ᐅᐸᓓᑭᔅ ᒫᑎᐤ 23:13 - ᐅᔅᑭ ᑎᔅᑌᒥᓐᑦ

¹³ ᒫᑲ ᑭ ᑳ ᑲᒀᑕᑭᓯᓇᐗᐤ, ᐅᒪᓯᓇᐃᑫᑐᒃ ᓀᔥᑕ ᐸᕋᓯᔨᑐᒃ, ᐅᑕᔭᒥᐁᑳᓱᑐᒃ!! ᐌᓴ ᑭ ᑭᐸᐁᓇᐗᐤ ᑭᒋᑭᔑᑳᐎ ᐅᑭᒫᐎᐎᓐ ᐃᓕᓕᐗᒃ ᐁᑳ ᑭᒋ ᐱᑐᑫᒋᒃ: ᐌᓴ ᑭᓚᐗᐤ ᓇᒪᐎᓚ ᑭ ᐱᑐᑳᓇᐗᐤ, ᓇᒪᐎᓚ ᓀᔥᑕ ᑭᑦ ᐃᓕᓇᐗᐗᐗᒃ ᑭᒋ ᐱᑐᑫᒋᒃ ᐊᓂᑭ ᐙ ᐱᑐᑫᒋᒃ᙮

ᐅᐸᓓᑭᔅ ᒫᑎᐤ 23:13 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 23:16

ᑭ ᑳ ᑲᒀᑕᑭᓯᓇᐗᐤ, ᐁᑳ ᐎᐋᐱᔦᒃ ᐋᑕ ᐁ ᑭᔅᑭᓄᑕᐃᐌᔦᒃ, ᑳ ᐃᑗᔦᒃ, ᐊᐌᓇ ᐁ ᑭᒋᐃᑗᑦ, ᑫ ᐊᔅᐱᒧᑴ ᑭᒋᐋᔭᒥᐁᐎᑲᒥᑯᓕᐤ, ᓇᒪᐎᓚ ᐙᔦᔥ ᐃᑌᓕᑖᑾᓐ; ᒫᑲ ᐊᐌᓇ ᐁ ᑭᒋᐃᑗᑦ ᑫ ᐊᔅᐱᒧᑴ ᐅᓵᐎᔔᓕᐊᓈᐱᔅᑾ ᑭᒋᐋᔭᒥᐁᐎᑲᒥᑯᒃ, ᐅᒪᓯᓇᐃᑲᓂᒥᐤ!

ᐅᐸᓓᑭᔅ ᒫᑎᐤ 23:23

ᑭ ᑳ ᑲᒀᑕᑭᓯᓇᐗᐤ, ᐅᒪᓯᓇᐃᑫᑐᒃ ᓀᔥᑕ ᐸᕋᓯᔨᑐᒃ, ᐅᑕᔭᒥᐁᑳᓱᑐᒃ! ᐌᓴ ᑭ ᐸᑭᑎᓀᓇᐗᐤ ᐯᔭᒃ ᐁ ᑮ ᒥᑖᑐᑖᑲᓂᐎᑭ ᓇᓈᑲᐤ ᓂᑖᐎᑭᑖᑲᓂᔕ; ᓇᒪᐎᓚ ᒫᑲ ᑭ ᑮ ᑐᑌᓇᐗᐤ ᐊᓂᐃ ᐊᐙᓯᑌ ᑳ ᑭᒋ ᐃᑌᓕᑖᑾᑭ ᑳ ᒪᓯᓇᐃᑳᑌᑭ ᐅᓚᔓᐌᐎᓂᒃ, ᑎᐹᔅᑯᓂᑐᐎᓐ, ᔕᐌᐎᓕᒋᑫᐎᓐ ᓀᔥᑕ ᑖᐺᔦᓕᑕᒧᐎᓐ: ᐅᐅ ᑭ ᑳ ᑮ ᑐᑌᑕᐗᐤ, ᓀᔥᑕ ᐊᓂᐃ ᑯᑕᑭᔭ ᐁᑳ ᑭᒋ ᓇᑲᑕᒧᒃ ᐁᑳ ᐁ ᐅᒋ ᑐᑕᒣᒃ᙮

