊᓂᑭ ᑳ ᓄᑌᑲᑌᑐᑕᑭᒃ ᓀᔥᑕ ᑳ ᓄᑌᔮᐸᒀᑐᑕᑭᒃ ᒀᔭᔅᑭᑖᑎᓯᐎᓂᓕᐤ; ᐌᓴ ᑲᑕ ᑮᔥᐳᐋᐗᒃ᙮

ᐅᐸᓓᑭᔅ ᓘᒃ 1:6

ᑖᐱᔅᑯᒡ ᒫᑲ ᑮ ᒀᔭᔅᑭᑖᑎᓯᐗᒃ ᐁ ᐙᐸᒥᑯᒋᒃ ᑭᒋᒪᓂᑐᐗ, ᐁ ᐱᒧᑖᑕᒸᒋᒃ ᒥᓯᐌ ᐅ ᑲᑫᔅᑴᐎᓂᓕᐗ ᓀᔥᑕ ᐃᑕᔓᐌᐎᓂᓕᐗ ᐅᑎᐯᓕᒋᑫᐗ ᐁᑳ ᐁ ᐋᓉᓕᑖᑯᓯᒋᒃ᙮

ᐅᐸᓓᑭᔅ ᓘᒃ 12:31

ᒫᑲ ᐊᐙᓯᑌ ᓈᓇᑕᐌᓕᑕᒸᒃ ᑭᒋᒪᓂᑐ ᐅᑦ ᐅᑭᒫᐎᐎᓐ; ᒥᓯᐌ ᐅᐅ ᑫᒀᓇ ᒫᑲ ᑭ ᑳ ᐊᓯᒋ ᒥᓕᑲᐎᓇᐗᐤ᙮

ᐅᐸᓓᑭᔅ ᒑᓐ 5:4

ᐌᓴ ᐁᓐᒐᓪ ᐋᔅᑲᐤ ᑮ ᐃᑐᑌᐤ ᓵᑲᐃᑲᓂᔑᒃ, ᓀᔥᑕ ᑮ ᐋᑕᑳᒪᐊᒻ ᓂᐱᓕᐤ: ᐊᓇ ᐊᐌᓇ ᒫᑲ ᓃᔥᑕᒻ ᑳ ᐸᑯᐯᑦ ᑳ ᐋᑕᑲᒪᐃᑳᑌᓕᒃ ᓂᐱᓕᐤ, ᑮ ᒥᓇᐙᒋᐋᑲᓂᐎᐤ ᐱᑯ ᐊᓂᐁᓕᐤ ᐋᑯᓯᐎᓂᓕᐤ ᑳ ᐋᔮᑦ᙮

ᐅᐸᓓᑭᔅ ᒑᓐ 6:27

ᐁᑳᐎᓚ ᐋᐸᑎᓯᒃ ᑭᒋ ᐋᔮᔦᒃ ᐊᓂᒪ ᒥᒋᒻ ᑳ ᓂᔑᐙᓈᑕᒃ, ᒫᑲ ᑭᒋ ᐋᔮᔦᒃ ᐊᓂᒪ ᒥᒋᒻ ᑳᑭᑫ ᐱᒫᑎᓯᐎᓂᒃ ᑫ ᐃᔅᑯ ᐃᑕᑾᒃ, ᐃᓕᓕᐎᑯᓯᓵᓐ ᑫ ᒥᓕᑖᒃ: ᐌᓴ ᐁᐗᑯ ᑳ ᓱᑲᑭᒥᑯᑦ ᐅᑖᐎᒫᐗ᙮

ᐊᐸᔅᑕᓚᒃ 20:25

ᐊᓄᒡ ᒫᑲ, ᒫᑎᑲ, ᓂ ᑭᔅᑫᓕᑌᓐ ᒥᓯᐌ ᑭᓚᐗᐤ, ᑳ ᑮ ᐸᐹ ᐊᓕᒧᑕᒫᑕᑾᒃ ᑭᒋᒪᓂᑐ ᐅᑦ ᐅᑭᒫᐎᐎᓐ, ᓇᒪᐎᓚ ᒥᓇ ᑭ ᑳ ᐙᐸᑌᓇᐗᐤ ᓂᑖᔅᑕᒥᒃ᙮

ᐊᐸᔅᑕᓚᒃ 28:31

ᐁ ᐙᐎᑕᒸᑦ ᐅᑦ ᐅᑭᒫᐎᐎᓂᓕᐤ ᑭᒋᒪᓂᑐᐗ, ᓀᔥᑕ ᐁ ᑭᔅᑭᓄᐊᒫᑫᑦ ᐊᓂᐃ ᑫᒀᓇ ᐁ ᐃᔑ ᐋᓕᒧᒥᒥᒋ ᐅᑎᐯᓕᒋᑫᐗ ᒋᓴᔅ ᙭, ᒥᓯᐌ ᓱᑭᑌᐁᐎ ᐋᔭᒥᐎᓂᒃ, ᐁᑳ ᐁ ᑭᑕᐊᒫᑯᑦ ᐊᐌᓕᐗ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:17

ᐌᓴ ᐁᑯᑕ ᑭᒋᒪᓂᑐ ᐅ ᒀᔭᔅᑭᑖᑎᓯᐎᓐ ᐁ ᓄᑯᑖᓂᐗᓂᓕᒃ ᑖᐺᔦᓕᑕᒧᐎᓂᒃ ᐅᒋ ᓀᔥᑕ ᑖᐺᔦᓕᑕᒧᐎᓂᒃ ᐃᔑ: ᒬᒋ ᐁ ᐃᑕᓯᓇᐃᑳᑌᒃ, ᐅᒀᔭᔅᑭᑎᐤ ᑖᐺᔦᓕᑕᒧᐎᓐ ᑲᑕ ᐅᒋ ᐱᒫᑎᓯᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:3

ᐌᓴ ᐁᑳ ᐁ ᑭᔅᑫᓕᑕᒸᒋᒃ ᑭᒋᒪᓂᑐᐗ ᐅ ᒀᔭᔅᑭᑖᑎᓯᐎᓂᓕᐤ, ᓀᔥᑕ ᐁ ᑯᒋᑖᒋᒃ ᑭᒋ ᐋᔨᒋᑳᐸᐎᑖᒋᒃ ᑎᐱᓚᐌ ᐅ ᒀᔭᔅᑭᑖᑎᓯᐎᓂᐗᐤ, ᓇᒪᐎᓚ ᑮ ᐃᔑ ᐸᑭᑎᓂᑎᓱᐗᒃ ᑭᒋᒪᓂᑐᐗ ᐅ ᒀᔭᔅᑭᑖᑎᓯᐎᓂᓕᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 14:17

ᐌᓴ ᑭᒋᒪᓂᑐ ᐅᑦ ᐅᑭᒫᐎᐎᓐ ᓇᒪᐎᓚ ᒥᒋᒥᐗᓐ ᓀᔥᑕ ᒥᓂᑴᐎᓂᐗᓐ; ᒫᑲ ᑳᔭᔅᑭᑖᑎᓯᐎᓐ, ᓀᔥᑕ ᑳᔮᒣᓕᑕᒧᐎᓐ, ᓀᔥᑕ ᒥᓚᐙᑕᒧᐎᓐ ᐸᓓᑭ ᐊᒑᑯᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:31

ᑫᒀᓐ ᒫᑲ ᑫ ᐃᑕᒪᒃ ᐅᐅ? ᑮᔥᐱᓐ ᑭᒋᒪᓂᑐ ᐯᓯᑯᔅᑕᒫᑕᑯ, ᐊᐌᓇ ᑫ ᑮ ᓄᑎᓂᑕᒃ?

ᓂᔥᑕᒻ ᑯᕆᓐᑎᐊᓇ 1:30

ᒫᑲ ᐎᓚ ᐅᒋ ᑭᑦ ᐋᐎᓇᐗᐤ ᙭ ᒋᓴᓯᒃ, ᐊᓇ ᑳ ᐃᔑᑕᒫᑲᐎᔭᒃ ᑭᒋᒪᓂᑐᒃ ᐅᒋ, ᑲᑫᑕᐌᓕᑕᒧᐎᓐ, ᓀᔥᑕ ᒀᔭᔅᑭᑖᑎᓯᐎᓐ, ᓀᔥᑕ ᐸᓓᑭᐃᑯᓯᐎᓐ, ᓀᔥᑕ ᑎᐸᐊᒫᑫᔅᑕᒫᑯᓯᐎᓐ;

ᓂᔥᑕᒻ ᑯᕆᓐᑎᐊᓇ 3:22

ᑮᔥᐱᓐ ᐹᓪ, ᓀᔥᑕᐱᑯ ᐊᐸᓚᔅ, ᓀᔥᑕᐱᑯ ᓯᐸᔅ, ᓀᔥᑕᐱᑯ ᐅᒪ ᐊᔅᑭ, ᓀᔥᑕᐱᑯ ᐱᒪᑎᓯᐎᓈ, ᓀᔥᑕᐱᑯ ᓂᐱᐎᑦ, ᓀᔥᑕᐱᑯ ᑫᒀᓇ ᐊᓄᒡ ᑳ ᐃᑕᑾᑭ, ᓀᔥᑕᐱᑯ ᑫᒀᓇ ᐁᔥᑾ ᑫ ᐃᑕᑾᑭ; ᒥᓯᐌ ᑭᓚᐗᐤ ᑭᑦ ᐅᑦ ᐋᔮᓂᓇᐗᐤ;

