ᐅᐸᓓᑭᔅ ᒫᑎᐤ 22:13 - ᐅᔅᑭ ᑎᔅᑌᒥᓐᑦ

¹³ ᐁᑯ ᑭᒋᐅᑭᒪᐤ ᐁᑖᑦ ᐊᑑᔅᑫᓛᑲᓇ, ᒫᒫᒋᑯᐱᑎᒃ ᐅᒋᒋᒃ ᓀᔥᑕ ᐅᓯᑎᒃ, ᑭᑐᑕᐃᒃ ᒫᑲ, ᐌᐱᓂᒃ ᒫᑲ ᐗᓚᐎᑎᒥᒃ ᐁ ᐃᔑ ᐗᓂᑎᐱᔅᑳᓕᒃ: ᐁᑯᑕ ᑫ ᐃᑕᑾᒃ ᒫᑐᐎᓐ ᓀᔥᑕ ᑫ ᐃᔑ ᒫᑗᐋᐱᑌᔑᓂᓈᓂᐗᒃ᙮

ᐅᐸᓓᑭᔅ ᒫᑎᐤ 22:13 ပူးပေါင်းရင်းမြစ်များ

ᐅᐸᓓᑭᔅ ᒫᑎᐤ 12:29

ᓀᔥᑕᐱᑯ ᑖᓐᑌ ᑫ ᐅᒋ ᐊᐌᓇ ᐱᑐᑫᐙᑦ ᐁ ᒪᔥᑲᐎᓯᓕᒋ ᐃᓕᓕᐗ ᐅ ᐙᔅᑳᔨᑲᓂᒥᓕᒃ, ᓀᔥᑕ ᓂᔑᐗᓈᒋᑕᐙᑦ ᐅᑦ ᐋᔮᓂᓕᐗ, ᐹᑎᒫ ᓃᔥᑕᒻ ᑮ ᒫᒫᑯᐱᑖᒋ ᐁ ᒪᔥᑲᐎᓯᓕᒋ ᐃᓕᓕᐗ? ᐁᑯ ᒫᑲ ᑫ ᓂᔑᐗᓈᒋᑕᐙᑦ ᐅ ᐙᔅᑳᔨᑲᓂᒥᓕᐤ᙮

ᐅᐸᓓᑭᔅ ᒫᑎᐤ 13:30

ᐁᑯᔑ ᑖᐱᔅᑯᒡ ᑲᑕ ᓂᑖᐎᑭᐗᒃ ᐹᑎᒫ ᒪᐗᒋᒋᑳᓂᐗᑫ: ᐃᔅᐱ ᒫᑲ ᐅᑎᒋᐸᓕᑭ ᑭᒋ ᒪᐗᒋᒋᑳᓂᐗᒃ ᓂ ᑳ ᐃᑖᐗᒃ ᐅᒪᓂᔑᑫᐗᒃ, ᓃᔥᑕᒻ ᒫᐗᒋᑖᒃ ᒪᒋ ᒪᔅᑯᔑᔭ, ᐊᓵᐱᑕᒧᒃ ᒫᑲ ᑭᒋ ᐃᔅᒀᓴᒣᒃ; ᒫᑲ ᒫᐗᒋᐃᑯᒃ ᐸᑴᔑᑲᓇᒃ ᓂ ᑕᒀᐃᑫᐎᑲᒥᑯᒃ᙮

