ᐅᐸᓓᑭᔅ ᒫᑎᐤ 24:9 - ᐅᔅᑭ ᑎᔅᑌᒥᓐᑦ

⁹ ᐁᑯ ᑫ ᐸᑭᑎᓂᑖᑾᒃ ᑭᒋ ᑲᒀᑕᑭᐃᑳᐎᔦᒃ, ᑭ ᑳ ᓂᐹᐃᑯᐙᐗᒃ ᒫᑲ: ᓀᔥᑕ ᑭ ᑳ ᐸᒀᑎᑯᐙᐗᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ ᓂᑦ ᐃᔑᓂᑳᓱᐎᓐ ᐅᒋ᙮

ᐅᐸᓓᑭᔅ ᒫᑎᐤ 24:9 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 22:6

ᑯᑐᑭᔭᒃ ᒫᑲ ᑮ ᐅᑎᓂᒣᐗᒃ ᐅᑦ ᐊᑑᔅᑫᓛᑲᓂᒪ, ᑮ ᐊᔅᐱᐁᐗᒃ ᒫᑲ, ᓀᔥᑕ ᑮ ᓂᐸᐁᐗᒃ᙮

ᐅᐸᓓᑭᔅ ᒫᑎᐤ 23:34

ᐁᑯᔑ ᒫᑲ, ᒫᑎᑲ, ᑭᑦ ᐃᑎᔕᐊᒫᑎᓇᐗᐤ ᐅᑭᔅᑭᐙᐃᑫᐗᒃ ᓀᔥᑕ ᑫᑫᑕᐌᓕᑕᑭᒃ ᐃᓕᓕᐗᒃ ᓀᔥᑕ ᐅᒪᓯᓇᐃᑫᐗᒃ; ᐋᑎᑦ ᐁ ᐃᑕᓯᒋᒃ ᒫᑲ ᑭ ᑳ ᓂᐸᐋᐗᐗᒃ ᓀᔥᑕ ᒋᔅᑖᔅᑯᐙᐙᐗᒃ; ᐋᑎᑦ ᐁ ᐃᑕᓯᒋᒃ ᒫᑲ ᑭ ᑳ ᐸᐸᓴᔅᑌᐙᐗᐗᒃ ᑭᑦ ᐋᔭᒥᐁᐎᑲᒥᑯᐗᒃ, ᓀᔥᑕ ᒥᓯᐌ ᐃᑖᐎᓂᒃ ᑭ ᑳ ᑲᒀᑕᑭᐊᐙᐗᒃ᙮

ᐅᐸᓓᑭᔅ ᓘᒃ 11:49

ᐁᐗᑯ ᐌᒋ ᐃᑗᒪᑲᓂᓕᒃ ᑭᒋᒪᓂᑐ ᐅ ᑲᑫᑕᐌᓕᑕᒧᐎᓐ, ᓂ ᑳ ᐃᔑᑎᔕᐊᒪᐙᐗᒃ ᐅᑭᔅᑭᐙᐃᑫᐗ ᓀᔥᑕ ᐊᐸᔅᑕᓚ, ᐋᑎᑦ ᒫᑲ ᐁ ᐃᑕᓯᓕᒋ ᑲᑕ ᓂᐸᐁᐗᒃ ᓀᔥᑕ ᑲᑕ ᑲᒀᑕᑭᐁᐗᒃ;

ᐅᐸᓓᑭᔅ ᓘᒃ 21:12

ᒫᑲ ᐸᒧᔑ ᒥᓯᐌ ᐅᐅ, ᑭ ᑳ ᒫᑯᓂᑯᐙᐗᒃ, ᓀᔥᑕ ᑭ ᑳ ᑲᒀᑕᑭᐃᑯᐙᐗᒃ, ᐁ ᐸᑭᑎᓂᑖᑾᒃ ᐋᔭᒥᐁᐎᑲᒥᑯᒃ, ᓀᔥᑕ ᑭᐸᐅᑐᐎᑲᒥᑯᒃ, ᐁ ᐃᑐᑕᐃᑲᐎᔦᒃ ᐅᑎᔥᑳᐤ ᑭᒋᐅᑭᒫᐗᒃ ᓀᔥᑕ ᐅᑎᐯᓕᒋᑫᐗᒃ ᓂᑦ ᐃᔑᓂᑳᓱᐎᓐ ᐅᒋ᙮

