ᐅᐸᓓᑭᔅ ᒫᑎᐤ 24:14 - ᐅᔅᑭ ᑎᔅᑌᒥᓐᑦ

¹⁴ ᐅᒪ ᐅᑭᒫᐎᐎᓂ ᒥᓗᐋᒋᒧᐎᓐ ᒫᑲ ᑲᑕ ᐙᐎᑖᑲᓂᐗᓐ ᒥᓯᐌ ᐊᔅᑮᒃ, ᑭᒋ ᐎᑕᒫᑯᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ; ᐁᑯ ᒫᑲ ᑫ ᐃᔥᒀᐸᓕᒃ᙮

ᐅᐸᓓᑭᔅ ᒫᑎᐤ 24:14 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 10:7

ᐁ ᐊᑎ ᐃᑐᑌᔦᒃ ᒫᑲ, ᑲᑫᔅᑭᒥᐌᒃ, ᐁ ᐃᑗᔦᒃ, ᑭᒋᑭᔑᑳᐎ ᐅᑭᒫᐎᐎᓐ ᐯᔓᓈᑾᓐ᙮

ᐅᐸᓓᑭᔅ ᒫᑎᐤ 18:19

ᒥᓇ ᑭᑦ ᐃᑎᓇᐗᐤ, ᑮᔥᐱᓐ ᓂᔓ ᐁ ᐃᑕᔑᔦᒃ ᑖᐱᔅᑯᒡ ᐃᑌᓕᑕᑾᐌ ᐅᑕ ᐊᔅᑮᒃ ᑫᒀᓕᐤ ᑫ ᓇᑐᑕᒫᒋᒃ, ᑲᑕ ᑐᑕᒫᑯᐗᒃ ᓄᑖᐎᔭ ᑭᒋᑭᔑᑯᒃ ᑳ ᐃᑖᓕᒋ᙮

ᐅᐸᓓᑭᔅ ᒫᑎᐤ 24:3

ᒣᒀᒡ ᒫᑲ ᐁ ᐊᐱᑦ ᐊᓕᑉᔅ ᐗᒌᒃ, ᑭᒧᒡ ᑮ ᐯᒋ ᓈᑎᑯ ᑭᔅᑭᓄᐊᒪᐗᑲᓇ, ᐁ ᐃᑎᑯᑦ, ᐎᑕᒫᐎᓈᓐ, ᑖᓂᔅᐱ ᑫ ᐃᑭᑭ ᐅᐅ ᑫᒀᓇ? ᓀᔥᑕ ᑫᑯ ᑭᔅᑭᓄᐙᒋ ᐙᐸᑎᓕᐌᐎᓐ ᑫ ᐅᒋ ᑭᔅᑫᓕᑖᑾᒃ ᑭᒋ ᑕᑯᔑᓂᔭᓐ, ᓀᔥᑕ ᑭᒋ ᐃᔥᒀᐸᓕᒃ ᐊᔅᑭ?

ᐅᐸᓓᑭᔅ ᒫᑎᐤ 24:6

ᑭ ᑳ ᐯᑌᓇᐗᐤ ᒫᑲ ᓇᑐᐸᓕᐎᓇ, ᓀᔥᑕ ᓇᑐᐸᓕᐎᓇ ᐁ ᑎᐹᑐᑖᑲᓂᐎᑭ: ᔮᒀᒥᓯᒃ ᒫᑲ ᐁᑳ ᑭᒋ ᒥᑯᔥᑳᑌᓕᑕᒥᐃᑲᐎᔦᒃ; ᐌᓴ ᒥᓯᐌ ᐅᐅ ᑫᒀᓇ ᑫᒋᓈᑦ ᑲᑕ ᐃᑭᓋ, ᒫᑲ ᓇᒪᐎᓚ ᐁᔥᑾ ᑲᑕ ᐃᔥᒀᐸᓕᐤ᙮

