ᐅᐸᓓᑭᔅ ᒫᑎᐤ 26:41 - ᐅᔅᑭ ᑎᔅᑌᒥᓐᑦ

⁴¹ ᐊᔕᐙᐱᒃ ᓀᔥᑕ ᐋᔭᒥᐋᒃ, ᐁᑳ ᑭᒋ ᐃᔅᐸᓕᔦᒃ ᑲᑴᒋᐃᐌᐎᓂᒃ: ᐊᒑᒃ ᑖᐺ ᒪᔥᑲᐌᓕᑕᒻ, ᒫᑲ ᐎᔮᔅ ᓕᓚᒥᓯᒪᑲᓐ᙮

ᐅᐸᓓᑭᔅ ᒫᑎᐤ 26:41 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 24:42

ᐁᐗᑯ ᐌᒋ ᐊᔕᐙᐱᒃ; ᐌᓴ ᓇᒪᐎᓚ ᑭ ᑭᔅᑫᓕᑌᓇᐗᐤ ᑫᑯ ᑎᐹᔨᑲᓐ ᐱᓯᒧᑳᓂᒃ ᐃᔅᐱ ᑫ ᐯᒋ ᐃᑐᑌᒃ ᑭ ᑎᐯᓕᒋᑫᒥᐗᐤ᙮

ᐅᐸᓓᑭᔅ ᒫᑎᐤ 25:13

ᐁᐗᑯ ᐅᒋ ᐊᔕᐙᐱᒃ, ᐌᓴ ᓇᒪᐎᓚ ᑭ ᑭᔅᑫᓕᑌᓇᐗᐤ ᐊᓂᒪ ᐁ ᑭᔑᑳᒃ ᓀᔥᑕᐱᑯ ᑫᑯ ᑎᐹᔨᑲᓐ ᐱᓯᒧᑳᓂᒃ, ᒣᒀᒡ ᑫ ᐯᒋ ᐃᑐᑌᑦ ᐃᓕᓕᐎᑯᓯᓵᓐ᙮

ᐅᐸᓓᑭᔅ ᒫᑎᐤ 26:38

ᐁᑯ ᐁᑖᑦ, ᓂᑦ ᐊᒑᒃ ᓈᔅᐱᒡ ᒪᒥᔑᒣᓕᑕᒻ, ᐱᓕᔥ ᓂᐱᐎᓂᒃ ᐃᔑ: ᐅᑕ ᑕᔑᑫᒃ, ᐎᒋᐊᔕᐗᐱᒥᒃ ᒫᑲ᙮

ᐅᐸᓓᑭᔅ ᒫᑎᐤ 6:13

ᐁᑳᐎᓚ ᒫᑲ ᐃᑐᑕᐃᓈᓐ ᑫ ᐃᔑ ᑲᑴᒋᐃᑲᐎᔮᒃ; ᒫᑲ ᒥᑖᑴᓇᒪᐎᓈᓐ ᒪᒋ ᑫᒀᓇ: ᐌᓴ ᑭᓚ ᑭ ᑎᐱᓚᐌᐎᓯᓐ ᐅᑭᒪᐎᐎᓐ, ᓀᔥᑕ ᑲᔥᑭᐅᐎᓐ, ᓀᔥᑕ ᑭᔅᑌᓖᑖᑯᓯᐎᓐ, ᑳᑭᑫ᙮ ᐁᒣᓐ᙮

