ᐅᐸᓓᑭᔅ ᒫᑎᐤ 27:63 - ᐅᔅᑭ ᑎᔅᑌᒥᓐᑦ

⁶³ ᐁ ᐃᑗᒋᒃ, ᐅᑭᒪᐤ, ᓂ ᑭᔅᑭᓯᓈᓐ ᐊᓇ ᐊᐙᔦᔑᒥᐌᐤ ᐁ ᑮ ᐃᑗᑦ, ᒣᒀᒡ ᑫᔮᐸᒡ ᐁ ᐱᒫᑎᓰᑦ, ᑮ ᓂᔅᑐ ᑭᔑᑳᑫ ᒥᓇ ᓂ ᑳ ᐗᓂᔥᑳᓐ᙮

ᐅᐸᓓᑭᔅ ᒫᑎᐤ 27:63 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 16:21

ᐁᑯᔅᐱ ᐅᒋ ᒋᓴᔅ ᑮ ᒫᒋ ᐙᐸᑎᓓᐤ ᐅ ᑭᔅᑭᓄᐊᒪᐙᑲᓇ, ᒋᕉᓴᓚᒥᒃ ᑭᒋ ᐃᑐᑌᑦ, ᓀᔥᑕ ᑭᒋ ᐗᐎᓴᑫᓕᑕᒥᐃᑯᑦ ᒥᒉᑦ ᑫᒀᓇ ᐊᓂᐃ ᑳ ᓂᑳᓀᓕᑖᑯᓯᓕᒋ ᓀᔥᑕ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᐅᒪᓯᓇᐃᑫᐗ, ᓀᔥᑕ ᑭᒋ ᓂᐸᐋᑲᓂᐎᑦ, ᒥᓇ ᒫᑲ ᑭᒋ ᐗᓂᔥᑳᓈᑲᓂᐎᑦ ᓂᔅᑐ ᑭᔑᑳᓕᑫ᙮

ᐅᐸᓓᑭᔅ ᒫᑎᐤ 17:23

ᑲᑕ ᓂᐸᐁᐗᒃ ᒫᑲ, ᓂᔅᑐ ᑭᔑᑳᓕᑫ ᒫᑲ ᒥᓇ ᑲᑕ ᐗᓂᔥᑳᓇᐤ᙮ ᓈᔅᐱᒡ ᒫᑲ ᑮ ᒥᒋᓚᐌᓯᐗᒃ᙮

ᐅᐸᓓᑭᔅ ᒫᑎᐤ 20:19

ᑲᑕ ᐸᑭᑎᓂᑯ ᒫᑲ ᒉᓐᑖᐃᓚ ᐅᒋᒋᓕᒃ ᑭᒋ ᐋᔭᓵᒋᐃᑯᑦ, ᓀᔥᑕ ᑭᒋ ᐸᐸᓴᔅᑌᐅᑯᑦ, ᓀᔥᑕ ᑭᒋ ᒌᔅᑖᔅᑾᐅᑯᑦ: ᓂᔅᑐ ᑭᔑᑳᓕᑫ ᒫᑲ ᒥᓇ ᑲᑕ ᐗᓂᔥᑲᐤ᙮

ᐅᐸᓓᑭᔅ ᒫᑎᐤ 26:61

ᑮ ᐃᑗᐗᒃ ᒫᑲ, ᐊᐗ ᐅᒪ ᑮ ᐃᑗᐤ, ᓂ ᑲᔥᑭᑖᓐ ᑭᒋ ᓂᔑᐗᓈᒋᑖᐗᒃ ᑭᒋᒪᓂᑐ ᐅ ᑭᒋᐋᔭᒥᐁᐎᑲᒥᒃ, ᑭᒋ ᐅᔑᑖᔮᓐ ᒫᑲ ᑮ ᓂᔅᑐ ᑭᔑᑳᑭ᙮

ᐅᐸᓓᑭᔅ ᒫᑎᐤ 27:64

ᐁᐗᑯ ᐅᒋ ᐃᑕᔓᐌ ᒋᐹᔨᑲᒥᒃ ᑭᒋ ᐋᔨᒋ ᑲᓇᐌᓕᒋᑳᑌᒃ ᐹᑎᒫ ᑮ ᓂᔅᑐ ᑭᔑᑳᑫ, ᐁᑳ ᐅ ᑭᔅᑭᓄᐊᒪᐙᑲᓇ ᑭᒋ ᐯᒋ ᑮᒣᒡ ᑭᒋᐎᓕᑯᑦ ᓂᐹᑎᐱᔉ, ᐁᑯ ᒫᑲ ᑫ ᐃᑖᓕᒋ ᐃᓕᓕᐗ, ᐗᓂᔥᑲᐤ ᐅᓂᐱᐗ ᐅᒋ: ᐁᑯ ᒫᒋᒡ ᐁ ᐗᓂᐎᓕᐙᓂᐗᒃ ᐊᐙᓯᑌ ᑲᑕ ᓈᔦᑖᐗᓐ ᐃᔥᐱᔥ ᓃᔥᑕᒻ᙮

