ᐅᐸᓓᑭᔅ ᒫᑎᐤ 3:2 - ᐅᔅᑭ ᑎᔅᑌᒥᓐᑦ

² ᐁ ᐃᑗᑦ ᒫᑲ, ᑴᔅᑳᑎᓰᒃ: ᐌᓴ ᑭᒋᑭᔑᑳᐎ ᐅᑭᒫᐎᐎᓐ ᐯᔓᓈᑾᓐ᙮

ᐅᐸᓓᑭᔅ ᒫᑎᐤ 3:2 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:7

ᐁ ᐊᑎ ᐃᑐᑌᔦᒃ ᒫᑲ, ᑲᑫᔅᑭᒥᐌᒃ, ᐁ ᐃᑗᔦᒃ, ᑭᒋᑭᔑᑳᐎ ᐅᑭᒫᐎᐎᓐ ᐯᔓᓈᑾᓐ᙮

ᐅᐸᓓᑭᔅ ᒫᑎᐤ 11:20

ᐁᑯ ᒥᐋᒋ ᑭᑐᑕᒃ ᐊᓂᐃ ᐃᑖᐎᓇ ᐃᑕ ᑳ ᐃᑐᒋᑳᑌᓕᑭ ᐅᓵᒻ ᐅ ᒫᒪᔅᑳᒋ ᐊᑑᔅᑫᐎᓇ, ᐁᑳ ᐁ ᑴᔅᑳᑎᓯᓕᒋ᙮

ᐅᐸᓓᑭᔅ ᒫᑎᐤ 12:41

ᓂᓂᐱ ᐃᓕᓕᐗᒃ ᑲᑕ ᐎᒋᑳᐸᐎᔅᑕᐌᐗᒃ ᑎᐹᔅᑯᓂᑫᐎᓂᒃ ᐅᐅ ᐊᓄᒡ ᑳ ᐱᒫᑎᓯᓕᒋ, ᑲᑕ ᓂᔑᐗᓈᒋᒣᐗᑦ ᒫᑲ: ᐌᓴ ᑮ ᒥᒋᓚᐌᔦᓕᑕᒶᒃ ᐁ ᑮ ᑲᑫᔅᑭᒥᐌᓕᒋ ᒍᓇᐗ; ᒫᑎᑲ, ᒫᑲ, ᐊᐌᓇ ᐊᐙᓯᑌ ᐁ ᐃᔅᐯᓕᑖᑯᓯᑦ ᐃᔥᐱᔥ ᒍᓇ ᐅᑕ ᐃᑖᐤ!

ᐅᐸᓓᑭᔅ ᒫᑎᐤ 13:11

ᐁ ᓇᔥᑴᐗᔑᐃᐌᑦ ᒫᑲ ᑮ ᐃᑌᐤ, ᐁ ᒥᓕᑲᐎᔦᒃ ᑭᓚᐗᐤ ᑭᒋ ᑭᔅᑫᓕᑕᒣᒃ ᑳ ᒫᒪᔅᑳᑌᓕᑖᑾᑭ ᑭᒋᑭᔑᑳᐎ ᐅᑭᒫᐎᐎᓇᒃ, ᒫᑲ ᐎᓚᐗᐤ ᓇᒪᐎᓚ ᒥᓛᐗᒃ᙮

ᐅᐸᓓᑭᔅ ᒫᑎᐤ 13:24

ᑯᑕᒃ ᓇᔅᐱᑐᐌᐎ ᐋᑕᓗᑳᓐ ᑮ ᐎᑕᒪᐌᐤ, ᐁ ᐃᑗᑦ, ᑭᒋᑭᔑᑳᐎ ᐅᑭᒫᐎᐎᓐ ᐃᔑᓈᑾᓐ ᑖᐱᔅᑯᒡ ᐊᐌᓇ ᑳ ᐗᓴᓶᐱᓇᒃ ᓯᒥᓇ ᐅ ᓂᑖᐎᑭᒋᑲᓂᒃ:

ᐅᐸᓓᑭᔅ ᒫᑎᐤ 13:31

ᑯᑕᒃ ᓇᔅᐱᑐᐌᐎ ᐋᑕᓗᑳᓐ ᑮ ᐎᑕᒪᐌᐤ, ᐁ ᐃᑗᒃ, ᑭᒋᑭᔑᑳᐎ ᐅᑭᒫᐎᐎᓐ ᐃᔑᓈᑾᓐ ᑖᐱᔅᑯᒡ ᐯᔭᒃ ᒪᔅᑕᑦ ᓯᒥᓐ, ᐃᓕᓕᐤ ᑳ ᐅᑎᓇᒃ, ᑳ ᐸᑭᑎᓇᒃ ᒫᑲ ᐅ ᓂᑖᐎᑭᒋᑲᓂᒃ:

ᐅᐸᓓᑭᔅ ᒫᑎᐤ 13:33

ᑯᑕᒃ ᓇᔅᐱᑐᐌᐎ ᐋᑕᓗᑳᓐ ᑮ ᐎᑕᒪᐌᐤ: ᑭᒋᑭᔑᑳᐎ ᐅᑭᒫᐎᐎᓐ ᐃᔑᓈᑲᓐ ᑖᐱᔅᑯᒡ ᐅᐱᓯᑲᓐ, ᑳ ᐅᑎᓇᒃ ᐃᔅᑴᐤ, ᓀᔥᑕ ᑳ ᐃᑕᔅᑖᑦ ᓂᔅᑐ ᑎᐹᔨᑲᓇ ᐸᑴᔑᑲᓂᒃ, ᐱᓕᔥ ᒥᓯᐌ ᑳ ᐅᐱᓯᐸᓕᒃ᙮

ᐅᐸᓓᑭᔅ ᒫᑎᐤ 13:47

ᒥᓇ, ᑭᒋᑭᔑᑳᐎ ᐅᑭᒫᐎᐎᓐ ᐃᔑᓈᑾᓐ ᑖᐱᔅᑯᒡ ᐊᓕᐱ ᑳ ᐸᑲᔅᑕᐌᐙᑲᓂᐎᑦ ᑭᒋᑭᒦᒃ, ᓀᔥᑕ ᒥᓯᐌ ᓇᓈᑲᐤ ᑳ ᐱᑕᐅᓛᑦ;

ᐅᐸᓓᑭᔅ ᒫᑎᐤ 13:52

ᐁᑯ ᐁᑖᑦ, ᐁᐗᑯ ᐅᒋ ᒥᓯᐌ ᑕᑐ ᐅᒪᓯᓇᐃᑫᐤ ᑳ ᑭᔅᑭᓄᐊᒫᑦ ᑭᒋᑭᔑᑳᐎ ᐅᑭᒫᐎᐎᓂᒃ, ᓇᔅᐱᑕᐌᐤ ᐃᓕᓕᐗ ᑳ ᑎᐯᓕᑕᒥᓕᒋ ᐙᔅᑳᔨᑲᓂᓕᐤ, ᑳ ᐅᒋ ᐗᓚᐎᑕᑖᑦ ᐅ ᐌᓗᑎᓯᐎᓂᒃ ᐅᔥᑭ ᑫᒀᓇ ᓀᔥᑕ ᑳᔮᔥ ᑫᒀᓇ᙮

ᐅᐸᓓᑭᔅ ᒫᑎᐤ 18:23

ᐁᐗᑯ ᐅᒋ ᑭᒋᑭᔑᑳᐎ ᐅᑭᒫᐎᐎᓐ ᐃᔑᓈᑾᓐ ᑖᐱᔅᑯᒡ ᐯᔭᒃ ᑭᒋᐅᑭᒪᐤ, ᐁ ᐎ ᐊᑭᑕᒸᑦ ᐃᔥᐱᔥ ᑫ ᑎᐸᐊᒫᑯᔅᐸᓐ ᐅᑦ ᐊᑑᔅᑫᓛᑲᓂᒪ᙮

ᐅᐸᓓᑭᔅ ᒫᑎᐤ 20:1

ᐌᓴ ᑭᒋᑭᔑᑳᐎ ᐅᑭᒫᐎᐎᓐ ᐃᑌᓕᑖᑾᓐ ᑖᐱᔅᑯᒡ ᐃᓕᓕᐤ ᑳ ᑎᐯᓕᑕᒃ ᐙᔅᑳᔨᑲᓂᓕᐤ, ᑳ ᐗᓚᐙᑦ ᐎᐸᒡ ᐁ ᑭᑭᔐᐹᔮᓕᒃ ᑭᒋ ᐊᑐᑖᑦ ᐅᑕᑑᔅᑫᐗ ᐅ ᔓᒥᓈᑎᑯ ᓂᑖᐎᑭᒋᑲᓂᒃ᙮