ᐅᐸᓓᑭᔅ ᒫᑎᐤ 4:23

ᒋᓴᔅ ᒫᑲ ᑮ ᐸᐹᐃᑐᑌᐤ ᒥᓯᐌ ᑳᓖᓖᒃ, ᐁ ᑭᔅᑭᓄᐊᒫᑫᑦ ᐅᑦ ᐋᔭᒥᐁᐎᑲᒥᑯᓖᒃ, ᐁ ᐙᐎᑕᒫᑫᑦ ᒫᑲ ᑭᒋᑭᔑᑳᐎ ᐅᑭᒫᐎᐎᓂ ᒥᓗᐋᒋᒧᐎᓂᓕᐤ, ᐁ ᒥᓇᐙᒋᑖᑦ ᒥᓯᐌ ᐃᔑ ᐋᑯᓯᐎᓂᓕᐤ ᓀᔥᑕ ᒥᓯᐌ ᓇᓈᑲᐤ ᑳ ᐃᑖᔅᐱᓀᓕᒋ ᐃᓕᓕᐗ᙮

ᐅᐸᓓᑭᔅ ᒫᑎᐤ 9:35

ᒋᓴᔅ ᒫᑲ ᒥᓯᐌ ᐃᑖᐎᓂᒃ ᓀᔥᑕ ᐃᑖᐎᓂᔑᒃ ᑮ ᐋᐃᑐᑌᐤ, ᐁ ᑭᔅᑭᓄᐊᒫᑫᑦ ᐅᑦ ᐋᔭᒥᐁᐎᑲᒥᑯᓕᒃ, ᓀᔥᑕ ᐁ ᐙᐎᑕᒪᑫᑦ ᐅᑭᒫᐎᐎᓂ ᒥᓗᐋᒋᒧᐎᓂᓕᐤ, ᓀᔥᑕ ᐁ ᒥᓇᐙᒋᑖᑦ ᒥᓯᐌ ᐃᔑ ᐋᑯᓯᐎᓇ, ᓀᔥᑕ ᓇᓈᑲᐤ ᐁ ᐃᑖᔅᐱᓀᓕᒋ ᐃᓕᓕᐗ᙮

ᐅᐸᓓᑭᔅ ᒫᕐᒃ 13:10

ᒥᓗᐋᒋᒧᐎᓐ ᒫᑲ ᓃᔥᑕᒻ ᑲᑕ ᐙᐎᑖᑲᓂᐗᓐ ᐃᑕ ᐁ ᐃᑖᒋᒃ ᒥᓯᐌ ᑳ ᑕᑐᔅᑳᓀᓯᒋᒃ ᐃᓕᓕᐗᒃ᙮

ᐅᐸᓓᑭᔅ ᓘᒃ 2:1

ᑮ ᐃᑭᓐ ᒫᑲ ᒣᒀᒡ ᐊᓂᐃ ᐁ ᑭᔑᑳᑭ, ᓯᓴᕐ ᐊᑲᔅᑕᔅ ᑮ ᐃᑕᔓᐌᐤ ᑭᒋ ᒪᓯᓇᐃᑳᑌᓕᑭ ᒥᓯᐌ ᐊᐌᓕᐗ ᐅᑦ ᐃᔑᓂᑳᓱᐎᒥᓕᐗ᙮

ᐅᐸᓓᑭᔅ ᓘᒃ 24:47

ᓀᔥᑕ ᑴᔅᑳᑎᓯᐎᓐ, ᓀᔥᑕ ᐁ ᐊᔐᓂᑳᑌᑭ ᒪᒋᑐᑕᒧᐎᓇ ᑭᒋ ᐙᐎᒋᑳᑌᒃ ᐅᑦ ᐃᔑᓂᑳᓱᐎᓂᒃ, ᐃᑕ ᐁ ᐃᑖᒋᒃ ᒥᓯᐌ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᓃᔥᑕᒻ ᒋᕉᓴᓚᒥᒃ ᐁ ᐙᐎᒋᑳᑌᒃ᙮

