ᐅᐸᓓᑭᔅ ᒫᑎᐤ 22:16 - ᐅᔅᑭ ᑎᔅᑌᒥᓐᑦ

¹⁶ ᑮ ᐃᔑᑎᔕᐊᒪᐌᐗᒃ ᒫᑲ ᐅ ᑭᔅᑭᓄᐊᒪᐙᑲᓂᐙᐗ ᐊᓯᒋ ᐦᐁᕈᑎᔭᓇ, ᐁ ᐃᑗᓕᒋ, ᐅᑭᔅᑭᓄᐊᒫᑫᐤ, ᓂ ᑭᔅᑫᓕᑌᓈᓐ ᐁ ᑖᐺᔭᓐ, ᓀᔥᑕ ᐁ ᑭᔅᑭᓄᐊᒫᑫᐗᑦ ᑭᒋᒪᓂᑐ ᐅᑦ ᐃᔑᑣᐎᓐ ᑖᐺᐎᓂᒃ, ᐁᑳ ᓀᔥᑕ ᐊᐌᓇ ᐁ ᑯᔅᑕᑦ; ᐌᓴ ᓇᒪᐎᓚ ᑮ ᐱᓯᔅᑫᓕᑕᒸᓐ ᐃᓕᓕᐗᒃ ᐁ ᐃᔑᓈᑯᓯᒋᒃ᙮

ᐅᐸᓓᑭᔅ ᒫᑎᐤ 22:16 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 22:24

ᐁ ᐃᑎᑯᑦ, ᐅᑭᔅᑭᓄᐊᒫᑫᐤ, ᒧᓯᔅ ᑮ ᐃᑗᐤ, ᑮᔥᐱᓐ ᐃᓕᓕᐤ ᓂᐱᑌ, ᐁᑳ ᒫᑲ ᐁ ᐅᑦ ᐊᐙᔑᒥᔑᑦ, ᐎᒋᔖᓇ ᑲᑕ ᐎᑭᒣᓕᐗ ᐎᐗ, ᑭᒋ ᓂᑖᐎᑭᑕᒪᐙᑦ ᐊᐙᔑᔕ ᐎᒋᔖᓇ᙮

ᐅᐸᓓᑭᔅ ᒫᑎᐤ 22:26

ᐊᓇ ᓂᔓ ᓀᔥᑕ, ᓀᔥᑕ ᐊᓇ ᓂᔅᑐ, ᐱᓕᔥ ᒥᓯᐌ ᓂᔂᔅ᙮

ᐅᐸᓓᑭᔅ ᒫᑎᐤ 26:18

ᑮ ᐃᑗᐤ ᒫᑲ, ᐃᑐᑌᒃ ᐃᑖᐎᓂᒃ, ᓈᑎᒃ ᒫᑲ ᐯᔭᒃ ᐃᓕᓕᐤ, ᐅᒪ ᒫᑲ ᑭ ᑳ ᐃᑖᐗᐤ, ᐅᑭᔅᑭᓄᐊᒫᑫᐤ ᐃᑗᐤ, ᓂ ᑭᔑᑳᒻ ᐯᔓᓈᑾᓐ; ᓂ ᑳ ᑲᓇᐌᓕᑌᓐ ᒥᔮᔥᑳᑫᐎ ᒪᑯᔐᐎᓐ ᑭ ᐋᔅᑳᔨᑲᓂᒥᒃ ᐊᓯᒋ ᓂ ᑭᔅᑭᓄᐊᒪᐙᑲᓇᒃ᙮

