ᐅᐸᓓᑭᔅ ᒫᑎᐤ 23:15 - ᐅᔅᑭ ᑎᔅᑌᒥᓐᑦ

¹⁵ ᑭ ᑳ ᑲᒀᑕᑭᓯᓇᐗᐤ, ᐅᒪᓯᓇᐃᑫᑐᒃ ᓀᔥᑕ ᐸᕋᓯᔨᑐᒃ, ᐅᑕᔭᒥᐁᑳᓱᑐᒃ! ᐌᓴ ᑭ ᐙᔅᑳᔅᑫᓇᐗᐤ ᑭᒋᑲᒥ ᓀᔥᑕ ᐊᔅᑭ ᐯᔭᒃ ᐊᐌᓇ ᑭᒋ ᑴᔅᑳᑎᓯᔦᒃ, ᐃᔅᐱ ᒫᑲ ᑳ ᑴᔅᑳᑎᓯᔦᑯ, ᑭᑦ ᐃᔑᐋᐗᐤ ᓂᔡᐤ ᐊᐙᓯᑌ ᒪᒋ ᐃᔥᑯᑌᓕᐤ ᑭᒋ ᐅᑦ ᐊᐙᔑᒥᔑᒥᑯᑦ ᐃᔥᐱᔥ ᑭᓚᐗᐤ᙮

ᐅᐸᓓᑭᔅ ᒫᑎᐤ 23:15 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 23:13

ᒫᑲ ᑭ ᑳ ᑲᒀᑕᑭᓯᓇᐗᐤ, ᐅᒪᓯᓇᐃᑫᑐᒃ ᓀᔥᑕ ᐸᕋᓯᔨᑐᒃ, ᐅᑕᔭᒥᐁᑳᓱᑐᒃ!! ᐌᓴ ᑭ ᑭᐸᐁᓇᐗᐤ ᑭᒋᑭᔑᑳᐎ ᐅᑭᒫᐎᐎᓐ ᐃᓕᓕᐗᒃ ᐁᑳ ᑭᒋ ᐱᑐᑫᒋᒃ: ᐌᓴ ᑭᓚᐗᐤ ᓇᒪᐎᓚ ᑭ ᐱᑐᑳᓇᐗᐤ, ᓇᒪᐎᓚ ᓀᔥᑕ ᑭᑦ ᐃᓕᓇᐗᐗᐗᒃ ᑭᒋ ᐱᑐᑫᒋᒃ ᐊᓂᑭ ᐙ ᐱᑐᑫᒋᒃ᙮

ᐅᐸᓓᑭᔅ ᒫᑎᐤ 3:7

ᒫᑲ ᐃᔅᐱ ᐎᐋᐸᒫᑦ ᒥᒉᑦ ᐸᕋᓯᔭ ᓀᔥᑕ ᓵᑦᔫᓯᔭ ᐁ ᐯᒋ ᓈᑕᒪᓕᒋ ᐅ ᓯᑲᐋᑖᑫᐎᓐ, ᑮ ᐃᑌᐤ, ᐅ ᐋᔭᓂᔅᑫ ᑭᓀᐱᑯᐎᔦᒃ, ᐊᐌᓇ ᑳ ᐎᑕᒫᑖᒃ ᑭᒋ ᐅᔑᑕᒣᒃ ᐋᑯᓚᐌᓯᐎᓐ ᑫ ᐅᑎᒋᐸᓕᒃ?