ᐅᐸᓓᑭᔅ ᓘᒃ 4:5

ᒪᒋᒪᓂᑐ ᒫᑲ ᐁ ᓵᑲᒋᐌᑕᐋᑦ ᐁ ᐃᔅᐸᑎᓈᓕᒃ ᐗᒌᒃ, ᓴᔅᒋᑯᒡ ᑮ ᐙᐸᑎᓓᐤ ᒥᓯᐌ ᐅᑭᒫᐎᐎᓇ ᐊᔅᑮᒃ᙮

ᐊᐸᔅᑕᓚᒃ 1:2

ᐱᓕᔥ ᐊᓂᒪ ᐁ ᑭᔑᑳᒃ ᑳ ᑮ ᐅᑎᓈᑲᓂᐎᑦ ᐃᔥᐱᒥᒃ, ᐹᑎᒪ ᐎᓚ ᐸᓓᑭ ᐊᒑᑾ ᐅᒋ ᑳ ᑮ ᒥᓛᑦ ᐅᓚᔓᐌᐎᓚ ᐊᓂᐃ ᐊᐸᔅᑕᓚ ᑳ ᑮ ᐙᐌᓛᐸᒫᑦ;

ᐊᐸᔅᑕᓚᒃ 11:28

ᑭ ᐸᓯᑯ ᒫᑲ ᐯᔭᒃ ᐁ ᐃᑕᓯᒋᒃ ᐋᑲᐸᔅ ᑳ ᐃᔑᓂᑳᓱᑦ, ᑮ ᐎᑕᒻ ᒫᑲ ᐊᒑᑾ ᐅᒋ, ᓈᔅᐱᒡ ᑭᒋ ᑲᐗᑲᑖᓂᐗᓂᓕᒃ ᒥᓯᐌ ᐁ ᐃᔥᐱᔖᒃ ᐊᔅᑭᒃ: ᐊᓂᒪ ᑳ ᑮ ᐃᑭᓂᓕᒃ ᒣᒀᒡ ᐅ ᑭᔑᑳᒪ ᒃᓚᑎᐊᔅ ᓯᓴᕐ᙮

ᐊᐸᔅᑕᓚᒃ 17:31

ᐌᓴ ᑮ ᐅᓓᓕᑕᒻ ᐊᓂᐁᓕᐤ ᐁ ᑭᔑᑳᓕᒃ, ᐃᔅᐱ ᑫ ᑎᐹᔅᑯᓇᒃ ᐊᔅᑭᓕᐤ ᒀᔭᔅᑭᑖᑎᓯᐎᓂᒃ, ᐊᓇ ᐃᓕᓕᐤ ᐅᒋ ᑳ ᑮ ᐗᐌᓛᐸᒫᑦ; ᐁᐗᑯ ᑳ ᑮ ᐅᒋ ᒥᓛᑦ ᑫᒋᓈᐅᐎᓂᓕᐤ ᒥᓯᐌ ᐃᓕᓕᐗ, ᐁ ᑮ ᐗᓂᔥᑳᓈᑦ ᒥᓇ ᐅᓂᐱᐗ ᐅᒋ᙮

ᐊᐸᔅᑕᓚᒃ 17:6

ᐃᔅᐱ ᒫᑲ ᐁᑳ ᒣᔅᑲᐙᒋᒃ, ᑮ ᐃᔑᑖᐯᐗᒃ ᒉᓴᓇ ᓀᔥᑕ ᐊᑎᑦ ᑳ ᐎᒋᔖᓂᑐᓕᒋ ᐊᓂᐃ ᑳ ᑎᐯᓕᑕᒥᓕᒋ ᐃᑖᐎᓂᓕᐤ, ᐁ ᑌᐺᒋᒃ, ᐅᑯ ᑳ ᑮ ᑴᑎᐱᓇᑭᒃ ᐊᔅᑭᓕᐤ ᑕᑯᔑᓋᒃ ᐅᑕ ᐊᓯᒋ:

ᐊᐸᔅᑕᓚᒃ 19:27

ᐁᐗᑺ ᐅᑭ ᓇᒪᐎᓚ ᐱᑯ ᐅᒪ ᑭᑦ ᐃᑕᐸᑎᓯᐎᓂᓇᐤ ᑯᔅᐸᓀᓕᑖᑾᓐ ᑭᒋ ᒪᒉᓕᑖᑯᑖᓂᐗᒃ; ᒫᑲ ᐊᓯᒋ ᐅᑦ ᐋᔭᒥᐁᐎᑲᒥᒃ ᑳ ᑭᔅᑌᓕᑖᑯᓯᑦ ᒪᓂᑐᐎᔅᑴᐤ ᑕᐃᐊᓇ ᑭᒋ ᒪᒉᓕᒋᑲᑎᓕᒃ, ᓀᔥᑕ ᐅ ᑭᔅᑌᓕᑕᑯᓯᐎᓐ ᑭᒋ ᓂᔑᐗᓈᒋᑕᓂᐗᓂᓕᒃ, ᐊᓇ ᒥᓯᐌ ᐁᔕᐃᒃ ᓀᔥᑕ ᐊᔅᑮᒃ ᑳ ᐃᑖᓕᒋ ᑳ ᐊᔭᒥᐁᔅᑖᑯᑦ᙮

