ᐅᐸᓓᑭᔅ ᒫᑎᐤ 3:7 - ᐅᔅᑭ ᑎᔅᑌᒥᓐᑦ

⁷ ᒫᑲ ᐃᔅᐱ ᐎᐋᐸᒫᑦ ᒥᒉᑦ ᐸᕋᓯᔭ ᓀᔥᑕ ᓵᑦᔫᓯᔭ ᐁ ᐯᒋ ᓈᑕᒪᓕᒋ ᐅ ᓯᑲᐋᑖᑫᐎᓐ, ᑮ ᐃᑌᐤ, ᐅ ᐋᔭᓂᔅᑫ ᑭᓀᐱᑯᐎᔦᒃ, ᐊᐌᓇ ᑳ ᐎᑕᒫᑖᒃ ᑭᒋ ᐅᔑᑕᒣᒃ ᐋᑯᓚᐌᓯᐎᓐ ᑫ ᐅᑎᒋᐸᓕᒃ?

ᐅᐸᓓᑭᔅ ᒫᑎᐤ 3:7 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 12:24

ᒫᑲ ᐃᔅᐱ ᐸᕋᓯᔭᒃ ᐱᐁᑕᑭᒃ, ᑮ ᐃᑗᐗᒃ, ᐊᐗ ᓇᒪᐎᓚ ᐗᓚᐎᐌᐱᓀᐤ ᒪᒋ ᐊᒑᑾ, ᐁ ᐎᒋᐃᑯᑦ ᐱᑯ ᐲᓪᓯᐸᓚ ᒪᒋ ᐊᒑᑾ ᐅᑦ ᐅᑭᒫᒥᓕᐗ᙮

ᐅᐸᓓᑭᔅ ᒫᑎᐤ 12:34

ᐅ ᐋᔮᓂᔅᑫ ᑭᓀᐱᑯᐎᔦᒃ, ᑖᓐᑌ ᑫ ᑮ ᐅᒋ ᐋᔭᒥᐁᒃ ᒥᓗ ᑫᒀᓇ, ᐁ ᒪᒋᑣᔦᒃ? ᐌᓴ ᐁ ᐃᔑ ᓵᑲᔅᑭᓀᒃ ᒥᑌᐃ ᐁᑯ ᐁ ᐃᔑ ᐋᔭᒥᒪᑲᒃ ᒥᑐᓐ᙮

ᐅᐸᓓᑭᔅ ᒫᑎᐤ 15:12

ᐁᑯ ᐱᐁᒋ ᐃᑐᑌᓕᒋ ᐅ ᑭᔅᑭᓄᐊᒪᐙᑭᓇ, ᐁ ᐃᑎᑯᑦ ᒫᑲ, ᑭ ᑭᔅᑫᓕᑌᓐ ᓈ ᐸᕋᓯᔭᒃ ᐁ ᑮ ᓈᔦᑕᐌᓕᑕᑭᒃ, ᑳ ᐯᑕᑭᒃ ᐊᓂᐁᓕᐤ ᐃᑗᐎᓂᓕᐤ?

ᐅᐸᓓᑭᔅ ᒫᑎᐤ 16:1

ᐸᕋᓯᔭᒃ ᒫᑲ, ᐊᓯᒋ ᓵᑦᔫᓯᔭᒃ ᑮ ᐯᒋ ᐃᑐᑌᐗᒃ, ᓀᔥᑕ ᐁ ᑲᑴᒋᐋᒋᒃ, ᑮ ᐸᑯᓭᓕᒣᐗᒃ ᑭᒋ ᐙᐸᑎᓕᑯᒋᒃ ᑭᔅᑭᓄᐙᒋ ᐙᐸᑎᓕᐌᐎᓂᓕᐤ ᑭᒋᑭᔑᑯᒃ ᐅᒋ᙮

