2 ᓂᔮᓚᓐ ᐁ ᐃᑕᓯᒋᒃ ᒫᑲ ᑮ ᓕᑆᑳᐗᒃ, ᓂᔮᓚᓐ ᒫᑲ ᑭ ᑲᑫᐹᑎᓯᐗᒃ᙮
ᒫᑎᑲ, ᑭᑦ ᐃᑎᔕᐅᑎᓇᐗᐤ ᑖᐱᔅᑯᒡ ᒫᓂᔥᒑᓂᔕᒃ ᐃᑕ ᐁ ᐃᑖᓕᒋ ᒪᐃᑲᓇ: ᐁᐗᑯ ᐅᒋ ᓕᑆᑳᒃ ᑖᐱᔅᑯᒡ ᑭᓀᐱᑾᒃ, ᓀᔥᑕ ᓗᔅᐹᑎᓯᒃ ᑖᐱᔅᑯᒡ ᐅᒥᒥᐗᒃ᙮
ᐊᐌᓇ ᒫᑲ ᑳ ᒀᔭᔅᑭᑎᑦ ᓀᔥᑕ ᑲᑫᑕᐌᓕᑕᒃ ᐊᑑᔅᑫᓛᑲᓐ, ᑳ ᑮ ᑎᐯᓕᑕᒥᐃᑯᑦ ᐅᑦ ᐅᑭᒫᒪ ᐊᓂᐃ ᑳ ᐃᑖᓕᒋ ᐅ ᐙᔅᑳᔨᑲᓂᒥᓕᒃ, ᑭᒋ ᐊᔕᒫᑦ ᐌᑎᒋᐸᓕᓕᑭ?
ᐊᓂᑭ ᒫᑲ ᑳ ᑲᑫᐹᑎᓯᒋᒃ ᑮ ᐅᑎᓇᒶᒃ ᐅ ᐙᔅᑎᓇᒫᑲᓂᐙᐗ, ᓇᒪᐎᓚ ᒫᑲ ᑮ ᐅᑎᓇᒶᒃ ᐱᒥᓕᐤ᙮
ᐊᓂᑭ ᒫᑲ ᑳ ᓕᑆᑳᒋᒃ ᑮ ᐅᑎᓇᒶᒃ ᐱᒥᓕᐤ ᐅᑦ ᐊᓱᐗᒋᑲᓂᐙᒃ ᐊᓯᒋ ᐅ ᐙᔅᑌᓇᒫᑲᓂᐙᒃ᙮
ᒫᑲ ᑳ ᓕᑆᑳᒋᒃ ᑮ ᓇᔥᑴᐗᔑᐁᐗᒃ, ᐁ ᐃᑗᒋᒃ, ᓇᒪᐎᓚ; ᑭᔅᑎᓈᒡ ᓇᒪᐎᓚ ᑲᑕ ᑌᐱᐸᓕᐤ ᑖᐱᔅᑯᒡ ᑭᒋ ᐋᔮᔭᒃ: ᒫᑲ ᐊᐙᓯᑌ ᑲᑕ ᒥᓨᔑᓐ ᑭᒋ ᓈᑌᑾᒃ ᐊᓂᑭ ᑳ ᐊᑖᐙᑫᒋᒃ ᑭᒋ ᐊᑖᐌᔅᑕᒫᓱᔦᒃ᙮
ᑭᓚᓇᓇᐤ ᐃᑕ ᐁ ᐃᑖᔭᒃ ᑮ ᐅᒋ ᐗᓚᐎᐗᒃ, ᒫᑲ ᓇᒪᐎᓚ ᑭ ᑮ ᐅᐎᒉᐙᑲᓂᓈᐤ: ᐌᓴ ᑮᔥᐱᓐ ᑮ ᐅᐎᒉᐙᑲᓂᔭᒃ, ᑫᔮᐸᒡ ᑭ ᑳ ᐎᒉᐎᑯᑖᓇᐗᒃ; ᒫᑲ ᑮ ᐗᓚᐎᐗᒃ ᑭᒋ ᑭᔅᑫᓕᑖᑯᓯᒋᒃ ᐁᑳ ᒥᓯᐌ ᐁ ᑮ ᐅᐎᒉᐙᑲᓂᔭᒃ᙮
ᐁᐗᑯ ᐅᒋ ᑭ ᑭᔅᑭᓯᑐᑕᒥᐃᑎᓇᐗᐤ, ᐋᑕ ᐯᔭᑾᐤ ᐅᒪ ᐁ ᑮ ᑭᔅᑫᓕᑕᒣᒃ, ᐅᑎᐯᓕᒋᑫᐤ ᐁ ᑮ ᐱᒫᒋᐋᑦ ᐃᓕᓕᐗ ᐃᒋᑉᑦ ᐊᔅᑮᒃ ᐅᒋ, ᐹᑎᒫ ᑮ ᓂᔑᐗᓈᒋᐁᐤ ᐊᓂᐃ ᐁᑳ ᑳ ᑮ ᑖᐺᑕᒥᓕᒋ᙮
