ᐅᐸᓓᑭᔅ ᒫᑎᐤ 5:10 - ᐅᔅᑭ ᑎᔅᑌᒥᓐᑦ

¹⁰ ᔕᐌᓕᑖᑯᓯᐗᒃ ᐊᓂᑭ ᑳ ᑲᒀᑕᑭᐋᑲᓂᐎᒋᒃ ᒀᔭᔅᑭᑖᑎᓯᐎᓐ ᐅᒋ; ᐌᓴ ᐅᑦ ᐋᔮᓂᐗᒃ ᑭᒋᑭᔑᑳᐎ ᐅᑭᒪᐎᐎᓐ᙮

ᐅᐸᓓᑭᔅ ᒫᑎᐤ 5:10 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:23

ᒫᑲ ᐃᔅᐱ ᑲᒀᑕᑭᐃᑕᑾᐌ ᐯᔭᒃ ᐃᑖᐎᓂᒃ, ᑯᑕᒃ ᓈᒋᑎᔑᒧᔅᑕᒧᒃ; ᐌᓴ ᑖᐺ ᑭᑦ ᐃᑎᓇᐗᐤ, ᓇᒪᐎᓚ ᑭ ᑳ ᐅᒋ ᐊᑭᓀᔥᑫᓇᐗᐤ ᒥᓯᐌ ᐃᑖᐎᓇ ᐃᔅᕃᐃᓕᒃ, ᐃᓕᑯᒃ ᑫ ᐯᒋ ᑕᑯᔑᒃ ᐃᓕᓕᐎᑯᓯᓵᓐ᙮

ᐅᐸᓓᑭᔅ ᒫᑎᐤ 19:14

ᒫᑲ ᒋᓴᔅ ᑮ ᐃᑗᐤ, ᐃᓕᓈᑯᒃ ᐋᐱᔅᑕᐙᔑᔕᒃ, ᐁᑳ ᒫᑲ ᑭᑕᐊᒫᑯᒃ ᑭᒋ ᐯᒋ ᓈᔑᒋᒃ; ᐌᓴ ᐁᑯ ᑐᐎ ᑭᒋᑭᔑᑳᐎ ᐅᑭᒫᐎᐎᓇᒃ ᑳ ᐃᑖᒋᒃ᙮

ᐅᐸᓓᑭᔅ ᒫᑎᐤ 25:34

ᐁᑯ ᑭᒋᐅᑭᒪᐤ ᑫ ᐃᑖᑦ ᐊᓂᐃ ᐅ ᑭᒋᓂᔅᑮᒃ, ᐋᔅᑕᒥᑐᒃ, ᑭᓚᐗᐤ ᑳ ᒥᓦᑭᒥᑖᒃ ᓄᑖᐎ, ᐯᒋ ᐋᔮᒃ ᐊᓂᒪ ᐅᑭᒫᐎᐎᓐ ᑳ ᑮ ᐋᔦᔅᑳᐎᑕᒫᑲᐎᔦᒃ ᐊᔅᐱᓐ ᓃᔥᑕᒻ ᐁ ᐊᔅᑭᐗᒃ:

ᐅᐸᓓᑭᔅ ᒫᑎᐤ 5:3

ᔕᐌᓕᑖᑯᓯᐗᒃ ᑳ ᑭᑎᒫᑭᓯᒋᒃ ᐅᑦ ᐊᒑᑯᐙᒃ; ᐌᓴ ᐅᑦ ᐋᔮᓂᐗᒃ ᑭᒋᑭᔑᑳᐎ ᐅᑭᒫᐎᐎᓐ᙮

ᐅᐸᓓᑭᔅ ᒫᕐᒃ 10:14

ᒫᑲ ᐃᔅᐱ ᒋᓴᔅ ᐎᐋᐸᑕᒃ, ᓈᔅᐱᒡ ᓇᒪ ᑮ ᓇᐁᓕᑕᒻ, ᑮ ᐃᑌᐤ ᒫᑲ, ᐃᓕᓈᑯᒃ ᐊᐱᔅᑕᐙᔑᔕᒃ ᑭᒋ ᐯᒋ ᓈᔑᒋᒃ, ᐁᑳᐎᓚ ᒫᑲ ᑭᑕᐊᒫᑯᒃ; ᐌᓴ ᐅᑯ ᑐᐎ ᑭᒋᒪᓂᑐ ᐅᑦ ᐅᑭᒫᐎᐎᓂᒃ ᑳ ᐃᑖᑭᒃ᙮