ᐅᐸᓓᑭᔅ ᒫᑎᐤ 5:22

ᒫᑲ ᓂᓚ ᑭᑦ ᐃᑎᓇᐗᐤ, ᐊᐌᓇ ᔐᔥᒀᑦ ᑫ ᑭᓯᐙᓰᔅᑕᐙᑴ ᐎᒋᔕᓇ, ᑲᑕ ᓈᓂᓵᓂᓯᐤ ᑭᒋ ᑎᐹᔅᑯᓈᑲᓂᐎᑦ: ᐊᐌᓇ ᒫᑲ ᑫ ᐊᑖᑴ ᐎᒋᔖᓇ, ᕃᑲ, ᑲᑕ ᓈᓂᓵᓂᓯᐤ ᑭᒋ ᐃᑐᑕᐋᑲᓂᐎᑦ ᐁᑖᔅᑕᒪᐱᓕᒋ ᐅᑎᐹᔅᑯᓂᑫᐗ: ᒫᑲ ᐊᐌᓇ ᑫ ᐃᑖᑴ, ᑭᓚ ᑭᔥᑴᑳᓐ, ᑲᑕ ᓈᓂᓵᓂᓯᐤ ᑭᒋ ᐌᐱᓇᑲᓂᐎᑦ ᒪᒋᐃᔥᑯᑌᒃ᙮

ᐅᐸᓓᑭᔅ ᒫᑎᐤ 5:29

ᑮᔥᐱᓐ ᒫᑲ ᑭᔥᑭᔑᒃ ᐗᓂᑐᑕᒥᐃᑯᔭᓀ, ᐗᓚᐎᐱᑕ, ᐌᐱᓇ ᒫᑲ: ᐌᓴ ᐊᐙᓯᑌ ᒥᓨᔑᓐ ᐯᔭᒃ ᑭᔥᑭᔑᒃ ᑭᒋ ᓂᔑᐗᓈᑕᒃ, ᐁᑳ ᒫᑲ ᒥᓯᐌ ᑭᔭᐤ ᒪᒋᐃᔥᑯᑌᒃ ᑭᒋ ᐃᔑ ᐌᐱᓂᑳᑌᒃ᙮

ᐅᐸᓓᑭᔅ ᒑᓐ 8:44

ᑭᓚᐗᐤ ᑭᑦ ᐅᒌᓇᐗᐤ ᑯᑖᐎᐗᐤ ᒪᒋᒪᓂᑐ, ᓀᔥᑕ ᑯᑕᐎᐗᐤ ᐅ ᒪᒋᐃᑌᓕᑕᒧᐎᓇ ᑭ ᑳ ᑐᑕᒸᓇᐗᐤ᙮ ᑮ ᓂᐸᔨᐌᔅᑭᐤ ᓃᔥᑕᒻ ᐅᒋ, ᓇᒪᐎᓚ ᓀᔥᑕ ᑖᐺᐎᓂᒃ ᐅᒋ ᐃᑖᐤ, ᐁᑳ ᒥᑐᓂ ᐁ ᐱᒋᔅᑳᑯᑦ ᑖᐺᐎᓂᓕᐤ᙮ ᐃᔅᐱ ᐁᑗᒋ ᑭᓛᔅᑭᐎᓂᓕᐤ, ᐁ ᐃᑖᑎᓰᑦ ᐃᔑ ᐋᔭᒥᐤ: ᐌᓴ ᑭᓛᔅᑭᔅᑭᐤ ᓀᔥᑕ ᐅᑖᐎᒥᑯ ᑭᓛᔅᑭᐎᓂᓕᐤ᙮

ᐊᐸᔅᑕᓚᒃ 13:10

ᓀᔥᑕ ᑮ ᐃᑌᐤ, ᐆ ᑳ ᓵᑲᔅᑭᓀᔅᑳᑯᔭᓐ ᒥᓯᐌ ᑲᑳᔦᓕᓯᐎᓐ ᓀᔥᑕ ᒥᓯᐌ ᑭᔥᑴᐋᑎᓯᐎᓐ, ᑭᓚ ᑳ ᐅᑦ ᐊᐙᔑᒥᔑᒥᔉ ᒪᒋᒪᓂᑐ, ᑭᓚ ᑳ ᐎ ᓇᑎᓇᒪᓐ ᒥᓯᐌ ᒀᔭᔅᑭᑖᑎᓯᐎᓐ; ᓇᒪ ᓈ ᑭ ᑳ ᐳᓂᑖᓐ ᐁ ᓂᔑᐗᓈᒋᑖᐗᑦ ᐅ ᒀᔭᔉ ᐃᔑᑣᐎᓇ ᐅᑎᐯᓕᒋᑫᐤ?

