ᐅᐸᓓᑭᔅ ᒫᑎᐤ 23:7 - ᐅᔅᑭ ᑎᔅᑌᒥᓐᑦ

⁷ ᓀᔥᑕ ᐊᑕᒥᔅᑳᑯᓯᐎᓇ ᐃᑌ ᐁ ᐊᑖᒥᑐᓈᓂᐗᒃ, ᓀᔥᑕ ᕌᐸᐃ, ᕌᐸᐃ, ᑭᒋ ᐃᑎᑯᒋᒃ ᐃᓕᓕᐗ᙮

ᐅᐸᓓᑭᔅ ᒫᑎᐤ 23:7 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 11:16

ᒫᑲ ᐊᐌᓕᐗ ᑫ ᐃᑗᔮᓐ ᐁ ᓇᔅᐱᑕᐙᒋᒃ ᐅᑯ ᐊᓄᒡ ᐯᒫᑎᓯᒋᒃ ᐃᓕᓕᐗᒃ? ᑖᐱᔅᑯᒡ ᐊᐙᔑᔕᒃ ᐁ ᐊᐱᒋᒃ ᐃᑕ ᐁ ᐊᑖᒥᑐᓈᓂᐗᒃ, ᐁ ᑌᑆᑖᒋᒃ ᐅ ᐎᒉᐙᑲᓂᐙᐗ,

ᐅᐸᓓᑭᔅ ᒫᑎᐤ 23:8

ᒫᑲ ᐁᑳᐎᓚ ᑭᓚᐗᐤ ᓇᑕᐌᓕᑕᒧᒃ ᕌᐸᐃ ᑭᒋ ᐃᑎᑳᐎᔦᒃ: ᐌᓴ ᐯᔭᑯ ᑭᑦ ᐅᑭᒫᒥᐗᐤ, ᙭ ᐅᑎ; ᒥᓯᐌ ᑭᓚᐗᐤ ᒫᑲ ᑭ ᐎᒋᔖᓂᑐᓇᐗᐤ᙮

ᐅᐸᓓᑭᔅ ᒫᑎᐤ 26:25

ᐁᑯ ᒎᑕᔅ, ᐊᓇ ᑳ ᐙᔦᔑᐸᑭᑎᓈᑦ, ᓀᔥᑴᐗᔑᐃᐌᑦ, ᑮ ᐃᑗᐤ ᒫᑳ, ᐅᑭᒪᐤ, ᓂᓚ ᓈ? ᑮ ᐃᑌᐤ, ᑭ ᑮ ᐃᑣᓐ᙮

ᐅᐸᓓᑭᔅ ᒫᑎᐤ 26:49

ᑣᔦᒃ ᒫᑲ ᑮ ᐯᒋ ᓈᑌᐤ ᒋᓴᓴ, ᑮ ᐃᑗᐤ ᒫᑲ, ᐙᒋᔭ, ᐅᑭᒪᐤ; ᑮ ᐅᒉᒣᐤ ᒫᑲ᙮

ᐅᐸᓓᑭᔅ ᒫᕐᒃ 10:51

ᒋᓴᔅ ᒫᑲ ᐁ ᓇᔥᑴᐗᔑᐋᑦ, ᑮ ᐃᑌᐤ, ᑫᒀᓐ ᓀᑕᐌᓕᒥᔭᓐ ᑭᒋ ᑐᑖᑖᓐ? ᐁᑳ ᑳ ᐙᐱᑦ ᐃᓕᓕᐤ ᑮ ᐃᑌᐤ, ᑌᐯᓕᒋᑫᔭᓐ, ᑭᒋ ᐙᐱᔮᓐ᙮

ᐅᐸᓓᑭᔅ ᒫᕐᒃ 11:21

ᐱᑕᕐ ᒫᑲ, ᐁ ᑲᓄᑭᔅᑭᓯᑦ, ᐃᑌᐤ, ᑫᔅᑭᓄᐊᒫᑫᔭᓐ, ᒫᑎᑲ, ᐊᓇ ᐸᑫᓵᓂᒥᓈᑎᒃ ᑳ ᑮ ᒪᒐᑭᒪᑦ ᐋᔕᔾ ᐹᓱ!

