ᐅᐸᓓᑭᔅ ᒫᑎᐤ 5:46 - ᐅᔅᑭ ᑎᔅᑌᒥᓐᑦ

⁴⁶ ᐌᓴ ᑮᔥᐱᓐ ᐱᑯ ᓵᑭᐁᑾᐌ ᐊᓂᑭ ᑳ ᓵᑭᐃᑖᑾᒃ, ᑫᑯ ᑎᐸᐊᒫᑯᓯᐎᓐ ᐁᔮᔦᒃ? ᓇᒪ ᓈ ᐅᒪ ᐃᔑ ᑐᑕᒶᒃ ᐸᑉᓕᑳᓇᒃ?

ᐅᐸᓓᑭᔅ ᒫᑎᐤ 5:46 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 11:19

ᐃᓕᓕᐎᑯᓯᓵᓐ ᑮ ᐯᒋ ᐃᑐᑌᐤ ᐁ ᒥᒋᓱᑦ ᓀᔥᑕ ᐁ ᒥᓂᑴᑦ, ᐃᑗᐗᒃ ᒫᑲ, ᒫᑎᑲ, ᐃᓕᓕᐤ ᐁ ᐅᑳᔑᑭᒥᑦ ᓀᔥᑕ ᑳ ᓂᑖᒥᓂᑴᑦ, ᑳ ᐅᑐᑌᒥᒫᑦ ᐸᑉᓕᑳᓇ ᓀᔥᑕ ᐅᒪᒋᑣᐗ᙮ ᒫᑲ ᑲᑫᑕᐌᓕᑕᒧᐎᓐ ᐱᔑᒋᑖᑯ ᐅᑦ ᐊᐙᔑᒥᔕ᙮

ᐅᐸᓓᑭᔅ ᒫᑎᐤ 18:17

ᑮᔥᐱᓐ ᒫᑲ ᐁᑳ ᐱᔑᒋᐋᑌ ᐊᓂᐃ ᐎᑕᒫᐎᒃ ᒫᒪᐎᐋᔭᒥᐋᐗᒃ; ᒫᑲ ᑮᔥᐱᓐ ᐁᑳ ᐱᔑᒋᐋᑌ ᒫᒪᐎᐋᔭᒥᐋᐗ, ᑳᔮᒻ ᑖᐱᔅᑯᒡ ᑳ ᐋᓉᔦᓕᑕᒃ ᐃᓕᓕᐤ ᓀᔥᑕ ᐸᑉᓕᑳᓐ ᑭ ᑳ ᐃᑌᓕᒪᐤ᙮

ᐅᐸᓓᑭᔅ ᒫᑎᐤ 5:47

ᑮᔥᐱᓐ ᓀᔥᑕ ᑕᒥᔅᑲᐌᑾᐌ ᑭᒋᔖᓂᐙᐗᒃ ᐱᑯ, ᑫᒀᓐ ᐊᐙᓯᑌ ᑎᐅᑕᒣᒃ ᐃᔥᐱᔥ ᑯᑕᑭᔭᒃ? ᓇᒪ ᓈ ᐅᒪ ᐃᔑ ᑐᑕᒶᒃ ᐸᑉᓕᑳᓇᒃ?

ᐅᐸᓓᑭᔅ ᒫᑎᐤ 6:1

ᔮᑾᒥᓰᒃ ᐁᑳ ᑭᒋ ᑐᑕᒣᒃ ᑭ ᒥᓗᑐᑕᒧᐎᓂᐙᐗ ᐅᑎᔥᑲᐤ ᐃᓕᓕᐗᒃ, ᑭᒋ ᐙᐸᒥᑖᑾᒃ; ᑮᔥᐱᓐ ᐁᑳ ᐅᒪ ᐃᔑ ᑐᑕᒣᑴ, ᓇᒪᐎᓚ ᑭᑦ ᐋᔮᓇᐗᐤ ᑎᐸᐊᒫᑯᓯᐎᓐ ᑯᑖᐎᐗᐤ ᐅᒋ ᑭᒋᑭᔑᑯᒃ ᑳ ᐃᑖᑦ᙮