ᐅᐸᓓᑭᔅ ᒫᑎᐤ 22:2

ᑭᒋᑭᔑᑳᐎ ᐅᑭᒫᐎᐎᓐ ᐃᑌᓕᑖᑾᓐ ᑖᐱᔅᑯᒡ ᐯᔭᒃ ᑭᒋᐅᑭᒫᐤ, ᑳ ᐎᑭᑐᐋᑦ ᐅᑯᓯᓴ,

ᐅᐸᓓᑭᔅ ᒫᑎᐤ 23:13

ᒫᑲ ᑭ ᑳ ᑲᒀᑕᑭᓯᓇᐗᐤ, ᐅᒪᓯᓇᐃᑫᑐᒃ ᓀᔥᑕ ᐸᕋᓯᔨᑐᒃ, ᐅᑕᔭᒥᐁᑳᓱᑐᒃ!! ᐌᓴ ᑭ ᑭᐸᐁᓇᐗᐤ ᑭᒋᑭᔑᑳᐎ ᐅᑭᒫᐎᐎᓐ ᐃᓕᓕᐗᒃ ᐁᑳ ᑭᒋ ᐱᑐᑫᒋᒃ: ᐌᓴ ᑭᓚᐗᐤ ᓇᒪᐎᓚ ᑭ ᐱᑐᑳᓇᐗᐤ, ᓇᒪᐎᓚ ᓀᔥᑕ ᑭᑦ ᐃᓕᓇᐗᐗᐗᒃ ᑭᒋ ᐱᑐᑫᒋᒃ ᐊᓂᑭ ᐙ ᐱᑐᑫᒋᒃ᙮

ᐅᐸᓓᑭᔅ ᒫᑎᐤ 25:1

ᐁᑯ ᑭᒋᑭᔑᑳᐎ ᐅᑭᒫᐎᐎᓐ ᑫ ᐃᑌᓕᑖᑾᒃ ᑖᐱᔅᑯᒡ ᒥᑖᑦ ᐅᔥᑭᓂᑭᔅᑴᐗᒃ ᑳ ᐅᑎᓇᑭᒃ ᐅ ᐙᔅᑌᓇᒫᑲᓂᐙᐗ, ᑳ ᓇᑕᐎ ᓇᑭᔥᑲᐙᒋᒃ ᐅᔥᑭᓈᐯᐙᓇ ᒫᑲ᙮

ᐅᐸᓓᑭᔅ ᒫᑎᐤ 25:14

ᐌᓴ ᑭᒋᑭᔑᑳᐎ ᐅᑭᒫᐎᐎᓐ ᐃᑌᓕᑖᑾᓐ ᑖᐱᔅᑯᒡ ᐃᓕᓕᐤ ᐊᔅᑮᒃ ᐙᓚᐤ ᐁ ᐃᑐᑌᑦ, ᑳ ᓇᑐᒫᑦ ᑎᐱᓚᐌ ᐅᑦ ᐊᑑᔅᑫᓛᑲᓂᒪ, ᑭ ᑲᓇᐌᓕᑎᓓᐤ ᒫᑲ ᐅᑦ ᐋᔮᓇ᙮

ᐅᐸᓓᑭᔅ ᒫᑎᐤ 4:17

ᐁᑯᔅᐱ ᐅᒋ ᒋᓴᔅ ᑮ ᒫᒋ ᑲᑫᔅᑭᒥᐌᐤ, ᐁ ᐃᑗᑦ, ᑴᔅᑳᑎᓰᒃ: ᐌᓴ ᑭᒋᑭᔑᑳᐎ ᐅᑭᒫᐎᐎᓐ ᐯᔓᓈᑾᓐ᙮

ᐅᐸᓓᑭᔅ ᒫᑎᐤ 4:23

ᒋᓴᔅ ᒫᑲ ᑮ ᐸᐹᐃᑐᑌᐤ ᒥᓯᐌ ᑳᓖᓖᒃ, ᐁ ᑭᔅᑭᓄᐊᒫᑫᑦ ᐅᑦ ᐋᔭᒥᐁᐎᑲᒥᑯᓖᒃ, ᐁ ᐙᐎᑕᒫᑫᑦ ᒫᑲ ᑭᒋᑭᔑᑳᐎ ᐅᑭᒫᐎᐎᓂ ᒥᓗᐋᒋᒧᐎᓂᓕᐤ, ᐁ ᒥᓇᐙᒋᑖᑦ ᒥᓯᐌ ᐃᔑ ᐋᑯᓯᐎᓂᓕᐤ ᓀᔥᑕ ᒥᓯᐌ ᓇᓈᑲᐤ ᑳ ᐃᑖᔅᐱᓀᓕᒋ ᐃᓕᓕᐗ᙮