ᐅᐸᓓᑭᔅ ᒫᑎᐤ 16:6

ᐁᑯ ᒋᓴᔅ ᐁᑖᑦ, ᔮᒀᒦᔅᑕᒸᒃ ᐸᕋᓯᔭᒃ ᓀᔥᑕ ᓵᑦᔫᓯᔭᒃ ᐅ ᐱᓯᑲᓂᐗᐤ᙮

ᐅᐸᓓᑭᔅ ᒫᑎᐤ 22:15

ᐁᑯ ᑫᑐᑌᒋᒃ ᐸᕋᓯᔭᒃ, ᑮ ᐋᔭᔭᒥᐃᑐᐗᒃ ᒫᑲ ᑖᓂ ᑫ ᐃᔑ ᐋᓉᑲᐙᒋᒃ ᐅᑦ ᐋᔭᒥᐎᓂᓕᒃ᙮

ᐅᐸᓓᑭᔅ ᒫᑎᐤ 22:23

ᐁᐗᑯ ᑫᔮᐸᒡ ᐁ ᑭᔑᑳᓕᒃ ᑮ ᐯᒋ ᓈᑎᑯ ᓵᑦᔫᓯᔭ, ᓇᒪ ᐃᑕᑾᓐ ᐗᓂᔥᑳᐎᓐ ᑳ ᐃᑗᒋᒃ, ᑮ ᑲᑴᒋᒥᑯ ᒫᑲ᙮

ᐅᐸᓓᑭᔅ ᒫᑎᐤ 22:34

ᒫᑲ ᐃᔅᐱ ᐸᕋᓯᔭᒃ ᑳ ᐯᑕᑭᒃ ᐁ ᑮ ᑭᐳᑐᓇᐙᑦ ᓵᑦᔫᓯᔭ, ᑮ ᒫᐗᒋᐃᑐᐗᒃ᙮

ᐅᐸᓓᑭᔅ ᒫᑎᐤ 23:33

ᑭᓚᐗᐤ ᒥᔑᑭᓀᐱᑭᑐᒃ, ᑭᓚᐗᐤ ᐋᔮᓂᔅᑫ ᑫᓀᐱᑯᐎᔦᒃ, ᑖᓂ ᑫ ᐃᔑ ᒥᔮᔥᑲᒣᒃ ᓂᔑᐗᓈᒋᒥᐌᐎᓐ ᒪᒋ ᐃᔥᑯᑌᒃ?

ᐅᐸᓓᑭᔅ ᒫᑎᐤ 5:20

ᐌᓴ ᑭᑦ ᐃᑎᓇᐗᐤ, ᑮᔥᐱᓐ ᐁᑳ ᐊᐙᓯᑌ ᑭᒋᐃᑌᓕᑖᑾᒃ ᑭ ᒀᔭᔅᑭᑖᑎᓯᐎᓂᐗᐤ ᐃᔥᐱᔥ ᐅᒪᓯᓇᐃᑫᐗᒃ ᓀᔥᑕ ᐸᕋᓯᔭᒃ ᐅ ᒀᔭᔅᑭᑖᑎᓯᐎᓂᐗᐤ, ᓇᒪᐎᓚ ᑭ ᑳ ᐱᑐᑳᓇᐗᐤ ᑭᒋᑭᔑᑳᐎ ᐅᑭᒫᐎᐎᓇᒃ᙮