ᐅᐸᓓᑭᔅ ᒫᕐᒃ 10:30

ᒫᑲ ᑲᑕ ᒥᓚᐤ ᒥᑖᑐᒥᑕᓇᐗᐤ ᐃᔥᐱᔥ ᐊᓄᒡ, ᐙᔅᑳᔨᑲᓇ ᓀᔥᑕ ᐎᒋᔖᓇ, ᓀᔥᑕ ᐎᒋᔖᓂᔅᑴᒪ, ᓀᔥᑕ ᐅᑳᐎᔭ, ᓀᔥᑕ ᐊᐙᔑᔕ, ᓀᔥᑕ ᐊᔅᑭᔭ, ᐊᓯᒋ ᑲᒀᑕᑭᐃᑯᓯᐎᓇ; ᓀᔥᑕ ᐊᔅᑮᒃ ᑫ ᐅᑎᒋᐸᓕᒃ ᑳᑭᑫ ᐱᒫᑎᓯᐎᓐ᙮

ᐅᐸᓓᑭᔅ ᓘᒃ 21:12

ᒫᑲ ᐸᒧᔑ ᒥᓯᐌ ᐅᐅ, ᑭ ᑳ ᒫᑯᓂᑯᐙᐗᒃ, ᓀᔥᑕ ᑭ ᑳ ᑲᒀᑕᑭᐃᑯᐙᐗᒃ, ᐁ ᐸᑭᑎᓂᑖᑾᒃ ᐋᔭᒥᐁᐎᑲᒥᑯᒃ, ᓀᔥᑕ ᑭᐸᐅᑐᐎᑲᒥᑯᒃ, ᐁ ᐃᑐᑕᐃᑲᐎᔦᒃ ᐅᑎᔥᑳᐤ ᑭᒋᐅᑭᒫᐗᒃ ᓀᔥᑕ ᐅᑎᐯᓕᒋᑫᐗᒃ ᓂᑦ ᐃᔑᓂᑳᓱᐎᓐ ᐅᒋ᙮

ᐅᐸᓓᑭᔅ ᓘᒃ 22:29

ᑭ ᐸᑭᑎᓇᒫᑎᓇᐗᐤ ᒫᑲ ᐅᑭᒫᐎᐎᓐ, ᑖᐱᔅᑯᒡ ᐁ ᑮ ᐸᑭᑎᓇᒪᐎᑦ ᓄᑖᐎ;

ᐅᐸᓓᑭᔅ ᓘᒃ 6:20

ᐁᑯ ᑌᔅᑕᓵᐸᒫᑦ ᐅ ᑭᔅᑭᓄᐊᒪᐙᑲᓇ, ᑮ ᐃᑗᐤ ᒫᑲ, ᑭ ᔕᐌᓕᑖᑯᓯᓇᐗᐤ ᐁ ᑭᑎᒫᑭᓯᔦᒃ; ᐌᓴ ᑭᑦ ᐋᔭᐙᓇᐗᐤ ᑭᒋᒪᓂᑐ ᐅᑦ ᐅᑭᒫᐎᐎᓐ᙮

ᐅᐸᓓᑭᔅ ᓘᒃ 6:22

ᑭ ᔕᐌᓕᑖᑯᓯᓇᐗᐤ ᐃᔅᐱ ᐗᑳᑎᑖᑾᐌ ᐃᓕᓕᐗᒃ, ᓀᔥᑕ ᐹᑳᓂᐃᑖᑾᐌ ᐁᑳ ᑭᒋ ᐎᒉᐌᑾᒃ, ᓀᔥᑕ ᒪᒋ ᐋᔭᒥᐃᑖᑾᐌ, ᓀᔥᑕ ᐗᓚᐎᐌᐱᓇᑾᐌ ᑭᑦ ᐃᔑᓂᑳᓱᐎᓂᐙᐗ ᑖᐱᔅᑯᒡ ᐁ ᒫᓛᑕᑲ, ᐃᓕᓕᐎᑯᓯᓵᓐ ᐅᒋ᙮

ᐅᐸᓓᑭᔅ ᒑᓐ 15:20

ᑭᔅᑭᓯᒃ ᐊᓂᒪ ᐋᔭᒥᐎᓐ ᑳ ᑮ ᐃᑎᑕᑾᒃ, ᐊᑑᔅᑫᓛᑲᓐ ᓇᒪᐎᓚ ᐊᐙᓯᑌ ᐃᑌᓕᑖᑯᓯᐤ ᐁᑌᓕᑖᑯᓯᓕᒋ ᐅᑦ ᐅᑭᒫᒪ᙮ ᑮᔥᐱᓐ ᓂᓚ ᑳ ᓇᓀᑳᒋᐃᐙᑴ, ᑭᓚᐗᐤ ᓀᔥᑕ ᑭ ᑳ ᓇᓀᑳᒋᐃᑯᐙᐗᒃ; ᑮᔥᐱᓐ ᑳ ᑲᓇᐎᑕᐙᑴ ᓂᑦ ᐃᑗᐎᓂᓕᐤ, ᑭᑦ ᐃᑗᐎᓂᐗᐤ ᓀᔥᑕ ᑲᑕ ᑲᓇᐎᑖᐗᒃ᙮

