ᐅᐸᓓᑭᔅ ᒫᑎᐤ 28:19 - ᐅᔅᑭ ᑎᔅᑌᒥᓐᑦ

¹⁹ ᐁᐗᑯ ᐅᒋ ᒫᑲ ᑭᑐᑌᒃ, ᑭᔅᑭᓄᐊᒫᑯᒃ ᒫᑲ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ, ᐁ ᓯᑲᐋᑕᐌᑾᒃ ᐅᑖᐎᒪᐤ ᐅᑦ ᐃᔑᓂᑳᓱᐎᓂᒃ, ᓀᔥᑕ ᐅᑯᓯᓯᒪᐤ, ᓀᔥᑕ ᐯᓓᑭᓯᑦ ᐊᒑᒃ᙮

ᐅᐸᓓᑭᔅ ᒫᑎᐤ 28:19 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 13:52

ᐁᑯ ᐁᑖᑦ, ᐁᐗᑯ ᐅᒋ ᒥᓯᐌ ᑕᑐ ᐅᒪᓯᓇᐃᑫᐤ ᑳ ᑭᔅᑭᓄᐊᒫᑦ ᑭᒋᑭᔑᑳᐎ ᐅᑭᒫᐎᐎᓂᒃ, ᓇᔅᐱᑕᐌᐤ ᐃᓕᓕᐗ ᑳ ᑎᐯᓕᑕᒥᓕᒋ ᐙᔅᑳᔨᑲᓂᓕᐤ, ᑳ ᐅᒋ ᐗᓚᐎᑕᑖᑦ ᐅ ᐌᓗᑎᓯᐎᓂᒃ ᐅᔥᑭ ᑫᒀᓇ ᓀᔥᑕ ᑳᔮᔥ ᑫᒀᓇ᙮

ᐅᐸᓓᑭᔅ ᒫᑎᐤ 25:32

ᐁᑯ ᒫᑲ ᐁ ᑖᔅᑕᒪᐱᑦ ᑫ ᒪᐗᒋᐋᑲᓂᐎᓕᒋ ᒥᓯᐌ ᐁ ᐃᑕᔅᑳᓀᓯᓕᒋ ᐃᓕᓕᐗ; ᓀᔥᑕ ᒫᑲ ᑲᑕ ᐸᑳᓂᐁᐤ, ᑖᐱᔅᑯᒡ ᒫᓂᔥᒑᓂᔑᐎᓕᓕᐤ ᐁ ᐃᔑ ᐸᑳᓂᐋᑦ ᐅ ᒫᓂᔥᒑᓂᔑᒪ ᑯᑕ ᐅᒋ:

ᐊᐸᔅᑕᓚᒃ 1:2

ᐱᓕᔥ ᐊᓂᒪ ᐁ ᑭᔑᑳᒃ ᑳ ᑮ ᐅᑎᓈᑲᓂᐎᑦ ᐃᔥᐱᒥᒃ, ᐹᑎᒪ ᐎᓚ ᐸᓓᑭ ᐊᒑᑾ ᐅᒋ ᑳ ᑮ ᒥᓛᑦ ᐅᓚᔓᐌᐎᓚ ᐊᓂᐃ ᐊᐸᔅᑕᓚ ᑳ ᑮ ᐙᐌᓛᐸᒫᑦ;

ᐊᐸᔅᑕᓚᒃ 1:8

ᒫᑲ ᑭ ᑳ ᒥᓕᑲᐎᓇᐗᐤ ᓱᑳᑎᓯᐎᓐ ᐃᔅᐱ ᑮ ᐅᑎᑎᑯᔦᑴ ᑳ ᐹᓓᑭᓯᑦ ᐊᒑᒃ: ᓀᔥᑕ ᒫᑲ ᑭ ᑳ ᑎᐹᒋᒥᓇᐗᐤ ᒋᕉᓴᓚᒥᒃ, ᓀᔥᑕ ᒥᓯᐌ ᒎᑎᐊᐃᒃ, ᓀᔥᑕ ᓴᒣᕆᔭᐃᒃ, ᓀᔥᑕ ᐱᓕᔥ ᒫᐗᒡ ᐁ ᐃᔥᒀᔮᒃ ᐊᔅᑭᒃ᙮