ᐅᐸᓓᑭᔅ ᒫᑎᐤ 13:42

ᑲᑕ ᐃᔑ ᐌᐱᓀᐗᒃ ᒫᑲ ᐃᔥᑯᑌᐎᑲᒥᑯᒃ: ᐁᑯᑕ ᑫ ᐃᑕᑾᒃ ᒫᑐᐎᓐ ᓀᔥᑕ ᑫ ᐃᔑ ᒫᑗᐋᐱᑌᔑᓂᓈᓂᐗᒃ᙮

ᐅᐸᓓᑭᔅ ᒫᑎᐤ 13:50

ᐃᔥᑯᑌᐎᑲᒥᑯᒃ ᒫᑲ ᑲᑕ ᐃᔑ ᐌᐱᓀᐗᒃ: ᐁᑯᑕ ᑫ ᐃᑕᑾᒃ ᒫᑐᐎᓐ ᓀᔥᑕ ᑫ ᐃᔑ ᒫᑗᐋᐱᑌᔑᓂᓈᓂᐗᒃ᙮

ᐅᐸᓓᑭᔅ ᒫᑎᐤ 24:51

ᑲᑕ ᑮᔥᑭᔓᑯ ᒫᑲ, ᓀᔥᑕ ᑲᑕ ᐃᑎᔕᐅᑯ ᒫᑲ ᑭᒋ ᐎᒉᐙᑦ ᐅᑕᔭᒥᐁᑳᓱᐗ; ᐁᑯᑕ ᑫ ᐃᑕᑾᒃ ᒫᑐᐎᓐ ᓀᔥᑕ ᑫ ᐃᔑ ᒫᑗᐋᐱᑌᔑᓂᓈᓂᐗᒃ᙮

ᐅᐸᓓᑭᔅ ᒫᑎᐤ 25:30

ᐃᔑ ᐌᐱᓂᒃ ᒫᑲ ᐁᑳ ᓈᓐᑕᐤ ᑳ ᐃᑖᐸᑎᓯᑦ ᐊᑑᔅᑫᓛᑲᓐ ᐗᓚᐎᑎᒥᒃ ᐁ ᐃᔑ ᐗᓂᑎᐱᔅᑳᓕᒃ: ᐁᑯᑕ ᑫ ᐃᑕᑾᒃ ᒫᑐᐎᓐ ᓀᔥᑕ ᑮ ᐃᔑ ᒫᑗᐋᐱᑌᔑᓂᓈᓂᐗᒃ᙮

ᐅᐸᓓᑭᔅ ᒫᑎᐤ 8:12

ᒫᑲ ᐊᓂᑭ ᑳ ᐅᑦ ᐊᐙᔑᒥᔑᒥᑯᒋᒃ ᐊᓂᐁᓕᐤ ᐅᑭᒪᐎᐎᓂᓕᐤ, ᑲᑕ ᐗᓚᐎᐌᐱᓇᐗᒃ ᐊᓐᑕ ᐁ ᐃᔑ ᐗᓂᑎᐱᔅᑳᓕᒃ: ᐁᑯᑕ ᑫ ᐃᑕᑾᒃ ᒫᑐᐎᒃ ᓀᔥᑕ ᑫ ᐃᔑ ᒫᑗᐋᐱᑌᔑᓂᓈᓂᐗᒃ᙮

ᐅᐸᓓᑭᔅ ᓘᒃ 13:28

ᐁᑯ ᑫ ᐃᑕᑾᒃ ᒫᑐᐎᓐ, ᓀᔥᑕ ᐁ ᒫᑗᐋᐱᑌᔑᓂᓈᓂᐗᒃ, ᐃᔅᐱ ᐙᐸᒣᑾᐌ ᐁᑉᕃᐋᒻ, ᓀᔥᑕ ᐋᐃᓯᒃ, ᓀᔥᑕ ᒉᑲᑉ, ᓀᔥᑕ ᒥᓯᐌ ᐅᑭᔅᑭᐙᐃᑫᐗᒃ, ᑭᒋᒪᓂᑐᐗ ᐅᑦ ᐅᑭᒫᐎᐎᓂᓕᒃ, ᓀᔥᑕ ᑭᓚᐗᐤ ᑫᒋᐙᒃ ᐁ ᐗᓚᐎᑎᔑᓂᑲᐎᔦᒃ᙮