ᐊᐸᔅᑕᓚᒃ 5:40

ᐎᓚ ᒫᑲ ᑮ ᑖᐺᑖᑯ; ᐃᔅᐱ ᒫᑲ ᑳ ᑮ ᓇᑐᒫᒋᒃ ᐊᓂᐃ ᐊᐸᔅᑕᓚ, ᓀᔥᑕ ᑳ ᐅᑕᑖᒪᐙᒋᒃ, ᑮ ᐃᑕᔓᐌᐗᒃ ᐁᑳ ᑭᒋ ᐋᔭᒥᓕᒋ ᒋᓴᓴ ᐅᑦ ᐃᔑᓂᑳᓱᐎᓂᓕᒃ, ᓀᔥᑕ ᑮ ᐸᑭᑎᓀᐗᒃ᙮

ᐊᐸᔅᑕᓚᒃ 8:1

ᓵᓪ ᒫᑲ ᑮ ᓇᔅᑯᒧ ᑭᒋ ᓂᐸᐃᒥᒋ᙮ ᐁᑯᔅᐱ ᒫᑲ ᓈᔅᐱᒡ ᑮ ᓇᓀᑲᒋᐋᑲᓂᐎᐙᒃ ᒫᒪᐎᐋᔭᒥᐋᐗᒃ ᒋᕉᓴᓚᒥᒃ ᑳ ᐃᑖᒋᒃ; ᓀᔥᑕ ᒥᓯᐌ ᑮ ᐗᓴᓶᑎᔕᐗᑲᓂᐎᐗᒃ ᒥᓯᐌ ᐁᔅᐱᔖᒃ ᒍᑎᐊᐃᒃ, ᓀᔥᑕ ᓵᒣᕆᔭᐃᒃ, ᐱᑯ ᐊᓂᑭ ᐊᐸᔅᑕᓚᒃ᙮

ᓂᔓ ᑯᕆᓐᑎᐊᓇ 4:17

ᐌᓴ ᑳ ᓛᑯᔑᒃ ᑭ ᑲᒀᑕᑭᓯᐎᓂᓇᐤ, ᐱᑕᒫ ᐱᑯ ᑳ ᐃᑭᒃ, ᓂ ᑲᔥᑭᑕᒫᑯᓈᓐ ᓈᔅᐱᒡ ᐊᐙᓯᑌ ᑴᓯᑾᒃ ᓀᔥᑕ ᑳᑭᑫ ᑭᔅᑌᓕᑖᑯᓯᐎᓐ;

ᐱᓕᐱᔭᓇ 1:28

ᐁᑳ ᑫᒀᓐ ᒫᑲ ᐁ ᓭᑭᐃᑖᑾᒃ ᐊᓂᑭ ᑳ ᓄᑎᓂᑖᑾᒃ: ᑳ ᐸᔭᑌ ᑭᔅᑭᓄᐙᒋᑕᒫᒋᒃ ᓂᔑᐗᓈᑎᓯᐎᓂᓕᐤ, ᑭᓚᐗᐤ ᒫᑲ ᐱᒫᒋᐃᑯᓯᐎᓐ, ᐁᐗᑯ ᓀᔥᑕ ᑭᒋᒪᓂᑐ ᐅᒋ᙮

ᓂᔓ ᑎᒧᑎ 2:12

ᑮᔥᐱᓐ ᐎᓴᑫᓕᑕᒥᐃᑲᐎᔭᒃ, ᐊᓯᒋ ᓀᔥᑕ ᑭ ᑳ ᐎᒋᑎᐯᓕᒋᑫᒫᓇᐤ; ᑮᔥᐱᓐ ᐋᓉᑕᐗᒃ, ᐎᓚ ᓀᔥᑕ ᑭ ᑳ ᐋᓉᑖᑯᓇᐤ:

ᓂᔓ ᑎᒧᑎ 3:11

ᓂ ᑲᒀᑕᑭᐃᑯᓯᐎᓇ, ᓂᑦ ᐊᓕᒥᓯᐎᓇ ᑳ ᑮ ᐅᑎᑎᑯᔮᓐ ᐊᓐᑕ ᐋᓐᑎᐊᑭᒃ, ᓀᔥᑕ ᐋᐃᑯᓂᔭᒥᒃ, ᓀᔥᑕ ᓕᔅᑦᕋᐃᒃ: ᑫᑯ ᑲᒀᑕᑭᐃᑯᓯᐎᓇ ᐁ ᑮ ᓇᔭᑕᒫᓐ: ᒫᑲ ᒥᓯᐌ ᐁᐗᒀᓂᐃ ᐅᒋ ᐅᑎᐯᓕᒋᑫᐤ ᓂ ᑮ ᐎᑾᒋᐃᒃ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 1:12

ᔕᐌᓕᑖᑯᓯᐤ ᐊᓇ ᐃᓕᓕᐤ ᑳ ᑎᐸᒪᒋᑖᑦ ᑲᑴᒋᐃᑯᓯᐎᓂᓕᐤ: ᐌᓴ ᐃᔅᐱ ᑮ ᑲᑴᒋᐋᑲᓂᐎᑌ, ᑲᑕ ᒥᓚᐤ ᐱᒫᑎᓯᐎᓂ ᑭᒋᐅᑭᒪᐗᔅᑐᑎᓂᓕᐤ, ᐅᑎᐯᓕᒋᑫᐤ ᑳ ᑮ ᐊᔓᑕᒪᐙᑦ ᐊᓂᐃ ᑳ ᓵᑭᐃᑯᑦ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 5:11

ᒫᑎᑲ, ᑭᑦ ᐊᑭᒫᓇᐗᒃ ᐁ ᒥᓜᓕᑕᑭᒃ ᐊᓂᑭ ᑳ ᔑᐯᓕᑕᑭᒃ᙮ ᑭ ᑮ ᐯᑕᒸᓇᐗᐤ ᐅ ᔑᐱᓚᐌᓯᐎᓐ ᒍᑉ, ᓀᔥᑕ ᑭ ᑮ ᐙᐸᑌᓇᐗᐤ ᒫᒋᒡ ᑳ ᑮ ᑐᑕᒃ ᐅᑎᐯᓕᒋᑫᐤ; ᐅᑎᐯᓕᒋᑫᐤ ᓈᔅᐱᒡ ᐁ ᑭᔐᐙᑎᓰᑦ, ᓀᔥᑕ ᐁ ᓗᔅᐱᓯᐎ ᔕᐌᓕᒋᑫᑦ᙮

ᓂᔥᑕᒻ ᒑᓐ 3:12

ᓇᒪᐎᓚ ᑖᐱᔅᑯᒡ ᑫᓐ ᐊᓂᐃ ᒣᒋᑣᓕᑭ ᑳ ᑮ ᐅᒌᑦ, ᓀᔥᑕ ᐁ ᑮ ᓂᐸᐋᑦ ᐎᒋᔖᓇ᙮ ᑖᓀᑭ ᐌᒋ ᒫᑲ ᓂᐸᐋᑦ? ᑎᐱᓚᐌ ᐅᑦ ᐊᑑᔅᑫᐎᓇ ᐁ ᑮ ᒫᓛᑕᓂᓕᑭ, ᓀᔥᑕ ᐎᒋᔖᓇ ᐁ ᑮ ᒀᔭᔅᑭᑖᑎᓯᒪᑲᓂᓕᑭ᙮

ᑭᔅᑫᓕᑖᑯᑖᑫᐎᓐ 2:10

ᐁᑳᐎᓚ ᑯᔅᑕ ᐊᓂᐃ ᑫᒀᓇ ᑫ ᐃᔑ ᑲᒀᑕᑭᑖᔭᓐ: ᒫᑎᑲ, ᒪᒋᒪᓂᑐ ᐋᑎᑦ ᑭᐸᐅᑐᐎᑲᒥᑯᒃ ᑭ ᑳ ᐃᔑ ᐌᐱᓂᑯᐗᐤ, ᑭᒋ ᑲᑴᒋᐃᑲᐎᔦᒃ; ᓀᔥᑕ ᑭ ᑳ ᐋᔮᓇᐗᐤ ᐊᓕᒥᓯᐎᓐ ᒥᑖᑐ ᑭᔑᑳᐗ: ᒀᔭᔅᑭᑎ ᓂᐱᐎᓂᒃ ᐃᔅᑯ, ᑭ ᑳ ᒥᓕᑎᓐ ᒫᑲ ᐱᒫᑎᓯᐎᓂ ᐅᑭᒪᐗᔅᑐᑎᓐ᙮