ᐅᐸᓓᑭᔅ ᒫᑎᐤ 28:6

ᓇᒪᐎᓚ ᐅᑕ ᐃᑖᐤ: ᐌᓴ ᑮ ᐗᓂᔥᑲᐤ, ᑖᐱᔅᑯᒡ ᑳ ᑮ ᐃᑗᑦ᙮ ᐯᒋ ᑲᓇᐙᐸᑕᒸᒃ ᐃᑕ ᑳ ᑮ ᐱᒥᔑᒃ ᐅᑎᐯᓕᒋᑫᐤ:

ᐅᐸᓓᑭᔅ ᒫᕐᒃ 10:34

ᑲᑕ ᐋᔭᓵᒋᐁᐗᒃ ᒫᑲ, ᓀᔥᑕ ᑲᑕ ᐸᐸᓴᔅᑌᐌᐗᒃ, ᓀᔥᑕ ᑲᑕ ᓯᒀᑌᐗᒃ; ᓂᔅᑐ ᑭᔑᑳᓕᑫ ᒫᑲ ᒥᓇ ᑲᑕ ᐗᓂᔥᑲᐤ᙮

ᐅᐸᓓᑭᔅ ᒫᕐᒃ 8:31

ᑮ ᒫᒋ ᑭᔅᑭᓄᐊᒪᐌᐤ ᒫᑲ, ᐃᓕᓕᐎᑯᓯᓵᓐ ᑭᒋ ᐙᐎᓴᑫᓕᑕᒃ ᒥᒉᑦ ᑫᒀᓇ ᓀᔥᑕ ᑭᒋ ᐋᑕᐌᓕᒥᑯᑦ ᐊᓂᐃ ᑳ ᓂᑳᓀᓕᑖᑯᓯᓕᒋ, ᓀᔥᑕ ᑭᒋ ᓵᓵᑭᐎᓕᐌᐎᓕᓕᐗ, ᓀᔥᑕ ᐅᒪᓯᓇᐃᑫᐗ, ᓀᔥᑕ ᑭᒋ ᓂᐸᐋᑲᓂᐎᑦ; ᒥᓇ ᒫᑲ ᑭᒋ ᐗᓂᔥᑳᑦ ᑮ ᓂᔅᑐ ᑭᔑᑳᓕᑫ᙮

ᐅᐸᓓᑭᔅ ᒫᕐᒃ 9:31

ᐌᓴ ᑮ ᑭᔅᑭᓄᐊᒪᐌᐤ ᐅ ᑭᔅᑭᓄᐊᒪᐙᑲᓇ, ᓀᔥᑕ ᑮ ᐃᑌᐤ, ᐃᓕᓕᐎᑯᓯᓵᓐ ᐸᑭᑎᓇᐤ ᐅᒋᒋᓕᒃ ᐃᓕᓕᐗ, ᑲᑕ ᓂᐸᔨᑯ ᒫᑲ, ᐃᔅᐱ ᒫᑲ ᑮ ᓂᐸᐋᑲᓂᐎᑌ, ᑲᑕ ᐗᓂᔥᑲᐤ ᓂᔅᑐ ᑭᔑᑳᓕᑫ᙮

ᐅᐸᓓᑭᔅ ᓘᒃ 18:31

ᐁᑯ ᐌᑎᓈᑦ ᐊᓂᐃ ᓂᔓᔖᑉ, ᑮ ᐃᑌᐤ ᒫᑲ, ᒫᑎᑲ, ᑭᑦ ᐃᑐᑖᓈᓇᐤ ᒋᕉᓴᓚᒥᒃ, ᒥᓯᐌ ᑫᒀᓇ ᒫᑲ ᑳ ᒪᓯᓇᐊᑭᒃ ᐅᑭᔅᑭᐙᐃᑫᐗᒃ ᐁ ᑎᐹᒋᒧᔅᑕᐙᒋᒃ ᐃᓕᓕᐎᑯᓯᓵᓇ, ᑲᑕ ᑎᐱᐸᓕᓕᐗ᙮