ᐅᐸᓓᑭᔅ ᒫᑎᐤ 5:10

ᔕᐌᓕᑖᑯᓯᐗᒃ ᐊᓂᑭ ᑳ ᑲᒀᑕᑭᐋᑲᓂᐎᒋᒃ ᒀᔭᔅᑭᑖᑎᓯᐎᓐ ᐅᒋ; ᐌᓴ ᐅᑦ ᐋᔮᓂᐗᒃ ᑭᒋᑭᔑᑳᐎ ᐅᑭᒪᐎᐎᓐ᙮

ᐅᐸᓓᑭᔅ ᒫᑎᐤ 5:3

ᔕᐌᓕᑖᑯᓯᐗᒃ ᑳ ᑭᑎᒫᑭᓯᒋᒃ ᐅᑦ ᐊᒑᑯᐙᒃ; ᐌᓴ ᐅᑦ ᐋᔮᓂᐗᒃ ᑭᒋᑭᔑᑳᐎ ᐅᑭᒫᐎᐎᓐ᙮

ᐅᐸᓓᑭᔅ ᒫᑎᐤ 6:10

ᑭᑦ ᐅᑭᒫᐎᐎᓐ ᑲᑕ ᐎ ᐅᑎᒋᐸᓕᐤ᙮ ᐁ ᐃᑌᓕᑕᒪᓐ ᑲᑕ ᐎ ᑐᒋᑳᑌᐤ ᐅᑕ ᐊᔅᑮᒃ ᑖᐱᔅᑯᒡ ᑭᒋᑭᔑᑯᒃ᙮

ᐅᐸᓓᑭᔅ ᒫᑎᐤ 6:33

ᓃᔥᑕᒻ ᒫᑲ ᓈᓇᑕᐌᓕᑕᒸᒃ ᑭᒋᒪᓂᑐ ᐅᑦ ᐅᑭᒫᐎᐎᓐ, ᓀᔥᑕ ᐅ ᒀᔭᔅᑭᑖᑎᓯᐎᓐ; ᒥᓯᐌ ᐅᐅ ᑫᒀᓇ ᒫᑲ ᑭ ᑳ ᐊᓯᒋ ᒥᓕᑲᐎᓇᐗᐤ᙮