ᐅᐸᓓᑭᔅ ᒫᑎᐤ 26:49

ᑣᔦᒃ ᒫᑲ ᑮ ᐯᒋ ᓈᑌᐤ ᒋᓴᓴ, ᑮ ᐃᑗᐤ ᒫᑲ, ᐙᒋᔭ, ᐅᑭᒪᐤ; ᑮ ᐅᒉᒣᐤ ᒫᑲ᙮

ᐅᐸᓓᑭᔅ ᒫᕐᒃ 10:17

ᐃᔅᐱ ᒫᑲ ᑳ ᐃᑐᑌᑦ ᒣᔅᑲᓈᒃ, ᑮ ᐹᐸᑖᓕᐗ ᐯᔭᒃ ᐊᐌᓕᐗ ᐁ ᐅᒋᒋᑾᓇᐱᔅᑖᑯᑦ, ᓀᔥᑕ ᐁ ᑲᑴᒋᒥᑯᑦ, ᒥᓗ ᑫᔅᑭᓇᐊᒫᑫᔭᓐ, ᑫᒀᓐ ᑫ ᑐᑕᒫᓐ ᑭᒋ ᑮ ᐋᔭᔭᓐ ᑳᑭᑫ ᐱᒫᑎᓯᐎᓐ?

ᐅᐸᓓᑭᔅ ᒫᕐᒃ 12:13

ᑮ ᐃᔑᑎᔕᐊᒪᐌᐗᒃ ᒫᑲ ᐗᑎᑦ ᐸᕋᓯᔭ; ᓀᔥᑕ ᐦᐁᕈᑎᔮᓇ ᑭᒋ ᓇᒀᑖᓕᒋ ᐅᑦ ᐋᔭᒥᐎᓂᓕᒃ᙮

ᐅᐸᓓᑭᔅ ᒫᕐᒃ 12:14

ᐃᔅᐱ ᒫᑲ ᑌᑯᔑᑭᒃ, ᑮ ᐃᑌᐗᒃ, ᑫᔅᑭᓄᐊᒫᑫᔭᓐ, ᓂ ᑭᔅᑫᓕᑌᓈᓐ ᐁ ᑖᐺᔭᓐ, ᐁᑳ ᓀᔥᑕ ᐊᐌᓇ ᐁ ᑯᔅᑕᑦ; ᐌᓴ ᓇᒪᐎᓚ ᑮ ᐱᓯᔅᑫᓕᑕᒸᓐ ᐃᓕᓕᐗᒃ ᐁ ᐃᔑᓈᑯᓯᒋᒃ, ᒫᑲ ᐁ ᑭᔅᑭᓄᐊᒫᑫᐗᑦ ᑭᒋᒪᓂᑐ ᐅᑦ ᐃᔑᑣᐎᓐ ᑖᐺᐎᓂᒃ: ᐅᓚᔓᐌᓕᑖᑾᓐ ᓈ ᑭᒋ ᒪᓛᑲᓂᐎᑦ ᓯᓴᕐ ᑎᐯᓕᒋᑫᐎ ᔔᓕᐋᓇ, ᓀᔥᑕᐱᑯ ᐁᑳ?

ᐅᐸᓓᑭᔅ ᒫᕐᒃ 3:6

ᐹᕋᓯᔭᒃ ᒫᑲ ᑮ ᑭᑐᑌᐗᒃ, ᑣᔦᒃ ᒫᑲ ᑮ ᐋᔭᔭᒥᐃᑐᐗᒃ ᐊᓯᒋ ᐦᐃᕈᑎᔭᓇᒃ, ᑖᓂ ᑫ ᐃᔑ ᓂᔑᐗᓈᒋᐋᒋᒃ᙮

ᐅᐸᓓᑭᔅ ᒫᕐᒃ 8:15

ᑮ ᐋᔨᒋᒣᐤ ᒫᑲ ᐁ ᐃᑗᑦ, ᔮᒀᒥᓰᒃ, ᔮᒀᒥᔅᑕᒸᒃ ᐅᐱᓯᑲᓂᐗᐤ ᐸᕋᓯᔭᒃ, ᓀᔥᑕ ᐅᐱᓯᑲᓐ ᐦᐁᕋᑦ᙮

ᐅᐸᓓᑭᔅ ᓘᒃ 20:21

ᑮ ᑲᑴᒋᒣᐗᒃ ᒫᑲ, ᐁ ᐃᑗᒋᒃ, ᑫᔅᑭᓄᐊᒫᑫᔭᓐ, ᓂ ᑭᔅᑫᓕᑌᓈᓐ ᒀᔭᔉ ᐁ ᐃᑗᔭᓐ, ᓀᔥᑕ ᒀᔭᔉ ᐁ ᑭᔅᑭᓄᐊᒫᑫᔭᓐ, ᐁᑳ ᓀᔥᑕ ᐁ ᑭᔅᑌᓕᑕᒶᑦ ᐊᐌᓇ ᐅᑦ ᐃᔑᓈᑯᓯᐎᓐ, ᒫᑲ ᑖᐺᐎᓂᒃ ᐁ ᑭᔅᑭᓄᐊᒫᑫᐗᑦ ᑭᒋᒪᓂᑐ ᐅᑦ ᐃᔑᑣᐎᓐ;

