ᐅᐸᓓᑭᔅ ᒫᑎᐤ 26:24 - ᐅᔅᑭ ᑎᔅᑌᒥᓐᑦ

²⁴ ᐃᓕᓕᐎᑯᓯᓵᓐ ᑭᑐᑌᐤ ᐁ ᐃᔑ ᒪᓯᓇᐃᑳᑌᓕᒃ; ᒫᑲ ᑲᑕ ᑲᒀᑕᑭᓯᐤ ᐊᓇ ᐃᓕᓕᐤ ᑳ ᐋᔦᔑᐸᑭᑎᓈᑦ ᐃᓕᓕᐎᑯᓯᓵᓇ! ᑲᑕ ᑮ ᒥᓨᔑᓂᓕᐸᓐ ᐊᓇ ᐃᓕᓕᐤ ᑮᔥᐱᓐ ᐁᑳ ᑮ ᐅᒋ ᓂᑖᐎᑭᑦ᙮

ᐅᐸᓓᑭᔅ ᒫᑎᐤ 26:24 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 18:7

ᑲᑕ ᑲᒀᑕᑭᓯᒪᑲᓐ ᐊᔅᑭ ᒪᒋ ᐋᔨᑎᐎᓇ ᐅᒋ! ᐌᓴ ᑫᒋᓈᔥ ᒪᒋ ᐋᔨᑎᐎᓇ ᑲᑕ ᐅᑎᒋᐸᓕᐗ; ᒫᑲ ᑲᑕ ᑲᒀᑕᑭᓯᐤ ᐊᓇ ᐃᓕᓕᐤ ᑳ ᐅᒋ ᐅᑎᒋᐸᓕᒃ ᒪᒋ ᐋᔨᑎᐎᓐ!

ᐅᐸᓓᑭᔅ ᒫᑎᐤ 26:31

ᐁᑯ ᒋᓴᔅ ᐁᑖᑦ, ᒥᓯᐌ ᐁ ᐃᑕᔑᔦᒃ ᑭ ᑳ ᓈᔦᑕᐌᓕᑌᓇᐗᐤ ᓂᓚ ᐅᒋ ᐊᓄᒡ ᑫ ᑎᐱᔅᑳᒃ: ᐌᓴ ᐃᑕᓯᓇᐃᑳᑌᐤ, ᓂ ᑳ ᐸᑲᒪᐗᐤ ᒫᓂᔥᒑᓂᔑᐎᓕᓕᐤ, ᒫᓂᔥᒑᓂᔕᒃ ᒫᑲ ᑲᑕ ᐊᓴᓶᑎᔕᐙᐗᒃ᙮

ᐅᐸᓓᑭᔅ ᒫᑎᐤ 26:54

ᒫᑲ ᑖᓐᑌ ᑫ ᐅᒋ ᑎᐱᐸᓕᒃ ᑳ ᐃᑕᔅᑌᒃ ᑭᒋ ᒪᓯᓇᐃᑫᐎᓂᒃ, ᐁᑯ ᑭᒋ ᐃᔑ ᐃᑭᑭᐸᓐ?

ᐅᐸᓓᑭᔅ ᒫᑎᐤ 26:56

ᒫᑲ ᒥᓯᐌ ᐅᒪ ᑮ ᐃᑭᓐ ᑭᒋ ᑎᐱᐸᓕᓕᑭ ᐅᑭᔅᑭᐙᐃᑫᐗᒃ ᐅ ᑭᒋ ᒪᓯᓇᐃᑫᐎᓂᐙᐗ᙮ ᐁᑯ ᒥᓯᐌ ᑭᔅᑭᓄᐊᒪᐙᑲᓇᒃ ᓀᑲᑖᒋᒃ, ᑮ ᐅᔑᒧᐗᒃ ᒫᑲ᙮

ᐅᐸᓓᑭᔅ ᒫᕐᒃ 14:21

ᐃᓕᓕᐎᑯᓯᓵᓐ ᑖᐺ ᑭᑐᑌᐤ ᐁ ᐃᔑ ᒪᓯᓇᐃᑳᑌᓕᒃ: ᒫᑲ ᑲᑕ ᑲᒀᑕᑭᓯᐤ ᐊᓇ ᐃᓕᓕᐤ ᑫ ᐙᔦᔑᐸᑭᑎᓈᑦ ᐃᓕᓕᐎᑯᓯᓵᓇ! ᑲᑕ ᑮ ᒥᓨᔑᓂᓕᐸᓐ ᐊᓇ ᐃᓕᓕᐤ ᑮᔥᐱᓐ ᐁᑳ ᐐᔅᑳᑦ ᑮ ᐅᒋ ᓂᑖᐎᑭᑦ᙮