ᐊᐸᔅᑕᓚᒃ 20:25

ᐊᓄᒡ ᒫᑲ, ᒫᑎᑲ, ᓂ ᑭᔅᑫᓕᑌᓐ ᒥᓯᐌ ᑭᓚᐗᐤ, ᑳ ᑮ ᐸᐹ ᐊᓕᒧᑕᒫᑕᑾᒃ ᑭᒋᒪᓂᑐ ᐅᑦ ᐅᑭᒫᐎᐎᓐ, ᓇᒪᐎᓚ ᒥᓇ ᑭ ᑳ ᐙᐸᑌᓇᐗᐤ ᓂᑖᔅᑕᒥᒃ᙮

ᐅ~ᒪᓯᓇᐃᑲᓐ ᐊᐸᔅᑕᓪ ᐹᓪ ᑳ~ᒪᓯᓇᐊᒪᐙᑦ ᕈᒪᓇ 10:18

ᒫᑲ ᓂᑦ ᐃᑣᓐ, ᓇᒪ ᓈ ᑮ ᐅᒋ ᐯᑕᒶᒃ? ᐁᐁ, ᑖᐺ, ᐅ ᐯᑖᑯᓯᐎᓂᐗᐤ ᑮ ᐃᔅᐸᓂᓕᐤ ᒥᓯᐌ ᐊᔅᑮᒃ, ᓀᔥᑕ ᐅᑦ ᐋᔭᒥᐎᓂᐙᐗ ᐁ ᐃᔅᒀᔮᒃ ᐊᔅᑮᒃ ᐃᔥᐱᔥ᙮

ᑯᓚᔑᔭᓇ 1:23

ᑮᔥᐱᓐ ᑫᔮᐸᒡ ᑕᔑᑫᔦᑴ ᑖᐺᔦᓕᑕᒧᐎᓂᒃ, ᐁ ᐋᔨᒋᑳᐸᐎᔦᒃ ᓀᔥᑕ ᐁ ᑫᒋᓇᐅᔦᒃ, ᐁᑳ ᓀᔥᑕ ᐋᒋᐸᓕᐃᑲᐎᔦᑴ ᐁ ᐃᔑ ᐊᔅᐯᓕᒧᑐᑕᒣᒃ ᒥᓗᐋᒋᒧᐎᓐ, ᑳ ᑮ ᐯᑕᒣᒃ, ᓀᔥᑕ ᑳ ᑮ ᐎᑕᒪᐙᑲᓂᐎᑦ ᒥᓯᐌ ᐊᐌᓇ ᔑᐹ ᑭᒋᑭᔑᑯᒃ ᑳ ᐃᑖᑦ; ᐁᐗᑯ ᑳ ᐅᒋ ᓂᓚ ᐹᓪ ᐁ ᐋᔭᒥᐋᐎ ᐊᑐᔅᑫᓛᑲᓂᔮᓐ᙮

ᑯᓚᔑᔭᓇ 1:6

ᑳ ᑮ ᐯᒋ ᐅᑎᑎᑯᔦᒃ, ᑖᐱᔅᑯᒡ ᐁ ᐃᑕᑾᒃ ᒥᓯᐌ ᐊᔅᑮᒃ; ᓀᔥᑕ ᑳ ᒥᓂᔑᐗᒃ ᑖᐱᔅᑯᒡ ᓀᔥᑕ ᑳ ᐃᔑ ᒥᓂᔑᔅᑳᑯᔦᒃ, ᐊᔅᐱᓐ ᐊᓂᒪ ᐁ ᑭᔑᑳᒃ ᑳ ᑮ ᐯᑕᒣᒃ, ᓀᔥᑕ ᐁ ᑮ ᑭᔅᑫᓕᑕᒬᒃ ᑭᒋᒪᓂᑐ ᐅ ᔕᐌᓕᒋᑫᐎᓐ ᑖᐺᐎᓂᒃ:

ᐦᐃᑉᕉᐗ 1:6

ᒥᓇ ᒫᑲ, ᐃᔅᐱ ᐱᐁᔕᐙᑦ ᓃᔥᑕᒻ ᓀᑕᐎᑭᓕᒋ ᐅᑕ ᐊᔅᑮᒃ, ᐃᑗᐤ, ᐁᑯᔑ ᒥᓯᐌ ᑭᒋᒪᓂᑐ ᐅᑦ ᐁᓐᒐᓕᒪ ᑲᑕ ᓇᐗᑮᔅᑕᐌᓕᐗ᙮

ᐦᐃᑉᕉᐗ 2:5

ᐌᓴ ᐊᓂᐃ ᐁᓐᒐᓚ ᓇᒪᐎᓚ ᑮ ᑎᐯᓕᑕᒥᐁᐤ ᐊᓂᐁᓕᐤ ᐊᔅᑭᓕᐤ ᑫ ᐹᐸᓕᓕᒃ; ᐊᓂᒪ ᑳ ᐋᓕᒧᑕᒪᒃ᙮

ᑭᔅᑫᓕᑖᑯᑖᑫᐎᓐ 14:6

ᓂ ᑮ ᐙᐸᒪᐤ ᒫᑲ ᑯᑕᒃ ᐁᓐᒐᓪ ᐁ ᔖᐳᓛᑦ ᑭᔑᑯᒃ, ᐁ ᐋᔮᑦ ᑳᑭᑫ ᒥᓗᐋᒋᒧᐎᓂᓕᐤ ᑭᒋ ᑲᑫᔅᑭᒫᑦ ᐊᓂᐃ ᐊᔅᑮᒃ ᑳ ᑕᔑᑫᓕᒋ, ᓀᔥᑕ ᒥᓯᐌ ᑳ ᑕᑐᔅᑳᓀᓯᓕᒋ ᐃᓕᓕᐗ, ᓀᔥᑕ ᑳ ᑕᑐᑌᐎᓯᓕᒋ, ᓀᔥᑕ ᐹᐱᑐᔥ ᐁ ᐃᔑᑭᔗᓕᒋ, ᓀᔥᑕ ᐃᓕᓕᐗ,

ᑭᔅᑫᓕᑖᑯᑖᑫᐎᓐ 16:14

ᐌᓴ ᒪᒋᒪᓂᑐᐎ ᐊᒑᑯᐎᐗᒃ, ᐁ ᒫᒪᔅᑳᒋ ᐃᔑᒋᑫᒋᒃ, ᑳ ᓈᑖᒋᒃ ᑭᒋᐅᑭᒪᐗ ᐅᑕ ᐊᔅᑮᒃ ᓀᔥᑕ ᒥᓯᐌ ᐁᔅᐱᑕᔅᑲᒥᑳᒃ, ᑭᒋ ᒪᐗᒋᐋᒋᒃ ᑭᒋ ᓇᑐᐸᓕᒋᒃ ᒣᑾᒡ ᐅ ᑭᒋ ᑭᔑᑳᒻ ᑭᒋᒪᓂᑐ ᒥᓯᐌ ᓯᔪᑳᑎᓰᑦ᙮

ᑭᔅᑫᓕᑖᑯᑖᑫᐎᓐ 3:10

ᐁ ᑮ ᑲᓇᐌᓕᑕᒪᓐ ᓂ ᔑᐱᓚᐌᓯᐎᓂ ᐋᔭᒥᐎᓐ, ᓂᓚ ᓀᔥᑕ ᑭ ᑳ ᑲᓇᐌᓕᒥᑎᓐ ᐃᔅᐱ ᐅᑎᒋᐸᓕᑫ ᑭᒋ ᑲᑴᒋᐃᐌᐎᓂᐗᒃ, ᑫ ᐯᒋ ᐱᒥᐸᓕᒃ ᒥᓯᐌ ᐊᔅᑮᒃ, ᑭᒋ ᑲᑴᒋᐃᑯᒋᒃ ᐊᓂᑭ ᐊᔅᑮᒃ ᑳ ᑕᔑᑫᒋᒃ᙮