ᐅᐸᓓᑭᔅ ᓘᒃ 7:40

ᒋᓴᔅ ᒫᑲ ᐁ ᓇᔥᑴᐗᔑᐋᑦ ᑮ ᐃᑌᐤ, ᓵᐃᒪᓐ, ᓂᑦ ᐋᔮᓐ ᑫᒀᓐ ᑭᒋ ᐃᑎᑖᓐ᙮ ᐃᑎᑯ ᒫᑲ, ᑫᔅᑭᓄᐊᒫᑫᔭᓐ, ᐃᑗ᙮

ᐅᐸᓓᑭᔅ ᒑᓐ 14:6

ᒋᓴᔅ ᐃᑌᐤ, ᓂᓚ ᐁᐗᑯ ᒣᔅᑲᓇᐤ, ᓀᔥᑕ ᑖᐺᐎᓐ, ᓀᔥᑕ ᐱᒫᑎᓯᐎᓐ: ᓇᒪᐎᓚ ᐊᐌᓇ ᓈᑌᐤ ᐅᑖᐎᒪᐗ, ᐱᑯ ᓂᓚ ᐅᒋ᙮

ᐅᐸᓓᑭᔅ ᒑᓐ 18:37

ᐁᐗᑯ ᐌᒋ ᐹᐃᓚᑦ ᐃᑖᑦ, ᑭ ᑭᒋᐅᑭᒫᐎᓐ ᓈ? ᒋᓴᔅ ᑮ ᓇᔥᑴᐗᔑᐁᐤ, ᑭᑦ ᐃᑣᓐ ᐁ ᑭᒋᐅᑭᒫᐎᔮᓐ᙮ ᐁᐗᑯ ᐅᒪ ᐌᒋ ᑮ ᓂᑕᐎᑭᔮᓐ, ᓀᔥᑕ ᐁᐗᑯ ᐅᒪ ᐌᒋᑮ ᐯᒋ ᐃᑐᑌᔮᓐ ᐊᔅᑮᒃ, ᑭᒋ ᑎᐹᑐᑕᒫᓐ ᑖᐺᐎᓐ᙮ ᒥᓯᐌ ᑕᑐ ᐊᐌᓇ ᑖᐺᐎᓂᒃ ᑳ ᐃᑖᑦ ᐱᔑᒋᑕᒻ ᓂᑦ ᐋᔭᒥᐎᓇ᙮

ᐅᐸᓓᑭᔅ ᒑᓐ 7:18

ᐊᓇ ᑳ ᐋᔭᒥᑦ ᐎᓚ ᑎᐱᓚᐌ ᐅ ᒥᑐᓀᓕᒋᑲᓂᒃ ᐅᒋ, ᓇᑕᐌᓕᑕᒻ ᐎᓚ ᑫᒋᐙᒃ ᐅ ᑭᔅᑌᓕᑖᑯᓯᐎᓐ: ᒫᑲ ᐊᓇ ᑳ ᓇᑕᐌᓕᒫᑦ ᑭᒋ ᑭᔅᑌᓕᑖᑯᐋᑲᓂᐎᓕᒋ ᐊᓂᐃ ᑳ ᑮ ᐯᒋᑎᔕᐅᑯᑦ, ᐁᐗᑯ ᑖᐺᐎᓂᐎᐤ, ᓇᒪ ᓀᔥᑕ ᐙᐙᒡ ᐱᒋᔅᑳᑯ ᒪᒑᑎᓯᐎᓂᓕᐤ᙮