ᐅᐸᓓᑭᔅ ᒑᓐ 15:18

ᑮᔥᐱᓐ ᐊᔅᑭ ᐸᒀᑎᑯᔦᑴ, ᑭ ᑭᔅᑫᓕᑌᓇᐗᐤ ᐁ ᑮ ᐸᒀᑎᑯᔮᓐ ᐸᒧᔑ ᐸᒀᑎᑯᔦᒃ ᑭᓚᐗᐤ᙮

ᐅᐸᓓᑭᔅ ᒑᓐ 15:21

ᒫᑲ ᒥᓯᐌ ᐅᐅ ᑫᒀᓇ ᑭ ᑳ ᑐᑖᑯᐙᐗᒃ ᓂᑦ ᐃᔑᓂᑳᓱᐎᓂᓕᐤ ᐅᒋ, ᐁᑳ ᐁ ᑭᔅᑫᓕᒫᒋᒃ ᐊᓂᐃ ᑳ ᑮ ᐯᒋᑎᔕᐅᓕᒋ᙮

ᐅᐸᓓᑭᔅ ᒑᓐ 16:2

ᑭ ᑳ ᐗᓚᐎᐌᐱᓂᑯᐙᐗᒃ ᐋᔭᒥᐁᐎᑲᒥᑯᒃ ᐅᒋ: ᐁᐁ, ᑎᐹᔨᑲᓐ ᐱᓯᒧᑳᓂᒃ ᐹᐸᓕᐤ, ᐃᔅᐱ ᒥᓯᐌ ᐊᐌᓇ ᑫ ᓂᐹᔨᑖᒃ, ᓂᑦ ᐊᑑᔅᑲᐗᐤ ᑭᒋᒪᓂᑐ, ᑲᑕ ᐃᑌᓕᑕᒻ᙮

ᐊᐸᔅᑕᓚᒃ 28:22

ᒫᑲ ᓂ ᓇᑕᐌᓕᑌᓈᓐ ᑭᒋ ᐯᑖᑖᒃ ᑖᓂ ᐁᑌᓕᑕᒪᓐ: ᐌᓴ ᐅᒪ ᐋᔭᒥᐋᐎᓐ ᐁ ᐋᓕᒧᒋᑳᑌᒃ, ᓂ ᑭᔅᑫᓕᑌᓈᓐ ᒥᓯᐌ ᐃᑕ ᐁ ᒪᒋ ᐋᓕᒧᒋᑳᑌᒃ᙮

ᐊᐸᔅᑕᓚᒃ 7:59

ᑮ ᐱᒧᓯᓈᑕᐌᐗᒃ ᒫᑲ ᔅᑎᐱᓇ ᐁ ᒪᐎᒧᔅᑕᐙᓕᒋ ᑭᒋᒪᓂᑐᐗ, ᓀᔥᑕ ᐁ ᐃᑗᓕᒋ, ᑌᐯᓕᒋᑫᔭᓐ ᒋᓴᔅ, ᐅᑎᓐ ᓂᑦ ᐊᒑᒃ᙮

ᓂᔥᑕᒻ ᐱᑕᕐ 4:16

ᐁᓕᐌᒃ ᒫᑲ ᑮᔥᐱᓐ ᐊᐌᓇ ᐎᓴᑫᓖᑕᒥᐋᑲᓂᐎᑌ ᑖᐱᔅᑯᒡ ᑳ ᒃᕆᔅᑎᔮᓂᐎᑦ, ᐁᑯᔑ ᐁᑳᐎᓚ ᑲᑕ ᓇᓀᐯᐎᓯᐤ; ᒫᑲ ᐅᒪ ᐅᒋ ᐁᑯᔑ ᑲᑕ ᑭᔅᑌᓕᒣᐤ ᑭᒋᒪᓂᑐᐗ᙮

