ᐅᐸᓓᑭᔅ ᒫᑎᐤ 6:25 - ᐅᔅᑭ ᑎᔅᑌᒥᓐᑦ

²⁵ ᐁᐗᑯ ᐌᒋ ᐃᑎᑖᒀᒃ, ᐁᑳᐎᓚ ᒫᒥᑐᓀᓕᑕᒧᒃ ᑭ ᐱᒫᑎᓯᐎᓂᐗᐤ, ᑫᒀᓐ ᑫ ᒥᒋᔦᒃ, ᓀᔥᑕᐱᑯ ᑫᒀᓐ ᑫ ᒥᓂᑴᔦᒃ; ᐁᑳ ᓀᔥᑕ ᑭᔭᐙᐗ ᑫᒀᓐ ᑫ ᐳᔅᑎᔥᑲᒣᒃ᙮ ᓇᒪ ᓈ ᐊᐗᓯᑌ ᐃᑌᓕᑖᑾᓐ ᐱᒫᑎᓯᐎᓐ ᐃᔥᐱᔥ ᒥᒋᒻ, ᓀᔥᑕ ᒥᔭᐤ ᐃᔥᐱᔥ ᐎᓛᒋᑲᓐ?

ᐅᐸᓓᑭᔅ ᒫᑎᐤ 6:25 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:19

ᒫᑲ ᐃᔅᐱ ᐸᑭᑎᓂᑖᑾᐌ, ᐁᑳᐎᓚ ᒫᒥᑐᓀᓕᑕᒧᒃ ᑖᓀ ᓀᔥᑕᐱᑯ ᑖᓀ ᐃᔑ ᑫ ᐃᑗᔦᒃ: ᐌᓴ ᐁᐗᑯ ᑎᐹᔨᑲᓂᒃ ᐱᓯᒧᑳᓂᒃ ᑭ ᑳ ᒥᓕᑲᐎᓇᐗᐤ ᑫᒀᓐ ᑫ ᐃᑗᔦᒃ᙮

ᐅᐸᓓᑭᔅ ᒫᑎᐤ 13:22

ᐊᓇ ᓀᔥᑕ ᑳ ᐅᑎᓇᒃ ᓯᒥᓇ ᒥᔑᑲᐎᒥᓇᑯᓰᔅᑳᒃ, ᐁᐗᒀᓇ ᑳ ᐯᑕᒃ ᐋᔭᒥᐎᓂᓕᐤ ᐁ ᐅᑕᒣᓕᑕᒃ ᒫᑲ ᐅᒣᓕᐤ ᐊᔅᑭᓕᐤ, ᓀᔥᑕ ᐁ ᐙᔦᔑᐃᑯᑦ ᒥᔕᑭᓯᐎᓇ, ᑭᐱᔅᑲᒶᒃ ᐋᔭᒥᐎᓂᓕᐤ ᓇᒪᐎᓚ ᒫᑲ ᒥᓂᔑᐎᐤ᙮

ᐅᐸᓓᑭᔅ ᒫᑎᐤ 6:31

ᐁᐗᑯ ᐅᒋ ᒫᑲ ᐁᑳᐎᓚ ᒫᒥᑐᓀᓕᑕᒧᒃ, ᐁ ᐃᑗᔦᒃ, ᑫᒀᓐ ᑫ ᒥᒋᔭᒃ? ᓀᔥᑕᐱᑯ ᑫᒀᓐ ᑫ ᒥᓂᑴᔭᒃ? ᓀᔥᑕᐱᑯ, ᑫᒀᓐ ᑫ ᐎᓛᒋᑲᓂᔭᒃ

ᐅᐸᓓᑭᔅ ᒫᑎᐤ 6:34

ᐁᑳᐎᓚ ᒫᒥᑐᓀᓕᑕᒧᒃ ᑫ ᐙᐸᒃ; ᐌᓴ ᑫ ᐙᐸᒃ ᑲᑕ ᒥᑐᓀᓕᑕᒫᓱᒪᑲᓐ᙮ ᑌᐱᓕᑯᒃ ᑲᑕ ᐋᓕᒪᓐ ᐁ ᑭᔑᑳᒃ᙮

ᐅᐸᓓᑭᔅ ᒫᕐᒃ 13:11

ᒫᑲ ᐃᔅᐱ ᐃᑐᑕᐃᑖᑾᐌ, ᓀᔥᑕ ᐸᑭᑎᓂᑖᑾᐌ, ᐁᑳᐎᓚ ᓂᔮᑲᓇ ᒫᒥᑐᓀᓕᑕᒧᒃ ᑫᒀᓐ ᑫ ᐃᑗᔦᒃ, ᐁᑳᐎᓚ ᓀᔥᑕ ᐋᔦᔅᑲᐌᓕᑕᒧᒃ; ᐱᑯ ᑫᒀᓐ ᒫᑲ ᐁᐗᑯ ᑎᐹᔨᑲᓂᒃ ᐱᓯᒧᑳᓂᒃ ᑫ ᒥᓕᑲᐎᐌᑴ, ᐁᐗᑯ ᐃᑗᒃ: ᐌᓴ ᓇᒪᔦᐤ ᑭᓚᐗᐤ ᑳ ᐋᔭᒥᔦᒃ, ᒫᑲ ᐸᓓᑭ ᐊᒑᒃ᙮