ᐅᐸᓓᑭᔅ ᒫᕐᒃ 12:13

ᑮ ᐃᔑᑎᔕᐊᒪᐌᐗᒃ ᒫᑲ ᐗᑎᑦ ᐸᕋᓯᔭ; ᓀᔥᑕ ᐦᐁᕈᑎᔮᓇ ᑭᒋ ᓇᒀᑖᓕᒋ ᐅᑦ ᐋᔭᒥᐎᓂᓕᒃ᙮

ᐅᐸᓓᑭᔅ ᒫᕐᒃ 12:18

ᐁᑯ ᐱᐁᒋ ᓈᑎᑯᑦ ᓵᑦᔫᓯᔭ, ᓇᒪ ᐃᑕᑾᓐ ᐗᓂᔥᑳᐎᓐ ᑳ ᐃᑗᒋᒃ; ᑮ ᑲᑴᒋᒥᑯ ᒫᑲ, ᐁ ᐃᑎᑯᑦ,

ᐅᐸᓓᑭᔅ ᒫᕐᒃ 8:15

ᑮ ᐋᔨᒋᒣᐤ ᒫᑲ ᐁ ᐃᑗᑦ, ᔮᒀᒥᓰᒃ, ᔮᒀᒥᔅᑕᒸᒃ ᐅᐱᓯᑲᓂᐗᐤ ᐸᕋᓯᔭᒃ, ᓀᔥᑕ ᐅᐱᓯᑲᓐ ᐦᐁᕋᑦ᙮

ᐅᐸᓓᑭᔅ ᓘᒃ 16:14

ᐹᕋᓯᔭᒃ ᒫᑲ, ᑳ ᒧᔅᑌᓇᒫᑫᒋᒃ, ᑭ ᐯᑕᒶᒃ ᒥᓯᐌ ᐅᐅ ᑫᒀᓇ; ᑮ ᐅᔑᓇᐌᐗᒃ ᒫᑲ᙮

ᐅᐸᓓᑭᔅ ᓘᒃ 18:11

ᐊᓇ ᐸᕋᓯ ᐁ ᐯᔭᑯ ᓂᐸᐎᑦ ᐅᒪ ᑮ ᐃᔑ ᐋᔭᒥᐊᐤ, ᑭᒋᒪᓂᑐ, ᑭ ᓇᓈᔅᑯᒥᑎᓐ, ᐁᑳ ᐁ ᓇᔅᐱᑕᐗᑭᒃ ᑯᑕᑭᔭᒃ ᐃᓕᓕᐗᒃ, ᐅᒪᔅᑲᑗᐗᒃ, ᐁᑳ ᑳ ᒀᔭᔅᑭᑎᒋᒃ, ᐅᐱᔑᒀᑎᓯᐗᒃ, ᐁᑳ ᓀᔥᑕ ᑖᐱᔅᑯᒡ ᐊᐗ ᐸᑉᓕᑳᓐ᙮

ᐅᐸᓓᑭᔅ ᓘᒃ 7:30

ᒫᑲ ᐹᕋᓯᔭᒃ ᓀᔥᑕ ᐅᓚᔓᐌᐎᓕᓕᐗᒃ ᑮ ᐋᑕᐌᓕᑕᒬᐗᒃ ᑭᒋᒪᓂᑐᐗ ᐅ ᑲᑫᔅᑭᒥᐁᐎᓂᓕᐤ ᑳ ᐃᔑ ᑲᑫᔅᑭᒥᑯᓕᒋ, ᐁᑳ ᐁ ᐅᒋ ᓯᑲᐊᑖᑯᒋᒃ᙮

ᐅᐸᓓᑭᔅ ᒑᓐ 1:24

ᐊᓂᑭ ᒫᑲ ᑳ ᐃᔑᑎᔕᐙᑲᓂᐎᒋᒃ ᑮ ᐸᕋᓯᐎᐗᒃ᙮

ᐅᐸᓓᑭᔅ ᒑᓐ 8:44

ᑭᓚᐗᐤ ᑭᑦ ᐅᒌᓇᐗᐤ ᑯᑖᐎᐗᐤ ᒪᒋᒪᓂᑐ, ᓀᔥᑕ ᑯᑕᐎᐗᐤ ᐅ ᒪᒋᐃᑌᓕᑕᒧᐎᓇ ᑭ ᑳ ᑐᑕᒸᓇᐗᐤ᙮ ᑮ ᓂᐸᔨᐌᔅᑭᐤ ᓃᔥᑕᒻ ᐅᒋ, ᓇᒪᐎᓚ ᓀᔥᑕ ᑖᐺᐎᓂᒃ ᐅᒋ ᐃᑖᐤ, ᐁᑳ ᒥᑐᓂ ᐁ ᐱᒋᔅᑳᑯᑦ ᑖᐺᐎᓂᓕᐤ᙮ ᐃᔅᐱ ᐁᑗᒋ ᑭᓛᔅᑭᐎᓂᓕᐤ, ᐁ ᐃᑖᑎᓰᑦ ᐃᔑ ᐋᔭᒥᐤ: ᐌᓴ ᑭᓛᔅᑭᔅᑭᐤ ᓀᔥᑕ ᐅᑖᐎᒥᑯ ᑭᓛᔅᑭᐎᓂᓕᐤ᙮