ᐅᐸᓓᑭᔅ ᒫᕐᒃ 9:12

ᑮ ᓇᔥᑴᐗᔑᐁᐤ ᒫᑲ, ᐁ ᐎᑕᒪᐙᑦ, ᐃᓛᐃᒐ ᑖᐺ ᓃᔥᑕᒻ ᑕᑯᔑᓐ, ᓀᔥᑕ ᒥᓗᑕᐤ ᒥᓯᐌ ᑫᒀᓇ; ᓀᔥᑕ ᐁ ᐃᑕᓯᓇᐃᑳᑌᓕᒃ ᐃᓕᓕᐎᑯᓯᓵᓐ ᐅᒋ, ᑭᒋ ᐙᐎᓴᑫᓕᑕᒃ ᒥᒉᑦ ᑫᒀᓇ, ᓀᔥᑕ ᑭᒋ ᐋᑕᐌᓕᒫᑲᓂᐎᑦ᙮

ᐅᐸᓓᑭᔅ ᓘᒃ 22:22

ᑖᐺ ᒫᑲ ᐃᓕᓕᐎᑯᓯᓵᓐ ᑭᑐᑌᐤ, ᐁ ᑮ ᐃᔑ ᐅᓓᓕᒋᑳᑌᒃ: ᒫᑲ ᑲᑕ ᑲᒀᑕᑭᓯᐤ ᐊᓇ ᐃᓕᓕᐤ ᑫ ᐙᔦᔑᐸᑭᑎᓈᑦ!

ᐅᐸᓓᑭᔅ ᓘᒃ 24:46

ᑮ ᐃᑌᐤ ᒫᑲ, ᐅᒪ ᐃᑕᓯᓇᐃᑳᑌᐤ, ᐁᑯ ᓀᔥᑕ ᔮᓕᑌᓪ ᐁᑌᓕᑖᑯᓯᑦ ᙭ ᑭᒋ ᐎᓴᑫᓕᑕᒃ, ᓀᔥᑕ ᑭᒋ ᐗᓂᔥᑳᑦ ᐅᓂᐱᐗ ᐅᒋ ᐁ ᓂᔅᑐ ᑭᔑᑳᓕᒃ;

ᐅᐸᓓᑭᔅ ᒑᓐ 17:12

ᐁᔥᑾ ᐁ ᐎᒉᐗᑭᒃ ᐊᔅᑮᒃ, ᓂ ᑮ ᑲᓇᐌᓕᒪᐗᒃ ᑭᑦ ᐃᔑᓂᑳᓱᐎᓂᒃ: ᐊᓂᑭ ᑳ ᑮ ᒥᓕᔭᓐ ᓂ ᑮ ᑲᓇᐌᓕᒪᐗᒃ, ᓀᔥᑕ ᓇᒪ ᐙᐙᒡ ᐯᔭᒃ ᐁ ᐃᑕᓯᒋᒃ ᐗᓂᐋᑲᓂᐎᐤ, ᐊᓇ ᐱᑯ ᑳ ᐅᑯᓯᓯᒥᑯᑦ ᓂᔑᐗᓈᒋᐅᐎᓂᓕᐤ; ᑭᒋ ᒪᓯᓇᐃᑫᐎᓐ ᑭᒋ ᑎᐱᐸᓕᒃ᙮

ᐅᐸᓓᑭᔅ ᒑᓐ 19:24

ᐁᐗᑯ ᐌᒋ ᐃᑎᑐᒋᒃ, ᐁᑳᐎᓚ ᑖᑐᐱᑖᑕᐤ, ᒫᑲ ᒪᐃᑲᓈᑎᑯᑫᑕᐤ ᐊᐌᓇ ᑫ ᐋᔮᑦ: ᑭᒋ ᒪᓯᓇᐃᑫᐎᓐ ᑭᒋ ᑎᐱᐸᓕᒃ, ᑳ ᐃᑗᒪᑲᒃ, ᑮ ᒫᑎᓇᒫᑐᐗᒃ ᓂ ᐎᓛᒋᑲᓇ, ᓀᔥᑕ ᓂᑦ ᐊᑯᐅᓂᓕᐤ ᑮ ᐅᒋ ᒪᐃᑲᓈᑎᑯᑫᐗᒃ ᐊᐌᓇ ᑫ ᐋᔮᑦ᙮ ᐅᐅ ᑫᒀᓇ ᒫᑲ ᑮ ᑐᑕᒶᒃ ᓇᑐᐸᓕᐎᓕᓕᐗᒃ᙮