ᐅᐸᓓᑭᔅ ᒫᕐᒃ 1:15

ᐁ ᐃᑗᑦ ᒫᑲ ᐋᔕᔾ ᑎᐱᐸᓕᐤ, ᓀᔥᑕ ᑭᒋᒪᓂᑐ ᐅᑦ ᐅᑭᒫᐎᐎᓐ ᐯᔓᓈᑾᓂᓕᐤ: ᑴᔅᑳᑎᓰᒃ, ᑖᐺᑕᒧᒃ ᒫᑲ ᒥᓗᐋᒋᒧᐎᓐ᙮

ᐅᐸᓓᑭᔅ ᒫᕐᒃ 1:4

ᒑᓐ ᑮ ᓯᑲᐋᑖᑫᐤ ᐸᑾᑕᔅᑲᒥᑳᒃ, ᑮ ᐙᐎᑕᒻ ᒫᑲ ᐊᓂᐁᓕᐤ ᑴᔅᑳᑎᓯᐎᓂ ᓯᑲᐋᑖᑫᐎᓂᓕᐤ, ᑭᒋ ᐅᒋ ᐌᐯᓕᒋᑳᑌᑭ ᒪᒋᑐᑕᒧᐎᓇ᙮

ᐅᐸᓓᑭᔅ ᒫᕐᒃ 6:12

ᑮ ᑭᑐᑌᐗᒃ ᒫᑲ, ᓀᔥᑕ ᑮ ᑲᑫᔅᑭᒥᐌᐗᒃ ᐃᓕᓕᐗ ᑭᒋ ᑴᔅᑳᑎᓯᓕᒋ᙮

ᐅᐸᓓᑭᔅ ᓘᒃ 1:16

ᒥᒉᑦ ᒫᑲ ᐊᓂᐃ ᐃᔅᕃᐃᓪ ᐅᑦ ᐊᐙᔑᒥᔕ ᑲᑕ ᑴᔅᑳᑎᓯᐁᐤ ᑭᒋ ᐊᑑᔅᑲᐙᓕᒋ ᐅᑎᐯᓕᒋᑫᐗ ᐅ ᑭᒋᒪᓂᑐᒥᓕᐗ᙮

ᐅᐸᓓᑭᔅ ᓘᒃ 11:20

ᒫᑲ ᑮᔥᐱᓐ ᓂᓚ ᑭᒋᒪᓂᑐ ᐅ ᓕᓕᑭᒋᒑᓐ ᐅᒋ ᐗᓚᐎᐌᐱᓇᑭᒃ ᒪᒋ ᐊᒑᑾᒃ, ᐁᑯ ᑫᒋᓈᔥ ᐌᑎᑎᑯᐌᒃ ᑭᒋᒪᓂᑐ ᐅᑦ ᐅᑭᒫᐎᐎᓐ᙮

ᐅᐸᓓᑭᔅ ᓘᒃ 13:3

ᑭ ᐎᑕᒫᑎᓇᐗᐤ, ᓇᒪᐎᓚ: ᒫᑲ, ᑮᔥᐱᓐ ᐁᑳ ᑴᔅᑳᑎᓯᔦᑴ, ᒥᓯᐌ ᑭᓚᐗᐤ ᓀᔥᑕ ᑭ ᑳ ᓂᔑᐗᓈᑎᓯᓇᐗᐤ᙮

ᐅᐸᓓᑭᔅ ᓘᒃ 13:5

ᑭ ᐎᑕᒫᑎᓇᐗᐤ, ᓇᒪᐎᓚ: ᒫᑲ, ᑮᔥᐱᓐ ᐁᑳ ᑴᔅᑳᑎᓯᔦᑴ, ᒥᓯᐌ ᑭᓚᐗᐤ ᓀᔥᑕ ᑭ ᑳ ᓂᔑᐗᓈᑎᓯᓇᐗᐤ᙮

ᐅᐸᓓᑭᔅ ᓘᒃ 15:10

ᐁᑯ ᑖᐱᔅᑯᒡ, ᑭᑦ ᐃᑎᓇᐗᐤ, ᐃᑕᑾᓐ ᒥᓚᐙᑕᒧᐎᓐ ᐃᑕ ᐁ ᐃᑖᓕᒋ ᑭᒋᒪᓂᑐ ᐁᓐᒐᓕᒪ ᐯᔭᒃ ᐅᒪᒋᑣᐤ ᐅᒋ ᐁ ᑴᔅᑳᑎᓯᑦ᙮

ᐅᐸᓓᑭᔅ ᓘᒃ 15:7

ᑭᑦ ᐃᑎᓇᐗᐤ, ᐁᑯ ᑖᐱᔅᑯᒡ ᓀᔥᑕ ᑫ ᐃᑕᑾᒃ ᒥᓚᐙᑕᒧᐎᓐ ᑭᒋᑭᔑᑯᒃ ᐯᔭᒃ ᐅᒪᒋᑣᐤ ᐅᒋ ᐁ ᑴᔅᑳᑎᓰᑦ, ᐊᐙᓯᑌ ᐃᔥᐱᔥ ᔖᑭᑖᑐᒥᑕᓇᐤ ᔖᑭᑖᑐᔖᑉ ᓀᔥᑕ ᑳ ᒀᔭᔅᑭᑎᒋᒃ ᐃᓕᓕᐗᒃ ᐅᒋ, ᐁᑳ ᑳ ᓇᑕᐌᓕᑕᑭᒃ ᑴᔅᑳᑎᓯᐎᓂᓕᐤ᙮