ᐅᐸᓓᑭᔅ ᒫᑎᐤ 23:25

ᑭ ᑳ ᑲᒀᑕᑭᓯᓇᐗᐤ, ᐅᒪᓯᓇᐃᑫᑐᒃ ᓀᔥᑕ ᐸᕋᓯᔨᑐᒃ, ᐅᑕᔭᒥᐁᑳᓱᑐᒃ! ᐌᓴ ᑭ ᐸᔦᑭᑖᓇᐗᐤ ᐗᔅᑮᒡ ᒥᓂᑾᑲᓐ ᓀᔥᑕ ᐅᓛᑲᓐ, ᒫᑲ ᐱᒋ ᓴᑲᔅᑭᓀᐗ ᒪᔅᑲᒋᐃᐌᐎᓐ ᓀᔥᑕ ᐅᓵᒥᐃᓱᐎᓐ᙮

ᐅᐸᓓᑭᔅ ᒫᑎᐤ 23:27

ᑭ ᑳ ᑲᒀᑕᑭᓯᓇᐗᐤ, ᐅᒪᓯᓇᐃᑫᑐᒃ ᓀᔥᑕ ᐸᕋᓯᔨᑐᒃ, ᐅᑕᔭᒥᐁᑳᓱᑐᒃ! ᐌᓴ ᑖᐱᔅᑯᒡ ᐁ ᐙᐱᐃᑳᑌᑭ ᒋᐹᔨᑲᒥᑾ ᑭᑦ ᐃᔑᓈᑯᓯᓇᐗᐤ ᑳ ᐋᑕ ᒥᓗᓈᑾᑭ ᐗᓚᐎᑌᒥᒃ ᐱᒋ ᒫᑲ ᓴᑲᔅᑭᓀᐗ ᐅᔅᑲᓂᐙᐗ ᑳ ᓂᐱᒋᒃ, ᓀᔥᑕ ᒥᓯᐌ ᑫᒀᓇ ᑳ ᐎᓕᐹᑭ᙮

ᐅᐸᓓᑭᔅ ᒫᑎᐤ 23:29

ᑭ ᑳ ᑲᒀᑕᑭᓯᓇᐗᐤ ᐅᒪᓯᓇᐃᑫᑐᒃ ᓀᔥᑕ ᐸᕋᓯᔨᑐᒃ, ᐅᑕᔭᒥᐁᑳᓱᑐᒃ! ᐌᓴ ᑭᑦ ᐅᔑᑕᒸᓇᐗᐤ ᐅ ᒋᐹᔨᑲᒥᑯᐙᐗ ᐅᑭᔅᑭᐙᐃᑫᐗᒃ, ᓀᔥᑕ ᑭ ᐙᐌᔑᑕᒸᓇᐙᐤ ᐅ ᒋᐹᔨᑲᒥᑯᐙᐗ ᐅᒀᔭᔅᑭᑖᑎᓯᐗᒃ᙮

ᐅᐸᓓᑭᔅ ᒫᑎᐤ 3:7

ᒫᑲ ᐃᔅᐱ ᐎᐋᐸᒫᑦ ᒥᒉᑦ ᐸᕋᓯᔭ ᓀᔥᑕ ᓵᑦᔫᓯᔭ ᐁ ᐯᒋ ᓈᑕᒪᓕᒋ ᐅ ᓯᑲᐋᑖᑫᐎᓐ, ᑮ ᐃᑌᐤ, ᐅ ᐋᔭᓂᔅᑫ ᑭᓀᐱᑯᐎᔦᒃ, ᐊᐌᓇ ᑳ ᐎᑕᒫᑖᒃ ᑭᒋ ᐅᔑᑕᒣᒃ ᐋᑯᓚᐌᓯᐎᓐ ᑫ ᐅᑎᒋᐸᓕᒃ?

