ᐅᐸᓓᑭᔅ ᒫᑎᐤ 23:33 - ᐅᔅᑭ ᑎᔅᑌᒥᓐᑦ

³³ ᑭᓚᐗᐤ ᒥᔑᑭᓀᐱᑭᑐᒃ, ᑭᓚᐗᐤ ᐋᔮᓂᔅᑫ ᑫᓀᐱᑯᐎᔦᒃ, ᑖᓂ ᑫ ᐃᔑ ᒥᔮᔥᑲᒣᒃ ᓂᔑᐗᓈᒋᒥᐌᐎᓐ ᒪᒋ ᐃᔥᑯᑌᒃ?

ᐅᐸᓓᑭᔅ ᒫᑎᐤ 23:33 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 12:34

ᐅ ᐋᔮᓂᔅᑫ ᑭᓀᐱᑯᐎᔦᒃ, ᑖᓐᑌ ᑫ ᑮ ᐅᒋ ᐋᔭᒥᐁᒃ ᒥᓗ ᑫᒀᓇ, ᐁ ᒪᒋᑣᔦᒃ? ᐌᓴ ᐁ ᐃᔑ ᓵᑲᔅᑭᓀᒃ ᒥᑌᐃ ᐁᑯ ᐁ ᐃᔑ ᐋᔭᒥᒪᑲᒃ ᒥᑐᓐ᙮

ᐅᐸᓓᑭᔅ ᒫᑎᐤ 23:32

ᓵᑲᔅᑭᓇᑖᐙᒃ ᒫᑲ ᑯᑖᐎᐙᐗᒃ ᑳ ᐃᔅᐱᒋ ᒪᒑᑎᓯᒋᒃ᙮

ᐅᐸᓓᑭᔅ ᒫᑎᐤ 3:7

ᒫᑲ ᐃᔅᐱ ᐎᐋᐸᒫᑦ ᒥᒉᑦ ᐸᕋᓯᔭ ᓀᔥᑕ ᓵᑦᔫᓯᔭ ᐁ ᐯᒋ ᓈᑕᒪᓕᒋ ᐅ ᓯᑲᐋᑖᑫᐎᓐ, ᑮ ᐃᑌᐤ, ᐅ ᐋᔭᓂᔅᑫ ᑭᓀᐱᑯᐎᔦᒃ, ᐊᐌᓇ ᑳ ᐎᑕᒫᑖᒃ ᑭᒋ ᐅᔑᑕᒣᒃ ᐋᑯᓚᐌᓯᐎᓐ ᑫ ᐅᑎᒋᐸᓕᒃ?

ᐅᐸᓓᑭᔅ ᒫᑎᐤ 5:22

ᒫᑲ ᓂᓚ ᑭᑦ ᐃᑎᓇᐗᐤ, ᐊᐌᓇ ᔐᔥᒀᑦ ᑫ ᑭᓯᐙᓰᔅᑕᐙᑴ ᐎᒋᔕᓇ, ᑲᑕ ᓈᓂᓵᓂᓯᐤ ᑭᒋ ᑎᐹᔅᑯᓈᑲᓂᐎᑦ: ᐊᐌᓇ ᒫᑲ ᑫ ᐊᑖᑴ ᐎᒋᔖᓇ, ᕃᑲ, ᑲᑕ ᓈᓂᓵᓂᓯᐤ ᑭᒋ ᐃᑐᑕᐋᑲᓂᐎᑦ ᐁᑖᔅᑕᒪᐱᓕᒋ ᐅᑎᐹᔅᑯᓂᑫᐗ: ᒫᑲ ᐊᐌᓇ ᑫ ᐃᑖᑴ, ᑭᓚ ᑭᔥᑴᑳᓐ, ᑲᑕ ᓈᓂᓵᓂᓯᐤ ᑭᒋ ᐌᐱᓇᑲᓂᐎᑦ ᒪᒋᐃᔥᑯᑌᒃ᙮

ᐅᐸᓓᑭᔅ ᓘᒃ 3:7

ᐁᑯ ᐁᑖᑦ ᒥᔮᒪᐎᒥᒉᑎᓕᒋ ᐃᓕᓕᐗ ᑳ ᐯᒋ ᓈᑎᑯᑦ ᑭᒋ ᓯᑲᐋᑖᑯᑦ, ᐅ ᐋᔮᓂᔅᑫ ᑭᓀᐱᑯᐎᔦᒃ, ᐊᐌᓇ ᑳ ᐎᑕᒫᑖᒃ ᑭᒋ ᐅᔑᑕᒣᒃ ᐋᑯᓚᐌᓯᐎᓐ ᑫ ᐅᑎᒋᐸᓕᒃ?

ᐅᐸᓓᑭᔅ ᒑᓐ 8:44

ᑭᓚᐗᐤ ᑭᑦ ᐅᒌᓇᐗᐤ ᑯᑖᐎᐗᐤ ᒪᒋᒪᓂᑐ, ᓀᔥᑕ ᑯᑕᐎᐗᐤ ᐅ ᒪᒋᐃᑌᓕᑕᒧᐎᓇ ᑭ ᑳ ᑐᑕᒸᓇᐗᐤ᙮ ᑮ ᓂᐸᔨᐌᔅᑭᐤ ᓃᔥᑕᒻ ᐅᒋ, ᓇᒪᐎᓚ ᓀᔥᑕ ᑖᐺᐎᓂᒃ ᐅᒋ ᐃᑖᐤ, ᐁᑳ ᒥᑐᓂ ᐁ ᐱᒋᔅᑳᑯᑦ ᑖᐺᐎᓂᓕᐤ᙮ ᐃᔅᐱ ᐁᑗᒋ ᑭᓛᔅᑭᐎᓂᓕᐤ, ᐁ ᐃᑖᑎᓰᑦ ᐃᔑ ᐋᔭᒥᐤ: ᐌᓴ ᑭᓛᔅᑭᔅᑭᐤ ᓀᔥᑕ ᐅᑖᐎᒥᑯ ᑭᓛᔅᑭᐎᓂᓕᐤ᙮

ᓂᔓ ᑯᕆᓐᑎᐊᓇ 11:3

ᒫᑳ ᓂ ᑯᔅᑖᒋᓐ, ᓈᓐᑕᐤ ᐃᔑ, ᑖᐱᔅᑯᒡ ᒥᔑᑭᓀᐱᒃ ᑳ ᑮ ᐃᔑ ᐙᔦᔑᐋᑦ ᐃᐸ ᐅ ᑲᑳᔦᓕᓯᐎᓂᒃ ᐅᒋ, ᐁᑯ ᑖᐱᔅᑯᒡ ᑭ ᒥᑐᓀᓕᒋᑲᓂᐗᐗ ᑭᒋ ᐙᔦᔑᑖᓂᐗᑭ ᐸᓓᑭᑌᓕᑕᒧᐎᓂᐤ ᐅᒋ ᙭ᑎᒃ ᑳ ᐃᑕᑾᓂᓕᒃ᙮

ᐦᐃᑉᕉᐗ 10:29

ᑖᓀᓕᑯᒃ ᒫᑲ ᐊᐙᓯᑌ ᐁᑌᓕᑖᑯᓯᑦ ᑭᒋ ᑲᒀᑕᑭᐋᑲᓂᐎᑦ, ᑭᑦ ᐃᑌᓕᑌᓇᐗᐤ, ᐊᓇ ᑳ ᑮ ᑕᑕᑯᔅᑳᐃᒫᑦ ᑭᒋᒪᓂᑐ ᐅᑯᓯᓴ, ᓀᔥᑕ ᐁᑳ ᐁ ᐸᓓᑲᒃ ᑳ ᑮ ᐃᑕᑭᑕᒃ ᓇᔅᑯᒥᑐᐎᓂ ᒥᑯᓕᐤ, ᐊᓂᐁᓕᐤ ᐅᒋ ᑳ ᑮ ᐸᓓᑭᐃᑯᑦ, ᓀᔥᑕ ᑳ ᐋᔭᓵᒋᐋᑦ ᔕᐌᓕᒋᑫᐎᓂ ᐊᒑᑾ?

ᐦᐃᑉᕉᐗ 12:25

ᔮᒀᒃ ᐁᑳ ᐋᑕᐌᓕᒣᒃ ᐊᓇ ᑳ ᐋᔭᒥᑦ, ᐌᓴ ᑮᔥᐱᓐ ᐁᑳ ᑮ ᐱᒫᒋᐅᒋ ᐊᓂᑭ ᑳ ᑮ ᐋᑕᐌᓕᒫᒋᒃ ᐊᓂᐃ ᑳ ᑮ ᐋᔭᒥᓕᒋ ᐅᑕ ᐊᔅᑮᒃ, ᐙᐐᔅ ᓇᒪᐎᓚ ᑭᓚᓈᓇᐤ ᑭ ᑳ ᐱᒫᒋᐅᓈᓇᐤ, ᑮᔥᐱᓐ ᐃᑲᑌᓂᑌᓱᔅᑕᐗᒃ ᐊᓇ ᑭᒋᑭᔑᑯᒃ ᑳ ᐅᒋ ᐋᔭᒥᑦ:

ᐦᐃᑉᕉᐗ 2:3

ᑖᓂ ᑫ ᐃᔑ ᐅᔑᒧᔭᒃ, ᑮᔥᐱᓐ ᐋᑕᐌᓕᑕᒪᒃ ᐁᔅᐱᒋ ᑭᒋ ᐱᒫᒋᐃᐌᐎᓐ; ᐊᓂᒪ ᓂᔥᑕᒻ ᑳ ᑮ ᒫᒋ ᐋᓕᒧᑕᒃ ᐅᑎᐯᓕᒋᑫᐤ, ᓀᔥᑕ ᑳ ᑮ ᐊᔨᒋ ᐎᑕᒫᑕᑾᒃ ᐊᓂᑭ ᑳ ᑮ ᐯᑕᐙᒋᒃ;

ᑭᔅᑫᓕᑖᑯᑖᑫᐎᓐ 12:9

ᑭᒋ ᒥᔑᑭᓀᐱᒃ ᒫᑲ ᑮ ᐗᓚᐎᐌᐱᓇᐤ, ᐅᓇ ᑭᔐ ᒥᔑᑭᓀᐱᒃ, ᑳ ᐃᔑᓂᑳᓱᑦ ᒪᒋᒪᓂᑐ, ᓀᔥᑕ ᓭᑖᓐ, ᑳ ᐙᔦᔑᐃᐌᑦ ᒥᓯᐌ ᐊᔅᑮᒃ: ᐊᔅᑮᒃ ᑮ ᐃᔑ ᐗᓚᐎᐌᐱᓇᐤ, ᐅᑦ ᐁᓐᒐᓕᒪ ᐊᓯᒋ ᑮ ᐗᓚᐎᐌᐱᓈᑲᓂᐎᓕᐗ᙮