ᐅᐸᓓᑭᔅ ᒫᕐᒃ 12:38

ᑮ ᐃᑌᐤ ᒫᑲ ᐅ ᑭᔅᑭᓄᐊᒫᑫᐎᓂᒃ, ᔮᒀᒥᔅᑖᑯᒃ ᐅᒪᓯᓇᐃᑫᐗᒃ, ᑳ ᓵᑭᑕᒋᒃ ᑭᒋ ᐸᐸᒧᑌᒋᒃ ᐁ ᑭᓄᐎᓦᒋᑲᓇᒋᒃ, ᓀᔥᑕ ᑳ ᓵᑭᑖᒋᒃ ᐊᑕᒥᔅᑳᑯᓯᐎᓇ ᐃᑕ ᐁ ᐊᑖᒥᑐᓈᓂᐗᒃ᙮

ᐅᐸᓓᑭᔅ ᒫᕐᒃ 14:45

ᐎᐸᒡ ᒫᑲ ᑌᑯᔑᒃ, ᑣᔦᒃ ᑮ ᓈᑌᐤ, ᐃᑌᐤ ᒫᑲ, ᐅᑭᒪᐤ, ᐅᑭᒪᐤ; ᑮ ᐅᒉᒣᐤ ᒫᑲ᙮

ᐅᐸᓓᑭᔅ ᒫᕐᒃ 9:5

ᐱᑕᕐ ᒫᑲ ᐁ ᓇᔥᑴᐗᔑᐃᐌᑦ, ᑮ ᐃᑌᐤ ᒋᓴᓴ, ᐅᑭᒪᐤ, ᒥᓨᔑᓐ ᐅᑕ ᐁ ᐃᑖᔮᒃ: ᐁᑯᔑ ᓂ ᑳ ᐅᔑᑖᓈᓐ ᓂᔅᑐ ᒥᑭᐙᒪ; ᐯᔭᒃ ᑭᓚ ᑭᒋ ᐋᔮᔭᓐ, ᐯᔭᒃ ᓀᔥᑕ ᒧᓯᔅ, ᐯᔭᒃ ᓀᔥᑕ ᐃᓛᐃᒐ᙮

ᐅᐸᓓᑭᔅ ᓘᒃ 11:43

ᑭ ᑳ ᑲᒀᑐᑭᓯᓇᐗᐤ, ᐸᕋᓯᐃᑐᒃ! ᐌᓴ ᑭ ᓵᑭᑖᓇᐗᐤ ᑭᒋ ᑌᑕᐱᐎᓇ ᐋᔭᒥᐁᐎᑲᒥᑯᒃ, ᓀᔥᑕ ᐊᑕᒥᔅᑳᑯᓯᐎᓇ ᐃᑕ ᐁ ᐊᑖᒥᑐᓈᓂᐗᒃ᙮

ᐅᐸᓓᑭᔅ ᒑᓐ 1:38

ᐁᑯ ᒋᓴᔅ ᑶᐁᔅᑭᑳᐸᐎᑦ, ᓀᔥᑕ ᑮ ᐙᐸᒣᐤ ᐁ ᓄᔅᐱᓇᔑᐌᓕᒋ, ᐃᑌᐤ ᒫᑲ, ᑫᒀᓐ ᓂᐋᓇᑕᐌᓕᑕᒣᒃ? ᑮ ᐃᑌᐗᒃ ᒫᑲ, ᕌᐸᐃ, (ᑳ ᐃᑗᒪᑲᒃ ᐁ ᐃᑗᔅᒋᑳᑌᒃ, ᑫᔅᑭᓄᐊᒫᑫᔭᓐ,) ᑖᓐᑌ ᐙᑭᔭᓐ?

ᐅᐸᓓᑭᔅ ᒑᓐ 1:49

ᓇᑕᓂᔭᓪ ᐁ ᓇᔥᑴᐗᔑᐋᑦ, ᐃᑌᐤ, ᕌᐸᐃ, ᑭᓚ ᑭᑦ ᐅᑯᓯᓯᒥᒃ ᑭᒋᒪᓂᑐ; ᑭᓚ ᐃᔅᕃᐃᓪ ᐅ ᑭᒋᐅᑭᒫᒪ᙮

ᐅᐸᓓᑭᔅ ᒑᓐ 11:8

ᐅ ᑭᔅᑭᓄᐊᒪᐙᑲᓇ ᐃᑎᑯ, ᐅᑭᒪᐤ, ᒎᐗᒃ ᐊᓄᒋᑫ ᑭ ᐎ ᐱᒧᓯᓈᑕᐅᑾᒃ; ᒥᓇ ᓈ ᒫᑲ ᐊᓐᑕ ᑭᑦ ᐃᑐᑖᓐ?