ᐅᐸᓓᑭᔅ ᓘᒃ 11:52

ᑭ ᑳ ᑲᒀᑕᑭᓯᓇᐗᐤ, ᐅᓚᔓᐌᐎᓕᓕᑐᒃ! ᐌᓴ ᑭ ᑮ ᐅᑎᓀᓇᐗᐤ ᑭᔅᑫᓕᑕᒧᐎᓂ ᐎᑯᑖᔨᑲᓐ: ᓇᒪᐎᓚ ᑭ ᐅᒋ ᐱᑐᑳᓇᐗᐤ ᑭᓚᐗᐤ, ᐊᓂᑭ ᓀᔥᑕ ᑳ ᐊᑎ ᐱᑐᑫᒋᒃ ᑮ ᑭᐱᒋᐋᐙᐗᒃ᙮

ᐅᐸᓓᑭᔅ ᒑᓐ 9:22

ᐅᐅ ᐋᔭᒥᐎᓇ ᑮ ᐃᑗᓕᐗ ᐅᓂᑭᐃᑾ, ᐁ ᑯᔅᑖᓕᒋ ᒎᐗ: ᐌᓴ ᒎᐗᒃ ᐋᔕᔾ ᑮ ᓇᔅᑯᒥᑐᐗᒃ, ᑮᔥᐱᓐ ᐊᐌᓇ ᑫ ᐃᑗᑴ ᐁ ᐋᐎᓕᒋ ᙭, ᐋᔭᒥᐁᐎᑲᒥᑯᒃ ᑭᒋ ᐅᒋ ᐗᓚᐎᑎᔑᓈᑲᓂᐎᑦ᙮

ᐅᐸᓓᑭᔅ ᒑᓐ 9:24

ᐁᑯ ᒥᓇ ᓀᑐᒫᒋᒃ ᐊᓂᐃ ᐃᓕᓕᐗ ᐁᑳ ᑳ ᑮ ᐙᐱᓕᒋ, ᓀᔥᑕ ᑮ ᐃᑌᐗᒃ, ᒦᓐ ᑭᒋᒪᓂᑐ ᒫᒥᒋᒥᑯᓯᐎᓕᓕᐤ: ᓂ ᑭᔅᑫᓕᑌᓈᓐ ᐊᐗ ᐃᓕᓕᐤ ᐁ ᒪᒋᑣᑦ᙮

ᐅᐸᓓᑭᔅ ᒑᓐ 9:34

ᐁ ᓇᔥᑴᐗᔑᐋᒋᒃ ᒫᑲ ᑮ ᐃᑌᐗᒃ, ᒥᑐᓂ ᒪᒋᑣᐎᓂᒃ ᑭ ᑮ ᓂᑖᐎᑭᓐ, ᑭ ᑭᔅᑭᓄᐊᒪᐎᓈᓐ ᓈ ᒫᑲ ᓂᓚᓈᓐ? ᐁᑯ ᐌᓚᐎᑎᔑᓈᒋᒃ᙮

ᐊᐸᔅᑕᓚᒃ 13:8

ᐃᓕᒪᔅ ᒫᑲ ᑳ ᒥᑌᐎᓖᓖᐎᑦ (ᐌᓴ ᐁᐗᒀᓂᒪ ᐁ ᐃᔑᓂᑳᑎᑦ ᐁ ᓈᐃᒧᓈᓂᐗᒃ) ᑮ ᓈᔅᑯᔥᑖᐌᐤ, ᐁ ᓇᑕᐌᓕᑕᒃ ᑭᒋ ᑴᔅᑭᓈᑦ ᐊᓂᐃ ᐅᑭᒫᐗ ᑖᐺᔦᓕᑕᒧᐎᓂᓕᐤ ᐅᒋ᙮