ᐅᐸᓓᑭᔅ ᒑᓐ 9:40

ᐋᑎᑦ ᒫᑲ ᐹᕋᓯᔭᒃ ᑳ ᐎᒉᐎᑯᑦ ᑮ ᐯᑕᒥᓕᐗ ᐅᐅ ᐋᔭᒥᐎᓇ, ᑮ ᐃᑎᑯ ᒫᑲ, ᓂᓚᓈᐤ ᓈ ᐊᓯᒋ ᓇᒪᐎᓚ ᓂ ᐙᐱᓈᓐ᙮

ᐊᐸᔅᑕᓚᒃ 15:5

ᒫᑲ ᑮ ᐸᓯᑯᐗᒃ ᐋᑎᑦ ᑳ ᐎᒉᐗᒋᒃ ᐹᕋᓯᔭ ᑳ ᑖᐺᑕᑭᒃ, ᐁ ᐃᑗᒋᒃ, ᐁ ᓇᑕᐌᓕᑖᑾᒃ ᑭᒋ ᑭᔅᑭᓄᐗᒋᔣᑲᓂᐎᒋᒃ, ᓀᔥᑕ ᑭᒋ ᐃᑕᔓᐙᑎᒋᒃ ᑭᒋ ᑲᓇᐌᓕᑕᒸᒋᒃ ᒧᓯᔅ ᐅᑦ ᐅᓚᔓᐌᐎᓂᓕᐤ᙮

ᐊᐸᔅᑕᓚᒃ 20:31

ᐁᐗᑯ ᐅᒋ ᐊᔕᐙᐱᒃ, ᑭᔅᑭᓯᒃ ᒫᑲ, ᓂᔅᑐ ᐱᐳᓋ ᐃᔥᐱᔥ ᐁᑳ ᐁ ᐅᒋ ᑭᐱᒋᔮᓐ ᐁ ᔮᒀᒥᒪᒃ ᒥᓯᐌ ᑕᑐ ᐊᐌᓇ ᐁ ᑎᐱᔅᑲᒃ ᓀᔥᑕ ᐁ ᑭᔑᑳᒃ ᐁ ᐅᒋᑲᐙᐱᔮᓐ᙮

ᐊᐸᔅᑕᓚᒃ 26:5

ᐊᓂᑭ ᐌᔅᑲᒡ ᑳ ᑮ ᐅᒋ ᑭᔅᑫᓕᒥᒋᒃ, ᑮᔥᐱᓐ ᑫ ᐎ ᑎᐹᒋᒧᒀᐌ, ᑖᐱᔅᑯᒡ ᐁ ᐃᑎᒋᒃ ᑳ ᒫᐗᒋ ᔮᒀᒥᓯᒋᒃ ᓂᑦ ᐋᔭᒥᐋᐎᓂᓈᒃ ᓂ ᑮ ᐹᕋᓯᐎ ᐃᑖᑎᓰᓐ᙮

ᐊᐸᔅᑕᓚᒃ 5:17

ᐁᑯ ᒫᐗᒋ ᑭᒋ ᓵᓵᑭᐎᓕᐌᐎᓕᓕᐤ ᑮ ᐹᓯᑯ, ᓀᔥᑕ ᒥᓯᐌ ᐊᓂᐃ ᑳ ᐎᒉᐎᑯᑦ, (ᐁᐗᒀᓂᑭ ᐊᓂᑭ ᓵᑦᔪᓯᔭᒃ,) ᓀᔥᑕ ᑮ ᓵᑲᔅᑭᓀᔅᑳᑯᐗᒃ ᑭᓯᐙᓯᐎᓂᓕᐤ,

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 1:18

ᐌᓴ ᐅᑦ ᐋᑯᓚᐌᓯᐎᓐ ᑭᒋᒪᓂᑐ ᑭᒋᑭᔑᑯᒃ ᐅᒋ ᓄᑾᓂᓕᐤ ᐁ ᐃᑌᓕᑕᒸᑦ ᐃᓕᓕᐗ ᒥᓯᐌ ᐅ ᒪᒋᐱᒫᑎᓯᐎᓂᓕᐤ ᓀᔥᑕ ᐅ ᒪᒑᑎᓯᐎᓂᓕᐤ, ᑳ ᒥᒋᒥᓇᒥᓕᒋ ᑖᐺᐎᓂᓕᐤ ᒪᒑᑎᓯᐎᓂᒃ;

