ᐅᐸᓓᑭᔅ ᒫᑎᐤ 26:55 - ᐅᔅᑭ ᑎᔅᑌᒥᓐᑦ

⁵⁵ ᒣᒀᒡ ᐊᓂᒪ ᑎᐹᔨᑲᓐ ᐱᓯᒧᑳᓂᒃ ᒋᓴᔅ ᑮ ᐃᑌᐤ ᒥᔮᒪᐎᒥᒉᑎᓕᒋ ᐃᓕᓕᐗ, ᑭ ᐯᒋ ᐃᑐᑖᓇᐗᐤ ᓈ ᑖᐱᔅᑯᒡ ᐁ ᓈᑌᒃ ᑭᒧᑎᔉ, ᐁ ᐋᔮᔦᒃ ᔑᒫᑲᓇ ᓀᔥᑕ ᓴᔅᑲᐅᓇ ᐁ ᐎ ᐅᑎᓂᔦᒃ? ᑭ ᑮ ᐎᑕᐱᒥᑎᓇᐗᐤ ᑕᑡᐤ ᑳᔑᑳᑭ ᐁ ᑭᔅᑭᓄᐊᒫᑫᔮᓐ ᑭᒋᐋᔭᒥᐁᐎᑲᒥᑯᒃ, ᓇᒪᐎᓚ ᒫᑲ ᑭ ᐅᒋ ᐅᑎᓂᓇᐗᐤ᙮

ᐅᐸᓓᑭᔅ ᒫᑎᐤ 26:55 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 21:23

ᐃᔅᐱ ᒫᑲ ᑳ ᐱᑐᑫᑦ ᑭᒋᐋᔭᒥᐁᐎᑲᒥᑯᒃ, ᑮ ᐯᒋ ᓈᑎᑯ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᐃᓕᓕᐗ ᐅᓂᑳᓀᓕᑖᑯᓯᒥᓕᐗ ᒣᒀᒡ ᐁ ᑭᔅᑭᓄᐊᒫᑫᑦ, ᑮ ᐃᑎᑯ ᒫᑲ, ᑫᑯ ᑲᔥᑭᐅᐎᓐ ᐌᒋ ᑐᑕᒪᓐ ᐅᐅ ᑫᒀᓇ? ᐊᐌᓇ ᓀᔥᑕ ᑳ ᒥᓕᔉ ᐅᐅ ᑭᒋ ᑐᑕᒪᓐ?

ᐅᐸᓓᑭᔅ ᒫᑎᐤ 26:47

ᒣᒀᒡ ᑫᔮᐸᒡ ᐁ ᐋᔭᒥᑦ ᒫᑲ, ᒫᑎᑲ, ᒎᑕᔅ, ᐯᔭᒃ ᐊᓂᑭ ᓂᔓᔖᑉ, ᑮ ᐯᒋ ᐃᑐᑌᐤ, ᐁ ᐎᒉᐙᑦ ᓈᔅᐱᒡ ᒥᔮᒪᐎᒥᒉᑎᓕᒋ ᐃᓕᓕᐗ, ᔑᒫᑲᓇ ᓀᔥᑕ ᓴᔅᑲᐅᓇ ᐁ ᐋᔮᓕᒋ, ᑳ ᐯᒋᑎᔕᐅᑯᓕᒋ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᑳ ᓂᑳᓀᓕᑖᑯᓯᓕᒋ ᐃᓕᓕᐗ᙮

ᐅᐸᓓᑭᔅ ᒫᕐᒃ 10:1

ᐊᓐᑕ ᒫᑲ ᑮ ᐅᒋ ᐸᓯᑯ, ᓀᔥᑕ ᑮ ᐯᒋ ᐃᑐᑌᐤ ᒎᑎᐊ ᐊᔅᑮᒃ, ᐊᑳᒥᒃ ᐃᑌᑫ ᒐᕐᑕᓂᒃ ᐅᒋ: ᒥᓇ ᒫᑲ ᐯᒋ ᓈᑎᑯ ᐃᓕᓕᐗ, ᒬᒋ ᒫᑲ ᒫᓇ ᑳ ᐋᔨᑐᑕᒃ, ᒥᓇ ᑮ ᑭᔅᑭᓄᐊᒪᐌᐤ᙮

ᐅᐸᓓᑭᔅ ᒫᕐᒃ 12:35

ᒋᓴᔅ ᒫᑲ ᑮ ᐋᔭᒥᐤ ᓀᔥᑕ ᑮ ᐃᑗᐤ, ᒣᒀᒡ ᐁ ᑭᔅᑭᓄᐊᒫᑫᑦ ᑭᒋᐋᔭᒥᐁᐎᑲᒥᑯᒃ, ᑕᓀᑭ ᐌᒋ ᐃᑗᒋᒃ ᐅᒪᓯᓇᐃᑫᐗᒃ ᙭ ᐁ ᐋᐎᑦ ᑌᐱᑦ ᐅᑯᓯᓴ?