ᐅᐸᓓᑭᔅ ᒫᕐᒃ 14:38

ᐊᔕᐙᐱᒃ ᓀᔥᑕ ᐋᔭᒥᐋᒃ, ᐁᑳ ᑭᒋ ᐃᔅᐸᓕᔦᒃ ᑲᑴᒋᐃᐌᐎᓂᒃ: ᐊᒑᒃ ᑖᐺ ᒪᔥᑲᐌᓕᑕᒻ, ᒫᑲ ᐎᔮᔅ ᓕᓚᒥᓯᒪᑲᓐ᙮

ᐅᐸᓓᑭᔅ ᓘᒃ 11:4

ᐌᐯᓕᑕᒪᐎᓈᓐ ᒫᑲ ᓂ ᒪᒋᑐᑕᒧᐎᓂᓈᓇ; ᐌᓴ ᓂᓚᓈᓐ ᓀᔥᑕ ᓂ ᐌᐯᓕᑕᒪᐙᓈᓐ ᒥᓯᐌ ᑕᑐ ᐊᐌᓇ ᑳ ᒪᓯᓇᐃᑫᑐᑕᐎᔭᒥᑦ᙮ ᐁᑳᐎᓚ ᒫᑲ ᐃᑐᑕᐃᓈᓐ ᑫ ᐃᔑ ᑲᑴᒋᐃᑲᐎᔮᒃ; ᒫᑲ ᒥᑖᑴᓇᒪᐎᓈᓐ ᒪᒋ ᑫᒀᓇ᙮

ᐅᐸᓓᑭᔅ ᓘᒃ 21:36

ᐁᐗᑯ ᐅᒋ ᒫᑲ ᐊᔕᐙᐱᒃ ᓀᔥᑕ ᐋᔭᒥᐋᒃ ᒧᔕᒃ, ᑭᒋ ᐃᑕᑭᒥᑳᐎᔦᒃ ᐁ ᑌᐸᑫᓕᑖᑯᓯᔦᒃ ᐁᑳ ᑭᒋ ᐅᑎᑎᑯᔦᒃ ᒥᓯᐌ ᐅᐅ ᑫᒀᓇ ᑫ ᐃᑭᑭ, ᓀᔥᑕ ᑭᒋ ᐅᑎᔥᑲᐎᑳᐸᐎᔅᑕᐌᒃ ᐃᓕᓕᐎᑯᓯᓵᓐ᙮

ᐅᐸᓓᑭᔅ ᓘᒃ 22:40

ᐃᔅᐱ ᒫᑲ ᐁᑯᑕ ᑳ ᑕᑯᔑᒃ, ᑮ ᐃᑌᐤ, ᐋᔭᒥᐋᒃ ᐁᑳ ᑲᑴᒋᐃᐌᐎᓂᒃ ᑭᒋ ᐃᔅᐸᓕᔦᒃ᙮

ᐅᐸᓓᑭᔅ ᓘᒃ 22:46

ᑮ ᐃᑌᐤ ᒫᑲ, ᑖᓀᑭ ᐌᒋ ᓂᐹᔦᒃ? ᐗᓂᔥᑳᒃ, ᐋᔭᒥᐋᒃ ᒫᑲ, ᐁᑳ ᑲᑴᒋᐃᐌᐎᓂᒃ ᑭᒋ ᐃᔅᐸᓕᔦᒃ᙮

ᐅᐸᓓᑭᔅ ᓘᒃ 8:13

ᐊᓂᑭ ᐊᓯᓃᔅᑳᒃ ᐁᐗᒀᓂᑭ ᐃᔅᐱ ᐱᐁᑕᑾᑭ, ᐅᑎᓇᒶᒃ ᐋᔭᒥᐎᓂᓕᐤ ᐁ ᒥᓚᐙᑕᑭᒃ; ᐅᑯ ᒫᑲ ᓇᒪᐎᓚ ᐗᑕᐱᐎᐗᒃ, ᐎᓕᐱᔉ ᐱᑯ ᑳ ᑖᐺᑕᑭᒃ, ᐃᔅᐱ ᒫᑲ ᑲᑴᒋᐃᐌᐎᓐ ᐌᑎᒋᐸᓕᑭ ᐳᓂᑕᐗᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 8:3

ᐌᓴ ᐊᓂᒪ ᐅᓚᔓᐌᐎᓐ ᐁᑳ ᑳ ᑮ ᑐᑕᒧᒪᑲᒃ, ᐎᔮᓯᐎᓂᒃ, ᐁ ᑮ ᐅᒋ ᓕᓚᒥᓯᒪᑲᒃ, ᑭᒋᒪᓂᑐ ᐁ ᐯᒋᑎᔓᐙᑦ ᑎᐱᓚᐌ ᐅᑯᓯᓴ ᐁ ᓇᔅᐱᑕᒪᓕᒋ ᒪᒋᑣᐎ ᐎᔮᓯᐎᓂᓕᐤ, ᓀᔥᑕ ᒪᒋᑣᐎᓐ ᐅᒋ, ᑮ ᓂᔑᐗᓈᒋᑕᒻ ᒪᒋᑣᐎᓂᓕᐤ ᐎᔮᓯᐎᓂᒃ:

ᓂᔥᑕᒻ ᑯᕆᓐᑎᐊᓇ 10:13

ᓇᒪᐎᓚ ᑲᑴᒋᐃᐌᐎᓐ ᑭ ᑮ ᐅᒋ ᒫᑯᓂᑯᓇᐗᐤ ᐊᓂᐃ ᐱᑯ ᒧᔕᒃ ᑳ ᐅᑎᑎᑯᒋᒃ ᐃᓕᓕᐗᒃ: ᒫᑲ ᑭᒋᒪᓂᑐ ᒀᔭᔅᑭᑎᐤ, ᓇᒪᐎᓚ ᒫᑲ ᑭ ᑳ ᐸᑭᑎᓂᑯᐗᐤ ᐊᐙᓯᑌ ᑭᒋ ᑲᑴᒋᐃᑲᐎᔦᒃ ᐁ ᐃᔅᐱᒋ ᓱᑳᑎᓯᔦᒃ; ᒫᑲ ᐁ ᑲᑴᒋᐃᑲᐎᔦᒃ ᑭ ᑳ ᐙᐸᑎᓕᑯᐗᐤ ᑫ ᐃᔑ ᐅᔑᒧᔦᒃ, ᑭᒋ ᑮ ᔕᑯᑖᔦᒃ᙮

ᓂᔥᑕᒻ ᑯᕆᓐᑎᐊᓇ 16:13

ᐊᔕᐙᐱᒃ, ᐋᔭᒋᑳᐸᐎᒃ ᑖᐺᔦᓕᑕᒧᐎᓂᒃ, ᑖᐱᔅᑯᒡ ᓈᐯᐗᒃ ᐎᐃᑎᒃ, ᒪᔥᑲᐎᓯᒃ᙮

ᓂᔥᑕᒻ ᑯᕆᓐᑎᐊᓇ 9:27

ᒫᑲ ᓂ ᑎᐯᓕᑌᓐ ᓂᔭᐤ, ᓂ ᔕᑯᒋᑖᓐ ᒫᑲ; ᑫᑲ ᓂᑯᑐ ᐃᑭᒃ, ᐃᔅᐱ ᑮ ᑲᑫᔅᑭᒪᑭᒃ ᑯᑕᑭᔭᒃ, ᓂᓚ ᑫᒋᐙᒃ ᑭᒋ ᐌᐱᓂᑳᐎᔮᓐ᙮

ᑲᓓᔕᐊᓇ 5:24

ᐊᓂᑭ ᒫᑲ ᑳ ᑎᐯᓕᒥᑯᒋᒃ ᙭ᑕ, ᑮ ᒋᔅᑖᔅᒀᑕᒶᒃ ᐎᔭᓯᐎᐎᓕᓕᐤ, ᐊᓯᒋ ᓀᔥᑕ ᐁ ᐃᔑ ᒪᒋ ᐃᑌᓕᑕᒧᒪᑲᓂᓕᒃ ᓀᔥᑕ ᐁ ᐃᔑ ᓇᑕᐌᓕᑕᒧᒪᑲᓂᓕᒃ᙮

ᐃᐱᓯᔭᓇ 6:18

ᒧᔕᒃ ᐁ ᐋᔭᒥᐋᔦᒃ ᒥᓯᐌ ᐋᔭᒥᐋᐎᓂᒃ ᓀᔥᑕ ᓇᑐᑕᒫᑫᐎᓂᒃ ᐊᒑᑯᒃ, ᐁᑯᑕ ᓀᔥᑕ ᐁ ᐃᔑ ᐊᔕᐙᐱᔦᒃ ᒥᓯᐌ ᐋᔑᑫᓕᑕᒧᐎᓂᒃ, ᓀᔥᑕ ᐁ ᐋᔭᒥᐁᔅᑕᒪᐌᑾᒃ ᒥᓯᐌ ᐅᐸᓓᑭᓴᒃ;