ᓂᔓ ᑯᕆᓐᑎᐊᓇ 2:17

ᐌᓴ ᓂᓚᓈᓐ ᓇᒪᐎᓚ ᑖᐱᔅᑯᒡ ᒥᒉᑦ ᑳ ᒪᒋ ᐋᐸᒋᑕᐙᒋᒃ ᑭᒋᒪᓂᑐᐗ ᐅᑦ ᐗᔭᒥᐎᓂᓕᐤ: ᒫᑲ ᒀᔭᔉ ᐃᑌᓕᑕᒧᐎᓂᒃ, ᒫᑲ ᑖᐱᔅᑯᒡ ᑭᒋᒪᓂᑐ ᐅᒋ, ᐁ ᑲᓇᐙᐸᒥᔭᒥᑦ ᑭᒋᒪᓂᑐ, ᓂᑦ ᐋᔭᒥᓈᓐ ᙭ᑎᒃ᙮

ᓂᔓ ᑯᕆᓐᑎᐊᓇ 4:2

ᒫᑲ ᓂ ᑮ ᐌᐱᓀᓈᓐ ᐊᓂᐃ ᑭᒧᒡ ᑫᒀᓇ ᓇᓀᐯᐎᓯᐎᓂᒃ ᑳ ᐃᑕᑾᑭ, ᐁᑳ ᐁ ᐱᒧᑌᔮᒃ ᑲᑳᔦᓕᓯᐃᓂᒃ, ᐁᑳ ᓀᔥᑕ ᐁ ᐙᔦᔑᐃᐌᐎ ᑕᑯᓇᒶᒃ ᑭᒋᒪᓂᑐ ᐅᑦ ᐋᔭᒥᐎᓐ; ᒫᑲ ᐁ ᑭᔅᑫᓕᑖᑯᑖᔮᒃ ᑖᐺᐎᓐ, ᓂ ᒥᓗᐋᒋᒥᑎᓱᔅᑕᐙᓈᓐ ᒥᓯᐌ ᑕᑐ ᐃᓕᓕᐤ ᐅ ᒥᑐᓀᓕᒋᑲᓂᒃ ᐁ ᑲᓇᐙᐸᒥᑦ ᑭᒋᒪᓂᑐ᙮

ᓂᔓ ᑯᕆᓐᑎᐊᓇ 5:16

ᐁᐗᑯ ᐅᒋ ᐊᓄᒡ ᐅᒋ ᓇᒪᐎᓚ ᐊᐌᓇ ᐃᓕᓕᐤ ᓂ ᑭᔅᑫᓕᒫᓈᓐ ᐎᔮᓯᐎᓂᒃ ᐃᔑ: ᐁᐁ, ᐋᑕ ᐁ ᑮ ᑭᔅᑫᓕᒪᒃ ᙭ ᐎᔮᓯᐎᓂᒃ ᐃᔑ, ᐁᓕᐌᒃ ᒫᑲ ᐊᓄᒡ ᐅᒋ ᓇᒪᐎᔅᑳᑦ ᐅᒪ ᓂᑦ ᐃᔑ ᑭᔅᑫᓕᒫᓈᓐ᙮

ᑲᓓᔕᐊᓇ 1:10

ᐌᓴ ᓂᓚ ᓈ ᐊᓄᒡ ᓂ ᔑᑭᒪᐗᒃ ᐃᓕᓕᐗᒃ, ᓀᔥᑕᐱᑯ ᑭᒋᒪᓂᑐ? ᓀᔥᑕᐱᑯ ᓂ ᑯᒋ ᓇᐃᓚᐌᐋᐗᒃ ᓈ ᐃᓕᓕᐗᒃ? ᐌᓴ ᑮᔥᐱᓐ ᑫᔮᐸᒡ ᓇᐃᓚᐌᐊᑭᒃ ᐃᓕᓕᐗᒃ, ᓇᒪᐎᓚ ᓂ ᑳ ᐅᑦ ᐊᑑᔅᑫᓚᑲᓂᐎᑕᐃ ᙭᙮