ᐅᐸᓓᑭᔅ ᒑᓐ 21:18

ᑖᐺ, ᑖᐺ, ᑭᑦ ᐃᑎᓐ, ᒣᒀᒡ ᐌᔥᑭᓂᑭᔭᐸᓐ, ᑮ ᐸᑾᑌᐅᑎᓱᑖᔾ, ᓀᔥᑕ ᑮ ᐱᒧᑌᑖᔾ ᐃᑕ ᐁᑌᓕᑕᒪᐸᓐ: ᒫᑲ ᐃᔅᐱ ᑭᔐᓕᓕᐎᔭᓀ, ᑯᑕᒃ ᐊᐌᓇ ᑭ ᑳ ᐸᑾᑌᐅᒃ, ᓀᔥᑕ ᑭ ᑳ ᐃᑐᑕᐃᒃ ᐃᑕ ᐁᑳ ᐁ ᓇᐁᓕᑕᒪᓐ᙮

ᐊᐸᔅᑕᓚᒃ 21:11

ᐃᔅᐱ ᒫᑲ ᑳ ᑮ ᐯᒋ ᓈᔑᔭᒥᑦ, ᑮ ᐅᑎᓇᒬᐤ ᐹᓪ ᐅ ᐸᑾᑌᐅᓂᓕᐤ, ᐁ ᑮ ᒫᒫᑯᐱᑕᒃ ᒫᑲ ᑎᐱᓚᐌ ᐅᒋᒋᔭ ᓀᔥᑕ ᐅᓯᑕ, ᑮ ᐃᑗᐤ, ᐁᑴᑗᑦ ᐸᓓᑭ ᐊᒑᒃ, ᐁᑯ ᑖᐱᔅᑯᒡ ᒎᐗᒃ ᒋᕉᓴᓚᒥᒃ ᑳ ᐃᑖᒋᒃ ᑫ ᐃᔑ ᒫᒪᒋᑯᐱᑖᒋᒃ ᐊᓂᐃ ᐃᓕᓕᐗ ᑳ ᑎᐱᓚᐌᐎᓯᓕᒋ ᐅᒣᓕᐤ ᐸᑾᑌᐅᓂᓕᐤ, ᑲᑕ ᐸᑭᑎᓀᐗᒃ ᒫᑲ ᐅ ᒋᒋᓖᒃ ᒉᓐᑖᐃᓚ᙮

ᐊᐸᔅᑕᓚᒃ 7:54

ᐃᔅᐱ ᐱᐁᑕᑭᒃ ᐅᐅ ᑫᒀᓇ ᑮ ᐋᑯᓚᐌᓯᐗᒃ, ᓀᔥᑕ ᑮ ᒪᑗᔮᐱᑌᔑᓂᑕᐌᐗᒃ᙮

ᓂᔓ ᑌᓴᓗᓂᔭᓇ 1:9

ᐊᓂᑭ ᑫ ᑲᒀᑕᑭᐋᑲᓂᐎᒋᒃ ᑳᑭᑫ ᓂᔑᐗᓈᑎᓯᐎᓂᒃ ᐅᑖᔅᑕᒥᒃ ᐅᒋ ᐅᑎᐯᓕᒋᑫᐤ, ᓀᔥᑕ ᐁ ᐃᔑ ᑭᔅᑌᓕᑖ ᑲᓂᓕᒃ ᐅ ᑲᔥᑭᐅᐎᓐ ᐅᒋ;

ᓂᔓ ᐱᑕᕐ 2:17

ᐅᑯ ᐁᐗᒀᓂᑭ ᑳ ᐅᑕᐃᐹᓂᐎᒋᒃ ᐁᑳ ᑳ ᐅ ᓂᐱᐎᒋᒃ, ᐗᔅᑯᐗ ᑳ ᐹᐹᒥᐌᐹᔅᑕᑭ ᐁ ᑮᔅᑎᒃ; ᐊᓂᑭ ᐁ ᐱᑭᔐᔮᒃ ᐁ ᐗᓂᑎᐱᔅᑳᒃ ᑳᑭᑫ ᑳ ᐃᑕᔅᑕᒪᐙᑲᓂᐎᒋᒃ᙮