ᓂᔥᑕᒻ ᐱᑕᕐ 4:7

ᒫᑲ ᐯᔓᓈᑾᒃ ᑭᒋ ᐃᔥᒀᐸᓕᑭ ᒥᓯᐌ ᑫᒀᓇ: ᐁᐗᑯ ᐌᒋ ᐯᑳᒡ ᐃᑖᑎᓰᒃ, ᐊᔕᐙᐱᒃ ᒫᑲ ᐁ ᐋᔭᒥᐊᔦᒃ᙮

ᓂᔥᑕᒻ ᐱᑕᕐ 5:8

ᐯᑳᒡ ᐃᑕᑎᓰᒃ, ᔮᒀᒥᓯᒃ; ᐌᓴ ᑳ ᐎ ᒪᒋᑐᑖᑖᒃ ᒪᒋᒪᓂᑐ, ᑖᐱᔅᑯᒡ ᐁ ᐅᓗᑦ ᒥᔑᐱᔑᐤ ᐸᐹᒧᑌᐤ ᐁ ᓈᓇᑕᐙᐸᒫᑦ ᐊᐌᓕᐗ ᑫ ᑯᒋᐸᓕᐋᑦ:

ᓂᔓ ᐱᑕᕐ 2:9

ᐅᑎᐯᓕᒋᑫᐤ ᑭᔅᑫᓕᑕᒻ ᑫ ᐃᔑ ᐃᑖᒋᒃ ᐎᑾᒋᐋᑦ ᑳ ᒪᓂᑐᐙᑎᓯᓕᒋ ᑲᑴᒋᐃᐌᐎᓂᒃ ᐅᒋ, ᓀᔥᑕ ᑭᒋ ᐊᓛᑦ ᐁᑳ ᑳ ᒀᔭᔅᑭᑎᓕᒋ ᑲᒀᑕᑭᐃᑯᓯᐎᓂᒃ ᐱᓕᔥ ᑎᐹᔅᑯᓂᑫᐎ ᑭᔑᑳᓕᑫ:

ᑭᔅᑫᓕᑖᑯᑖᑫᐎᓐ 16:15

ᒫᑎᑲ, ᑖᐱᔅᑯᒡ ᑭᒧᑎᔉ ᓂ ᑕᑯᔑᓂᓐ᙮ ᔕᐌᓕᑖᑯᓯᐤ ᐊᓇ ᑳ ᐊᔕᐙᐱᑦ, ᓀᔥᑕ ᑳ ᑲᓇᐌᓕᑕᒃ ᐅ ᐎᓛᒋᑲᓇ, ᐁᑳ ᑭᒋ ᒧᔐᔥᑲᑌᑌᑦ, ᓀᔥᑕ ᐙᐸᑕᒥᓕᒋ ᐅ ᓇᓀᐯᐎᓯᐎᓐ᙮

ᑭᔅᑫᓕᑖᑯᑖᑫᐎᓐ 3:10

ᐁ ᑮ ᑲᓇᐌᓕᑕᒪᓐ ᓂ ᔑᐱᓚᐌᓯᐎᓂ ᐋᔭᒥᐎᓐ, ᓂᓚ ᓀᔥᑕ ᑭ ᑳ ᑲᓇᐌᓕᒥᑎᓐ ᐃᔅᐱ ᐅᑎᒋᐸᓕᑫ ᑭᒋ ᑲᑴᒋᐃᐌᐎᓂᐗᒃ, ᑫ ᐯᒋ ᐱᒥᐸᓕᒃ ᒥᓯᐌ ᐊᔅᑮᒃ, ᑭᒋ ᑲᑴᒋᐃᑯᒋᒃ ᐊᓂᑭ ᐊᔅᑮᒃ ᑳ ᑕᔑᑫᒋᒃ᙮