ᑲᓓᔕᐊᓇ 2:6

ᒫᑲ ᐊᓂᑭ ᐙᔦᔥ ᑳ ᑮ ᐃᑌᓕᑖᑯᓯᒋᒃ, ᐊᐌᓂᑭ ᐁᑐᑫ, ᓇᒪᐎᓚ ᐗᔦᔥ ᓂᑦ ᐃᑌᓕᑌᓐ: ᑭᒋᒪᓂᑐ ᓇᒪᐎᓚ ᑭᔅᑕᑭᒣᐤ ᐊᐌᓕᐗ ᐁ ᐃᔑᓈᑯᓯᓕᒋ: ᐌᓴ ᐊᓂᑭ ᐋᑕ ᐙᔦᔥ ᑳ ᑮ ᐃᑌᓕᑖᑯᓯᒋᒃ, ᐁ ᐋᔭᔭᒥᐃᑐᓈᓂᐗᒃ ᓇᒪᐎᓚ ᑫᒀᓐ ᓂ ᑮ ᐃᔑ ᐎᒋᐃᑾᒃ:

ᓂᔥᑕᒻ ᑌᓴᓗᓂᔭᓇ 2:4

ᒫᑲ ᑳ ᑮ ᐃᑌᓕᒥᔭᒥᑦ ᑭᒋᒪᓂᑐ ᑭᒋ ᐸᑭᑎᓇᒫᑲᐎᔮᒃ ᒥᓗᐋᒋᒧᐎᓐ, ᐁᑯ ᐁ ᐃᔑ ᐋᔭᒥᔮᒃ; ᓇᒪᐎᓚ ᐁ ᐎ ᓇᐃᓚᐌᐊᑭᒋᒃ ᐃᓕᓕᐗᒃ, ᒫᑲ ᑭᒋᒪᓂᑐ ᑳ ᑲᑴᒋᑖᑦ ᓂᑌᐃᓈᓇ᙮

ᐅ~ᒫᒪᐎ~ᒪᓯᓇᐊᒫᑫᐎᓐ ᒉᒻᔅ 3:17

ᒫᑲ ᐊᓂᒪ ᑲᑫᑕᐌᓕᑕᒧᐎᓐ ᐃᔥᐱᒥᒃ ᑳ ᐅᒋᐸᓕᒃ ᓃᔥᑕ ᐸᔦᑲᓐ, ᐁᑯ ᑳᔮᒣᐗᓐ, ᓗᑳᑕᓐ, ᐌᑕᓐ ᑭᒋ ᔑᑭᒋᑳᑌᒃ, ᐁ ᓵᑲᔅᑭᓀᒃ ᑭᔐᐙᑎᓯᐎᓐ ᓀᔥᑕ ᒥᓗ ᒥᓂᔕ, ᐁᑳ ᐁ ᑶᑕᐎᐃᑌᓕᑕᒧᒪᑲᒃ, ᐁᑳ ᓀᔥᑕ ᐁ ᐊᔭᒥᐊᑳᓱᒪᑲᒃ᙮

ᓂᔥᑕᒻ ᒑᓐ 5:20

ᑭ ᑭᔅᑫᓕᑌᓈᓇᐤ ᓀᔥᑕ ᑭᒋᒪᓂᑐ ᐅᑯᓯᓴ ᐁ ᑕᑯᔑᓂᓕᒋ, ᓀᔥᑕ ᐁ ᑮ ᒥᓕᑕᒃ ᓂᓯᑐᑕᒧᐎᓂᓕᐤ, ᑭᒋ ᑭᔅᑫᓕᒪᒃ ᐊᓇ ᑳ ᑖᐺᐎᓂᐎᑦ; ᑭ ᐱᒋᔅᑲᐙᓈᓇᐤ ᒫᑲ ᐊᓇ ᑳ ᑖᐺᐎᓂᐎᑦ, ᐊᓇ ᐅᑎ ᐅᑯᓯᓴ ᒋᓴᔅ ᙭᙮ ᐁᐗᑯ ᐊᐗ ᑖᐺ ᑭᒋᒪᓂᑐ, ᓀᔥᑕ ᑳᑭᑫ ᐱᒫᑎᓯᐎᓐ᙮