ᐊᐸᔅᑕᓚᒃ 13:43

ᐃᔅᐱ ᒫᑲ ᐊᓂᑭ ᑳ ᒫᐗᒋᐃᑐᒋᒃ ᑳ ᑭᑐᑌᒋᒃ, ᒥᒉᑦ ᐊᓂᑭ ᒎᐗᒃ ᓀᔥᑕ ᑳ ᐋᔭᒥᐁᐗᑎᓯᐎ ᐅᑴᔅᑳᑎᓴᒃ ᑮ ᓄᓱᓀᐌᐗᒃ ᐹᓚ ᓀᔥᑕ ᐹᕐᓇᐸᓴ; ᐊᓂᐃ, ᐁ ᐋᔭᒥᐃᑯᒋᒃ ᑮ ᔑᑭᒥᑯᐗᒃ ᑭᒋ ᐄᑖᒋᒃ ᑭᒋᒪᓂᑐᐗ ᐅ ᔓᐌᓂᒋᑫᐎᓂᓕᒃ᙮

ᐊᐸᔅᑕᓚᒃ 14:19

ᐁᑯᑕ ᒫᑲ ᑌᑯᔑᑭᒃ ᐊᑎᑦ ᒎᐗᒃ ᑳ ᐅᑐᑌᒋᒃ ᐊᓐᑎᐊᑭᒃ ᓀᔥᑕ ᐋᐃᑯᓂᐊᒥᒃ, ᑮ ᔕᑯᒋᒣᐗᒃ ᐃᓕᓕᐗ, ᓀᔥᑕ, ᐁ ᑮ ᐱᒧᓯᓈᑕᐙᒋᒃ ᐹᓚ, ᑭ ᐗᓚᐎ ᑖᐹᑌᐗᒃ ᐃᑖᐎᓂᒃ ᐅᒋ, ᓂᐱᐤ ᐁ ᑮ ᐃᑌᓕᒫᒋᒃ᙮

ᐊᐸᔅᑕᓚᒃ 14:2

ᒫᑲ ᐊᓂᑭ ᒎᐗᒃ ᐁᑳ ᑳ ᑖᐺᑕᑭᒃ ᑮ ᒥᑯᔅᑳᒋᐁᐗᒃ ᒉᓐᑖᐃᓚ, ᓀᔥᑕ ᑮ ᑐᑕᐌᐗᒃ ᑭᒋ ᒪᒋ ᒫᒥᑐᓀᓕᒫᒋᒃ ᐊᓂᐃ ᑳ ᐎᒋᔖᓂᑐᓕᑭ᙮

ᐊᐸᔅᑕᓚᒃ 17:13

ᒫᑲ ᐃᔅᐱ ᐊᓂᑭ ᒎᐗᒃ ᐊᓐᑕ ᑌᓴᓗᓈᐃᑲ ᑳ ᐃᑖᒋᒃ ᑳ ᑭᔅᑫᓕᑕᑭᒃ ᑭᒋᒪᓂᑐ ᐅᑦ ᐋᔭᒥᐎᓐ ᐁ ᑮ ᐙᐎᑕᒥᓕᒋ ᐹᓚ ᐊᓐᑕ ᐱᕆᐊᐃᒃ, ᐎᓚᐗᐤ ᐊᓯᒋ ᐊᓐᑕ ᑮ ᐯᒋ ᐃᑐᑌᐗᒃ, ᓀᔥᑕ ᑮ ᒥᑯᔅᑳᒋᐁᐗᒃ ᐃᓕᓕᐗ᙮

ᐊᐸᔅᑕᓚᒃ 2:10

ᑉᕆᒋᐊᐃᒃ, ᓀᔥᑕ ᐹᓐᐱᓕᐊᐃᒃ, ᐃᒋᑉᑎᒃ, ᓀᔥᑕ ᓕᐱᔭᐃᒃ ᐙᔅᑲ ᓴᕆᓂ, ᓀᔥᑕ ᒫᓐᑌᐗᒃ ᕈᒥᒃ ᐅᒋ, ᒎᐗᒃ ᓀᔥᑕ ᐅᑴᔅᑭᐱᒫᑎᓴᒃ,