ᐅᐸᓓᑭᔅ ᒫᕐᒃ 2:15

ᑮ ᐃᑭᓐ ᒫᑲ, ᒣᒀᒡ ᒋᓴᔅ ᐁ ᐊᐱᑦ ᐁ ᒥᒋᓱᑦ ᐅ ᐙᔅᑳᔨᑲᓂᒥᓕᒃ, ᒥᒉᑦ ᐸᑉᓕᑳᓇ ᓀᔥᑕ ᐅᒪᒋᑡᐗ ᑮ ᐎᑕᐱᒥᑯ ᒋᓴᔅ ᓀᔥᑕ ᐅ ᑭᔅᑭᓄᐊᒪᐙᑲᓇ: ᐌᓴ ᑮ ᒥᒉᑎᐗᒃ, ᓀᔥᑕ ᑮ ᓄᔅᐱᓇᑌᐗᒃ᙮

ᐅᐸᓓᑭᔅ ᒫᕐᒃ 2:16

ᐃᔅᐱ ᒫᑲ ᐅᒪᓯᓇᐃᑫᐗᒃ ᓀᔥᑕ ᐹᕋᓯᔭᒃ ᐎᐋᐸᑕᑭᒃ ᐁ ᐎᒋᒥᒋᓱᒫᓕᒋ ᐸᑉᓕᑳᓇ ᓀᔥᑕ ᐅᒪᒋᑣᐗ, ᑮ ᐃᑎᒣᐎᒃ ᐅ ᑭᔅᑭᓄᐊᒪᐙᑲᓇ, ᑖᓀᑭ ᐌᒋ ᐎᒋᒥᒋᓱᒫᑦ ᓀᔥᑕ ᐎᒋᒥᓂᑴᒫᑦ ᐸᑉᓕᑳᓇ ᓀᔥᑕ ᐅᒪᒋᑡᐗ?

ᐅᐸᓓᑭᔅ ᓘᒃ 15:1

ᐁᑯ ᐱᐁᒋ ᓈᑎᑯᑦ ᒥᓯᐌ ᐸᑉᓕᑳᓇ ᓀᔥᑕ ᐅᒪᒋᑣᐗ ᑭᒋ ᐯᑖᑯᑦ᙮

ᐅᐸᓓᑭᔅ ᓘᒃ 18:13

ᐊᓇ ᐸᑉᓕᑳᓐ ᒫᑲ, ᐙᓚᐤ ᐁ ᓂᐸᐎᑦ, ᓇᒪᐎᓚ ᐙᐙᒡ ᐎ ᐅᐹᐱᐤ ᑭᒋᑭᔑᑯᒃ, ᑮ ᐅᑖᒫᔅᑭᑲᓀᐅᓱ ᒫᑲ, ᐁ ᐃᑗᑦ, ᑭᒋᒪᓂᑐ, ᔕᐌᓕᒥᓐ, ᐁ ᒪᒋᑣᔮᓐ᙮