ᐅᐸᓓᑭᔅ ᒫᕐᒃ 4:19

ᐁ ᐅᑕᒣᓕᑕᑭᒃ ᒫᑲ ᐅᒣᓕᐤ ᐊᔅᑭᓕᐤ, ᓀᔥᑕ ᐁ ᐙᔦᔑᐃᑯᒋᒃ ᒥᔕᑭᓯᐎᓇ, ᓀᔥᑕ ᐁ ᓇᑕᐌᓕᒋᑳᑌᑭ ᑯᑕᑭᔭ ᑫᒀᓇ ᐁ ᐱᑐᑫᒪᑲᑭ, ᑭᐱᔅᑲᒶᒃ ᐋᔭᒥᐎᓂᓕᐤ, ᓇᒪᐎᓚ ᒫᑲ ᒥᓂᔑᐗᓐ᙮

ᐅᐸᓓᑭᔅ ᓘᒃ 12:11

ᐃᔅᐱ ᒫᑲ ᐯᒋ ᐃᑐᑕᐃᑖᑾᐌ ᐋᔭᒥᐁᐎᑲᒥᑯᒃ, ᓀᔥᑕ ᐅᑎᔥᑳᐤ ᐅᑎᐹᔅᑯᓂᑫᐗᒃ ᓀᔥᑕ ᐅᑭᒫᐗᒃ, ᐁᑳᐎᓚ ᒪᒥᑐᓀᓕᑕᒧᒃ ᑖᓂ ᑫ ᐃᔑ ᓀᔥᑕ ᑫᒀᓐ ᑫ ᓇᔥᑴᐗᔑᐃᐌᔦᒃ, ᓀᔥᑕᐱᑯ ᑫᒀᓐ ᑫ ᐃᑗᔦᒃ᙮

ᐅᐸᓓᑭᔅ ᓘᒃ 8:14

ᐊᓂᒪ ᒫᑲ ᒥᔑᑳᐎᒥᓇᑯᓰᔅᑳᒃ ᑳ ᐸᑭᑎᒃ, ᐁᐗᒀᓂᑭ, ᐃᔅᐱ ᐱᐁᑕᑭᒃ, ᑭᑐᑌᐗᒃ, ᑭᐱᔥᑳᑯᐗᒃ ᒫᑲ ᐱᑴᓕᑕᒧᐎᓇ ᓀᔥᑕ ᒥᔕᑭᓯᐎᓇ ᓀᔥᑕ ᓇᐃᓚᐌᐃᑯᓯᐎᓇ ᐅᒪ ᐱᒫᑎᓯᐎᓂᒃ ᑳ ᐃᑕᑾᑭ, ᓇᒪᐎᓚ ᒫᑲ ᒥᑐᓂ ᑭᔑᒥᓂᔑᐎᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:32

ᐊᓇ ᐁᑳ ᑳ ᑮ ᒪᓈᒋᐋᑦ ᑎᐱᓚᐌ ᐅᑯᓯᓴ, ᒫᑲ ᒥᓯᐌ ᐁ ᐃᑕᔑᔭᒃ ᐅᒋ ᐁ ᑮ ᐸᑭᑎᓈᑦ, ᐙᐐᔅ ᓈ ᓇᒪ ᐁᐗᒀᓂᐃ ᐊᓯᒋ ᒧᔐ ᒥᓯᐌ ᑫᒀᓇ ᑭ ᑳ ᒥᓕᑯᓇᐤ?

ᓂᔥᑕᒻ ᑯᕆᓐᑎᐊᓇ 7:32

ᒫᑲ ᑭ ᓇᑕᐌᓕᒥᑎᓇᐗᐤ ᐁᑳ ᑫᒀᓐ ᑭᒋ ᐅᑕᒣᓕᑕᒣᒃ᙮ ᐊᓇ ᐁᑳ ᑳ ᐎᐎᑦ ᐹᐱᓯᔅᑫᓕᑕᒬᐤ ᐊᓂᐃ ᑳ ᑎᐱᓚᐌᐎᓯᓕᒋ ᐅᑎᐯᓕᒋᑫᐗ, ᑫ ᐃᔑ ᓇᐃᓚᐌᐋᑦ ᐅᑎᐯᓕᒋᑫᐗ:

ᐱᓕᐱᔭᓇ 4:6

ᐁᑳᐎᓚ ᑫᒀᓐ ᑭ ᑳ ᒥᑯᔥᑳᑌᓕᑕᒥᐃᑯᓇᐗᐤ; ᒫᑲ ᒥᓯᐌ ᑫᒀᓂᒃ, ᐁ ᐋᔭᒥᐋᔦᒃ ᓀᔥᑕ ᐁ ᓇᑐᑕᒫᑫᔦᒃ, ᐁ ᓇᓈᔅᑯᒧᔦᒃ ᐊᓯᒋ, ᑭ ᑳ ᑭᔅᑫᓕᑕᒥᐊᐗᐤ ᑭᒋᒪᓂᑐ ᑭ ᓇᑐᑕᒫᑫᐎᓂᐗᐗ;

ᓂᔓ ᑎᒧᑎ 2:4

ᓇᒪᐎᓚ ᐊᐌᓇ ᑳ ᓄᑎᓂᑫᑦ ᓴᑭᒋᓂᑎᓱ ᐁ ᐃᔑ ᐋᔭᐱᑎᓯᓈᓂᐗᒃ ᐊᓄᒡ ᐁ ᐱᒫᑎᓯᓈᓂᐗᒃ; ᑭᒋ ᓇᐃᓚᐌᐋᑦ ᐊᓂᐃ ᑳ ᑮ ᐙᐌᓛᐸᒥᑯᑦ ᑭᒋ ᐅᓄᑎᓂᑫᐎᑦ᙮

ᓂᔥᑕᒻ ᐱᑕᕐ 5:7

ᐁ ᐎᐗᔑᐁᒃ ᒥᓯᐌ ᑭ ᐊᓕᒥᓯᐎᓂᐗᐤ; ᐌᓴ ᑭ ᑕᑴᓕᒥᑯᐗᐤ᙮