ᓂᔓ ᐱᑕᕐ 2:4

ᐌᓴ ᑮᔥᐱᓐ ᑭᒋᒪᓂᑐ ᐁᑳ ᒣᓈᒋᐋᑦ ᐊᓂᐃ ᐁᓐᒐᓚ, ᒫᑲ ᒪᒋ ᐃᔥᑯᑌᐤ ᐁ ᑮ ᐃᔑ ᓂᒋᐌᐃᓈᑦ, ᓀᔥᑕ ᐁ ᑮ ᐸᑭᑎᓈᑦ ᑭᒋ ᒫᒫᒋᒀᐱᓱᓕᑭ ᐃᑕ ᐁ ᐗᓂᑎᔅᑳᓕᒃ, ᐁᑯᑕ ᑭᒋ ᐃᑖᓕᒋ ᑭᒋ ᑎᐹᔅᑯᓈᑲᓂᐎᓕᒋ;

ᒎᑦ 1:13

ᐁ ᑯᔅᑖᑎᑯᓯᒋᒃ ᑲᔅᑲᓇᒃ ᑭᒋᑲᒥᒃ, ᐁ ᐱᔅᑌᐗᑖᒧᒋᒃ ᑎᐱᓚᐌ ᐅ ᓇᓀᐯᐎᓯᐎᓂᐗᐤ; ᐯᐹᒥᐸᓕᒋᒃ ᐊᒐᑯᔕᒃ, ᐊᓂᑭ ᑳ ᐃᑕᔅᑣᒋᒃ ᐃᑕ ᐁ ᒪᑲᑌᐎ ᑎᐱᔅᑳᓕᒃ ᑳᑭᑫ᙮

ᒎᑦ 1:6

ᐊᓂᑭ ᐁᓐᒐᓚᒃ ᓀᔥᑕ ᐁᑳ ᑳ ᑮ ᑲᓇᐌᓕᑕᑭᒃ ᐅ ᑎᐯᓕᒋᑫᐎᓂᐗᐤ, ᑳ ᑮ ᓇᑲᑕᑭᒃ ᒫᑲ ᑎᐱᓚᐌ ᐅ ᑕᔑᑫᐎᓂᐗᐤ, ᑲᓇᐌᓕᒥᑯᐗᒃ ᐁ ᒫᒫᒋᒀᐱᓱᒋᒃ ᑳᑭᑫ ᐱᐙᐱᔅᑴᐋᐱᐊ ᐃᑕ ᐁ ᐗᓂᑎᐱᔅᑳᓕᒃ ᐱᓕᔥ ᑎᐹᔅᑯᓂᑳᓂᐗᑫ ᑭᒋ ᑭᔑᑳᑫ᙮

ᑭᔅᑫᓕᑖᑯᑖᑫᐎᓐ 21:27

ᓇᒪᐎᓚ ᒥᑐᓂ ᒫᑲ ᐊᓐᑕ ᑲᑕ ᐱᑐᑫᒪᑲᓐ ᑫᒀᓇ ᑳ ᐎᓂᐃᐌᒪᑲᒃ, ᓇᒪ ᓀᔥᑕ ᑫᒀᓐ ᑳ ᓂᐹᓯᓈᑯᐃᐌᒪᑲᒃ, ᓀᔥᑕ ᐱᑯ ᑳ ᑭᓛᔅᑭᒪᑲᒃ; ᐊᓂᑭ ᐱᑯ ᑳ ᒪᓯᓇᐃᑳᓱᒋᒃ ᒫᓂᔥᒑᓂᔑᔥ ᐅ ᐱᒫᑎᓯᐎᓂ ᒫᓯᓇᐃᑲᓂᒃ᙮