ᐊᐸᔅᑕᓚᒃ 14:21

ᐃᔅᐱ ᒫᑲ ᑳ ᑮ ᐙᐎᑕᑭᒃ ᒥᓗᐋᒋᒧᐎᓂᓕᐤ ᐊᓂᒪ ᐃᑖᐎᓂᒃ, ᓀᔥᑕ ᒥᒉᑦ ᐁ ᑮ ᑭᔅᑭᓄᐊᒪᐙᒋᒃ, ᑮ ᑭᐌᐗᒃ ᒥᓇ ᓕᔅᑕᕋᐃᒃ ᐃᔑ, ᓀᔥᑕ ᐋᐃᑯᓂᐊᒥᒃ ᓀᔥᑕ ᐋᓐᑎᐊᑭᒃ,

ᐊᐸᔅᑕᓚᒃ 2:41

ᐁᑯ ᒥᓯᐌ ᐊᓂᑭ ᑳ ᐱᔑᒋᐋᒋᒃ ᓯᑭᓓᓯᐎᓂᒃ ᑮ ᓯᑲᐊᑕᐙᑲᓂᐎᐗᒃ; ᐊᓂᒪ ᐁ ᑭᔑᑳᒃ ᒫᑲ ᑮ ᓚᑭᐳᐗᒃ ᐊᓂᑭ ᐅᑕᔭᒥᐋᐙᒃ ᓈᓐᑕᐤ ᓂᔅᑡᐤ ᑭᒋᒥᑖᑐᒥᑕᓇᐤ ᐊᒑᑯᔕ᙮

ᐊᐸᔅᑕᓚᒃ 28:28

ᐁᐗᑯ ᐅᒋ ᑭᔅᑫᓕᑕᒧᒃ, ᑭᒋᒪᓂᑐ ᐅ ᐱᒫᒋᐃᐌᐎᓐ ᐁ ᐃᔑᑎᔕᐊᒫᒋᒃ ᒉᓐᑖᐃᓚᒃ, ᐎᓚᐗᐤ ᓀᔥᑕ ᑲᑕ ᓇᑐᑕᒬᐗᒃ᙮

ᐊᐸᔅᑕᓚᒃ 9:18

ᑣᔦᒃ ᒫᑲ ᑮ ᐸᑭᑎᓂᓕᐗ ᐅᔅᑭᔑᑯᒃ ᐅᒋ ᑫᒀᓐ ᑖᐱᔅᑯᒡ ᐗᓚᐊᑳᔭᒃ ᐁ ᐃᔑᓇᑾᓂᓕᑭ; ᑣᔦᒃ ᑮ ᐙᐱᐤ ᒫᑲ, ᓀᔥᑕ ᑮ ᐸᓯᑯ ᓀᔥᑕ ᑮ ᓯᑲᐊᑕᐙᑲᓂᐎᐤ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:18

ᒫᑲ ᓂᑦ ᐃᑣᓐ, ᓇᒪ ᓈ ᑮ ᐅᒋ ᐯᑕᒶᒃ? ᐁᐁ, ᑖᐺ, ᐅ ᐯᑖᑯᓯᐎᓂᐗᐤ ᑮ ᐃᔅᐸᓂᓕᐤ ᒥᓯᐌ ᐊᔅᑮᒃ, ᓀᔥᑕ ᐅᑦ ᐋᔭᒥᐎᓂᐙᐗ ᐁ ᐃᔅᒀᔮᒃ ᐊᔅᑮᒃ ᐃᔥᐱᔥ᙮

ᓂᔥᑕᒻ ᑯᕆᓐᑎᐊᓇ 15:29

ᑖᓂ ᒫᑲ ᑫ ᑐᑕᑭᒃ ᐊᓂᑭ ᑳ ᓯᑲᐋᑕᐙᑲᓂᐎᒋᒃ ᐅᓂᐱᐗ ᐅᒋ, ᑮᔥᐱᓐ ᐁᑳ ᐗᓂᔥᑳᓂᑡᐌ ᐅᓂᐱᐗ? ᑖᓂᑭ ᒫᑲ ᐌᒋ ᓯᑲᐋᑕᐙᑲᓂᐎᒋᒃ ᐅᓂᐱᐗ ᐅᒋ?