ᐅᐸᓓᑭᔅ ᒑᓐ 20:16

ᐃᑎᑯ ᒋᓴᓴ, ᒣᕆ᙮ ᑮ ᑴᔅᑭᑳᐸᐎᐤ, ᓀᔥᑕ ᐃᑌᐤ, ᕌᐳᓈᔾ; ᑳ ᐃᑗᒪᑲᒃ, ᑫᔅᑭᓄᐊᒫᑫᔭᓐ᙮

ᐅᐸᓓᑭᔅ ᒑᓐ 3:2

ᐁᐗᑯ ᐊᐗ ᑮ ᐯᒋᓈᑌᐤ ᒋᓴᓴ ᓂᐹᑎᐱᔉ, ᑮ ᐃᑌᐤ ᒫᑲ, ᕌᐸᐃ, ᓂ ᑭᔅᑫᓕᑌᓈᓐ ᐁ ᐅᑭᔅᑭᓄᐊᒫᑫᔭᓐ ᑭᒋᒪᓂᑐᒃ ᐁ ᐯᒋ ᐅᒋᔭᓐ; ᐌᓴ ᓇᒪᐎᓚ ᐊᐌᓇ ᑮ ᑐᑕᒻ ᐅᐅ ᒫᒪᑖᐎ ᐃᓯᒋᑫᐎᓇ ᑭᓚ ᑳ ᑐᑕᒪᓐ, ᑮᔥᐱᓐ ᐁᑳ ᐎᒋᐃᑯᑦ ᑭᒋᒪᓂᑐᐗ᙮

ᐅᐸᓓᑭᔅ ᒑᓐ 3:26

ᓀᔥᑕ ᒫᑲ ᐁ ᐯᒋ ᓈᑖᒋᒃ ᒐᓇ, ᑮ ᐃᑌᐗᒃ, ᕌᐸᐃ, ᐊᓇ ᑳ ᑮ ᐎᒉᐎᔉ ᐊᑳᒥᒃ ᒐᕐᑕᓂᒃ, ᐊᓇ ᑳ ᑮ ᑎᐹᒋᒪᑦ, ᒫᑎᑳ, ᐊᐗ ᓯᑲᐋᑖᑫᐤ, ᓀᔥᑕ ᐯᒋ ᓈᑎᑯ ᒥᓯᐌ ᐃᓕᓕᐗ᙮

ᐅᐸᓓᑭᔅ ᒑᓐ 4:31

ᒣᒀᒡ ᐅᒪ ᐅ ᑭᔅᑭᓄᐊᒪᐙᑲᓇ ᑮ ᔑᑭᒥᑯ, ᐁ ᐃᑗᓕᒋ, ᐅᑭᒪᐤ, ᒥᒋᓱ᙮

ᐅᐸᓓᑭᔅ ᒑᓐ 6:25

ᐃᔅᐱ ᒫᑲ ᑳ ᒥᔅᑲᐙᒋᒃ ᑴᔅᑲᑳᒻ ᐎᓂᐯᑯᒃ, ᑮ ᐃᑌᐗᒃ, ᕌᐸᐃ, ᑖᓂᔅᐱ ᐅᑕ ᑳ ᐯᒋ ᐃᑐᑌᔭᓐ?

ᐅᐸᓓᑭᔅ ᒑᓐ 9:2

ᑮ ᑲᑴᒋᒥᑯ ᒫᑲ ᐅ ᑭᔅᑭᓄᐊᒪᐙᑲᓇ, ᐁ ᐃᑗᓕᒋ, ᐅᑭᒪᐤ, ᐊᐌᓇ ᑳ ᒪᒋᑐᑕᒃ, ᐊᐗ ᐃᓕᓕᐤ, ᓀᔥᑕᐱᑯ ᐅᓂᑭᐃᑾ, ᐌᒋ ᐁᑳ ᐙᐱᑦ ᓀᑖᐎᑭᑦ?