ᐅᐸᓓᑭᔅ ᓘᒃ 16:30

ᑮ ᐃᑗᐤ ᒫᑲ, ᓇᒪᐎᓚ, ᓄᑖ ᐁᑉᕃᐋᒻ: ᑮᔥᐱᓐ ᒫᑲ ᓇᑕᐙᐸᒥᑯᑣᐌ ᐊᐌᓕᐗ ᑳ ᓂᐱᓕᒋ ᐅᒋ, ᑲᑕ ᑴᔅᑳᑎᓯᐗᒃ᙮

ᐅᐸᓓᑭᔅ ᓘᒃ 21:31

ᐁᑯ ᑖᐱᔅᑯᒡ ᑭᓚᐗᐤ, ᐃᔅᐱ ᐙᐸᑕᒣᑴ ᐅᐅ ᑫᒀᓇ ᐁ ᐃᑭᑭ, ᑭᔅᑫᓕᑕᒧᒃ ᑭᔑᐙᒃ ᐁ ᐃᑕᒀᓂᓕᒃ ᑭᒋᒪᓂᑐ ᐅᑦ ᐅᑭᒫᐎᐎᓐ᙮

ᐅᐸᓓᑭᔅ ᓘᒃ 24:47

ᓀᔥᑕ ᑴᔅᑳᑎᓯᐎᓐ, ᓀᔥᑕ ᐁ ᐊᔐᓂᑳᑌᑭ ᒪᒋᑐᑕᒧᐎᓇ ᑭᒋ ᐙᐎᒋᑳᑌᒃ ᐅᑦ ᐃᔑᓂᑳᓱᐎᓂᒃ, ᐃᑕ ᐁ ᐃᑖᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᓃᔥᑕᒻ ᒋᕉᓴᓚᒥᒃ ᐁ ᐙᐎᒋᑳᑌᒃ᙮

ᐅᐸᓓᑭᔅ ᓘᒃ 6:20

ᐁᑯ ᑌᔅᑕᓵᐸᒫᑦ ᐅ ᑭᔅᑭᓄᐊᒪᐙᑲᓇ, ᑮ ᐃᑗᐤ ᒫᑲ, ᑭ ᔕᐌᓕᑖᑯᓯᓇᐗᐤ ᐁ ᑭᑎᒫᑭᓯᔦᒃ; ᐌᓴ ᑭᑦ ᐋᔭᐙᓇᐗᐤ ᑭᒋᒪᓂᑐ ᐅᑦ ᐅᑭᒫᐎᐎᓐ᙮

ᐅᐸᓓᑭᔅ ᓘᒃ 9:2

ᑮ ᐃᔑᑎᔕᐌᐤ ᒫᑲ ᑭᒋ ᐙᐎᑕᒸᓕᒋ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ, ᓀᔥᑕ ᑭᒋ ᒥᓇᐙᒋᐋᓕᒋ ᑳ ᐋᑯᓯᓕᒋ᙮

ᐊᐸᔅᑕᓚᒃ 11:18

ᐃᔅᐱ ᐱᐯᑕᑭᒃ ᐅᐅ ᑫᒀᓇ, ᑭ ᑭᐱᑐᐌᐗᒃ, ᑮ ᑭᔅᑕᒋᒣᐗᒃ ᒫᑲ ᑭᒋᒪᓂᑐᐗ ᐁ ᐃᑗᒋᒃ, ᐁᑴᒋᑲ ᑭᒋᒪᓂᑐ ᓀᔥᑕ ᑳ ᒥᓛᑦ ᐊᓂᐃ ᒉᓐᑖᐃᓚ ᑴᔅᑳᑎᓯᐎᓂᓕᐤ ᐱᒫᑎᓯᐎᓂᒃ ᐃᔑ᙮

ᐊᐸᔅᑕᓚᒃ 17:30

ᒣᒀᒡ ᒫᑲ ᐅᒪ ᑳ ᐃᔑ ᑲᑫᐸᑎᓯᓈᓂᐗᒃ ᑭᒋᒪᓂᑐ ᓇᒪᐎᓚ ᐅᒋ ᐱᓯᔅᑫᓕᑕᒻ; ᐊᓄᒡ ᒫᑲ ᐅᓚᔓᐙᑌᐤ ᒥᓯᐌ ᐃᓕᓕᐗ ᒥᓯᐌ ᐃᑕ ᑭᒋ ᑴᔅᑳᑎᓯᓕᒋ;