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 5:9

ᐊᐙᓯᑌ ᒫᑲ, ᐁᑯ ᐁ ᑮ ᒀᔭᔅᑭᑖᑎᓯᐃᑲᐎᔭᒃ ᐅᒥᑯᒻ ᐅᒋ, ᑭ ᑳ ᐱᒫᒋᐃᑲᐎᓈᓇᐤ ᐋᑯᓚᐌᓯᐎᓂᒃ ᐅᒋ ᐎᓚ ᐅᒋ᙮

ᓂᔥᑕᒻ ᑌᓴᓗᓂᔭᓇ 1:10

ᓀᔥᑕ ᑭᒋᑭᔑᑯᒃ ᑭᒋ ᐅᒋ ᐯᐃᒫᔦᒃ ᐅᑯᓯᓴ, ᐊᓂᐃ ᐅᓂᐱᐗ ᑳ ᑮ ᐅᒋ ᐗᓂᔥᑳᓈᑦ, ᒋᓴᓴ ᐅᑎ, ᑳ ᐱᒫᒋᐃᑕᒃ ᐋᑯᓚᐌᓯᐎᓐ ᐅᒋ ᑫ ᐅᑎᒋᐸᓕᒃ᙮

ᐦᐃᑉᕉᐗ 11:7

ᑖᐺᔦᓕᑕᒧᐎᓐ ᐅᒋ ᓄᐊ, ᐁ ᔮᒀᒥᒥᑯᑦ ᑭᒋᒪᓂᑐᐗ ᐊᓂᐃ ᑫᒀᓇ ᐅᒋ ᐁᑳ ᐁᔥᑾ ᑳ ᓄᑾᓂᓕᑭ, ᐁ ᔮᒀᒥᓯᑦ, ᑮ ᐋᔦᔅᑲᐎᑕᐤ ᐋᕐᑯᓕᐤ, ᑭᒋ ᐅᒋ ᐱᒫᒋᐋᑦ ᑳ ᐃᑕᔑᑦ; ᐊᐗᑯ ᓀᔥᑕ ᑳ ᑮ ᐅᒋ ᓂᔑᐗᓈᒋᑕᒃ ᐊᔅᑭᓕᐤ, ᓀᔥᑕ ᑳ ᑮ ᐊᑎ ᐋᔮᑦ ᒀᔭᔅᑭᑖᑎᓯᐎᓂᓕᐤ ᑖᐺᔦᓕᑕᒧᐎᓂᒃ ᑳ ᐅᒋᐸᓕᓕᒃ᙮

ᐦᐃᑉᕉᐗ 6:18

ᑳ ᓂᔑᑭ ᑫᒀᓇ ᐁᑳ ᑫ ᑴᔅᑭᐸᓕᑭ ᐅᒋ, ᐃᑕ ᐁᑳ ᑫ ᑮ ᐃᑭᒃ ᑭᒋᒪᓂᑐ ᑭᒋ ᑭᓛᔅᑭᑦ, ᑭᒋ ᐋᔮᔭᒃ ᒪᔥᑲᐎ ᑳᑭᒋᐃᑯᓯᐎᓐ, ᑳ ᑮ ᓈᑕᒧᔅᑕᒪᒃ ᓈᑕᒫᑫᐎᓐ ᑭᒋ ᒥᒋᒥᓇᒪᒃ ᐊᓂᒪ ᐊᔅᐯᓕᒧᐎᓐ ᑳ ᓂᑳᓇᔅᑕᒫᑲᐎᔭᒃ:

ᓂᔥᑕᒻ ᒑᓐ 3:10

ᐁᐗᑯ ᐁ ᐃᔑ ᑭᔅᑫᓕᑖᑯᓯᓕᒋ ᑭᒋᒪᓂᑐ ᐅᑦ ᐊᐙᔑᒥᔕ ᓀᔥᑕ ᒪᒋᒪᓂᑐ ᐅᑦ ᐊᐙᔑᒥᔕ: ᐊᐌᓇ ᐁᑳ ᑎᐅᑕᒧᑴ ᒀᔭᔅᑭᑖᑎᓯᐎᓂᓕᐤ, ᓇᒪᐎᓚ ᑭᒋᒪᓂᑐᒃ ᐅᒋᐤ, ᓇᒪ ᓀᔥᑕ ᐊᓇ ᐁᑳ ᑳ ᓵᑭᐋᑦ ᐎᒋᔖᓇ᙮