ᐊᐸᔅᑕᓚᒃ 6:5

ᐊᓂᒪ ᐃᑗᐎᓐ ᒫᑲ ᑮ ᓇᐃᓚᐌᐃᑯᐗᒃ ᒥᓯᐌ ᐁ ᐃᑕᓯᒋᒃ: ᑮ ᐗᐌᓚᐸᒣᐗᒃ ᒫᑲ ᐊᓂᐃ ᔅᑎᐱᓐ, ᐃᓕᓕᐤ ᑳ ᓴᑲᔅᑭᓀᔅᑳᑯᑦ ᑖᐺᔦᓕᑕᒧᐎᓂᓕᐤ ᓀᔥᑕ ᑳ ᐸᓓᑭᓯᓕᒋ ᐊᒑᑾ, ᓀᔥᑕ ᐱᓕᑉ, ᓀᔥᑕ ᑉᕈᑯᕋᔅ ᓀᔥᑕ ᓈᐃᑫᓇᕐ, ᓀᔥᑕ ᑕᐃᒪᓐ, ᓀᔥᑕ ᐹᕐᒥᓇᔅ, ᓀᔥᑕ ᓂᑯᓚᔅ ᐅᑴᔅᑳᑎᔅ ᐋᓐᑎᐊᑭᒃ ᐅᒋ;

ᑲᓓᔕᐊᓇ 4:17

ᑭᑦ ᐋᑕ ᓴᑭᐃᑯᐗᐗᒃ, ᒫᑲ ᓇᒪᐎᓚ ᒀᔭᔉ; ᐁᐁ, ᑭ ᑳ ᐃᑲᑌᓂᑯᐙᑕᐗᐗᒃ, ᑭᒋ ᓵᑭᐁᑾᒃ᙮

ᑲᓓᔕᐊᓇ 6:12

ᑕᑐ ᑳ ᓇᑕᐌᓕᑕᑭᒃ ᑭᒋ ᒥᓗᐊᓕᒧᒫᑲᓂᐎᒋᒃ ᐎᔮᓯᐎ ᑫᒀᓇ ᐅᒋ, ᑮ ᔖᑯᒋᒥᑯᐗᐗᒃ ᑭᒋ ᑭᔅᑭᓄᐙᒋᔓᑲᐎᔦᒃ, ᐱᑯ ᐁᑳ ᑭᒋ ᑲᒀᑕᑭᐋᑲᓂᐎᒋᒃ ᙭ ᐅᑦ ᐊᔑᑌᐋᑎᑯᒻ ᐅᒋ᙮

ᐃᐱᓯᔭᓇ 2:3

ᐊᓂᑭ ᒥᓯᐌ ᑭᓚᓋᓇᐤ ᓀᔥᑕ ᑳᔮᔥ ᑳ ᑮ ᐎᒉᐗᑭᒃ, ᐁ ᐃᔑ ᒪᒋ ᓇᑕᐌᓕᑕᒧᒪᑲᒃ ᑭ ᐎᔮᓯᓇᐤ, ᐁ ᑎᐱᑐᑕᒪᒃ ᐁ ᐃᔑ ᓇᑕᐌᓕᑕᒧᒪᑲᒃ ᐎᔮᓯᐎᓐ ᓀᔥᑕ ᒥᑐᓀᓕᒋᑲᓐ; ᓀᔥᑕ ᐁ ᐃᓚᑐᑣᔭᒃ ᑭᓯᐙᓯᐎᓐ ᑭ ᑮ ᐅᑦ ᐊᐙᔑᒥᔑᒥᑯᓇᐗᐤ, ᑖᐱᔅᑯᒡ ᑯᑕᑭᔭᒃ᙮