ᐅᐸᓓᑭᔅ ᒑᓐ 19:28

ᐹᑎᒫ ᐅᒪ, ᒋᓴᔅ ᐁ ᑭᔅᑫᓕᑕᒃ ᒥᓯᐌ ᑫᒀᓇ ᐋᔕᔾ ᐁ ᑭᔑᑖᓂᐗᓂᓕᑭ, ᑭᒋ ᒪᓯᓇᐃᑫᐎᓐ ᑭᒋ ᑎᐱᐸᓕᒃ, ᐃᑗᐤ, ᓂ ᐎ ᒥᓂᒀᓐ᙮

ᐊᐸᔅᑕᓚᒃ 2:23

ᐎᓚ ᐁ ᑮ ᐸᑭᑎᓈᑲᓂᐎᑦ ᑭᒋᒪᓂᑐ ᐅᑦ ᐅᓚᔓᐌᐎᓐ ᓀᔥᑕ ᐅ ᓂᑳᓂ ᑭᔅᑫᓕᑕᒧᐎᓐ ᐅᒋ, ᑭ ᑮ ᐅᑎᓈᐗᐤ, ᓀᔥᑕ ᒪᒑᑎᓯᐎ ᒥᒋᒋᒃ ᑭ ᑮ ᐅᒋ ᒋᔅᑖᔅᑾᐗᐗᐤ ᓀᔥᑕ ᑭ ᑮ ᓂᐸᐋᐗᐤ:

ᐊᐸᔅᑕᓚᒃ 28:23

ᐃᔅᐱ ᒫᑲ ᑳ ᑮ ᐅᓚᑭᑕᒪᐙᒋᒃ ᐯᔭᒃ ᐁ ᑭᔑᑳᒃ, ᒥᒉᑦ ᑮ ᐯᒋ ᓈᑌᐗᒃ ᐎᑭᓕᒃ; ᐅᐅ ᒫᑲ ᑮ ᐙᐎᑕᒪᐌᐤ ᓀᔥᑕ ᑮ ᐋᓕᒧᑕᒪᐌᐤ ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᐤ, ᐁ ᑲᑫᔅᑭᒫᑦ ᐁ ᐋᓕᒧᒫᑦ ᒋᓴᓴ, ᑖᐱᔅᑯᒡ ᐅᑦ ᐅᓚᔓᐌᐎᓂᒃ ᒧᓯᔅ ᐅᒋ, ᓀᔥᑕ ᐅ ᒪᓯᓇᐃᑲᓂᐙᒃ ᐅᑭᔅᑭᐙᐃᑫᐗᒃ, ᐁ ᑭᑭᔐᐹᔮᓕᒃ ᐅᒋ ᐱᓕᔥ ᐁ ᐅᑖᑯᔑᓂᓕᒃ᙮

ᐊᐸᔅᑕᓚᒃ 4:28

ᑭᒋ ᑐᑕᑭᒃ ᐱᑯ ᑫᒀᓐ ᑭᒋᒋ ᓀᔥᑕ ᑭᑦ ᐅᓚᔓᐌᐎᓐ ᓂᔮᑲᓇ ᑳ ᑮ ᐅᒋ ᐃᑌᓕᑕᒪᓐ ᑭᒋ ᑐᒋᑳᑌᒃ᙮

ᓂᔥᑕᒻ ᑯᕆᓐᑎᐊᓇ 15:3

ᐌᓴ ᓃᔥᑕᒻ ᑭ ᑮ ᐸᑭᑎᓇᒫᑎᓇᐊᐤ ᐊᓂᒪ ᑳ ᑮ ᑭᔅᑫᓕᑕᒥᐃᑳᐎᔮᓐ, ᙭ ᐁ ᑮ ᓂᐱᑦ ᑭ ᒪᒋᑣᐎᓂᓇᐗ ᐅᒋ ᐁ ᐃᔑ ᐃᑗᒪᑲᑭ ᑭᒋ ᒪᓯᓇᐃᑫᐎᓇ;