ᐅᐸᓓᑭᔅ ᓘᒃ 19:2

ᒫᑎᑲ, ᒫᑲ, ᑮ ᐃᑖᐤ ᐃᓕᓕᐤ ᓵᑭᐊᔅ ᐁ ᐃᔑᓂᑳᓱᑦ, ᑳ ᑭᒋ ᐸᑉᓕᑳᓂᐎᑦ, ᑮ ᒥᔕᑭᓯᐤ ᒫᑲ᙮

ᐅᐸᓓᑭᔅ ᓘᒃ 19:7

ᐃᔅᐱ ᒫᑲ ᐎᐋᐸᑕᑭᒃ, ᒥᓯᐌ ᑮ ᐙᔦᔥ ᐃᑗᐗᒃ, ᐁ ᐃᑗᒋᒃ, ᓇᑕᐎ ᒪᐗᑎᑌᐤ ᐃᓕᓕᐗ ᑳ ᒪᒋᑣᓕᒋ᙮

ᐅᐸᓓᑭᔅ ᓘᒃ 3:12

ᐁᑯ ᒫᑲ ᐸᑉᓕᑳᓇᒃ ᐊᓯᒋ ᐱᐁᒋ ᐃᑐᑌᒋᒃ ᑭᒋ ᓯᑲᐋᑕᐙᑲᓂᐎᒋᒃ, ᓀᔥᑕ ᑮ ᐃᑌᐗᒃ, ᑫᔅᑭᓄᐊᒫᑫᔭᓐ, ᑫᒀᓐ ᑫ ᑐᑕᒫᒃ?

ᐅᐸᓓᑭᔅ ᓘᒃ 5:29

ᓕᐹᐃ ᒫᑲ ᑮ ᐅᔑᑕᒪᐌᐤ ᑭᒋ ᒪᑯᔐᐎᓂᓕᐤ ᑎᐱᓚᐌ ᐅ ᐙᔅᑳᔨᑲᓂᒥᒃ; ᑮ ᐃᑕᐗᒃ ᒫᑲ ᐁ ᒥᒉᑎᒋᒃ ᐸᑉᓕᑳᓇᒃ, ᓀᔥᑕ ᑯᑕᑭᔭᒃ, ᑳ ᐎᑕᐱᒫᒋᒃ᙮

ᐅᐸᓓᑭᔅ ᓘᒃ 5:30

ᒫᑲ ᐅ ᒪᓯᓇᐃᑫᒥᐙᐗ ᓀᔥᑕ ᐸᕋᓯᔭᒃ ᑮ ᐙᔦᔥ ᐃᑎᒣᐗᒃ ᐅ ᑭᔅᑭᓄᐊᒪᐙᑲᓇ, ᐁ ᐃᑗᒋᒃ, ᑖᓀᑭ ᐌᒋ ᐎᒋᒥᒋᓱᒣᑾᒃ ᓀᔥᑕ ᐎᒋᒥᓂᑴᒣᑾᒃ ᐸᑉᓕᑳᓇᒃ ᓀᔥᑕ ᐅᒪᒋᑖᐗᒃ?

ᐅᐸᓓᑭᔅ ᓘᒃ 7:29

ᒥᓯᐌ ᒫᑲ ᐃᓕᓕᐗᒃ ᑳ ᐯᑕᐙᒋᒃ ᓀᔥᑕ ᐸᑉᓕᑳᓇᒃ ᑮ ᒥᓗᑣᐌᓕᒣᐗᒃ ᑭᒋᒪᓂᑐᐗ, ᐁ ᑮ ᓯᑲᐋᑕᐙᑲᓂᐎᒋᒃ ᒑᓐ ᐅ ᓯᑲᐋᑖᑫᐎᓂᓕᐤ ᐅᒋ᙮

ᐅᐸᓓᑭᔅ ᓘᒃ 7:34

ᐃᓕᓕᐎᑯᓯᓵᓐ ᐯᒋ ᐃᑐᑌᐤ ᐁ ᒥᒋᓱᑦ ᓀᔥᑕ ᐁ ᒥᓂᑴᑦ; ᑭᑦ ᐃᑣᓇᐗᐤ ᒫᑲ, ᒫᑎᑲ, ᐃᓕᓕᐤ ᐁ ᐅᑳᔑᑭᒥᑦ ᓀᔥᑕ ᐁ ᓂᑖᒥᓂᑴᑦ, ᑳ ᐅᑐᑌᒥᒫᑦ ᐸᑉᓕᑳᓇ ᓀᔥᑕ ᐅᒪᒋᑣᐗ!