ᓂᔓ ᑯᕆᓐᑎᐊᓇ 13:14

ᐅ ᔕᐌᓕᒋᑫᐎᓐ ᑭ ᑎᐯᓕᒋᑫᒥᓇᐤ ᒋᓴᔅ ᙭, ᓀᔥᑕ ᐅ ᓵᑭᐃᐌᐎᓐ ᑭᒋᒪᓂᑐ, ᓀᔥᑕ ᐅ ᐎᒋᐃᐌᐎᓐ ᐯᓓᑭᓯᑦ ᐊᒑᒃ ᒥᓯᐌ ᑭ ᑳ ᐎ ᐎᒉᐎᑯᐗᓇᐗᐤ᙮ ᐁᒣᓐ᙮

ᑲᓓᔕᐊᓇ 3:27

ᐌᓴ ᒥᓯᐌ ᐁ ᐃᑕᔑᔦᒃ ᑳ ᑮ ᓯᑲᐊᑖᑲᐎᔦᒃ ᙭ᑎᒃ ᑭ ᑮ ᐳᔅᑎᔥᑲᐙᐗᐤ ᙭᙮

ᐃᐱᓯᔭᓇ 2:18

ᐌᓴ ᐎᓚ ᐅᒋ ᐯᔭᒃ ᐊᒑᑯᒃ ᓂ ᐯᔣᐸᒫᓈᓐ ᐅᑖᐎᒪᐤ᙮

ᑯᓚᔑᔭᓇ 1:23

ᑮᔥᐱᓐ ᑫᔮᐸᒡ ᑕᔑᑫᔦᑴ ᑖᐺᔦᓕᑕᒧᐎᓂᒃ, ᐁ ᐋᔨᒋᑳᐸᐎᔦᒃ ᓀᔥᑕ ᐁ ᑫᒋᓇᐅᔦᒃ, ᐁᑳ ᓀᔥᑕ ᐋᒋᐸᓕᐃᑲᐎᔦᑴ ᐁ ᐃᔑ ᐊᔅᐯᓕᒧᑐᑕᒣᒃ ᒥᓗᐋᒋᒧᐎᓐ, ᑳ ᑮ ᐯᑕᒣᒃ, ᓀᔥᑕ ᑳ ᑮ ᐎᑕᒪᐙᑲᓂᐎᑦ ᒥᓯᐌ ᐊᐌᓇ ᔑᐹ ᑭᒋᑭᔑᑯᒃ ᑳ ᐃᑖᑦ; ᐁᐗᑯ ᑳ ᐅᒋ ᓂᓚ ᐹᓪ ᐁ ᐋᔭᒥᐋᐎ ᐊᑐᔅᑫᓛᑲᓂᔮᓐ᙮

ᓂᔥᑕᒻ ᐱᑕᕐ 3:21

ᐊᓂᒪ ᑳ ᓇᔅᐱᑕᒧᒪᑲᒃ ᓯᑲᐋᑖᑫᐎᓐ ᐊᓄᒡ ᓀᔥᑕ ᑳ ᐱᒫᒋᐃᑯᔭᒃ, (ᓇᒪᐎᓚ ᐁ ᐌᐱᓂᑳᑌᒃ ᐎᔮᓯᐎ ᐎᓂᓯᐎᓐ, ᒫᑲ ᐁ ᓇᔥᑴᐗᔑᐃᐌᒪᑲᒃ ᒥᓗ ᒥᑐᓀᓕᒋᑲᓐ ᐅᑎᔥᑲᐤ ᑭᒋᒪᓂᑐ,) ᐅ ᐗᓂᔥᑲᐎᓐ ᐅᒋ ᒋᓴᔅ ᙭:

ᓂᔥᑕᒻ ᒑᓐ 5:7

ᐌᓴ ᐃᑖᐗᒃ ᓂᔅᑐ ᑳ ᑎᐹᑐᑕᑭᒃ ᑭᒋᑭᔑᑯᒃ, ᐌᐅᑖᐎᒪᐎᑦ, ᐋᔭᒥᐎᓐ, ᓀᔥᑕ, ᐯᓓᑭᓯᑦ ᐊᒑᒃ: ᐅᑯ ᒫᑲ ᑳ ᓂᔅᑎᒋᒃ ᐯᔭᑯᐗᒃ᙮