ᐊᐸᔅᑕᓚᒃ 5:28

ᐁ ᐃᑗᑦ, ᓇᒪ ᓈ ᐋᔨᒋ ᑭ ᑮ ᐃᑕᔓᐗᑎᑎᓇᓐ ᐁᑳ ᑭᒋ ᑭᔅᑭᓄᐊᒫᑫᔦᒃ ᐅᒪ ᐃᔑᓂᑳᓱᐎᓂᒃ? ᓀᔥᑕ, ᒫᑎᑲ, ᑭ ᑮ ᓵᑲᔅᑭᓇᑕᓈᐗᐤ ᒋᕉᓴᓚᒻ ᐅᒪ ᑭ ᑭᔅᑭᓄᐊᒪᑫᐎᓂᐙᐤ ᐅᒋ, ᓀᔥᑕ ᐁ ᐃᑌᓕᑕᒣᒃ ᑭᒋ ᐊᑖᒣᓕᒥᔮᒃ, ᐊᐗ ᐃᓕᓕᐤ ᐅᒥᑯᒻ ᐅᒋ᙮

ᐊᐸᔅᑕᓚᒃ 5:40

ᐎᓚ ᒫᑲ ᑮ ᑖᐺᑖᑯ; ᐃᔅᐱ ᒫᑲ ᑳ ᑮ ᓇᑐᒫᒋᒃ ᐊᓂᐃ ᐊᐸᔅᑕᓚ, ᓀᔥᑕ ᑳ ᐅᑕᑖᒪᐙᒋᒃ, ᑮ ᐃᑕᔓᐌᐗᒃ ᐁᑳ ᑭᒋ ᐋᔭᒥᓕᒋ ᒋᓴᓴ ᐅᑦ ᐃᔑᓂᑳᓱᐎᓂᓕᒃ, ᓀᔥᑕ ᑮ ᐸᑭᑎᓀᐗᒃ᙮

ᐊᐸᔅᑕᓚᒃ 8:1

ᓵᓪ ᒫᑲ ᑮ ᓇᔅᑯᒧ ᑭᒋ ᓂᐸᐃᒥᒋ᙮ ᐁᑯᔅᐱ ᒫᑲ ᓈᔅᐱᒡ ᑮ ᓇᓀᑲᒋᐋᑲᓂᐎᐙᒃ ᒫᒪᐎᐋᔭᒥᐋᐗᒃ ᒋᕉᓴᓚᒥᒃ ᑳ ᐃᑖᒋᒃ; ᓀᔥᑕ ᒥᓯᐌ ᑮ ᐗᓴᓶᑎᔕᐗᑲᓂᐎᐗᒃ ᒥᓯᐌ ᐁᔅᐱᔖᒃ ᒍᑎᐊᐃᒃ, ᓀᔥᑕ ᓵᒣᕆᔭᐃᒃ, ᐱᑯ ᐊᓂᑭ ᐊᐸᔅᑕᓚᒃ᙮

ᓂᔓ ᑎᒧᑎ 3:8

ᑖᐱᔅᑯᒡ ᒫᑲ ᒑᓃᔅ ᓀᔥᑕ ᒑᒻᑉᕇᔅ ᑳ ᑮ ᐃᔑ ᓇᔅᑯᔅᑕᐙᒋᒃ ᒧᓯᓴ, ᐁᑯ ᑖᐱᔅᑯᒡ ᐅᑯ ᐁ ᐃᔑ ᓇᔅᑯᔅᑕᑭᒃ ᑖᐺᐎᓂᓕᐤ; ᐃᓕᓕᐗᒃ ᐁ ᒪᒋ ᒥᑐᓀᓕᒋᑲᓂᒋᒃ, ᐁᑳ ᐙᔦᔥ ᐁ ᐃᑖᐸᑎᓯᒋᒃ ᐊᓂᒪ ᑖᐺᔦᓕᑕᒧᐎᓐ ᐅᒋ᙮

ᓂᔓ ᑎᒧᑎ 4:15

ᐁᐗᑯ ᓀᔥᑕ ᑭᓚ ᔭᒀᒥᓯᔅᑕᐤ; ᐌᓴ ᓈᔅᐱᒡ ᑮ ᓇᔅᑯᔅᑕᒻ ᓂᑦ ᐋᔭᒥᐎᓂᓈᓇ᙮