ᐊᐸᔅᑕᓚᒃ 2:38

ᐁᑯ ᐱᑕᕐ ᑳ ᐃᑖᑦ, ᒥᒋᓚᐌᔦᓕᑕᒪᒃ, ᐁᑯᔑ ᑭ ᑳ ᓯᑲᐊᑖᑲᐎᓇᐗᐤ ᒫᑲ ᒥᓯᐌ ᑕᑐ ᐁ ᐃᑕᔑᔦᒃ ᐅᑦ ᐃᔑᓂᑳᓱᐎᓂᒃ ᐊᓇ ᒋᓴᔅ ᙭, ᑭᒋ ᐅᒋ ᐌᐯᓕᒋᑳᑌᑭ ᑭ ᒪᒋᑣᐎᓂᐗᐗ, ᑭ ᑳ ᒥᓕᑲᐎᓈᐗᐤ ᒫᑲ ᑳ ᐸᓓᑭᓯᑦ ᐊᒑᒃ᙮

ᐊᐸᔅᑕᓚᒃ 20:21

ᐁ ᐙᐎᑕᒫᐗᑭᒃ ᒎᐗᒃ, ᓀᔥᑕ ᒃᕆᑲᒃ ᑖᐱᔅᑯᒡ, ᑭᒋ ᑴᔅᑳᑎᓰᔅᑕᐙᒋᒃ ᑭᒋᒪᓂᑐᐗ, ᓀᔥᑕ ᑭᒋ ᑖᐺᔦᓕᒫᒋᒃ ᑭ ᑎᐯᓕᒋᑫᒥᓇᐗ ᒋᓴᔅ ᙭ᑕ᙮

ᐊᐸᔅᑕᓚᒃ 26:20

ᒫᑲ ᓃᔥᑕᒻ ᓂ ᑮ ᐙᐸᑎᓛᐗᒃ ᐊᓂᑭ ᑎᒫᔅᑲᓯᒃ ᑳ ᐃᑖᒋᒃ ᓀᔥᑕ ᒋᕉᓴᓚᒥᒃ, ᓀᔥᑕ ᒥᓯᐌ ᐙᔅᑲ ᒎᑎᐊᐃᒃ, ᐁᑯ ᓀᔥᑕ ᒉᓐᑖᐃᓚᒃ, ᑭᒋ ᑴᔅᑳᑎᓯᒋᒃ ᓀᔥᑕ ᑭᒋ ᑴᔅᑭᔅᑕᐙᒋᒃ ᑭᒋᒪᓂᑐᐗ, ᓀᔥᑕ ᑭᒋ ᑐᑕᑭᒃ ᐁ ᐃᔑ ᐊᑑᔅᑫᒪᑲᒃ ᑴᔅᑳᑎᓯᐎᓐ᙮

ᐊᐸᔅᑕᓚᒃ 3:19

ᐁᐗᑯ ᐅᒋ ᒥᒋᓚᐌᔦᓕᑕᒧᒃ, ᑴᔅᑳᑎᓰᒃ ᒫᑲ, ᑭ ᒪᒋᑖᐎᓂᐙᐗ ᑭᒋ ᑮ ᑳᓯᐃᑳᑌᑭ, ᐃᔅᐱ ᐹᐸᓕᓕᑫ ᑭᒋ ᒥᓜᓕᒧᓇᓂᐗᒃ ᐅᑎᔥᑲᐤ ᐅᑎᐯᓕᒋᑫᐤ ᐅᒋ;

ᓂᔓ ᑯᕆᓐᑎᐊᓇ 7:10

ᐌᓴ ᒪᓂᑐᐎ ᒥᒋᓚᐌᓯᐎᓐ ᐃᔑᒋᑫᒪᑲᓐ ᑴᔅᑳᑎᓯᐎᓐ ᑳ ᐃᑕᒧᒃ ᐱᒫᒋᐃᑯᓯᐎᓂᒃ ᐁᑳ ᑫ ᒥᑖᒋᑳᑌᒃ: ᒫᑲ ᐊᔅᑭᐎ ᒥᒋᓚᐌᓯᐎᓐ ᐃᔑᒋᑫᒪᑲᓐ ᓂᐱᐎᓐ᙮

ᑯᓚᔑᔭᓇ 1:13

ᑳ ᑮ ᐎᑾᒋᐃᑕᒃ ᐗᓂᑎᐱᔅᑭᓯᐎ ᑳᔥᑭᐅᐎᓐ ᐅᒋ, ᓀᔥᑕ ᑳ ᑮ ᐃᔑᐎᓕᑕᒃ ᐅᑦ ᐅᑭᒪᐎᐎᓂᓕᒃ ᑳ ᓵᑭᐋᑦ ᐅᑯᓯᓴ:

ᓂᔓ ᑎᒧᑎ 2:25

ᓗᔅᑳᑎᓯᐎᓂᒃ ᐁ ᑭᔅᑭᓄᐊᒪᐙᑦ ᐊᓂᐃ ᑳ ᐸᓯᑯᔅᑕᓱᓕᒋ; ᑮᔥᐱᓐ ᑭᒋᒪᓂᑐ ᐃᑌᓕᑕᑭ ᑭᒋ ᒥᓛᑦ ᑴᔅᑳᑎᓯᐎᓂᓕᐤ ᑭᒋ ᐙᐎᑕᒥᓕᑭ ᑖᐺᐎᓂᓕᐤ;

ᐦᐃᑉᕉᐗ 6:1

ᐁᐗᑯ ᐅᒋ ᐁ ᓇᑲᑕᒪᒃ ᑳ ᓂᑳᓀᓕᑖᑾᓂᓕᒃ ᐅ ᑭᔅᑭᓄᐊᒫᑫᐎᓐ ᙭, ᐁᑯᔑ ᐋᒋᐱᑯ ᓈᑖᑕᐤ ᒥᑐᓂᐎᓯᐎᓐ; ᐁᑳ ᒥᓇ ᐁ ᐅᓚᔅᑕᔭᒃ ᐌᒋᐸᓕᒃ ᒥᒋᓚᐌᔦᓕᑕᒧᐎᓐ ᓂᐱᐎᓂ ᐊᑑᔅᑫᐎᓂᒃ ᐅᒋ, ᓀᔥᑕ ᐁ ᑖᐺᔦᓕᒫᑲᓂᐎᑦ ᑭᒋᒪᓂᑐ;

ᓂᔓ ᐱᑕᕐ 3:9

ᐅᑎᐯᓕᒋᑫᐤ ᓇᒪᐎᓚ ᑆᔅᑕᐎᐤ ᑭᒋ ᑐᑕᒃ ᐅᑦ ᐊᔓᑕᒫᑫᐎᓐ, ᑖᐱᔅᑯᒡ ᐋᑎᑦ ᐃᓕᓕᐗᒃ ᑆᔅᑕᐎᐎᓐ ᑳ ᐃᑕᑭᒃ; ᒫᑲ ᑭ ᔑᐱᓚᐌᓯᔅᑖᑯᓇᐤ, ᐁᑳ ᐁ ᓇᑕᐌᓕᑕᒃ ᐊᐌᓕᐗ ᑭᒋ ᓂᔑᐗᓈᑎᓯᓕᒋ, ᒫᑲ ᒥᓯᐌ ᑭᒋ ᐊᑎ ᒥᒋᓚᐌᔦᓕᑕᒥᓕᒋ᙮

ᑭᔅᑫᓕᑖᑯᑖᑫᐎᓐ 2:21

ᓂ ᑮ ᑕᐎᓇᒪᐗᐤ ᒫᑲ ᑭᒋ ᒥᒋᓚᐌᔦᓕᑕᒃ ᐅ ᐱᔑᑾᑎᓯᐎᓐ; ᓇᒪᐎᓚ ᒫᑲ ᑮ ᐅᒋ ᒥᒋᓚᐌᔦᓕᑕᒻ᙮

ᑭᔅᑫᓕᑖᑯᑖᑫᐎᓐ 2:5

ᐁᐗᑯ ᐅᒋ ᑭᔅᑭᓯ, ᑖᓐᑌ ᑳ ᑭ ᐅᒋ ᐸᑭᔑᓂᔭᓐ, ᓀᔥᑕ ᒥᒋᓚᐌᔦᓕᑕ, ᑐᑕ ᒫᑲ ᐊᓂᐃ ᓃᔥᑕᒻ ᐊᑑᔅᑫᐎᓇ; ᑮᔥᐱᓐ ᒫᑲ ᐁᑳ ᐎᐸᒡ ᑭ ᑳ ᐯᒋ ᓈᑎᑎᓐ, ᓂ ᑳ ᐃᑲᑌᓀᓐ ᒫᑲ ᑭ ᐙᔅᑌᓇᒫᑲᓈᑎᒃ ᐃᑕ ᑳ ᐋᔮᒃ ᐅᒋ, ᑮᔥᐱᓐ ᐁᑳ ᒥᒋᓚᐌᔦᓕᑕᒪᓀ᙮