ᐅᐸᓓᑭᔅ ᓘᒃ 18:33

ᑲᑕ ᐸᐸᓴᔅᑌᐌᐗᒃ ᒫᑲ, ᓀᔥᑕ ᑲᑕ ᓂᐸᐁᐗᒃ; ᓂᔅᑐ ᑭᔑᑳᓕᑫ ᒫᑲ ᒥᓇ ᑲᑕ ᐗᓂᔥᑲᐤ᙮

ᐅᐸᓓᑭᔅ ᓘᒃ 23:2

ᑮ ᒫᒋ ᒫᒥᔑᒣᐗᒃ ᒫᑲ, ᐁ ᐃᑗᒋᒃ, ᓂ ᑮ ᒥᔅᑲᐙᓈᓐ ᐊᐗ ᐁ ᒪᒋ ᑲᑫᔅᑭᒫᑦ ᐃᓕᓕᐗ ᓀᔥᑕ ᐁ ᑭᑕᐊᒫᑫᑦ ᑭᒋ ᒥᓕᒥᒋ ᓯᓴᕋ ᑎᐱᓕᒋᑫᐎ ᔔᓕᐋᓇ, ᐁ ᐃᑗᑦ ᐎᓚ ᑫᒋᐙᒃ ᐁ ᙭ᑎᐎᑦ ᐁ ᑭᒋᐅᑭᒫᐎᑦ᙮

ᐅᐸᓓᑭᔅ ᓘᒃ 9:22

ᐁ ᐃᑗᑦ, ᐃᓕᓕᐎᑯᓯᓵᓐ ᑲᑕ ᐙᐎᓴᑫᓕᑕᒻ ᒥᒉᑦ ᑫᒀᓇ, ᓀᔥᑕ ᑲᑕ ᐋᑕᐌᓕᒥᑯ ᑳ ᓂᑲᓀᓕᑖᑯᓯᓕᒋ ᐃᓕᓕᐗ, ᓀᔥᑕ ᑭᒋ ᓵᓵᑭᐎᓕᐌᐎᓕᓕᐗ, ᓀᔥᑕ ᐅᒪᓯᓇᐃᑫᐗ, ᓀᔥᑕ ᑲᑕ ᓂᐸᐋᐤ, ᓀᔥᑕ ᑲᑕ ᐗᓂᔥᑳᓇᐤ ᓂᔅᑐ ᑭᔑᑳᓕᑫ᙮

ᐅᐸᓓᑭᔅ ᒑᓐ 2:19

ᒋᓴᔅ ᐁ ᓇᔥᑴᐗᔑᐃᐌᑦ, ᑮ ᐃᑌᐤ, ᓂᔑᐗᓈᒋᑖᒃ ᐅᒪ ᑭᒋᐊᔭᒥᐁᐎᑲᒥᒃ, ᑮ ᓂᔅᑐ ᑭᔑᑳᑫ ᒫᑲ ᓂ ᑳ ᐗᓂᔥᑳᓀᓐ᙮

ᐅᐸᓓᑭᔅ ᒑᓐ 7:12

ᒥᔅᑕᐃ ᒫᑲ ᑮ ᐋᔭᒥᐃᑐᐗᒃ ᐎᓚ ᐅᒋ: ᐌᓴ ᐋᑎᑦ ᑮ ᐃᑗᐗᒃ, ᒥᓗᑡᐤ: ᑯᑕᑭᔭᒃ ᑮ ᐃᑗᐗᒃ, ᓇᒪᐎᓚ; ᒫᑲ ᐙᔦᔑᐁᐤ ᐃᓕᓕᐗ᙮

ᐅᐸᓓᑭᔅ ᒑᓐ 7:47

ᐁᑯ ᓀᔥᑴᐗᔑᐃᑯᒋᒃ ᐸᕋᓯᔭ, ᑭᓚᐗᐤ ᓈ ᓀᔥᑕ ᑭ ᐙᔦᔑᐃᑲᐎᓇᐗᐤ?

ᓂᔓ ᑯᕆᓐᑎᐊᓇ 6:8

ᐁ ᑭᔅᑌᓕᑖᑯᓯᔮᒃ ᓀᔥᑕ ᐁ ᒪᒉᓕᑖᑯᓯᔮᒃ, ᐁ ᒪᒋ ᐋᓕᒧᒥᑲᐎᔮᒃ ᓀᔥᑕ ᐁ ᒥᓗ ᐋᓕᒪᒥᑲᐎᔮᒃ; ᑖᐱᔅᑯᒡ ᐁ ᐙᔦᔑᒥᐌᒋᒃ, ᐁᓕᐌᒃ ᒫᑲ ᐁ ᑖᐺᔮᒃ;