50 ᒋᓴᔅ, ᐃᔅᐱ ᒥᓇ ᑳ ᑮ ᑌᐺᑦ ᐁ ᑭᔗᐌᑦ, ᑮ ᐸᑭᑎᓀᐤ ᐅᑦ ᐊᒑᑾ᙮
ᑖᐱᔅᑯᒡ ᐃᓕᓕᐎᑯᓯᓵᓐ ᐁᑳ ᐁ ᐊᒋ ᑕᑯᔑᒃ ᑭᒋ ᐱᒥᐋᑲᓂᐎᑦ, ᒫᑲ ᑭᒋ ᐱᒥᐃᐌᑦ, ᓀᔥᑕ ᑭᒋ ᒥᓕᐌᑦ ᐅ ᐱᒫᑎᓯᐎᓐ ᒥᒉᑦ ᑭᒋ ᐅᒋ ᐱᒫᒋᐋᑦ᙮
ᑯᑕᑭᔭᒃ ᑮ ᐃᑗᐗᒃ, ᐁᑳ ᑐᑕ, ᒫᑎ ᐙᐸᑖᑕᐤ ᑖᐺ ᐃᓛᐃᒐ ᑫ ᐯᒋ ᐱᒫᒋᐃᑯᑴ᙮
ᒋᓴᔅ ᒫᑲ ᑮ ᑌᐺᐤ ᐁ ᑭᔗᐌᑦ, ᐁᑯ ᒫᑲ ᐯᑭᑎᓈᑦ ᐅᑦ ᐊᒑᑾ᙮
ᐃᔅᐱ ᒫᑲ ᒋᓴᔅ ᑳ ᑮ ᑌᐺᑦ ᐁ ᑭᔗᐌᑦ, ᑮ ᐃᑗᐤ, ᓄᑖ, ᑭᒋᒌᒃ ᑭ ᑲᓇᐌᓕᑎᓕᓐ ᓂᑦ ᐊᒑᒃ: ᐅᒣᓕᐤ ᒫᑲ ᑳ ᑮ ᐃᑗᑦ, ᑮ ᐸᑭᑎᓀᐤ ᐅᑦ ᐊᒑᑾ᙮
ᓂᓚ ᐁᐗᑯ ᒥᓗ ᒫᓂᔥᒑᓂᔑᐎᓕᓕᐤ: ᒥᓗ ᒫᓂᔥᒑᓂᔑᐎᓕᓕᐤ ᒥᓕᐌᐤ ᐅ ᐱᒫᑎᓯᐎᓐ ᒫᓂᔥᒑᓂᔕ ᐅᒋ᙮
ᑖᐱᔅᑯᒡ ᐅᑖᐎᒪᐤ ᐁ ᐃᔑ ᑭᔅᑫᓕᒦᑦ, ᐁᑯ ᓀᔥᑕ ᐁᔑ ᑭᔅᑫᓕᒪᒃ ᐅᑖᐎᒪᐤ: ᓂ ᐱᒥᑎᑖᓐ ᒫᑲ ᓂ ᐱᒫᑎᓯᐎᓐ ᒫᓂᔥᒑᓂᔕᐤ ᐅᒋ᙮
ᑮ ᐊᔅᑌᐤ ᒫᑲ ᐊᓱᐗᒋᑲᓐ ᐁ ᓵᑲᔅᑭᓀᒃ ᔑᐎᑳᐳ, ᐁᑯ ᓯᐋᑲᔅᑭᓇᑖᒋᒃ ᐅᐸᓂᓕᐤ ᔑᐎᑳᐳᓕᐤ, ᓀᔥᑕ ᑮ ᐊᔅᑖᐗᒃ ᐎᐹᔅᑯᒃ, ᓀᔥᑕ ᑮ ᐊᑯᓇᒬᐗᒃ ᐅᑐᓂᓕᒃ᙮
ᐃᔅᐱ ᒫᑲ ᒋᓴᔅ ᑳ ᑮ ᐅᑎᓇᒃ ᔑᐎᑳᐳᓕᐤ, ᑮ ᐃᑗᐤ, ᑭᔑᒋᑳᑌᐤ: ᐁᑯ ᓂᔮᒥᔅᑴᓕᑦ, ᓀᔥᑕ ᐯᑭᑎᓈᑦ ᐅᑦ ᐊᒑᑾ᙮
ᓀᔥᑕ ᒫᑲ ᐊᐙᔑᔕᒃ ᑳ ᐃᔑ ᐎᒋ ᐅᑎᓇᒧᒥᐌᒋᒃ ᐎᔮᓯᓕᐤ ᓀᔥᑕ ᒥᑯᓕᐤ, ᐎᓚ ᓀᔥᑕ ᑫᒋᐙᒃ ᑮ ᐅᑎᓇᒻ; ᓂᐱᐎᓐ ᐅᒋ ᑭᒋ ᓂᔑᐗᓈᒋᐋᑦ ᐊᓂᐃ ᑳ ᑎᐯᓕᑕᒥᓕᒋ ᓂᐱᐎᓂᓕᐤ, ᐁᐗᑯ ᒪᒋᒪᓂᑐ;
ᐊᓇ ᒣᒀᒡ ᑳ ᐎᔭᓯᐎᑦ, ᐃᔅᐱ ᑳ ᑮ ᐋᔭᒥᐁᔅᑕᐙᑦ ᓀᔥᑕ ᓇᑐᑕᒫᑫᔅᑕᐙᑦ, ᐊᓯᒋ ᓀᔥᑕ ᒪᐎᒧᔅᑕᐙᑦ ᓀᔥᑕ ᐅᒋᑲᐙᐱᔅᑕᐙᑦ ᐊᓂᐃ ᑳ ᑲᔥᑭᑖᓕᑭ ᑭᒋ ᐱᒫᒋᐃᑯᑦ ᓂᐱᐎᓂᒃ ᐅᒋ, ᓀᔥᑕ ᐁ ᑮ ᐯᑕᐙᑲᓂᐎᑦ ᐁ ᑮ ᓇᓂᒌᑦ;
ᑖᓐ ᐃᔥᐱᔥ ᐊᐙᓯᑌ ᙭ ᐅᒥᑯᒻ, ᐊᓇ ᑳᑭᑫ ᐊᒑᑾ ᐅᒋ, ᒥᑐᓂ ᐁᑳ ᐁ ᒪᒋᐃᑎᑦ, ᑳ ᑮ ᐸᑭᑎᓂᑎᓱᔅᑕᐙᑦ ᑭᒋᒪᓂᑐᐗ, ᑫ ᐸᔦᑭᑖᑦ ᑭ ᒥᑐᓀᓕᒋᑲᓂᐗᐤ ᓂᐱᐎ ᐋᔨᑎᐎᓇ ᐅᒋ, ᑭᒋ ᐊᑑᔅᑲᐌᒃ ᐯᒫᑎᓰᑦ ᑭᒋᒪᓂᑐ?