ᑭᔅᑫᓕᑖᑯᑖᑫᐎᓐ 2:10

ᐁᑳᐎᓚ ᑯᔅᑕ ᐊᓂᐃ ᑫᒀᓇ ᑫ ᐃᔑ ᑲᒀᑕᑭᑖᔭᓐ: ᒫᑎᑲ, ᒪᒋᒪᓂᑐ ᐋᑎᑦ ᑭᐸᐅᑐᐎᑲᒥᑯᒃ ᑭ ᑳ ᐃᔑ ᐌᐱᓂᑯᐗᐤ, ᑭᒋ ᑲᑴᒋᐃᑲᐎᔦᒃ; ᓀᔥᑕ ᑭ ᑳ ᐋᔮᓇᐗᐤ ᐊᓕᒥᓯᐎᓐ ᒥᑖᑐ ᑭᔑᑳᐗ: ᒀᔭᔅᑭᑎ ᓂᐱᐎᓂᒃ ᐃᔅᑯ, ᑭ ᑳ ᒥᓕᑎᓐ ᒫᑲ ᐱᒫᑎᓯᐎᓂ ᐅᑭᒪᐗᔅᑐᑎᓐ᙮

ᑭᔅᑫᓕᑖᑯᑖᑫᐎᓐ 2:13

ᓂ ᑭᔅᑫᓕᑌᓐ ᑭᑦ ᐊᑑᔅᑫᐎᓇ, ᓀᔥᑕ ᐃᑕ ᑳ ᐎᑭᔭᓐ, ᐊᓐᑕ ᐅᑎ ᐁ ᐃᑕᑾᓂᓕᒃ ᓭᑕᓐ ᐅᑦ ᐊᐱᐎᓐ: ᑭ ᒪᔥᑲᐎ ᒥᒋᒥᓀᓐ ᒫᑲ ᓂᑦ ᐃᔑᓂᑳᓱᐎᓐ, ᓇᒪ ᓀᔥᑕ ᑭ ᑮ ᐋᓉᑌᓐ ᓂ ᑖᐺᔦᓕᑕᒧᐎᓐ, ᐊᐳᒋᑲ ᒣᒀᒡ ᐊᓂᐃ ᐁ ᑭᔑᑳᑭ ᐃᔅᐱ ᐋᓐᑎᐹᔅ ᑳ ᒀᔭᔅᑭᑎᑦ ᓂ ᒫᕐᑕᐱᒻ, ᑳ ᑭ ᓂᐸᐋᑲᓂᐎᑦ ᐃᑕ ᐁ ᐃᑖᔦᒃ, ᐃᑕ ᓭᑖᓐ ᑳ ᐎᑭᑦ᙮

ᑭᔅᑫᓕᑖᑯᑖᑫᐎᓐ 7:14

ᓂ ᑮ ᐃᑕᐤ ᒫᑲ, ᐅᑭᒪᐤ, ᑭᓚ ᑭ ᑭᔅᑫᓕᑌᓐ᙮ ᓂ ᑮ ᐃᑎᒃ ᒫᑲ, ᐅᑯ ᐁᐗᒀᓂᑭ ᑭᒋ ᐊᓕᒥᓯᐎᓂᒃ ᑳ ᑮ ᐯᒋ ᐅᑐᑌᒋᒃ, ᑮ ᑭᒋᔅᑕᐸᐎᑖᐗᒃ ᒫᑲ ᐅᑦ ᐊᑯᐅᓂᐙᐗ, ᓀᔥᑕ ᑮ ᐙᐱᑖᐗᒃ ᐅ ᒥᑯᒥᓕᒃ ᒫᓂᔥᒑᓂᔑᔕ᙮