ᓂᔓ ᑯᕆᓐᑎᐊᓇ 5:21

ᐌᓴ ᐎᓚ ᑮ ᐃᔑᐁᐤ ᑭᒋ ᒪᒋᑣᐎᓂᐎᓕᒋ ᑭᓚᓈᓇᐤ ᐅᒋ, ᐊᓂᐃ ᐁᑳ ᑳ ᑮ ᑭᔅᑫᓕᑕᒥᓕᒋ ᒪᒋᑣᐎᓂᓕᐤ; ᑭᒋᒪᓂᑐ ᐅ ᒀᔭᔅᑭᑖᑎᓯᐎᓐ ᑭᒋ ᐃᔑᐃᑲᐎᔭᒃ ᐎᓚ ᐅᒋ᙮

ᐱᓕᐱᔭᓇ 3:9

ᓀᔥᑕ ᑭᒋ ᒥᔅᑳᑲᐎᔮᓐ ᐁ ᐱᒋᔅᑲᐗᒃ, ᐁᑳ ᐁ ᐋᔮᔮᓐ ᑎᐱᓚᐌ ᓂ ᒀᔭᔅᑭᑖᑎᓯᐎᓐ, ᐅᓚᔓᐌᐎᓂᒃ ᑳ ᐅᒋ ᑕᑾᒃ, ᒫᑲ ᐊᓂᒪ ᐅ ᑖᐺᔦᓕᒥᑯᓯᐎᓂᒡ ᙭ ᑳ ᐅᒋᐸᓕᒃ, ᐊᓂᒪ ᒀᔭᔅᑭᑖᑎᓯᐎᓐ ᑭᒋᒪᓂᑐᒃ ᑳ ᐅᒋᐸᓕᒃ ᑖᐺᔦᓕᑕᒧᐎᓐ ᐅᒋ:

ᓂᔓ ᑌᓴᓗᓂᔭᓇ 1:5

ᐁᐗᑯ ᑳ ᐸᔭᑌᓈᑾᒃ ᑮᔅᑭᓄᐙᒋᒋᑲᓐ ᐁ ᒀᔭᔅᑯ ᑎᐹᔅᑯᓂᑫᑦ ᑭᒋᒪᓂᑐ, ᑭᒋ ᑌᐸᑫᓕᑖᑯᒥᑲᐎᔦᒃ ᑭᒋᒪᓂᑐ ᐅᑦ ᐅᑭᒫᐎᐎᓂᒃ, ᐁᐗᑯ ᑳ ᐅᒋ ᐎᓴᑫᓕᑕᒣᒃ:

ᓂᔥᑕᒻ ᑎᒧᑎ 4:8

ᐌᓴ ᒥᔭᐎ ᐊᑑᔅᑫᐃᑎᓱᐎᓐ ᐋᐱᔑᔥ ᐱᑯ ᐋᐸᑕᓐ: ᒫᑲ ᒪᓂᑐᐙᑎᓯᐎᓐ ᒥᓯᐌ ᐃᔑ ᐃᑖᐸᑕᓐ, ᐁ ᐋᔮᒪᑲᒃ ᐊᔓᑕᒫᑫᐎᓐ ᐊᓂᒪ ᐱᒫᑎᓯᐎᓐ ᐅᒋ ᐊᓄᒡ ᑳ ᐃᑕᑾᒃ, ᓀᔥᑕ ᐊᓂᒪ ᑫ ᐹᐸᓕᒃ᙮

ᓂᔓ ᐱᑕᕐ 1:1

ᓵᐃᒪᓐ ᐱᑕᕐ, ᐅᑦ ᐊᑑᔅᑫᓛᑲᓇ ᓀᔥᑕ ᐅᑦ ᐊᐸᔅᑕᓕᒪ ᒋᓴᔅ ᙭, ᐁ ᒪᓯᓇᐊᒪᐗᑭᒃ ᐊᓂᑭ ᑳ ᐊᓯᒋ ᐋᔮᒋᒃ ᐊᓂᐁᓕᐤ ᑖᐺᔦᓕᑕᒧᐎᓂᓕᐤ ᑖᐱᔅᑯᒡ ᓂᓛᓇᓐ, ᐅ ᒀᔭᔅᑭᑖᑎᓯᐎᓐ ᐅᒋ ᑭᒋᒪᓂᑐ, ᓀᔥᑕ ᑭ ᑎᐯᓕᒋᑫᒥᓇᐤ ᒋᓴᔅ ᙭:

ᓂᔓ ᐱᑕᕐ 1:11

ᐌᓴ ᐁᑯ ᑫ ᐃᔑ ᐌᓗᒋ ᐹᔅᑭᑌᓇᒫᑲᐎᔦᒃ ᐅ ᑳᑭᑫ ᐅᑭᒪᐎᐎᓂᒃ ᑭ ᑎᐯᓕᒋᑫᒥᓇᐤ ᓀᔥᑕ ᑭ ᐱᒫᒋᐃᐌᒥᓇᐤ ᒋᓴᔅ ᙭᙮