ᐅᐸᓓᑭᔅ ᓘᒃ 19:47

ᒣᔕᒃ ᒫᑲ ᑮ ᑭᔅᑭᓄᐊᒫᑫᐤ ᑭᒋᐋᔭᒥᐁᐎᑲᒥᑯᒃ᙮ ᒫᑲ ᑭᒋ ᓵᓵᑭᐎᓕᐌᐎᓕᓕᐗᒃ ᓀᔥᑕ ᐅᒪᓯᓇᐃᑫᐗᒃ, ᓀᔥᑕ ᑳ ᓂᑳᓀᓕᑖᑯᓯᒋᒃ ᐃᓕᓕᐗᒃ ᑮ ᓈᓇᑕᐌᓕᑕᒶᒃ ᑭᒋ ᓂᔑᐗᓈᒋᐋᒋᒃ;

ᐅᐸᓓᑭᔅ ᓘᒃ 20:1

ᑮ ᐃᑭᓐ ᒫᑲ ᐯᔭᒃ ᐊᓂᐃ ᐁ ᑭᔑᑳᓕᑭ, ᒣᒀᒡ ᐁ ᑭᔅᑭᓄᐊᒪᐙᑦ ᐃᓕᓕᐗ ᑭᒋᐋᔭᒥᐁᐎᑲᒥᑯᒃ, ᓀᔥᑕ ᐁ ᐙᐎᑕᒃ ᒥᓗ ᐋᒋᒧᐎᓂᓕᐤ, ᑮ ᐯᒋ ᐅᑎᑎᑯ ᑭᒋ ᓵᓵᑭᐎᓕᐌᐎᓕᓕᐗ ᓀᔥᑕ ᐅᒪᓯᓇᐃᑫᐗ, ᐊᓯᒋ ᓀᔥᑕ ᑳ ᓂᑳᓀᓕᑖᑯᓯᓕᒋ,

ᐅᐸᓓᑭᔅ ᓘᒃ 4:20

ᐁᑯ ᑭᐸᐊᒃ ᒪᓯᓇᐃᑲᓂᓕᐤ, ᑮ ᒥᓓᐤ ᒫᑲ ᐊᑑᔅᑫᓛᑲᓇ, ᓀᔥᑕ ᑮ ᓇᐊᐱᐤ᙮ ᓱᑲ ᒫᑲ ᑮ ᑲᓇᐙᐸᒥᑯ ᒥᓯᐌ ᐊᓂᐃ ᑳ ᐃᑖᓕᒋ ᐋᔭᒥᐁᐎᑲᒥᑯᒃ᙮

ᐅᐸᓓᑭᔅ ᒑᓐ 7:14

ᐁᑯ ᓈᓐᑕᐤ ᐁ ᐋᐱᑕᐗᓂᓕᒃ ᒪᑯᔐᐎᓂᓕᐤ, ᒋᓴᔅ ᑮ ᐃᑐᑌᐤ ᑭᒋᐋᔭᒥᐁᐎᑲᒥᑯᒃ, ᓀᔥᑕ ᑭ ᑭᔅᑭᓄᐊᒫᑫᐤ᙮

ᐅᐸᓓᑭᔅ ᒑᓐ 7:28

ᐁᑯ ᒋᓴᔅ ᑎᐁᐺᑦ ᑭᒋᐋᔭᒥᐁᐎᑲᒥᑯᒃ ᒣᒀᒡ ᐁ ᑭᔅᑭᓄᐊᒫᑫᑦ, ᐁ ᐃᑗᑦ, ᑭ ᑭᔅᑫᓕᒥᓇᐗᐤ, ᓀᔥᑕ ᑭ ᑭᔅᑫᓕᑌᓇᐗᐤ ᐃᑕ ᐌᒋᔮᓐ: ᓇᒪᐎᓚ ᒫᑲ ᑎᐱᓚᐌ ᓂ ᒥᑐᓀᓕᒋᑲᓂᒃ ᓂ ᐅᒋ ᑕᑯᔑᓂᓐ, ᒫᑲ ᐊᓇ ᑳ ᑮ ᐯᒋᑎᔕᐅᑦ ᑖᐺᐎᓂᐎᐤ, ᐁᑳ ᑳ ᑭᔅᑫᓕᒣᒃ᙮

ᐅᐸᓓᑭᔅ ᒑᓐ 8:2

ᐎᐸᒡ ᒫᑲ ᐁ ᑭᑭᔐᐹᔮᓕᒃ ᒥᓇ ᑮ ᐯᒋ ᐃᑐᑌᐤ ᑭᒋᐋᔭᒥᐁᐎᑲᒥᑯᒃ, ᑮ ᐯᒋ ᓈᑎᑯ ᒫᑲ ᒥᓯᐌ ᐃᓕᓕᐗ; ᐁᑯ ᓀᐊᐱᑦ, ᓀᔥᑕ ᑫᔅᑭᓄᐊᒪᐙᑦ᙮

ᐅᐸᓓᑭᔅ ᒑᓐ 8:20

ᐅᐅ ᐋᔭᒥᐎᓇ ᒋᓴᔅ ᑮ ᐃᑗᐤ ᔔᓕᔭᐎᑲᒥᑯᒃ, ᒣᒀᒡ ᐁ ᑭᔅᑭᓄᐊᒫᑫᑦ ᑭᒋᐋᔭᒥᐁᐎᑲᒥᑯᒃ: ᓇᒪᐎᓚ ᐊᐌᓕᐗ ᒫᑲ ᑮ ᒫᑯᓂᑯ; ᐌᓴ ᐅ ᑎᐹᔨᑲᓐ ᐱᓯᒧᑳᓂᒃ ᓇᒪᐎᓚ ᐁᔥᑾ ᑮ ᐅᑎᒋᐸᓕᓕᐤ᙮