ᐅᐸᓓᑭᔅ ᒫᑎᐤ 6:22 - ᐅᔅᑭ ᑎᔅᑌᒥᓐᑦ

²² ᒦᔅᑭᔑᒃ ᐌᒋ ᐙᓭᔮᒃ ᒥᔭᐤ; ᑮᔥᐱᓐ ᒫᑲ ᑭᔅᑭᔑᒃ ᐯᓓᑲᓄᑴ, ᒥᓯᐌ ᑭᔮᐤ ᑲᑕ ᐅᒋ ᓵᑲᔅᑭᓀᐤ ᐙᓭᔮᓯᐎᓐ᙮

ᐅᐸᓓᑭᔅ ᒫᑎᐤ 6:22 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 5:15

ᓇᒪ ᓀᔥᑕ ᐃᓕᓕᐗᒃ ᓭᔅᑲᐊᑾᐌ ᐙᔅᑌᓇᒫᑲᓂᓕᐤ ᔑᐹ ᐙᐎᐊᑖᑲᓂᒃ ᐊᔅᑖᐗᒃ, ᒫᑲ ᐙᔅᑌᓇᒫᑲᓈᑎᑯᒃ; ᐙᔅᑌᓇᒫᑯᐗᒃ ᒫᑲ ᒥᓯᐌ ᐊᓂᑭ ᐱᒋ ᐙᔅᑳᔨᑲᓂᒃ ᑳ ᐃᑖᒋᒃ᙮

ᐊᐸᔅᑕᓚᒃ 2:46

ᑕᑣᐤ ᑳᔑᑳᑭ ᒫᑲ ᑖᐱᔅᑯᒡ ᑮ ᐃᑖᐗᒃ ᐁ ᐯᔭᑯ ᒥᑐᓀᓕᒋᑲᓂᒋᒃ ᐱᒋ ᑭᒋᐋᔭᒥᐁᐎᑲᒥᑯᒃ, ᓀᔥᑕ ᐁ ᐸᑴᓈᒋᒃ ᐋᓚᑯᓇᐗ ᐊᑭᓀ ᐙᔅᑲᔨᑲᓂᒃ, ᑮ ᒥᒋᐗᒃ ᐅ ᒥᒋᒥᒥᐙᐗ ᐁ ᒥᓜᓕᒧᒋᒃ ᓀᔥᑕ ᐁ ᑲᔮᒣᓕᑕᑭᒃ ᐅᑌᐃᐙᒃ,

ᓂᔓ ᑯᕆᓐᑎᐊᓇ 11:3

ᒫᑳ ᓂ ᑯᔅᑖᒋᓐ, ᓈᓐᑕᐤ ᐃᔑ, ᑖᐱᔅᑯᒡ ᒥᔑᑭᓀᐱᒃ ᑳ ᑮ ᐃᔑ ᐙᔦᔑᐋᑦ ᐃᐸ ᐅ ᑲᑳᔦᓕᓯᐎᓂᒃ ᐅᒋ, ᐁᑯ ᑖᐱᔅᑯᒡ ᑭ ᒥᑐᓀᓕᒋᑲᓂᐗᐗ ᑭᒋ ᐙᔦᔑᑖᓂᐗᑭ ᐸᓓᑭᑌᓕᑕᒧᐎᓂᐤ ᐅᒋ ᙭ᑎᒃ ᑳ ᐃᑕᑾᓂᓕᒃ᙮

ᐃᐱᓯᔭᓇ 6:5

ᐊᑑᔅᑫᓛᑲᓂᑐᒃ, ᓇᓇᐃᑖᑯᒃ ᐊᓂᑭ ᐎᔮᓯᐎᓂᒃ ᑳ ᐅᑭᒫᒥᔦᒃ, ᑯᔅᐹᓀᓕᑕᒧᐎᓂᒃ ᓀᔥᑕ ᓭᑭᓯᐎᓂᒃ, ᐁ ᒀᔭᔅᑯᑌᐁᔦᒃ, ᑖᐱᔅᑯᒡ ᙭ ᐁ ᑐᑕᒧᐌᒃ;

ᑯᓚᔑᔭᓇ 3:22

ᐊᑑᔅᑫᓛᑲᓂᑐᒃ, ᒥᓯᐌ ᐃᔑ ᓇᓇᐃᑖᑯᒃ ᑭᑦ ᐅᑭᒫᒥᐗᐗᒃ ᐎᔮᓯᐎᓂᒃ ᐃᔑ; ᓇᒪᐎᓚ ᐁ ᑲᓇᐗᐸᒥᑲᐎᔦᒃ ᐱᑯ, ᑖᐱᔅᑯᒡ ᐊᓂᑭ ᑳ ᓇᐃᓚᐌᐋᒋᒃ ᐃᓕᓕᐗ; ᒫᑲ ᐸᓓᑭ ᒥᑌᐃᒃ, ᐁ ᓂᓇᒋᔅᑕᐌᒃ ᑭᒋᒪᓂᑐ: